لمــــــــــاذا..... ليس الآن؟؟

[الزوول]

....
أول الشكر لهذا السرد الممتع
وممتع هذه (على فكرة ) تقع في أعلى تصنيفاتي التي أملكها لتقييم قراءاتي
...
ثم الشكر لك لأنك (طمنتني) على هذا الذي يعتريني
فأخوك مدمن لمثل هذه الكتابة التي لا ترى
واظن انني بلغت في اتقانها شاواً بعيداً
خاصة مع ثقافة الكتابة في المنتديات
فهنالك الكثير من المواضيع التي تقابلك في الحياة
وتجد أنها تستحق التدوين
وفي اغلب الأحيان تختمر لدي فكرة كتاباتها
وأمارس هذه الكتابة الخيالية كما يفعل أخونا هيثم
بل إنني أذهب أبعد من ذلك
وبناء على خبرات سابقة ، اتوقع مَن مِن القراء سيتابع هذه الكتابة
ثم أبعد قليلاً
فأتوقع ماذا كتبوا في ردودهم على موضوعي هذا
ثم أبعد
فأكتب ردودي على ردودهم المفترضة
ثم – وفي غالب الأحيان- أصل لأن موضوعي هذا الذي افترعته ...موضوع سخيف لا فائدة منه
أو ربما سيسبب مشكلة نحن في غنى عنها
....
المشكلة في هذا
أنني اعيش على هذا الخيال واكتفي به في ردودي على المواضيع التي اتابعها
وتكون النتيجة كما ترون
مشاركة مخجلة في نشاطات المنتدى
....

[هيثم علي الشفيع]

المشاركة الأصلية كتبت بواسطة الزوول

....
...
وتكون النتيجة كما ترون
مشاركة مخجلة في نشاطات المنتدى
....

يا أيها الزوول

صحتك والعافية؟؟؟؟

ومما يدعو لل"مغسة" أن تقودك مثل هذه الكتابات الإفتراضية لمثل هذه النتائج
-رغم اختلافي معك في كون مشاركاتك في النشاطات يمكن وصفها بالمخجلة-

المهم :

يبقى أمل تحسين الذاكرة للعثور-عند الحوجة-على "جزء"ولو يسير من هذا الكتابات التخيلية ، عملاً بقولهم:

(تلتو ولا كتلتو)



عظيم الود

[هيثم علي الشفيع]

نص قديم................لقراءات جديدة

[لحن الحياة]

المشاركة الأصلية كتبت بواسطة هيثم علي الشفيع

عادة –بدت لي غريبة- ...حاولت كثيراً التخلص منها ، لكني لم أفلح ...وهي أني دائماً ما أكتب خطاباتي وأنا في المواصلات.....لا أكون ساعتها – بالطبع- ممسكاً بورقة وقلم ولكني أكتبها في ذهني ، وغالباً عندما أحاول استرجاعها ومعي الورقة والقلم أجدها ...قد تبخرت.
"وكتبت ليك...
... لابيني بينك ريدة لا قصة غرام..."
كانت تدور على مسجلة الحافلة .....لكني.....أنا ....قررت التخلي عن هذه العادة .....و...........................

امير الشعراء
كان يكتب كل ما يرد الى خاطره في اي شئ ، كثيراً ما استخدم صناديق السجائر الفارغه فكلما زارته قريحة الشعر سجل ما تمليه عليه.

بس بصوره عامه ، ليه حديث النفس للروح والروح للنفس وجائشة القلب ترفض تدوينها؟!!!!!!

هيثم ، احترامي يسبق تقديري للبوست الجذاب ده

[هيثم علي الشفيع]

المشاركة الأصلية كتبت بواسطة لحن الحياة

بس بصوره عامه ، ليه حديث النفس للروح والروح للنفس وجائشة القلب ترفض تدوينها؟!!!!!!

لحن الحياة وما أجملها ألحانها

ولنبحث سوياً عن الكيفية التي نستطيع بها تدوين أحاديث الروح
وما أصعبها من مهمة
فالروح لا يحلو لها أن تتحدث وتخرج ما بداخلها إلاّ ونحن أبعد ما نكون عن أدوات ومكان التدوين ، والذاكرة وإن اجتهدتْ -مع اتساع خروقها المضطرد- فهي لن تستطيع الإمساك إلاّ بأطراف الحديث دون متنه....


ولزيارتك وقع الألحان

فالتحية والتشكرات

[عمر عبدالكريم]

ياخي الله يديك العافيه ويخلي لينا قلمك الطاعم ده

[هيثم علي الشفيع]

المشاركة الأصلية كتبت بواسطة عمر عبدالكريم

ياخي الله يديك العافيه ويخلي لينا قلمك الطاعم ده

عمر يا عمارة

سلمت من كل سوء سيدي

وحبابك عشرة

[هيثم علي الشفيع]

المشاركة الأصلية كتبت بواسطة الرشيد اسماعيل محمود

يا هيثم..
والله أوّل مرّة أشوف البوست دة..!!
أنا كنت وين..؟!!!
ياخي صعدت بنا عالياً ثمّ..
ثمّ تركتنا هناك..

وعشان الفكرة، فكرة البوست مميّزة..
وعشان إسمي ورد مقترناً بسؤال يفتح باب النقاش..
يبقي:
لزاماً عليّ أن أجيء..
فـ بجيك يا شاب.

