راكوبة المجادعات.. النمة والدوباي

[سجمان]

المشاركة الأصلية كتبت بواسطة احمد زين

لقيت مربع لود الرضي عجبني وهناك بعض الناس نسبوه للمحلق
المربع ده بيقول
اكتب يافقير ما تقول مريضك طاب
من الجات زحت ستارة الباب
انا ما بطيب ان بلعت كـــــــــــــتاب
ارفع يا فقير قلمك مليتو تراب .
لكن. انا شايف الرواية دي ركيكة لا بتشبه المحلق ولا ود الرضي
والصحيح
أكتب يا فقير ما تقول مريضك طاب
ما شُفت القبيل جابْتَ السَّلام بالباب؟
رقَّت من وَسِط وغِلدت مع القُرقاب
فِكرك انشغل، قـلمك مَليتو تـراب!!

اها نحن مالنا ومال المحلق وود الرضي ذاتو
نقول قولنا برانا واهل النم لا يفوتو لا يموتو

اكتب يا فقير كان الكتبتو بداوي
وامحا محايتك اسقيني التزيدني بلاوي
ام ديساً مع حدود الكفل متساوي
سبب امراضي والجن الفقيرو يلاوي

بخرات الشيوخ ما بتشفي من علاتي
وتعبان الطبيب سهران علي انجلاتي
من الصدرو مدفع هيروشيما العاتي
صِبِحْ مرضان وفاقد عقلي ناسي صلاتي

أكتب يا فقير أنا عقلي باقي مودر
نشّط للسياد كان عودي تاني يخدّر
الملك الفؤاد شال لي ثمارو مبدر
غوّر في الوريد لو مراعي لي لو مقدر

[سجمان]

المشاركة الأصلية كتبت بواسطة آخـر المواني

ما ازيك
غايتو اتوكلت علي الله و ح اطرش ليك ما توصلت ليه عن جياتك للمنتدي هنا ..
غايتو لي فترة لاحظت انك بتجي ناطي للمنتدي وللبوست دا بالذات لم تجي سيرة معينة كدا
انت علي كيفك قايل
وبي مناسبة "جياتك" دي أهدي أغنية البلابل للبلومة الجابتك

دا الـ الله قدرك عليهو ..

بعدين قالو ونسة الضكير للضكير الطنيش أخير

خرماج إزيك..

[اسراء المهدي]

المشاركة الأصلية كتبت بواسطة سجمان

أكتب يا فقير أنا عقلي باقي مودر
نشّط للسياد كان عودي تاني يخدّر
الملك الفؤاد شال لي ثمارو مبدر
غوّر في الوريد لو مراعي لي لو مقدر

اكتب يالفقير وجيب البعيدة اوصافو
التلب الاصيل فهود الغابة منو بخافو
قلبي طش من ساعة عند المغيريب شافو
ودر لبابي والموايق للغمايض عافو

[عبد المنعم حضيري]

المشاركة الأصلية كتبت بواسطة اسراء المهدي

اكتب يالفقير وجيب البعيدة اوصافو
التلب الاصيل فهود الغابة منو بخافو
قلبي طش من ساعة عند المغيريب شافو
ودر لبابي والموايق للغمايض عافو

سجل يا فقير وأكتب كلامي العارفو
ولا تجيب سيرة الحجاب وسوالفو
الزول البِطبّق كيّو ومرة يخالفو
تهواه النفس وحتماً قليبي يوالفو

[اسراء المهدي]

المشاركة الأصلية كتبت بواسطة عبد المنعم حضيري

سجل يا فقير وأكتب كلامي العارفو
ولا تجيب سيرة الحجاب وسوالفو
الزول البِطبّق كيّو ومرة يخالفو
تهواه النفس وحتماً قليبي يوالفو

يالفقرا المتلو بالكتابة ما لكم فيهو
شبيه الصيد قوامو والقميرة وشيهو
قتلني الموايق واتغاتت علي واليهو
قال بدور علامو ..وانا العلام مابيهو؟؟

[عبد المنعم حضيري]

المشاركة الأصلية كتبت بواسطة اسراء المهدي

يالفقرا المتلو بالكتابة ما لكم فيهو
شبيه الصيد قوامو والقميرة وشيهو
قتلني الموايق واتغاتت علي واليهو
قال بدور علامو ..وانا العلام مابيهو؟؟

بت أم ساق تحسدو علي العيون الفيهو
ويا طير القطا إ(ت)جّلى حاكي مشيهو
الزول السمح شال عقلي سارح بيهو
تعبان يا قلب ودايماً تهاتي عليهو

[اسراء المهدي]

المشاركة الأصلية كتبت بواسطة عبد المنعم حضيري

بت أم ساق تحسدو علي العيون الفيهو
ويا طير القطا إ(ت)جّلى حاكي مشيهو
الزول السمح شال عقلي سارح بيهو
تعبان يا قلب ودايماً تهاتي عليهو

