الغارديان البريطانية : هل نضجت ثورة السودان وحانت لحظة البشير؟

[ود الخير]

المشاركة الأصلية كتبت بواسطة عايدة فضل الله

الله يستر علينا وعلي البلد كان كدي يا اشرف

هنا في دار الأخ اشرف ،، نرحب بيك اخت عايدة ،،، وحظ اشرف ان نال شرف أول مداخلة ليك في سودانيات ،،، انشاء الله يطيب ليك المقام،، وبعدين ما تسمعي كلام ناس المعارضة دا ،، أنا من عمري 3 سنين لما حضرت الإنقاذ والى الان وانا على أبواب التلاتينات ونفس الاسطوانة ونفس النغمات ،، وبيني وبينك شوقونا للتغيير البنادو بيهو ليهم قرابة التلاتين سنة !!

مرحب بيك تاني في سودانيات

[ود الخير]

YouTube

[Hassan Farah]

المشاركة الأصلية كتبت بواسطة ود الخير

هنا في دار الأخ اشرف ،، نرحب بيك اخت عايدة ،،، وحظ اشرف ان نال شرف أول مداخلة ليك في سودانيات ،،، انشاء الله يطيب ليك المقام،، وبعدين ما تسمعي كلام ناس المعارضة دا ،، أنا من عمري 3 سنين لما حضرت الإنقاذ والى الان وانا على أبواب التلاتينات ونفس الاسطوانة ونفس النغمات ،، وبيني وبينك شوقونا للتغيير البنادو بيهو ليهم قرابة التلاتين سنة !!

مرحب بيك تاني في سودانيات

----------------------------------------------------------
انشاء الله .......انشاء فى عينك....اكتب صاح ....

[زول الله]

المشاركة الأصلية كتبت بواسطة ود الخير

أنا من عمري 3 سنين لما حضرت الإنقاذ والى الان وانا على أبواب التلاتينات

حلاااتو ياناس
غايتو نحن زمان بقولو أبوكم مين؟ بنقول نمييييري
انتو هسه ابوكم مين؟
لالا قصدي ابواتكم كم؟؟؟
اهو دا "التمكين" وللا بلاش


انتو جيل إنقاذي أصييييل ياخ








اقول قولي هذا واستغفرالله لي......................

[ود الخير]

المشاركة الأصلية كتبت بواسطة Hassan Farah

----------------------------------------------------------
انشاء الله .......انشاء فى عينك....اكتب صاح ....

أن شاء الله ، يا دكتور اذا البشير* فاز بي فترة رئاسية جديدة الحاجات حا تبقى سمحة،،،، شكراً للتنبيه







* انسب حاجة لندخلها في جملة مفيدة

[ود الخير]

المشاركة الأصلية كتبت بواسطة زول الله

حلاااتو ياناس
غايتو نحن زمان بقولو أبوكم مين؟ بنقول نمييييري
انتو هسه ابوكم مين؟
لالا قصدي ابواتكم كم؟؟؟
اهو دا "التمكين" وللا بلاش


انتو جيل إنقاذي أصييييل ياخ








اقول قولي هذا واستغفرالله لي......................

ما مصدق يا زول الله ؟ تعرف أنا الشيوعيين ديل ما سمعت بيعم وشفتهم كمان الا هنا في سودانيات ،،، وزي كتاااار ،،، أها زينا ديل بياتو منطق يقبلوا يرأسهم واللا يدير حركتهم شيوعي !!؟! صعب يا زول الله صعب !

[حسين عبدالجليل]

المشاركة الأصلية كتبت بواسطة ود الخير

ما مصدق يا زول الله ؟ تعرف أنا الشيوعيين ديل ما سمعت بيعم وشفتهم كمان الا هنا في سودانيات ،،، وزي كتاااار ،،،

معني كدا ياودالخير إنت مالعبت كورة شراب و لا بِلِي في حياتك ولا حِضرت لك حفلة زأر وإنت صغير .

غايتو كلامك دا ذكرني مرة كنت بإتفرج تلفزيون السودان و جابو مقابلة مع مولاهم سيف الدين أبو العزايم (كان صاحب عمك رأفت ) فلا شعوريا كدا صحت بصوت عالي " لاحول الله دا مادرسني في خلوة الفكي محمد أحمد في الديم!" فقام ولدي سألني "خلوة يعني شنو ؟" , حاولت أشرح له , مافهم , فطوالي قلت ليه "يعني روضة , يعني روضة!"

