خالد غالى....!!!

[خالد غالي]

يا زول انا ندمت والله على فتح البوست دا زاتو، خليك كما كنت!
فى امان الله تركتك

سلامات ياحامد

انا غايتو ما حا اقول ليك اهدأ او ارفع رجلك من الابنص شوية، لانك لو عملت كده حاتكون افقدت كتاباتك نكهتها وطبيعتها التي احببناها
اسي انت كتابتك في البوست ده ياها كتابتك البنعرفها وبتعرفنا وبنقراها، لو اتحولت لي رومانسي من زمرة الرومانسيين انا غايتو طوالي حا ابطل اقرأ ليك

وعلى هذا الاساس انا اتراجع عن دعوتي ليك بانك تقرأ بابكر عباس براحة، بل اطلب منك بالمقابل ان ترشه رش غرائب الابل حتى تكون الاشياء هي الاشياء

كن بخير وماتطول الغيبة لانو شايفك بديت تودع في الناس

[فيصل سعد]

المشاركة الأصلية كتبت بواسطة خالد غالي

وعلى هذا الاساس انا اتراجع عن دعوتي ليك بانك تقرأ بابكر عباس براحة، بل اطلب منك بالمقابل ان ترشه رش غرائب الابل حتى تكون الاشياء هي الاشياء..

سلامات يا خالد و لعلك بخير،، حقوا كان تكتب ليو بابكر عباس الكافر الملحد الزنديق العلماني مدعي الرسالة الثالثة المضروبة و المشوش الأعظم ليقين الناس و توحيدهم لخالق الكون يمكن صاحبك يرخي شوية و يفك حرنته و كدا..

تحياتي..

[فيصل سعد]

المشاركة الأصلية كتبت بواسطة خالد غالي

كن بخير و ماتطول الغيبة لانو شايفك بديت تودع في الناس

وداع بس،، وداع بدموعو قاليك

[خالد غالي]

المشاركة الأصلية كتبت بواسطة عبد المنعم حضيري

البديري وخالد

سلامات

خالد حقو البوست دا بعد إذن البديري طبعاً

تخليهو تعريفي توثيقي ليك الحصاحيصا والمهجر

وسر صداقاتك العريضة مع البديري وبابكر .... وبما إنك في الوسط بينهم كمان تورينا سر الجفوة الحميمة والنبيلة البينهم دي

دايرين تنوير وليس إستنارة.... وبس .... يا ربي في فرق بيناتم؟؟؟؟

تحياتي

سلامات ياعبدالمنعم

الحصاحيصا هاهنا (واشار الى قلبه)

البديري وبابكر الاتنين شخصياتهم غير عادية ، بابكر انا قابلتو وهو اكثر استنارة بكثير على ارض الواقع ومتسق جدا مع نفسو، اقدر اقول ليك بضمير مرتاح انو انا مالاقاني اي زول زي بابكر ده طوال حياتي وما اظن يلاقيني، ودي فرصة الزول يترحم على روح خالد الحاج ويشكرو ان وفر لي فرصة الالتقاء بشخص زي بابكر ده ( كده كيف معاك يابكة؟ )
البديري لسة ما لاقيتو على الطبيعة وان شاء الله نلتقي قريبا، بس هو يجي جاي شوية من بلاد الصقيع العايش فيها دي

الجفوة البيناتهم حسب تقديري غير شخصية، وهي جفوة من النوع المنتشر جدا في كل مكان، بابكر زول مستنير وشديد الاعتداد والثقة بقدراتو العقلية والتحليلية، ومابيخت حدود للافكار
البديري بيشوف انو الدين خط احمر لايجوز الاقتراب منه ويجب اخذه كما هو بدون اي تنظير
لكن غير كده صدقني انهم ممكن يضربو صحن الفول عادي مع بعض ويقومو يصلو العشاء جماعة، ده لو كان بابكر بيصلي طبعا

[خالد غالي]

المشاركة الأصلية كتبت بواسطة فيصل سعد

سلامات يا خالد و لعلك بخير،، حقوا كان تكتب ليو بابكر عباس الكافر الملحد الزنديق العلماني مدعي الرسالة الثالثة المضروبة و المشوش الأعظم ليقين الناس و توحيدهم لخالق الكون يمكن صاحبك يرخي شوية و يفك حرنته و كدا..

تحياتي..

بابكر يافيصل عندو رسالة جاهزة
لكن ما اظن عندو الشجاعة انو يجعلها جهرية


احلى حاجة في البديري انو بياخد وقتو تماما في وداع الناس

[الرشيد اسماعيل محمود]

المشاركة الأصلية كتبت بواسطة خالد غالي

سلامات ياعبدالمنعم
بابكر انا قابلتو وهو اكثر استنارة بكثير على ارض الواقع

مع انو فشل على (أرض الواقع ) في إقامة حفل عام بالفنان زمراوي!!

[فيصل سعد]

المشاركة الأصلية كتبت بواسطة الرشيد اسماعيل محمود

مع انو فشل على (أرض الواقع ) في إقامة حفل عام بالفنان زمراوي!!

