منتدي الحوار ــ أدب الحوار

[ناصر يوسف]

المشاركة الأصلية كتبت بواسطة الجيلى أحمد

أما يامن تكتب اسم ابوجعفر وقد اتيت على ذكر اسمى.. فمن الشجاعة أن لاتأتى على ذكر اسم من تجبن من مطالعة ماسيكتبه من تورد اسمه..
تحلى بقليلا من الشجاعة يارجل.. ولك أن تجد منى ردا مطولا..

مايهم أننى سأكتب ردا فى كلا الحالتين.. ولكن من البؤس بمكان ان يكون محاورك بهذا الجبن

أبشلاليف
سلام يا صاحب

هل لأنه بيكتب بنيك نيم ،، لذا وصفته بالجبان ؟؟

[ناصر يوسف]

المشاركة الأصلية كتبت بواسطة عبد المنعم حضيري

الإخوة الكرام وعلى رأسهم الجيلي

لكم التحية والتقدير

ما الذي ستقولونه لرجل كفّر صحابة رسول الله صلى الله عليه وسلم بل وكفر كل الأمة وعلمائها...ثم أتى بعد ذلك ليستهين بمعنى كلمة كفر نفسها ويحاول جاهداً أن يضفي عليها ملطفات تجعلها مقبولة وكافية لتمرير هذا السم الزعاف... أرجو أن لا تنساقوا وراء إستفزازاته التي يعشقها ولا يستطيع العيش بدونها ...والأغرب بعد كل هذا تمثيله البارع لدور المجني عليه ..... يريد أن يبث سمومه هذه هنا ولا يريد من يقول له أخطأت ..... فماذا ستقولون له بالله عليكم .... أرجو صادقاً أن لا تنساقوا وراء هذه الإستفزازات التي يجيدها .....وأنأوا بأنفسكم من فتنة هذا الرجل..


آسف يا ناصر ولكن إضطررت لقول هذا.

عبد المنعم الحضيري اخوي

سلام واحترام

طيب كويس إنو طرح وجهة نظره في تكفير صحابة سيدي وحبيب المصطفي صلي الله عليه وسلم

هل فقط ولأنو كَفَّر أصحاب رسول الله نرفع سيوفنا علي رقبته ؟؟

ولا ننقاشه الحجه بالحجه والبرهان بالبرهان

النقاش النقاش النقاااش ،،، الحوار الجيد الممكن نستفيد منو نحن كقراء هو الذي أعني

مسألة الصراخ والكوراك دي ما ظنيتها حتكون موجبة ياخ

برااااااحه كده وبالحوار الهادئ ممكن نصل لنقطة تلاقي أو شبه تلاقي
يعني يا نقنعو بوجهة نظرنا ويا يقنعنا هو بوجهة نظره أو يظل الحوار متصل لأجل إعلاء كلمة الحق

ولا شنو بالله

[ناصر يوسف]

المشاركة الأصلية كتبت بواسطة أبو جعفر

السلام عليكم ناصر

طلبك بالغاء خاصية التجاهل هو كمن يربي الذئاب والحملان في قفص واحد، وصدقني زي ما قالت د. بيان ومن بعدها رأفت ميلاد المتطرفين ما بتنفع معاهم حجة وتبادل وجهات نظر ولا تواصل ولا محبة.... وزي ما قلت ليك سابقاً حاول الدخول إلى عش الدبابير بأن تجعل من الديمقراطية دين ووطنية.. وعينك ما تشوف إلا النور..

أما عن الإدارة فاللائحة فيها ثغرات تجعل الأمين العام يتخطى القواعد العدلية ويحكم على الناس بفهمه ، وكذلك بما يتخطى العقوبة المنصوص عليها. ثم يفرض نفسه المشكو والمشكو إليه ... وطبعاً حكاية حكم القاضي بفهمه، وتخطيه للعقوبة، وفرض شخصه الخصم والحكم دي ما مقبولة في أي ساحة عدلية تحترم الحقوق.