[ود الخير]

المشاركة الأصلية كتبت بواسطة حسين عبدالجليل

معني كدا ياودالخير إنت مالعبت كورة شراب و لا بِلِي في حياتك ولا حِضرت لك حفلة زأر وإنت صغير .

غايتو كلامك دا ذكرني مرة كنت بإتفرج تلفزيون السودان و جابو مقابلة مع مولاهم سيف الدين أبو العزايم (كان صاحب عمك رأفت ) فلا شعوريا كدا صحت بصوت عالي " لاحول الله دا مادرسني في خلوة الفكي محمد أحمد في الديم!" فقام ولدي سألني "خلوة يعني شنو ؟" , حاولت أشرح له , مافهم , فطوالي قلت ليه "يعني روضة , يعني روضة!"

لا ، نحن ،، بلِيِ وتتوكورا ،، وحاجات زي دي ،، نحمد الله ناس الإنقاذ ما خلونا نشوفها!
أنا ورفقاء الطفولة كنا بنلعب في ضُل دار المومنات بالدروشاب ، وكنا بنط في دار اللجنة الشعبية عشان نعبر للاتجاه الاخر ، أكتر لعبة كانت سائدة في أيامنا ،، حرب ،، حرب ،، وكنا بنقلد عنتر بن شداد
لكن الحاجات الإتفضلتٓ انت بذكرها دي بنسمع بيها سمع ! زي الشيوعية والشيوعيين ديل

[صديق عيدروس]

المشاركة الأصلية كتبت بواسطة زول الله

ربما ح يقول قائل ان الصندوق مثقوب
وانها اكيد مخجوجة خج الروب


[COLOR="DarkRed"]اقول قولي هذا واستغفرالله لي..............................

والله يازول الله انا لو عندي سلطة او صوت مسموع لدى اهل الحكم ،، كنت طلبت من الرئيس تعيين دكتور حسن فرح رئيس مفوضية الانتخابات وتكون عنده السلطة الكاملة لتعيين مايشاء في كل ما يتعلق بالعملية الانتخابة وفي كل مراحلها ،،،،،،،،،،،

ولكن برضو حايرجع ويقول مخجوجة

ياخي الراجل ده قريبك ،، كلمو خليه يرجع السودان يدفع ضريبة الوطن ،،على الاقل يسدد ما عليه ويتحلل من نفقات الدولة التي انفقتها عليه في كل مراحل الدراسة ،،،

[زول الله]

المشاركة الأصلية كتبت بواسطة صديق عيدروس

يرجع السودان يدفع ضريبة الوطن ،،على الاقل يسدد ما عليه ويتحلل من نفقات الدولة التي انفقتها عليه في كل مراحل الدراسة ،،،

دا كلام مهم شديد

تعال يادوك








اقول قولي هذا واستغفرالله لي........................

[Hassan Farah]

المشاركة الأصلية كتبت بواسطة صديق عيدروس

والله يازول الله انا لو عندي سلطة او صوت مسموع لدى اهل الحكم ،، كنت طلبت من الرئيس تعيين دكتور حسن فرح رئيس مفوضية الانتخابات وتكون عنده السلطة الكاملة لتعيين مايشاء في كل ما يتعلق بالعملية الانتخابة وفي كل مراحلها ،،،،،،،،،،،

ولكن برضو حايرجع ويقول مخجوجة

ياخي الراجل ده قريبك ،، كلمو خليه يرجع السودان يدفع ضريبة الوطن ،،على الاقل يسدد ما عليه ويتحلل من نفقات الدولة التي انفقتها عليه في كل مراحل الدراسة ،،،