يايما بالمرسال قطعتي والله حشايا
ماك عارفة الجار متل الجابو فيهو الاية ؟؟
زليخا ال بي عزيزيا قالت بدورو حدايا
كيفن انا المن ولدوني ما انسكن جوايا

[يحي عثمان عيسي]

المشاركة الأصلية كتبت بواسطة يحي عثمان عيسي

سيد الحوش حباب سجمان حبابو
عامر مجلسك منظوم عقد احبابو
راجين نفرتك لي ضهبو ولا الغابو
بسراع يرجعو ويتلمو تاني صحابو

سيد الحوش بعد ترحابي جافا رحـــابي
بخلان يالحبيب قولة يحي من اصحابي
ليش ها الجفوة يا سجمان بقيت بتحابي ؟؟
دي ما المحريه فيك قول لي حبابو حبابي

[فيصل سعد]

المشاركة الأصلية كتبت بواسطة يحي عثمان عيسي

سيد الحوش بعد ترحابي جافا رحـــابي
بخلان يالحبيب قولة يحي من اصحابي
ليش ها الجفوة يا سجمان بقيت بتحابي ؟؟
دي ما المحريه فيك قول لي حبابو حبابي

احتمال يكون مفلس و طاقاو زهجة
زينا كدا الأيام دي

أرقدوا عافية..

[أبو أماني]

المشاركة الأصلية كتبت بواسطة يحي عثمان عيسي

سيد الحوش بعد ترحابي جافا رحـــابي

المشاركة الأصلية كتبت بواسطة يحي عثمان عيسي

بخلان يالحبيب قولة يحي من اصحابي
ليش ها الجفوة يا سجمان بقيت بتحابي ؟؟
دي ما المحريه فيك قول لي حبابو حبابي

سيد الحوش يابا كتر عليا عـذابي
لمان شكيت إنو ديمة .. بيحابي ..
مالو معاك إنت انا بعرف أسبابي؟
مغرور في شان ليهٌ الخلوق بتشابي؟؟؟؟؟؟

[سجمان]

المشاركة الأصلية كتبت بواسطة يحي عثمان عيسي

سيد الحوش بعد ترحابي جافا رحـــابي
بخلان يالحبيب قولة يحي من اصحابي
ليش ها الجفوة يا سجمان بقيت بتحابي ؟؟
دي ما المحريه فيك قول لي حبابو حبابي

سجمان العليو يا خلي قاسي بيانو
أُ مرسال العتاب من جوة هازي كيانو
من فُرْق الحبيب أن عقلي زاد هزيانو
يشيل الليل سقد ود عيني في رجيانو

بنسوق العذر لي يحي في ميدانو
والحاجب عليك قاعد يمين في مكانو
شيل ليا العذر سجمان كتر وقعانو
من بندق فلان ناش الكبد جبخانو..

لي النمات يمين منع الشديد القوي
والدين العلي غالبني فيهو أسوي
يا خلا الزمن متل الدبيب متلوى
والساعة التقول نجم الشهاب الجوي


عذراً مكنتل للجميع الوكت ممحوق والزحمة علي شديدة
مرحباً اللعيبة الجدد يحي وإسراء وود سعد وحضيري إنتو اسياد مكان ..
الراكوبة راكوبتكم سوو النم لمن نجي
نحلحل ديونا دي إن سرقنالنا وكت..

ودي

[أبو أماني]

السجمان حبيبنا وليه القلوب بتتوق
سيد الحسب والنسب والكرم والذوق
لهيب شوقنا ليو خلى القلب محروق
فوق كم يابا؟ فوق كفك ال..محلوق؟
كااااك

بالجمبة :-
ما قبلناهو عذرك ووقتك الممحوق!

[عبده سعد]

قابلنو العذر ترحاب معاهو الشوق.
ما اصلو الوكت للناس صبح ممحوق.
وكتين جانا طالى الزول سليم الذوق.
راكبوتو إتملت لى عند السقف بى فوق.

[عبد المنعم حضيري]

المشاركة الأصلية كتبت بواسطة اسراء المهدي

يايما بالمرسال قطعتي والله حشايا
ماك عارفة الجار متل الجابو فيهو الاية ؟؟
زليخا ال بي عزيزيا قالت بدورو حدايا
كيفن انا المن ولدوني ما انسكن جوايا

الجار والوصية عليهو من فوق جاية
والجار هو الوريث لجارو نصّت آية
يا زولي القريب وبعيد أصفى معايا
حنن قلبو يا مولاي يتلافاني يبقى معايا

[سجمان]

المشاركة الأصلية كتبت بواسطة فيصل سعد

" بحلم و الحلم يا صاحبي ما هو ممنّّع
بركب فوق هجينا سرجو زين و مصنع
قاصد السمحة مستولة الترى التترنع
كاملة الحيا الليها الطفيق ما اتدنع"

بكتب والغنا في الريد غرس واسوق
بركب سرجي خالف فوق عصاة النوق
قصدي بريبة جزاير دلقو ليها بسوق
مرنيعة المروخ الماب يروما العوق