طبعاً يا ابو جعفر ما عاوز أسألك ،،، منو الحمل ومنو الذئب هنا ،،، بتبقي جلافة مني ساكت يعلم الله

لكن بذات المفهوم ده ،،، بسألك

هل بالضرورة إننا كللللنا نكون منتميين لتوجه محدد ؟؟
يعني كلنا نكون أنصار للمهدي ؟
كلنا نكون شيوعيين ؟
كلنا نكون كيزان ؟؟
كلنا نكون بعثيين ولا ناصريين ولا إتحاديين ؟؟

كلنا نكون واحد حتي نقدر نعيش في سله واحده ؟؟

لا أعتقد

يا حبوب خلي الذئب يقعد مع الحمل في سلة واحدة ،،، لكن في قوانين حتحكمهم الإتنين ،،، يعني الأسد قااااعد يعاين ياخ

ولا شنو بالله

اما مسألة هجومك الغير مبرر علي الأخ الأمين العام دي ،،، فوالله ما قدرت أبلعها كلو كلو ياخ

[ناصر يوسف]

المشاركة الأصلية كتبت بواسطة صديق عيدروس

https://www.youtube.com/watch?v=lJIotwVOhx8

سلام اخ ناصر ،، والتحية لرواد (الديمقراطيات ) بانواعها المختلفة ،، الاحياء منهم والاموات
1/ديمقراطية الشورى الاسلامية
2/ ديمقراطية اللجان الشعبية
3/ الديمقراطية الليبرالية
4/ الديمقراطية المركزية

[COLOR=DarkGreen]صديق عيدروس

تحية طيبة واحترام

ياخي ضحكتني في تعريف الراحل القذافي لمعني الديمقرسييييييي شديد ياخ

الديمقراطية بمعني الحرية في طرح وجهات النظر وفي تقبل وجهات نظر الآخرين وليس تقبلها بمعني القبول بها بالطبع

هنا المحك في مسألة إحترام وجهات نظر الآخرين كوجهات نظر وإحترامها دون القبول بها وبكامل الهدوء بعيد من الصراخ والكوراك وشنو شنو داك ،، حكاية الضرب تحت الحزام ديك

المشاركة الأصلية كتبت بواسطة بابكر مخير;[/COLOR

629502]آها
الحمد لله الجآت من بيت الله...
أنا دآ طرفي من "بتاع" الحوار "بتاعكم" دآ
اللا بحوق ولا بشوق...
ما دام الحكاية "بتاعت" "البتاع" بالشكل الجايط كدآ..
دآ؟!؟!؟
وبكتفي بي "بتاع" الأعضاء فقط
دمه خفيف و"البتاعيين" الفيهو لطييفييييين وظريفيين وكمان؟!
ممتعين....

يا عمنا وكبيرنا الحبيب ،،

بابكر مخير

تحية واحترام

خليك هنا ياخ وابقي قاعد أدعم فكرة كيف يمكننا نتحاور من غير إهانات لبعض

الأسبوع الجاي لو الأمور سارت كما يجب ،،،

حأكون بيناتكم

المشاركة الأصلية كتبت بواسطة آخـر المواني

https://www.youtube.com/watch?v=fcCu...layer_embedded

المشاركة الأصلية كتبت بواسطة بابكر مخير

والله بشوف
تعملوا ليكم (حلبة) حوار حآر...
أوبس قصدي "بتاع" حوار حآر..... تانية....
حيث تحول هذه الحوارات الجانبية.. (نصوري، طبعا قصدي إتا عارفه أنه بلا تجريح ولا قدح ولا مزمة، لا فيك ولا في كلامك الدرر،، "لكن الله غالب")
اللا بتحوق ولا بتروق...
طبعن في "بتاع" الأعضاء دآك،،
حصري ومواصفاته ربما وربما بقصد ربما..
لا يستوفيها القليل المثير "للبتاعات"...
لاحظوا..
التنوع في "الأبتعة"

قلنا ليك خليك هنا يا حبوب وهناك برضو

المشاركة الأصلية كتبت بواسطة أمين عام سودانيات

مساك الله بالخير اباجعفر

دعني ابتداءً أقول أنني وبشكل شخصي أو كأمين عام ليس لدي أية خصومة معك أكن لك الاحترام والتقدير اللائقين وحتى لا أبدو كمن يحاور لأجل المحاورة وليس للفائدة أقول،أن ما تشير اليه من عدم (قدرتك) على قراءة (القواعد العدلية، والإدارية، واللسانية (اللغوية) التي تستند عليها لإدارة منصب الأمين العام) أمر يتطلب منك مزيد من التجرد وامعان النظر ويتطلب مني مزيد من الجهد لتوضيح ما تعتقد بعدم قدرتك على قراءاته وسأبذل جهدي ما استطعت في ذلك باذن الله.