---------------------------------------------------------
سلام عيدروس
انت وينك....رئيس المفوضية الحالى دا زميلنا من بورتسودان الثانوية...دفعة ونعرفه جيدا ...مرة واجهته بهذه الحقيقة فى الراكوبة نكر...قال لى داك اخوى ...قال انو تخرج من خور طقت....زول محترف الكذب من زمان زول نفيستو صغيرة هسع لو طلبوا منو اعلان النتيجة اليوم يعلنا...واسأل منو عضو البورد السفير جمال احمد ابراهيم......بعدين ياخى انت عندك شك فى خجتها ....خلاس نبعتك مراقب من قبل سودانيات ...بس اوعك يقوما يربطولك شئ تبيعنا كعادة جماعتك ديل...
نجى لنفقات الدولة على...
لعلمك من الروضة وحتى رابعة وسطى لم تنفق على الدولة ولا مليم ...تعلمت فى الاحفاد على حساب والدى ومساعدة جدنا بابكر بدرى...صحيح ان الدولة انفقت على فى مرحلة التعليم الثانوى +سنة دراسية بجامعة الخرطوم وبعد ذلك حرمتنى الدولة من بعثة مستحقة على حساب المعونة الامريكية لجامعة بيروت الامريكية كان مرتبها الشهرى 40 جنيها استرلينيا واعطت البعثة لشاعر اغانى معروف جلس للامتحان ثلاثة مرات وفشل لكن عنده علاقات وضهر وعندما واجهت مكتب البعثات مطالبا بحقى عرضوا على الذهاب لبعثة لدراسة الارصاد فى روسيا بمرتب قدره 21 جنيه شهريا ...ذهبت الى روسيا والتفاصيل تلقاها فى بوست ابوامانى.....المهم قضيت سنة لغة وخمسة سنين ونصف فى كلية الهندسة وخلال كل هذه الفترة لم يدفعوا لى ولا فرطاقة...
رجعت السودان بدرجة الشرف فى الهندسة الكهربائية وكان ذلك ابان حكومة الصادق المهدى وحاتك كل الابواب اوصدت امامى وفضلت عاطلا لاكثر من 6 شهور ...ظهرت وظيفة فى القطاع الخاص ذهبت واجريت انترفيو...الخواجة قبلنى ومدير الادارة ضابط معاشى حزب امة رفض تعيينى ...ذهبت لصديقى زميل الدراسة على محمد جاويش ...كان يخدم وقتها فى المالية طالبا المساعدة....اتصل بدفع الله الحاج يوسف وقال له كلم جماعتك قول لهم الزول دا ما شيوعى.... فى خمسة دقائق تم تعيينى.....
مرت الايام وذهبت للتحضير للدكتوراة وبعد نيلى الشهادة حصلت على عقد عمل من الامارات للعمل بجامعة عدن سنة 1977 ...سنة 1979 بعد المصالحة الوطنية قررت الذهاب للسودان لزيارة الاهل ...فى نهاية العطلة صودر جواز سفرى ولا ادرى السبب وقتها كان رئيس الجهاز عمر محمد الطيب.... بعد مجهود كبير ووساطات استطعت الخروج ولم ارجع للسودان الا عام 1985 ...هذه المرة من الجزائر... حتى 1988 لم يعترضنى احد وبعد 89 بدأت المشاكل من جديد وكما قلت تجددت المعاكسات من حكومة الانقاذ هذه المرة...اسدد بانتظام ضريبة المغترب منذ ان شرعها نميرى عام 83 وكل الوثائق معى ...عام 2008 توفى شقيقى عدت لتلقى العزاء وعند الخروج بدأت المعاكسات وتدخلت الواسطات ... اها يا عيدروس هسع فى ذمتك المدين للآخر منو...بس اقول لك حاجة .....السودان دا ما حنخلى ليكم وليكم يوم يا ظلمة....

[ZEIN ABDALLA]