المشاركة الأصلية كتبت بواسطة هيثم علي الشفيع

وأنا

راجييييييييييييييييييييييك

راجيْ أفتّو معاك

يا أهلنا مسعولين من الخير

وين الود الإسمو (الرشيد) دة؟؟؟؟

[هيثم علي الشفيع]

المشاركة الأصلية كتبت بواسطة هيثم علي الشفيع

شكلو البوست دة مقرر :
حبة كل ستة شهور

ثـــــــــــــــــم

المشاركة الأصلية كتبت بواسطة هيثم علي الشفيع

يا أهلنا مسعولين من الخير

وين الود الإسمو (الرشيد) دة؟؟؟؟

[ود الخير]

كلام زاحم ومشوش تفكيري...أخلي ولا ممكن أضعه في المساحة دي؟؟

قمت صباح اليوم وأنا متأكد كتبت لي حاجة زي دي

واحد شيوعي سوداني مصلّح !!

واحد من أولاد جيل الإنقاذ قال حاجتين في الدنيا ما شافهم

المرفعين والشيوعي السوداني

وأنا كمان من قبل جيل الإنقاذ وأنا أبحث

وين ألقى لي شيوعي أحماااااار راسو عديل

شيوعي يوريني ليه نحن بخوفونا وبخافوا علينا منهم ؟

إني أبحث عن إجابة!!.. كما أبحث عن الشيوعي السوداني الضائع !!

حاجات زي دي بتكون كتابه ولا كوابيس

[جيجي]

المشاركة الأصلية كتبت بواسطة ود الخير

كلام زاحم ومشوش تفكيري...أخلي ولا ممكن أضعه في المساحة دي؟؟

قمت صباح اليوم وأنا متأكد كتبت لي حاجة زي دي

واحد شيوعي سوداني مصلّح !!

واحد من أولاد جيل الإنقاذ قال حاجتين في الدنيا ما شافهم

المرفعين والشيوعي السوداني

وأنا كمان من قبل جيل الإنقاذ وأنا أبحث

وين ألقى لي شيوعي أحماااااار راسو عديل

شيوعي يوريني ليه نحن بخوفونا وبخافوا علينا منهم ؟

إني أبحث عن إجابة!!.. كما أبحث عن الشيوعي السوداني الضائع !!

حاجات زي دي بتكون كتابه ولا كوابيس

هسه كدي ورينا انت اليومين دي خاتف لونين ولا شنو
نصيحة لله
انا غايتو شايفة ال احمااااار لائق عليك

[هيثم علي الشفيع]

المشاركة الأصلية كتبت بواسطة ود الخير

حاجات زي دي بتكون كتابه ولا كوابيس

ود الخير أخوي كيف حالك؟؟؟

صدّقني -أحياناً- يأخذ كلٌ مكان الآخر
فتغدو الكتابة كوابيس
وتصبح الكوابيس كتابة

والعاقل من يجمعهما في مكان واحد...


شرّفت كتير بي حضورك هنا

[هيثم علي الشفيع]

المشاركة الأصلية كتبت بواسطة جيجي

هسه كدي ورينا انت اليومين دي خاتف لونين ولا شنو
نصيحة لله
انا غايتو شايفة ال احمااااار لائق عليك

هسة يا دبل جي أنا-كمفترع للبوست"والله مفترع دي عجبتني"- أقول شنو؟؟؟

أقول زي ما بيقول مهند -وهو بيحمّض على الآخرين-
(شكراً لمرورك الأنيق)؟؟؟


غايتو للضماااااااااااان كدة...

منوّرة البوست

[جيجي]

المشاركة الأصلية كتبت بواسطة هيثم علي الشفيع

هسة يا دبل جي أنا-كمفترع للبوست"والله مفترع دي عجبتني"- أقول شنو؟؟؟

أقول زي ما بيقول مهند -وهو بيحمّض على الآخرين-
(شكراً لمرورك الأنيق)؟؟؟


غايتو للضماااااااااااان كدة...

منوّرة البوست

هيثم صباحك عسل-العسل دا طبعا عشان الحماضة وكدا -
ياخ والله انا خجلانة انه الكلام الحلو دا يتخرمج بالصورة دي
لكن والله بطني بتفور على ود الخير من نوع كلامه دا ومابقدر الا افلقه مع انه قرييب دا مشتكيني للادارة
لك العتبى من الحجارة الجات بوستك حتى ترضى
ولي عودة اجمل ان شاء الله

[هيثم علي الشفيع]

والله لما أمشي أفتش لي واحد من بوستاتي القديمة عشان (أبحتو) وأمرقو في السهلة...
وألقى فيهو زول قال لي...

المشاركة الأصلية كتبت بواسطة الرشيد اسماعيل محمود

يبقي:
لزاماً عليّ أن أجيء..
فـ بجيك يا شاب.

أو


ألقى لى زول كتب كلام وأنا ما رديت عليهو...

المشاركة الأصلية كتبت بواسطة جيجي

هيثم صباحك عسل-العسل دا طبعا عشان الحماضة وكدا -
ياخ والله انا خجلانة انه الكلام الحلو دا يتخرمج بالصورة دي
لكن والله بطني بتفور على ود الخير من نوع كلامه دا ومابقدر الا افلقه مع انه قرييب دا مشتكيني للادارة
لك العتبى من الحجارة الجات بوستك حتى ترضى
ولي عودة اجمل ان شاء الله

بتكيّف كيف