طارق كانديك العضو يتفق مع رؤية رأفت ميلاد في ضرورة الفصل بين الأمانة العامة ومجلس الادارة ولكن الى أن يتحقق ذلك(بتعديل اللائحة تعديلا نظامياً) سيظل الأمين العام يحترم ماتقوله اللائحة ويبذل جهده في تطبيقها اذ يخرج عن صلاحياته أن يعدلها هكذا قسراً انتصاراً للعدالة إذ ذاك أمر لا يسنده شئ مطلقاً.

أما تساؤلك عن معرفتي بمعنى التطرف،فهو تساؤل على مابه من استخفاف ليس لدي رغبة في الاجابة والحوار حوله في حلقة دائرية لا تنتهي،وفيما يتعلق بالأمثلة التي أوردتها هكذا خارج سياقاتها ولكونها وقعت من قبل أن تستلم هذه الأمانة العامة مسئوليتها فليس أمامي سوى التأكيد على أن الأمانة العامة السابقة ربما قالت قولها فيها -ان كان هناك مقتضى-وقولها محل احترامي وتقديري.

كل الذي اتمناه أن يتسع صدرك لمن يخالفوك ومن بين هؤلاء الذين (ربما) يخالفوك الأمانة العامة ولا تصبح بذلك خصماً لك.

لك تقديري واحترامي

شكراً اخي طارق

المشاركة الأصلية كتبت بواسطة رأفت ميلاد

.

هني في شنو يا ربي ،،، رساله فاضية
دي ذكرتني الزول القبضوه بيوزع في ورق فاضي
ولما ناس الأمن سألوه قالوا ليه ده شنو البتوزعو ده يا زول ؟؟
قال ليهم دي منشورات

قالوا ليه منشورات ،، ورق فاضي ؟؟

قال ليهم هو بالله هسي الحاصل ده محتاج لكتابة ؟؟

المشاركة الأصلية كتبت بواسطة الجيلى أحمد

للأسف لن أستطيع الكتابة باسهاب،
حتى الويكند سأكتفى بالمداخلة الآتية..
المتخفى تحت اسم أبوجعفر رجل شتام وسباب ولعان وله فى ذلك اطاول يتعدى الأشخاص ليصل الى أهليهم.. فهو من يوصم الناس بابناء السفلة، ثم يأتى دون أى خجل ليتباكى ويلطم خدوده ويثكلب..
لو كان انسانا شجاعا لأتى بما كتبه ووصف به أهل الناس ومن خلفوهم بالسفلة..

مايهم أن هذا الرجل فى المقام الاول يكتب شتائمه وسبابه هذا تحت نيك نيم، فنحن لاندرى من هذا الذى يشتمنا ويسبنا ويكفرنا ليلا نهارا!!!!!

أبشلاليف

كيفنك ياخ

نعم من حقك معرفة منو هو البيكتب بنيك نيم ،،،
وسبق إني ناقشت الأخ ابو جعفر في ذات السياق هناك في البوست المعني
ولمحت للأمر هنا برضو

كامل الأمنيات للجميع أن يتناقشوا بعيداً عن الغضب ،،، بعيداً عن الإسفاف ،،، بعيداً عن شخصنة الأمور

تعالوا إتداوسوا لينا هنا ده بحوار نقدر نطلع منو نحن ديل كقراء بفوائد ياخ

[عبد المنعم حضيري]

