دعـــــــــــــوة :...لكل مغتربي سودانيات بالداخل

[ابرا]

المشاركة الأصلية كتبت بواسطة جيجي

نحن غايتوا معاك بقلوبنا
ورشيد كمان
ونبراس بالدنيا
وسير وعين الله ترعاك

جاييين جايين يابشرا

[مها عبدالمنعم]

ان شاء الله ح اجي

[اشرف السر]

المشاركة الأصلية كتبت بواسطة هيثم علي الشفيع

هسة يعني بي صحّكم يا ناس سودانيات ، جاياني منكم نبراس* بس؟؟؟؟

والله لكن ...............أحبطتوني




_________________________
* نبراس دي ذااااااااااتا ....(كان الله هوّن) حقّتا دي ما مريحاني خالس

يا هيثومي

ناس سودانيات ناس شفيفين ياخ
بعملوها فجأة وتلقاهم هناك..
بدون ما يكلموك وكدا...
فشنو انكرب ... الناس دي بتجي

[هيثم علي الشفيع]

المشاركة الأصلية كتبت بواسطة جيجي

نحن غايتوا معاك بقلوبنا
ورشيد كمان
ونبراس بالدنيا
وسير وعين الله ترعاك

وعاشت قلوبكم عالية خفاقة

ومن ناحية نبراس بالدنيا دي..................ف دي لا يتناطح فيها كبشان ، لكن أكان ما جات؟؟؟ ماااااااااااااا دنيا وراحت

قلت لي رشيد مالو؟؟؟؟

[هيثم علي الشفيع]

المشاركة الأصلية كتبت بواسطة نبراس السيد الدمرداش

والله والله انت كان خليت نقتك واحباطاتك انا ما عندي عوجه

قاااااااااااااااااااادر الله

وكان خليت النقة والإحباطات (الإتنين في صحن واحد).............أنتحر يعني؟؟؟؟؟

[هيثم علي الشفيع]

المشاركة الأصلية كتبت بواسطة ابرا

جاييين جايين يابشرا

هسة أكان سألناك يا إبرا

أب شرا بتاعك دة :
أنا ...... اللي هو سيد البوست؟؟؟؟؟
ولاّ
جيجي......الإقتبست كلاما؟؟؟؟؟؟


سوعال بريئ........

[هيثم علي الشفيع]

المشاركة الأصلية كتبت بواسطة مها عبدالمنعم

ان شاء الله ح اجي

حبابك ألف يا مها

وأتمنى أن يأتي البرنامج بحجم العشم والتوقعات

[هيثم علي الشفيع]

المشاركة الأصلية كتبت بواسطة اشرف السر

يا هيثومي

ناس سودانيات ناس شفيفين* ياخ
بعملوها فجأة وتلقاهم هناك..
بدون ما يكلموك وكدا...
فشنو انكرب ... الناس دي بتجي

وييييييييييييييين يا أبو الشوش؟؟؟

ياخ والله أنا يهمني جداً حضور أكبر عدد من ال(سودانياتية)
لأنهم -غير إنهم أهلي وحبايبي- ناس عينم الملآنة ديك.....نجيضة

أما من ناحية الإنكراب..........فأخوك ما تشوفو كدة..........................إنكرابي من الدرجة الممتازة







_____________________
* هو بالله سودانيات دي فيها (شفيف) غير بابكر عباس؟؟؟؟gap

[هيثم علي الشفيع]

شكـــــــــــــــراً جزيـــــــــــــلاً

شكـــــــــــــــــراً جميـــــــــــــــــلاً

شكراً يشبهكم إخوتي في إدارة المنتدى والإشراف لتثبيت بوست الدعوة


مع عظيم تقديري والعرفان

[مهند الخطيب]

المشاركة الأصلية كتبت بواسطة هيثم علي الشفيع

شكـــــــــــــــراً جزيـــــــــــــلاً

شكـــــــــــــــــراً جميـــــــــــــــــلاً

شكراً يشبهكم إخوتي في إدارة المنتدى والإشراف لتثبيت بوست الدعوة


مع عظيم تقديري والعرفان

شكرا جزيلا في عينك ....

ياهيثم ياخ تذكر اخر منتدى انا قدمتك فيهو تقرى شعر؟ يومتا طلبت منك بالتحديد قصيدة "مرثية لحميد وهو حي ..." بعدا بي 48 ساعة حميد انتقل ....
تاني أجي أسمع منك؟

حبوبتنا بت المقدم كانت ما بتناديني الا بـ الشوم ، الشوم فعل ، الشوم سوى ، الشوم قام ، الشوم قعد ... الخ لامن رسخ عندي لفترة -ماطويلة- اني شوم فعلا ، بقيت كان عفصت لي ضريسا ساي بتذكر اني شوم ... هسي انا مهمتي في الحياة دي اني أوصل ليك الاحساس ده ...

انت شوم ياخ

بالتوفيق يا هيثم في صدح القصائد وانت ممن يجيدون الغناء ....

[معتصم الطاهر]

المشاركة الأصلية كتبت بواسطة مهند الخطيب

شكرا جزيلا في عينك ....

ي
حبوبتنا بت المقدم كانت ما بتناديني الا بـ الشوم ، الشوم فعل ، الشوم سوى ، الشوم قام ، الشوم قعد ... ا ....

غايتو للتوثيق

لو زول حصات ليه حاجة

[الرشيد اسماعيل محمود]

أها يا أخوانا، عقدتو؟

[اشرف السر]

نقل بضبانتو من فعاليات الأمسية....


- اتاري يا ما تحت السواهي دواهي...
بلا شك تألق هيثومي في شعره وفي نثره وردوده على الحضور.

- مركز الفيصل الثقافي.. وجمهور متفاعل اعطى الليلة مذاقاً خاصاً.

- حضور القنوات الفضائية السودانية (النيل الأزرق - وقناة امدرمان) لتسجيل فعاليات الليلة.

والباقي بتمو ليكم صور وفيديوهات

[الرشيد اسماعيل محمود]

كما لا يفوتني أن أرحب بعودة معتصم الطاهر بعد غيبة طالت، سلامات يا باش وعوداً حميداً ياخي.

[اشرف السر]

مثل سودانيات حضوراُ في الليلة:
طبعا الشاعر الشفيف هيثم
ومقدمة الليلة مي هاشم
ومن الحضور الزي حالاتي:
نبراس الدمرداش
مها عبد المنعم وقريبتها
هيفاء عبد الستار
elle
والعضو السودانياتي المختفي سكابشونوز