المشاركة الأصلية كتبت بواسطة Hassan Farah

---------------------------------------------------------
سلام عيدروس
انت وينك....رئيس المفوضية الحالى دا زميلنا من بورتسودان الثانوية...دفعة ونعرفه جيدا ...مرة واجهته بهذه الحقيقة فى الراكوبة نكر...قال لى داك اخوى ...قال انو تخرج من خور طقت....زول محترف الكذب من زمان زول نفيستو صغيرة هسع لو طلبوا منو اعلان النتيجة اليوم يعلنا...واسأل منو عضو البورد السفير جمال احمد ابراهيم......بعدين ياخى انت عندك شك فى خجتها ....خلاس نبعتك مراقب من قبل سودانيات ...بس اوعك يقوما يربطولك شئ تبيعنا كعادة جماعتك ديل...
نجى لنفقات الدولة على...
لعلمك من الروضة وحتى رابعة وسطى لم تنفق على الدولة ولا مليم ...تعلمت فى الاحفاد على حساب والدى ومساعدة جدنا بابكر بدرى...صحيح ان الدولة انفقت على فى مرحلة التعليم الثانوى +سنة دراسية بجامعة الخرطوم وبعد ذلك حرمتنى الدولة من بعثة مستحقة على حساب المعونة الامريكية لجامعة بيروت الامريكية كان مرتبها الشهرى 40 جنيها استرلينيا واعطت البعثة لشاعر اغانى معروف جلس للامتحان ثلاثة مرات وفشل لكن عنده علاقات وضهر وعندما واجهت مكتب البعثات مطالبا بحقى عرضوا على الذهاب لبعثة لدراسة الارصاد فى روسيا بمرتب قدره 21 جنيه شهريا ...ذهبت الى روسيا والتفاصيل تلقاها فى بوست ابوامانى.....المهم قضيت سنة لغة وخمسة سنين ونصف فى كلية الهندسة وخلال كل هذه الفترة لم يدفعوا لى ولا فرطاقة...
رجعت السودان بدرجة الشرف فى الهندسة الكهربائية وكان ذلك ابان حكومة الصادق المهدى وحاتك كل الابواب اوصدت امامى وفضلت عاطلا لاكثر من 6 شهور ...ظهرت وظيفة فى القطاع الخاص ذهبت واجريت انترفيو...الخواجة قبلنى ومدير الادارة ضابط معاشى حزب امة رفض تعيينى ...ذهبت لصديقى زميل الدراسة على محمد جاويش ...كان يخدم وقتها فى المالية طالبا المساعدة....اتصل بدفع الله الحاج يوسف وقال له كلم جماعتك قول لهم الزول دا ما شيوعى.... فى خمسة دقائق تم تعيينى.....
مرت الايام وذهبت للتحضير للدكتوراة وبعد نيلى الشهادة حصلت على عقد عمل من الامارات للعمل بجامعة عدن سنة 1977 ...سنة 1979 بعد المصالحة الوطنية قررت الذهاب للسودان لزيارة الاهل ...فى نهاية العطلة صودر جواز سفرى ولا ادرى السبب وقتها كان رئيس الجهاز عمر محمد الطيب.... بعد مجهود كبير ووساطات استطعت الخروج ولم ارجع للسودان الا عام 1985 ...هذه المرة من الجزائر... حتى 1988 لم يعترضنى احد وبعد 89 بدأت المشاكل من جديد وكما قلت تجددت المعاكسات من حكومة الانقاذ هذه المرة...اسدد بانتظام ضريبة المغترب منذ ان شرعها نميرى عام 83 وكل الوثائق معى ...عام 2008 توفى شقيقى عدت لتلقى العزاء وعند الخروج بدأت المعاكسات وتدخلت الواسطات ... اها يا عيدروس هسع فى ذمتك المدين للآخر منو...بس اقول لك حاجة .....السودان دا ما حنخلى ليكم وليكم يوم يا ظلمة....

مسز الخير (انجليزية) وكانت تدرس لغة انجليزية بالسودان، سألت زوجها
استاذ الخير محمد حسن عن العديد من الطلاب الشطار الكانت بتدرسهم
وليه ما تولوا مناصب فى السودان..... رد عليها زوجها بان اثنين من
الطلاب القامت بتدريسهم بالخرطوم الثانوية هم رئيس السودان الحالى
ونائبه الاول، فما قدرت تتذكرهم وردت عليه طيب الشُطار مشوا وين؟

حسع يا دكتور حسن منو القال ليك تبقى شاطر عشان تتعذب وتفتش
للشغل فى السودان.

[Hassan Farah]

المشاركة الأصلية كتبت بواسطة ZEIN ABDALLA

مسز الخير (انجليزية) وكانت تدرس لغة انجليزية بالسودان، سألت زوجها
استاذ الخير محمد حسن عن العديد من الطلاب الشطار الكانت بتدرسهم
وليه ما تولوا مناصب فى السودان..... رد عليها زوجها بان اثنين من
الطلاب القامت بتدريسهم بالخرطوم الثانوية هم رئيس السودان الحالى
ونائبه الاول، فما قدرت تتذكرهم وردت عليه طيب الشُطار مشوا وين؟

حسع يا دكتور حسن منو القال ليك تبقى شاطر عشان تتعذب وتفتش
للشغل فى السودان.

---------------------------------------------------------
دكتور زين مساك الله بالخير....
شطارة شنو....دى بمفايس سودان اليوم تعتبر شطارة سجم ورماد.... لكن برضو الموت وسط الجماعة عرس...ادرى تماما لست وحدى الذى عانى من ظلم الانظمة الشمولية فى السودان ولا اتحدث فقط عن فئة المتعلمين الذين some how وجدوا مخرجا فما بالك بالملايين الذين يعانون اليوم ...فليهدى الله اخوننا فى سودانيات الذين يدافعون باصرار وقوة رأس عن الانقاذ ومثيلاتها....الله يهديكم ويفتح عيونكم....

[فتحي الصديق]

التنظيم الممسك بزمام السلطة الان هو تنظيم غير تقليدي ...لا مجال لاسقاطه الا باستخدام وسائل غير تقليدية ...