المشاركة الأصلية كتبت بواسطة ناصر يوسف

عبد المنعم الحضيري اخوي

سلام واحترام

طيب كويس إنو طرح وجهة نظره في تكفير صحابة سيدي وحبيب المصطفي صلي الله عليه وسلم

هل فقط ولأنو كَفَّر أصحاب رسول الله نرفع سيوفنا علي رقبته ؟؟

ولا ننقاشه الحجه بالحجه والبرهان بالبرهان

النقاش النقاش النقاااش ،،، الحوار الجيد الممكن نستفيد منو نحن كقراء هو الذي أعني

مسألة الصراخ والكوراك دي ما ظنيتها حتكون موجبة ياخ

برااااااحه كده وبالحوار الهادئ ممكن نصل لنقطة تلاقي أو شبه تلاقي
يعني يا نقنعو بوجهة نظرنا ويا يقنعنا هو بوجهة نظره أو يظل الحوار متصل لأجل إعلاء كلمة الحق

ولا شنو بالله

أخي ناصر لك التحية والتقدير

كدي بالله حاول وأقنعوا إنت وكان إقتنع ليك .....ليك وليهو إعتذار كبير

[أبو جعفر]

المشاركة الأصلية كتبت بواسطة أمين عام سودانيات

مساك الله بالخير اباجعفر

دعني ابتداءً أقول أنني وبشكل شخصي أو كأمين عام ليس لدي أية خصومة معك أكن لك الاحترام والتقدير اللائقين وحتى لا أبدو كمن يحاور لأجل المحاورة وليس للفائدة أقول،أن ما تشير اليه من عدم (قدرتك) على قراءة (القواعد العدلية، والإدارية، واللسانية (اللغوية) التي تستند عليها لإدارة منصب الأمين العام) أمر يتطلب منك مزيد من التجرد وامعان النظر ويتطلب مني مزيد من الجهد لتوضيح ما تعتقد بعدم قدرتك على قراءاته وسأبذل جهدي ما استطعت في ذلك باذن الله.

طارق كانديك العضو يتفق مع رؤية رأفت ميلاد في ضرورة الفصل بين الأمانة العامة ومجلس الادارة ولكن الى أن يتحقق ذلك(بتعديل اللائحة تعديلا نظامياً) سيظل الأمين العام يحترم ماتقوله اللائحة ويبذل جهده في تطبيقها اذ يخرج عن صلاحياته أن يعدلها هكذا قسراً انتصاراً للعدالة إذ ذاك أمر لا يسنده شئ مطلقاً.

أما تساؤلك عن معرفتي بمعنى التطرف،فهو تساؤل على مابه من استخفاف ليس لدي رغبة في الاجابة والحوار حوله في حلقة دائرية لا تنتهي،وفيما يتعلق بالأمثلة التي أوردتها هكذا خارج سياقاتها ولكونها وقعت من قبل أن تستلم هذه الأمانة العامة مسئوليتها فليس أمامي سوى التأكيد على أن الأمانة العامة السابقة ربما قالت قولها فيها -ان كان هناك مقتضى-وقولها محل احترامي وتقديري.

كل الذي اتمناه أن يتسع صدرك لمن يخالفوك ومن بين هؤلاء الذين (ربما) يخالفوك الأمانة العامة ولا تصبح بذلك خصماً لك.

لك تقديري واحترامي

السلام عليكم طارق
لا أظن أن طرح وجهة نظري في السياسة أو الدين أو إدارة المنبر ولائحته يعتبر عداء بأي درجة ... فهذه نشاطات حياتية تمسني ولي الحق في السعي لكي تكون أفضل.

أما مقترحاتي بأن تحوي اللائحة:

بنداً يلزم الأمين العام بعدم الفصل في خصومة قبل أتاحة الفرصة للمتهم للدفاع عن نفسه ...

وعدم تطبيق عقوبة الإيقاف حتى فصل مجلس الإدارة في الإستئناف طالما أن المتهم تحت السيطرة

والوقوف بعقوبة الإيقاف عن الكتابة في المنبر عند حدها ولا تتعداها إلى الحرمان من دخول المنبر وخاصية التراسل الداخلي.

وتفعيل عدم كتابة من هو في قائمة تجاهل العضو في مفترعاته

وعدم استخدام اللإيميل بسبب الجنك ميل في إعلام العضو بأي قرار أو تنبيه.

