أعلن ترشحي للرئاسة

[الرشيد اسماعيل محمود]

المشاركة الأصلية كتبت بواسطة خالد غالي

والله البروف لو قاعد يرى بنور الله (هامان) ده ماكان شافو ذاتو


الرشيد ياخي مشتاقين بالجد والله

بالأكتر يا غالي، كيفك؟
قلت لي جاتك فرصة إنك تسيّك الأمانة العامة عن بكرة أبيها؟!، غايتو حركات مكايش الحصاحيصا دي ظاهرة!

المحيّرني إنو مرشح الرئاسة أبو بكر عباس من هسّع صندوق رسايلو تجاوز المسموح به! غايتو حركات الرؤساء دي شكلها خلاص بدت!

[الجيلى أحمد]

المشاركة الأصلية كتبت بواسطة فتح العليم

المهم انا عندي احساس بعد اعلان فوزك حا تعمل فينا حاجة ولكن شنو ما عارفه .
لك

السعفة الذهبية

[قاسم الحاج]

المشاركة الأصلية كتبت بواسطة أبوبكر عباس

إحتمال كبير أفقد صوتك ووجدي، الباقين ما عندهم سبب ما يصوتوا لي.

[نبراس السيد الدمرداش]

وعندك واحد منتخِب من المجلس المخلوع
موفق ان شاءالله الباسل بابكر وطالما عينك على الرئاسه
حتجيك على طبق من ماس

[زول الله]

المشاركة الأصلية كتبت بواسطة الرشيد اسماعيل محمود

عموماً:
بصفتك رئيس مجلس إدارة مرتقب، ورينا وضعية ترشيح "زول الله" كإسم حركي لمجلس الادارة!

اهااااا

خلاص بدينا ياناس الامانة؟؟؟؟







اقول قولي هذا واستغفرالله لي....................

[فتح العليم]

المشاركة الأصلية كتبت بواسطة نبراس السيد الدمرداش

وعندك واحد منتخِب من المجلس المخلوع
موفق ان شاءالله الباسل بابكر وطالما عينك على الرئاسه
حتجيك على طبق من ماس

المجلس المخلوع والله اخسن انا نعمت الموضوع وقلت حل المجلس.

[أمين محمد سليمان]

المشاركة الأصلية كتبت بواسطة خالد غالي

نفسي اعرف الشي الشايفو البروف امين في بكة ده ونحن ماشايفنو

يا خالد ...لو كلكم شفتو الشايفو أنا في بكة ... معناتها كلكم بتشوفو بنور الله ... و هذا ما لا يستقيم !!!

[حسين عبدالجليل]

المشاركة الأصلية كتبت بواسطة أمين محمد سليمان

يا خالد ...لو كلكم شفتو الشايفو أنا في بكة ... معناتها كلكم بتشوفو بنور الله ... و هذا ما لا يستقيم !!!

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

[أمين محمد سليمان]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

يا حسين ... ياخي إنت أساسا معانا في العلالي ... الكلام ده لناس خالد الغالي و ديل !!!

[خالد غالي]

والله بابكر ده انا مرة مشيت ليهو في بيتو، وعاينت ليهو من كل الجهات ماشفت اي حاجة!
شنب بس، شنب كبييير......
لكن تاني مافي اي حاجة

[أمير الأمين]

المشاركة الأصلية كتبت بواسطة خالد غالي

لكن تاني مافي اي حاجة

كيفن الكلام دا ؟

[عادل عسوم]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

فعلا صاحبي
دا زول بيطلع في السي ان ان وشايل اي فون 6 باقيليك اصاحبو هو واللا اجي اصاحب الزيكم ناس شغل الshifts

[سر الختم إبراهيم نقد]

المشاركة الأصلية كتبت بواسطة حسين عبدالجليل

الإنت شايفو أنا برضو شايفو . و بالأمارة كدا قلت لود أخوي السر نقد , في بوست ترشيحي للشفيف , لو مامصدق إنو بكة مُستنير أسأل عمك اللمين أب صلعة , صاحب عادل .

بأمانة ياحسين كنت دايرك تنضم لينا في حملة إسقاط بابكر أقصد أبوبكر أنا ما عارف العاجبكم شنو فيهو ﻻ كاتب ﻻ إداري وفي الغالب شخصية المرء تظهرها حروفه.
ذات مرة قال لينا إنه بوابة العلم ومحسن خالد مدينته- أي العلم- طيب ليه محسن خالد ما وزعوا في زمرة الأنبياء آخر طبعة.
غايتو حتى لو فاز لن يطمئن حتى لحظة ظهور النتيجة.

[ناصر يوسف]

المشاركة الأصلية كتبت بواسطة خالد غالي

والله بابكر ده انا مرة مشيت ليهو في بيتو، وعاينت ليهو من كل الجهات ماشفت اي حاجة!
شنب بس، شنب كبييير......
لكن تاني مافي اي حاجة

هههههههه
يعلم الله يا خالد غالي ضحكتتي لأمن اتشرقت

قلت لي غير الشب تاني ما لقيت أي حاجه ؟

ياخي الرويعي ده من شدة ما بقي زول مستنير .. لغاية ما بقي كاتبي المفضل ياخ






مثل مثل ساااااااكت كده ياخ

[ياسر كبوش]

يا خينا
بعد قراية البوست من كل الجهات والزوايا
اتضح لى حلك الوحيد ترجع الباسورد لعكود (حرده باستايل جديد)
وتلزم المساطب ياعم طلع حبايبك كتااااار