أعلن ترشحي للرئاسة

[أمير الأمين]

المشاركة الأصلية كتبت بواسطة أبوبكر عباس

الأمراء التلاته وريتكم ليهم، المشكلة يا (أمير) ما لاقي زول يمثل دور الأمير يونس ود الدكيم

عمرك ما بتعرف تقرأ ما بين السطور
سالتك عن الخليفة لانو متوقع استقالتك-موتك- المبكر

[أبوبكر عباس]

المشاركة الأصلية كتبت بواسطة أمير الأمين

عمرك ما بتعرف تقرأ ما بين السطور
سالتك عن الخليفة لانو متوقع استقالتك-موتك- المبكر

فهمتها ورديت ليك الصاع يا يونس
الأمراء التلاتة قصدت بيهم الخلفا الأربعة

[أمير الأمين]

المشاركة الأصلية كتبت بواسطة أبوبكر عباس

فهمتها ورديت ليك الصاع يا يونس
الأمراء التلاتة قصدت بيهم الخلفا الأربعة

لعلك جعلى من اتباع ابو كلام !!؟

[جيجي]

المشاركة الأصلية كتبت بواسطة ابرا

من هذا المنطلق
وانتصارا لصديقتي العزيزة (ليلي علوي) المعني ما شبح
اعلن وبكامل قواي العقليه الترشح ضد المدعو بابكراعباس ( الحالم سبانا)
والرهيفه التنقد

تقول شنو لناس ماقادر تفرق بين ليلى علوي والشبح
ينصر دينك يا ابر

[أبوبكر عباس]

المشاركة الأصلية كتبت بواسطة جيجي

تقول شنو لناس ماقادر تفرق بين ليلى علوي والشبح

جيجي تم ترشيحها لو تمت تثنيتها ووافقت على الترشح بطعن في عدم معرفتنا لاسمها زي الطعن القدمتو في الرشيد في إنتخابات الأمانة

[معتصم الطاهر]

المشاركة الأصلية كتبت بواسطة أبوبكر عباس

الأمراء التلاته وريتكم ليهم، المشكلة يا (أمير) ما لاقي زول يمثل دور الأمير يونس ود الدكيم

قول لقيت يونس .. هناية حترضى ؟

[خالد غالي]

المشاركة الأصلية كتبت بواسطة الرشيد اسماعيل محمود

لكن البروف قاعد يري بنور الله، وين ليك إنت؟!

والله البروف لو قاعد يرى بنور الله (هامان) ده ماكان شافو ذاتو


الرشيد ياخي مشتاقين بالجد والله

[جيجي]

المشاركة الأصلية كتبت بواسطة أبوبكر عباس

جيجي تم ترشيحها لو تمت تثنيتها ووافقت على الترشح بطعن في عدم معرفتنا لاسمها زي الطعن القدمتو في الرشيد في إنتخابات الأمانة

المفارقة انه صوت الشبح دا حيكون ضمن الاصوات الحتفوزك
ثم ياخ ماتلاوز قدردا انت زول موثوق فيه في سودانيات دي
وانا والله اهل امي واهل ابوى زعماء بس انا ماحابة ابقى زعيمة
فشنو مافي داعي للجرسة لانه انا ماحاوفق
ولا القانونن بسمح لي وانا لو ساعية لي حاجة زي دي كنت زمان اتشريت هنا
فشنو خد نفس طويل واستريح كدا وانا تاكد اني حادعمك بكل ما استطيع
وياجماعة صوتو لابوبكر عباس فانه خير ممثل
لكم

[فتح العليم]

المشاركة الأصلية كتبت بواسطة أبوبكر عباس

أقول ليك حاجة تانية؟ مشاكل الحركة الشعبية مع الحكومة أستطيع حلها في جلسة واحدة مع كل طرف
يا أخي، أنا زول مُلهَم
ما داير أقول نبي، لكن مُلهَم

موش يا هو حدر لي وعاين لي دي!!