فحسب وجهة نظري.. طرح هذه الظلامات هو حق أصيل وسوف أطرحها في أي بوست يتحدث عن إصلاح حال ومسار المنبر ... وعلى إدارة المنبر أن لا تعتبرها عداء لها..

وختاماً لااااا أعتقد أن توصلي إلى معرفة هذه الظلامات بعد أن مستني شخصياً يمنع من طرحي لها..

[أبو جعفر]

المشاركة الأصلية كتبت بواسطة ناصر يوسف

العزيز ابو جعفر
سلام واحترام

يا سيدي ده بالضبط الانا بقصده
مسألة جلب مداخلات من بوستات تانيه واقحامها في بوست اخر
بغض النظر عن الكيفية النزلت بيها المداخلات دي في مكانها الاول

نعم الجيلي لغته صارخه وصادمه ... لكن برضو انت ما سألت نفسك لبه لغتو دي كانت بهناك بشكلها ده

بدون أن أسأل نفسي أعرف أن السبب هو التحايل اللا شعوري لإرتكاب المفاسد والجرائم تحت مظلة فكرة فاسدة زرعها اليهود.. وقتلت ألفين من السودانيين ودمرت أقتصاد السودان... وهذا هو مقياس العمل السياسي سوى أستند على معارف الدين أو منطق الوطنية.

مع تحياتي.

[الجيلى أحمد]

طبعا جبان ياناصر من يسب الناس ويشتمهم ويقوم بتكفيرهم ويتخبى تحت نيكم نيم..

جبان من يأتى على سيرة الناس ويتناولهم بالاتهامات ويجبن عن مطالعة ماسيقولون..

من الذى يكفرنا ويسب أهلنا والخلفونا ويختبئ خلف النيك نيم أبوجعفر؟

[ناصر يوسف]

المشاركة الأصلية كتبت بواسطة أبو جعفر

السلام عليكم طارق
لا أظن أن طرح وجهة نظري في السياسة أو الدين أو إدارة المنبر ولائحته يعتبر عداء بأي درجة ... فهذه نشاطات حياتية تمسني ولي الحق في السعي لكي تكون أفضل.

أما مقترحاتي بأن تحوي اللائحة:

بنداً يلزم الأمين العام بعدم الفصل في خصومة قبل أتاحة الفرصة للمتهم للدفاع عن نفسه ...

وعدم تطبيق عقوبة الإيقاف حتى فصل مجلس الإدارة في الإستئناف طالما أن المتهم تحت السيطرة

والوقوف بعقوبة الإيقاف عن الكتابة في المنبر عند حدها ولا تتعداها إلى الحرمان من دخول المنبر وخاصية التراسل الداخلي.

وتفعيل عدم كتابة من هو في قائمة تجاهل العضو في مفترعاته

وعدم استخدام اللإيميل بسبب الجنك ميل في إعلام العضو بأي قرار أو تنبيه.

فحسب وجهة نظري.. طرح هذه الظلامات هو حق أصيل وسوف أطرحها في أي بوست يتحدث عن إصلاح حال ومسار المنبر ... وعلى إدارة المنبر أن لا تعتبرها عداء لها..

وختاماً لااااا أعتقد أن توصلي إلى معرفة هذه الظلامات بعد أن مستني شخصياً يمنع من طرحي لها..

الاخ ابو جعفر
تحية واحترام

الجزئية الاخيرة من مداخلتك دي
طويس انها حق مشروع
وتبقي في شكل طرح تطرحه للإدارة او حتي للأعضاء في شكل طرح قابل للنقاش وليس بالضرورة ان يتفق معك الجميع فيه

طيب لو ما اتفق معاك فيه العضو ناصر يوسف مثلا مثلا كده يعني ...
حتعمل شنو مع العضو ناصر يوسف المختلف معاك في وجهة نظرك الخاصة بفصل الامانة العامة من مجلس الادارة ؟
ودي اظنو الناس قتلتها بالبحث في تعديل اللائحة
وفي زملاء هنا لما أوكل ليهم امر النظر في تعديل اللائحة
ما توانوا قط وما بخلوا
سهروا الايام بلياليها وعملوا بجد واخلاص لأجل هذا الموقع
انا شخصيا ارفع ليهم القبعة تحية واحترام لدورهم الكبير وماهم مشحودين عليه ..