كيف يا حبوب،، غايتو احقاقا للحق الموضوع دا اجتماعي بحت و لا دخل له باستنارة بكة و علمه الراسخ و رسالته الثالثة و كدا.. لكن احتمال يضرب على خفيف كدا في عدم الجاهزية و حسن التدبير

[عادل عسوم]

المشاركة الأصلية كتبت بواسطة الرشيد اسماعيل محمود

مع انو فشل على (أرض الواقع ) في إقامة حفل عام بالفنان زمراوي!!

في الحتة دي
بكة دا ضرب مثال سامي جدا في ال(شفافية) وأثبت جعولية منقطعة النظير...
فبالله أذكروا للناس محاسن افعالهم

[ناصر يوسف]

المشاركة الأصلية كتبت بواسطة البديري

سلامات ياحبيب البلون الاحمر دا انت متاكد منو؟ انا لا اظن ،امس إتضح لى المنتدى دا عبارة مراكز قوة وهيمنة وتسلط وحجر! دا غير انو عبارة عن كيزان وشيوعيين وعلمانيين مسيطرين على المنتدى والاراء، يصفقوا للبعجبهم ويحرقوا الما متمشي مع هواهم!!
يا زول انا ندمت والله على فتح البوست دا زاتو، خليك كما كنت!
فى امان الله تركتك

ده كلام عار من الصحة تماااااااما يا البديري يا اخوي
الذكرتهم فوق ديل انا ما فيهم .. اها رأيك شنو ؟
ومن حق اي انسان هنا يكتب الهو عاوز يكتبو وما بالضروره ان نتفق مع ما يكتبه كل قلم هنا
و لا شنو

ثم إنو مداخلتي الفوق ديك كانت مجرد مزاح
ولو زعلتك مني بعتذر ليك قدام الناس ديل كلهم وامسحها لي في وشي الشين ده ياخ

واظنك ت6لم معزتك عندي يا حبوب

فشنو ..

بطل عواره وتعال راجع سريييييييع ياخ
بلا فتكم بعافيه بلا بتيييييخ

[زول الله]

يازول ماتجي

الله يسهل عليك






اقول قولي هذا واستغفرالله لي.................

[ناصر يوسف]

المشاركة الأصلية كتبت بواسطة زول الله

يازول ماتجي

الله يسهل عليك






اقول قولي هذا واستغفرالله لي.................

لا يا صديقي يجي راجع .. البيت بيتو حيسيبو ويمشي وين يعني

حيبيت وين ما لازم الزول بجي يبيت في بيتهم ولا شنو ؟

بتذكر يا زول الله في يوم من الايام حكي لي صديقي الشاعر الجميل الصادق الرضي

انو كان ليهو وقت طويل بيجي بيتهم في امبده متأخر
وفي يوم من الايام اتأخر شديد
وصل بيتهم ولقي الباب مقفول
خبت علي الباب .. بعد شويه جاهو والده فتح ليه البتب
حاول يدخل ابوهو وقف ليهو في الطريق وقال ليهو


داخل وين ؟ اكش نوم في المكان الاتأخرت فيهو ده

علي طول ابصادق رد علي والده وقال ليهو

انا ما داخل بيتنا يا ابوي .. داخل انوم في بيتنا امش انوم ليك وين وده بيت ابوي ؟

البديري ده حيجي راجع يعني حيجي راجع .. بس خلوه ياخد راحتو ووقتو

[الرشيد اسماعيل محمود]

المشاركة الأصلية كتبت بواسطة عادل عسوم

في الحتة دي
بكة دا ضرب مثال سامي جدا في ال(شفافية) وأثبت جعولية منقطعة النظير...
فبالله أذكروا للناس محاسن افعالهم

الله يقدرك تضربو لينا في الأندراستميشن

[عادل عسوم]

المشاركة الأصلية كتبت بواسطة الرشيد اسماعيل محمود

الله يقدرك تضربو لينا في الأندراستميشن

ماعندك مشكلة
بس (واصل) لينا ظهورك الجميل دا بالنهارات كدا بدل تلبت انصاص الليالي الفات داك

[الرشيد اسماعيل محمود]

المشاركة الأصلية كتبت بواسطة خالد غالي

بل اطلب منك بالمقابل ان ترشه رش غرائب الابل حتى تكون الاشياء هي الاشياء

العكس؛ كدا حيقع ليهو في الأتو بتاعو وعينك ما تشوف الا الاستنارة!

[أسعد]

المشاركة الأصلية كتبت بواسطة عادل عسوم

ماعندك مشكلة
بس (واصل) لينا ظهورك الجميل دا بالنهارات كدا بدل تلبت انصاص الليالي الفات داك

ظهور الرشيد بالنهار يعتبر تجسيد حقيقي لي مقولة (بوريك النجوم عز الضهر)
لذلك اعتقد ان نهاية العالم Soon
الرشيد ومرق من السودان
بعد كدة باقي شروق الشمس من الغرب