** وصلنا لقناعة :الكلمة الطيبة أو الصمت في سودانيات !! و هاكم الأسباب **

[فيصل سعد]

المشاركة الأصلية كتبت بواسطة نزار حسن علي

الحبيب
فيصل
اهديك ابيات الاغنية دي ما عارف لطشتها من وين

لما ترسل انت كلمة يحتشد جواي حضورك
وعطرك الفواح يدفق من حروفك
ولون بخورك يبقي زي مخلص بفكر ارسل الافراح تزورك

هديتك مقبولة تب يا حبوب، و لو أنني شاكي انك
نجرتها قطع اخدر و كدا،، و أشواقنا بلا ضفاف..

[أميرى]

المشاركة الأصلية كتبت بواسطة فيصل سعد

اها. كنا وين؟ وصلنا وين؟
و الحاصل شنو؟؟

ياخ لولا قلمنا بقي قريب بلمنا كنت حأسدر في غيي و أقطع فيك نخب طازة في صحة ريدنا القديم والجاي
ياااا الله يا باذخ ياخ دي ليلة شتاء دافئة تماما بي طلة الولد النريدو...

[فيصل سعد]

سلامات يا ود سميرة يا حبوب، انت لسة في سيرة القلم و البلم و السدور في الغى و جايبة ليها قطع اخدر في ريدتنا و مودتنا و ليالي هنانا،، شوفتك بالجد مفرحة و منعشة و تريانة، اندروس يفك اجعص حيرقان،، كيفنك و كيف طرقاتك ديك؟؟ ألا زلت ساعيا في مناكبها؟؟

يديك العافية..