ولا شنو ؟

الجزئية الاولي يا ابو جعفر ...

لما يطرح ابو جعفر آراءه في الدين والسياسة وبكامل قناعاتو هو ... شئ كويس بالطبع ..

لكن ... في آخر مختلف معاك وشايف طرحك ده وحسب قراءته الشخصية ليهو طرح فيه

عداء
تعدي
سب ولعن
إساءة
تكفير
تطرررررف

أهااااااا ...

في الحالة دي حتعمل شنو

تسل سكينك وتقول للمختلف معاك لاااااااازما عليك تقتنع بقولي ولا شنو ؟

ابقي عافيه يا اخوي

نواصل

[ناصر يوسف]

المشاركة الأصلية كتبت بواسطة أبو جعفر

بدون أن أسأل نفسي أعرف أن السبب هو التحايل اللا شعوري لإرتكاب المفاسد والجرائم تحت مظلة فكرة فاسدة زرعها اليهود.. وقتلت ألفين من السودانيين ودمرت أقتصاد السودان... وهذا هو مقياس العمل السياسي سوى أستند على معارف الدين أو منطق الوطنية.

مع تحياتي.

ابو جعفر

يا اخوي انا زول ما بفهم في السياسة ولا غاوز افهم فيها والله

لكن كدي دقيقه ياخ

حكاية انو الحزب الشيوعي السوداني ده
سوهو اليهود دي ما راكبه لي في دقنوسي ده والله

كدي ركب لي المسألة دي بالبراهين الدامغة ياخ
عشان انا ذاتي اشيل لي ساطور واحارب ليك الجيلي احمد ابشلاليف ده ياخ واحارب كل الشيوعيين

بالرغم من اني ما عارف اليهود ذاتهم سووا لي انا شنو

قد تقول لي فلسطين
اقول ليك فلسطين باعوها الفلسطينيين انفسهم ياخ
شنو البهليني ادافع عن وطن باعوه اهله

[ناصر يوسف]

المشاركة الأصلية كتبت بواسطة الجيلى أحمد

طبعا جبان ياناصر من يسب الناس ويشتمهم ويقوم بتكفيرهم ويتخبى تحت نيكم نيم..

جبان من يأتى على سيرة الناس ويتناولهم بالاتهامات ويجبن عن مطالعة ماسيقولون..

من الذى يكفرنا ويسب أهلنا والخلفونا ويختبئ خلف النيك نيم أبوجعفر؟

ابشلاليف
كيفنك اخوي

من نفسي ما شايف انو المسألة راكبه علي بعضها
بمعني جبان هو من يكتب بإسم مستعار نيك نيم

واتخيل لي معلوماته موجوده لدي الادارة

وجق ان يكتب الشخص بإسمو الحقيقي ولا بإسم مستعار دي اظنها جق مشروع لأي عضو

صاح ؟

هنا مسألة الجبن اظنها إنتفت يا صاحب

لكن قد لا تنتفي في حالة انو ما يحاور الناس

هنا ببقي جبن صاااااح

ولا شنو بالله

ابقي عافيه

[الجيلى أحمد]

ناصر سلامات

الله يرضى عليك أقرا كلامى كويس،
أنا بتكلم عن من يستخدم النيك نيم ليشتم ويسب الناس والخلفوهم ويصف من أنجبوهم بالسفلة ويقوم بتكفيرهم، وكل ذلك وهو مختبئ خلف النيك نيم..

يمكن نختلف فى فهمنا للحاجات لكن حاول تقرا كلامى بشكل كامل..

كن بخير

[خالد غالي]

ناس الكوماج سلام

انتو لسة في ناس قال لي ياكافر وقال لي ياشيعي وبتاع!

