اغاني .. واغاني

[أبوبكر عباس]

المشاركة الأصلية كتبت بواسطة الزوول

...
بس انها اتكتبت في ليلى المغربي ...فدي ما فيها اي نقاش

غايتو يا الزول، ليلي المغربي مرقتك من السيك!
أنا برضو في زمن بعيد سمعتها في واحدة من السهرات الغنائية القديمة.

ولو ما قالوها في ليلى
المفروض يكونوا قالوها فيها
التاريخ دا، عادي ممكن نظبط إيقاعو

[طارق صديق كانديك]

المشاركة الأصلية كتبت بواسطة الزوول

...


بس انها اتكتبت في ليلى المغربي ...فدي ما فيها اي نقاش
سمعتها بى أضاني دي من الأستاذ محمد سليمان
وكمان اختبر بها فنانة من نجوم الغد اسمها اجلال عوض من سنار
بعد غنت الأغنية سالها
تعرفي الأغنية مكتوبة لى منو؟
وكب ...كب المعلومة
....

المشاركة الأصلية كتبت بواسطة بابكر عباس

غايتو يا الزول، ليلي المغربي مرقتك من السيك!
أنا برضو في زمن بعيد سمعتها في واحدة من السهرات الغنائية القديمة.

ولو ما قالوها في ليلى
المفروض يكونوا قالوها فيها
التاريخ دا، عادي ممكن نظبط إيقاعو

في الأسبوع الماضي استمعت لبرنامج (ياملك) على قناة الشروق، كان ضيف الحلقة الشاعر الحلنقي برفقة الفنان صلاح بن البادية وكان الحديث عن الشاعر أبو آمنة حامد. تحدث الحلنقي عن قصة هذه الأغنية بشكل طريف جداً، إذ ذكر أن أبا آمنة حامد طلب تغيير شخص ولعله (المراسلة) الذي يجلس أمام مكتبه لعدم وسامته، فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم

[أبوبكر عباس]

المشاركة الأصلية كتبت بواسطة طارق صديق كانديك

في الأسبوع الماضي استمعت لبرنامج (ياملك) على قناة الشروق، كان ضيف الحلقة الشاعر الحلنقي برفقة الفنان صلاح بن البادية وكان الحديث عن الشاعر أبو آمنة حامد. تحدث الحلنقي عن قصة هذه الأغنية بشكل طريف جداً، إذ ذكر أن أبا آمنة حامد طلب تغيير شخص ولعله (المراسلة) الذي يجلس أمام مكتبه لعدم وسامته، فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

[شبارقة]

المشاركة الأصلية كتبت بواسطة طارق صديق كانديك

في الأسبوع الماضي استمعت لبرنامج (ياملك) على قناة الشروق

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم

تلاحظ يا طارق في المداخلات السابقة جبنا سيرة الشاعر / محمد يوسف موسى .. وبالمناسبة هو شاعر معظم أغنيات إبن البادية وأشهرها أغنية (كلمة)* .. طبعا ً إفتقدنا وجود الشاعر محمد يوسف موسى في حلقات (يا ملك ) وإفتقدنا أغنياتو الجميلة وذلك بسبب خلافو مع قناة النيل الأزرق فرفض المشاركة ورفض أن تبث أغانيهو وأنا في إعتقادي دا واحد من أسباب عدم النجاح الجماهيري لهذه النسخة من التوثيق إذا ما قارناها مع النسختين السابقتين (يا أعز الناس) مع المرحوم وردي و (زورق الألحان) مع أبو اللمين.

* عندنا حبوبتن كدي بتاعت جاكات .. قالت أغنية (كلمة) مقطوعة فوكـّا أها أنا قلت ليها : والله يا حبوبة أنا من زمان عندي سؤال وما لاقي ليهو إجابة .. الشاعر بيقول : كلمتي الـ مسـّت غرورك وفرقتنا يا حبيبي ... أها الكلمة القالا ليك الشاعر دي والخلتو يعتذر ويبكي ويتمخط .. كانت شنو؟

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم

كنا في ليبيا وكان معانا واحد بتاع قنابل .. ما المشكلة في قنابلو .. المشكلة شهودو كلهم ميتين .. يقول ليك : كان معاي (فلان) الله يرحمو وكان معاي (علان) الله يرحمو .. واحد قال ليهو : أسع أكان ندور نتأكد من كلامك ده .. شهودك ديل نصلم كيفن؟

[طارق صديق كانديك]

شكرا يا شبارقة ياخي، دائماً مداخلاتك في الصميم مليانة ومفيدة.