والله انت يادكتور راجل ملهم بالجد
قلت لي تحل مشاكل الحركة الشعبية مع الحكومة في جلسة واحدة .
وقتها تكون رئيس للسودان بدل رئيس لسودانيات .
المهم انا عندي احساس بعد اعلان فوزك حا تعمل فينا حاجة ولكن شنو ما عارفه .
تقديري لك

[أبوبكر عباس]

بروفسور (ب بيطري) التجاني حسن الأمين، يا فتح العليم، لمان عينوهو والي لدارفور بداية التسعينات، صعد في المنبر في أول صلاة جمعة بمسجد الفاشر الكبير، وبدأ خطبته بعد ان حمد الله وصلي على رسوله، ب: إتّو يا ناس دارفور محظوظين
توفق عن الكلام لنص دقيقة ثم ردد:
محظوظين
محظوظين
إتّو أول ولاية يحكمها بروفسور!!

دارفوري قاعد في ركن الجامع قال للجنبو: شنو يعني بروفسور دي؟
الجننبو: واحد قرأ قرأ لامن جنّ

دحين إتّو أول منتدى يرأسو مستنير
الحاجة الحا أعملها فيكم هي: قليل جداً من الوعي..

[بابكر مخير]

آي ممن ترشح
إنتا بالذات لآآآآآآآآآآآ
إسمك ذي إسمي وأنا سبقتك وحاولت وطالبت وقلت وكوركتا
رشحوني عليكم الله
رشحوني
رشحوني
لمن حسي جآني رشح
وطفح
والزعل كسح
ملحوظة:
مش دعايتي الإنتخابية أقوى من هولتك....

[أمير الأمين]

المشاركة الأصلية كتبت بواسطة معتصم الطاهر

قول لقيت يونس .. هناية حترضى ؟

هناية "الما مطهرة " دى شن نفرها...!

[زول الله]

المشاركة الأصلية كتبت بواسطة أمير الأمين

هناية "الما مطهرة " دى شن نفرها...!

ضربو ياااااحكم









اقول قولي هذا واستغفرالله لي.........................

[ZEIN ABDALLA]

المشاركة الأصلية كتبت بواسطة أبوبكر عباس

دحين إتّو أول منتدى يرأسو مستنير
الحاجة الحا أعملها فيكم هي: قليل جداً من الوعي..

سلام بابكر
الكلام العايز اقوله ليك وانا والله جادى جدآ وعايزك تشرح لي بطريقة
مبسطة فى شوية سطور (قليلآ من الوعي)
انا لي كم يوم ما قادر افهم سبب الاهتمام الكثير بالانتخابات وكترة البوستات
وقوانين ولوائح وطعون وزعل رأفت ميلاد. فحسع انا عايز افهم
الفرق بين الامانة العامة ومجلس الادارة والمهمة الرئيسية البعملوها
وماذا سيحدث لي او بقية الاعضاء اذا فازت جيجى وسقط بابكر؟
---------
هامش:
العرجونة اذا نزلت الانتخابات انا ح اديها صوتى... فهى مثل عنصر
الماغنيسيوم( الموجود فى الكلوروفيل) تعطى سودانيات ريانآ وسرآ
وخضرآ..

[الرشيد اسماعيل محمود]

المشاركة الأصلية كتبت بواسطة أبوبكر عباس

جيجي تم ترشيحها لو تمت تثنيتها ووافقت على الترشح بطعن في عدم معرفتنا لاسمها زي الطعن القدمتو في الرشيد في إنتخابات الأمانة

يا مستنير،،
هو الطعن بكون في عدم المعرفة بالاسم ولّ استخدام اسم حركي؟! يعني إنت مثلا لو كنت مسمّي نفسك في المنتدي "بيكو" مثلاً، ونحن عارفين إنك أبوبكر، هل يجوز ليك الترشح؟
عموماً:
بصفتك رئيس مجلس إدارة مرتقب، ورينا وضعية ترشيح "زول الله" كإسم حركي لمجلس الادارة!