قبل فترة كنت عايز اكتب بوست في شكل شكوى للامين العام، اشكي فيهو الناس البيشتكو للامين العام ديل!! ياخي انتو مش عايزين تتشاكلو؟ خلاص اتشاكلو قاعدين تشتكو ليشنو؟
ياكانديك والله حاسي بيك شديد بس اوعى تقول لي انك مضطر للبحث في الامور الفقهية وانك لازم تتثقف فيما يخص الشيعة وانواع التكفير والتعقيدات دي عشان تقدر تبت في امر الشكاوي

المهم عندي اقتراح ياخ، رايكم شنو تعملو منتدى اسمو منتدى الكوماج، واي زول داير يتشاكل يمشي يتشاكل هناك حيث مافي شكاوي ولا اي سقف، العايزين يتشاكلو يتطالعو هناك ويتشاتمو لمن يفترو بعداك يجو راجعين فرحانيين

احلى حاجة في البوست ده انو ابو جعفر عامل بلوك لي ناس الجيلي، وناصر يوسف بكل براءة واريحية بيقتبس كلام ناس الجيلي، يقوم ابو جعفر يضطر يقراهو
الاحلى من ده انو الجيلي زعلان وعامل فيها انو ابو جعفر ماقاعد يقرا كلامو
والاحلى من ده كلوووو انو ابو جعفر عامل فيها ماشايف كلام الجيلي هههههههههههههههه

منتدى الكوماج حايكون منتداي المفضل

[ناصر يوسف]

المشاركة الأصلية كتبت بواسطة الجيلى أحمد

ناصر سلامات

الله يرضى عليك أقرا كلامى كويس،
أنا بتكلم عن من يستخدم النيك نيم ليشتم ويسب الناس والخلفوهم ويصف من أنجبوهم بالسفلة ويقوم بتكفيرهم، وكل ذلك وهو مختبئ خلف النيك نيم..

يمكن نختلف فى فهمنا للحاجات لكن حاول تقرا كلامى بشكل كامل..

كن بخير

يا صديقي
يعلم الله قريتك بشكل كامل جدا
وما ظنيتو ردي بينقص من كلامك والله

يا سيدي كلام ابو جعفر الما مقبول داك ردينا عليه في وقته وفي مكانه و رفضناه هناك
وهسي لو جابو هنا تاني حيتم رفضه

[ناصر يوسف]

المشاركة الأصلية كتبت بواسطة خالد غالي

ناس الكوماج سلام

انتو لسة في ناس قال لي ياكافر وقال لي ياشيعي وبتاع!

قبل فترة كنت عايز اكتب بوست في شكل شكوى للامين العام، اشكي فيهو الناس البيشتكو للامين العام ديل!! ياخي انتو مش عايزين تتشاكلو؟ خلاص اتشاكلو قاعدين تشتكو ليشنو؟
ياكانديك والله حاسي بيك شديد بس اوعى تقول لي انك مضطر للبحث في الامور الفقهية وانك لازم تتثقف فيما يخص الشيعة وانواع التكفير والتعقيدات دي عشان تقدر تبت في امر الشكاوي

المهم عندي اقتراح ياخ، رايكم شنو تعملو منتدى اسمو منتدى الكوماج، واي زول داير يتشاكل يمشي يتشاكل هناك حيث مافي شكاوي ولا اي سقف، العايزين يتشاكلو يتطالعو هناك ويتشاتمو لمن يفترو بعداك يجو راجعين فرحانيين

احلى حاجة في البوست ده انو ابو جعفر عامل بلوك لي ناس الجيلي، وناصر يوسف بكل براءة واريحية بيقتبس كلام ناس الجيلي، يقوم ابو جعفر يضطر يقراهو
الاحلى من ده انو الجيلي زعلان وعامل فيها انو ابو جعفر ماقاعد يقرا كلامو
والاحلى من ده كلوووو انو ابو جعفر عامل فيها ماشايف كلام الجيلي هههههههههههههههه

منتدى الكوماج حايكون منتداي المفضل

ههههههههه

مبالغه يا خالد غالي ياخ

خلاص لما يتفتح منتدي الكوماج ده بالله احجز لينا لبروف امين ابو صلعه وساره الما ضاره ياخ