قبيل بابكر عباس كان بتكلم معاي، وكان منتظرك تجي تفتينا في موضوع (سال من شعرها الذهب دي) قبل يقوم على تظبيط التاريخ


ــــــــــــــــــــــــــ
بس عصرت على حبوبتك


ـــــــــــــــ
ياقيقا ياخي الواحد استباح البوست أكتر من مرة،عامل الحالة واحدة

[علاءالدين عبدالله الاحمر]

المشاركة الأصلية كتبت بواسطة خالد غالي

ايوة صاح انا كيشة في الجكس

لكن والله اتحدى اي زول في الكشتينة، انا الحريق وصلتو حدّو
ولو مشيت الحصاحيصا حاتلقى عندي تمثال في مدخلها مكتوب فيهو اعظم لاعب وست في تاريخ البشرية

البنات ديل مسألة خاضعة لحسابات تحب انته ويخش غيرك
غايتو خليك في حظ الوست الحريق ده بخاف تندق خمسين تطير نظارت الرشيد‎
‎

[علاءالدين عبدالله الاحمر]

المشاركة الأصلية كتبت بواسطة قيقراوي

انسان بسيط ... فنان
















-----

وظريييييف ...
ظرافة ما قبل النت ... لمن الناس كانت بسيطة


يا غالي تعال لينا في جدة عشان نعلمك الوست

معاك واحد جايي في علبا عديييل كدا
في جروف البلد .. لعبناها في ضل الجرجير

شكلك زاتو رميت مني الجبنة هههههههههههه‎
‎

[قيقراوي]

المشاركة الأصلية كتبت بواسطة الزوول

...

.....
اذكر اني استعملت فكرتو
ايام كنا بنجهز في صفحة سودانيات الرئيسة
المصممين ، ناس شركة جملة ناس قطيمين وجافين جداً
وكل ما اطلب منهم حاجة يقولو لي ده ما شغلنا وما اختصاصنا
ونحن بس علينا نديك التصميم ونديك الكود ...الخ الخ
وانت مفروض تعدل فيهو بالشكل الدايرو
واخوك اليومين ديك جديد في الشغلانية
بعد عمك محمد ابو عاقلة (اشتر) فكانا ليك فجأة عكس الهوا
...

اعجنها كدا (ؤ دردق يديدهو)!

















------

اولاد بمبا ماااا بتلحقوا في دي!
ناس روحم حلوة ساااي لي الله سيدم دا


"الطماطم أطعنهالك“
المرة الجاية بجيب ليك خريطة لي جرف الطماطم بس، انت تمش تقطفا. براااك

المافي شنو!؟

[قيقراوي]

شبارقة يا عمك اي اقبض لينا الزوول الحانوتي دا بالثابتة .. كاتل الكنار مالك يا عمك!
















-----

كانديك يا عمك
اجي!!

حرم لو ما وسعك البوست .. وضاق القلب .. يشلك الراس ..
وكان ما كفا .. اهو راس خالد الفاضي دا متل راس غليس ..
انت قايلو غالي لي شنو .. ما عشان فاااااضي (ما استعملو كلو كلو .. لا في كشتينة لا مع جكس .. قال حنك قال!)

[طارق صديق كانديك]

المشاركة الأصلية كتبت بواسطة بابكر عباس

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

غايتو يادكتور، لو شبارقة قاصد الحلنقي، بي قصة ليبيا دي، أعفي لي،وأبقى على تظبيط التاريخ

[أبوبكر عباس]

المشاركة الأصلية كتبت بواسطة طارق صديق كانديك

غايتو يادكتور، لو شبارقة قاصد الحلنقي، بي قصة ليبيا دي، أعفي لي،وأبقى على تظبيط التاريخ

أغلب الظن يا طارق، شبارقة قاصدني أنا،
دايرنو يجي عديل يقول انو كلام الحلنقي صاح وبابكر عباس جخاخ؛ عشان أوريكم الغلاط بتاعي ممكن أوصلو وين.
ولو كمان شبارقة موافقني؛ بقول ليهو: عيد مٌبارك يا أمير الحقيبة والمزيكا.

[خالد غالي]

ياخوانّا والله تلاحظ لي في الآونة الاخيرة انو الناس بقت تشكك في مقدراتي الحنكية والجكسية والكشتينية، ودي كلها كانت حاجات غير قابلة للتشكيك ابان فترة شبابي!!


هرمنا ولا شنو؟

[شبارقة]

المشاركة الأصلية كتبت بواسطة طارق صديق كانديك

فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

المشاركة الأصلية كتبت بواسطة بابكر عباس

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

المشاركة الأصلية كتبت بواسطة بابكر عباس

دايرنو يجي عديل يقول انو كلام الحلنقي صاح وبابكر عباس جخاخ؛ عشان أوريكم الغلاط بتاعي ممكن أوصلو وين.
ولو كمان شبارقة موافقني؛ بقول ليهو: عيد مٌبارك يا أمير الحقيبة والمزيكا.

كل عام وأنتم بخير

يا أخوانا أنا ما زلت مـُصر إنو لا (يا صوتها) ولا (سأل من شعرها الذهب) إتكتبن في المرحومة ليلى المغربي .. وبالمناسبة الأغنيتين ديل إتكتبن في الستينيات ولم تكن المرحومة ليلى المغربي قد بذغ نجمها بعد !!

أخونا الزوول إستشهد بكلام الإعلامي / محمد سليمان (جراب الحاوي ودنيا دبنقا) في (يا صوتها).. ومحمد سليمان بعضمة لسانو قال : والله الظاهر كبرنا وبقينا نلخبط .. وذلك عندما تكررت أخطاؤه في كثير من الأشياء التوثيقية .. لذا أنا لا أعتد بكلامه.

وأقول لأخونا طارق كانديك إنو الحلنقي بقى يقطع من رأسو ساكت وكلام د. بابكر صحيح وأنا أوافقه على ذلك.

محمد سليمان وإسحق الحلنقي على عينا ورأسنا .. لكن ما كل معلوماتهم مـُسلـّم بها .. فما يخمونا ساي .

[شبارقة]

المشاركة الأصلية كتبت بواسطة قيقراوي

شبارقة يا عمك اي اقبض لينا الزوول الحانوتي دا بالثابتة .. كاتل الكنار مالك يا عمك!

سلام يا قيقا وكل عام وأنتم بخير

النت مفيد ولكنو مليان أخطاء .. كثير من المصادر لا تهتم بالمعلومة الصحيحة قبل بثها

عشان كده أخونا الزوول قال : قاتل الله الكوبي والبيست

وبالمناسبة أخونا الزوول عندو بوست جميل جدا ً بخصوص الأخطاء السماعية في الأغاني .. أشار ليهو في المداخلات السابقة وهو بوست (خلي الناس تموت والهم يفوت) أي واحد فينا ح يلاقي نفسو فيهو

[جيجي]

المشاركة الأصلية كتبت بواسطة شبارقة

كل عام وأنتم بخير

يا أخوانا أنا ما زلت مـُصر إنو لا (يا صوتها) ولا (سأل من شعرها الذهب) إتكتبن في المرحومة ليلى المغربي .. وبالمناسبة الأغنيتين ديل إتكتبن في الستينيات ولم تكن المرحومة ليلى المغربي قد بذغ نجمها بعد !!

أخونا الزوول إستشهد بكلام الإعلامي / محمد سليمان (جراب الحاوي ودنيا دبنقا) في (يا صوتها).. ومحمد سليمان بعضمة لسانو قال : والله الظاهر كبرنا وبقينا نلخبط .. وذلك عندما تكررت أخطاؤه في كثير من الأشياء التوثيقية .. لذا أنا لا أعتد بكلامه.

وأقول لأخونا طارق كانديك إنو الحلنقي بقى يقطع من رأسو ساكت وكلام د. بابكر صحيح وأنا أوافقه على ذلك.

محمد سليمان وإسحق الحلنقي على عينا ورأسنا .. لكن ما كل معلوماتهم مـُسلـّم بها .. فما يخمونا ساي .

انا والله معاك يا شبارقة من زاوية واحدة هي هل ليلى المغربي دي كان شعرها دهبي ولا اخونا دا كان عنده ضعف نظر ولا خياله شاطح ساي
كل الصور الموجودةة لليلى بتقول غير ذلك
الغلاط في شنو تاني