منتدي الحوار ــ أدب الحوار

[عبد المنعم حضيري]

المشاركة الأصلية كتبت بواسطة الجيلى أحمد

سلامات يامنعم الحضيرى،

مسألة تكفير الناس دى مسألة خطيرة جدا ويجب التيقظ تماما نحوها، هى أصل الشرور الوافدة الى مجتمعنا جميعها

الجيلي

تحياتي

التكفير محكوم بميزان قوي مافيهو لعب إما أن يقع فعلاً أو يبؤ به قائله .... مافي منطقة وسط أبداً ..... لذلك كانت دعوتي لكم جميعاً ....إبتعدوا قدر المستطاع عن فتنة هذا الرجل ..... وكما ذكرت أنت يا الجيلي ....لم يتخفى وهو من يقول عن نفسه داعية ... ويا للعجب .... خلف إسم مستعار .... الرجل غير طبيعي والتداخل معه مضيعة للوقت إن لم يكن وقوعاً صريحاً في الإثم.
محاولاته الفجة في إستقطاب القراء وإلانة القول معهم هي أخلاق الثعابين التي تخفي الموت الزؤام خلف اللين ...والتي سرعان ما تتحول عند أول مواجهة له إلى سلوك معاد ينتهي بإضافة صاحبه لقائمة تجاهله .... فلنحترس ونسأل الله الهداية له ولنا.

[الجيلى أحمد]

تحت أى غطاء آخر نقل تكفيره هذا المتخفى؟

له اسم آخر وهو () وسأدعه يقوله بنفسه حين يقوم (الداعية) بفضح نفسه بنفسه

وراجعت الكثير,
ولعمنا قوقل كثير الشكر..
ياايها المختبئ خلف النيك نيم أبوجعفر
حرام فيك أى نقطة حبر وحرف
لأنك جبان

[ناصر يوسف]

أللهم اهدنا الاستقامة والطريق القويم

[الجيلى أحمد]

ياأشلاليف,

ليت هذا الداعية ينكر بأن اسمه ليس الرضى

أو ليس هو من يكفر الناس تحت أسماء أخرى؟؟


وبعدين الكتب بتاعتو دى وين؟
عايزين نقرا ونطالع ونتعلم منو ومن غيرو ..
بس يجى يورينا كوهين دا علاقتو شنو بالحزب الشيوعى

[عبد المنعم حضيري]

المشاركة الأصلية كتبت بواسطة الجيلى أحمد

تحت أى غطاء آخر نقل تكفيره هذا المتخفى؟

له اسم آخر وهو () وسأدعه يقوله بنفسه حين يقوم (الداعية) بفضح نفسه بنفسه

وراجعت الكثير,
ولعمنا قوقل كثير الشكر..
ياايها المختبئ خلف النيك نيم أبوجعفر
حرام فيك أى نقطة حبر وحرف
لأنك جبان

وهذا هو ما كنت أفكر فيه بالضبط ...البحث عن أسماء أخر يتخفى خلفها هذا الرجل .... وعندي إعتقاد جازم بأنه قد يشارك بأكثر من إسم في المنتدى الواحد تحوطاً لتوقيفه المتوقع من جهة والإستعانة بالإسم الرديف للدعم والمساندة إذا تطلب الأمر من الناحية الأخرى. وأعتقد أننا لو قمنا فقط بمراجعة بوستاته في سودانيات لوصلنا إلى تأكيد هذه الفكرة.
شكراً الجيلي وأرجو أن تواصل بحثك ولا تتوقف حتى يحجم هذا الداعي على أبواب جهنم.

[ناصر يوسف]

المشاركة الأصلية كتبت بواسطة الجيلى أحمد

ياأشلاليف,

ليت هذا الداعية ينكر بأن اسمه ليس الرضى

أو ليس هو من يكفر الناس تحت أسماء أخرى؟؟


وبعدين الكتب بتاعتو دى وين؟
عايزين نقرا ونطالع ونتعلم منو ومن غيرو ..
بس يجى يورينا كوهين دا علاقتو شنو بالحزب الشيوعى

ابشلاليف يا صاحبي

تحياتي وأشواقي يا رجل

الرابط الأرفقو الأخ ابو جعفر فوق ده بشأن علاقة الحزب الشيوعي السوداني ما فتح معاي

ولو كان بيقصد بيه البوست بتاع أبناء السفله بيكون ما أضاف لي شئ

وأنا ما زلت عاوز أعرف شنو علاقة الحزب الشيوعي السوداني بالكوهين اليهودي أو باليهود عامة

ومنو هو ذاتو كوهين ده

وابو جعفر قال هو خلاص وضع آخر نقطة في البوست ده ،،،

لكني منتظرو يجي راجع أقلاها إنو النقاش لسه ما انتهي

[ناصر يوسف]

المشاركة الأصلية كتبت بواسطة أبو جعفر

السلام عليكم ناصر وجمعة مباركة وعساك بألف خير

وطالما جبت سيرة العلم وأصوله أفتكر أحسن نحتكم إليه ... فلو أنت أخذت مفترع مصطفى سعيد – الذي يعقد مقاربة فكرية شخوصها تاريخية وخيالية – وذهبت به إلى القاضي وقلت له: "الزول ده قال لي ابن سفلة". سوف يحولك مباشرة إلى مصحة الأمراض العقلية، وذلك حماية للمجتمع، وحماية لزمن القضاء فهو بحكم مهنته يحترم القاعدة الفلسفية التي تقول (بالاقتصاد في الاعتقاد) .. ويعلم بأن المفرط في الاعتقاد هو إما مغرض أو مريض بالبرانويا (مرض الشك) ... فما تدخل نفسك في حتت ضيقة متابعة لمن كشفت عورة الحزب الشيوعي وسائهم ذلك.. علماً بأن قولي في اليسار عموماً وفي الحزب الشيوعي السوداني راسخ في العظام البواليا كما قال بن مفرغ عليه رحمة الله في معاوية عليه من الله ما يستحق.

وزيادة في التوضيح، هل تذكر حينما قلت أنت بأن المنبر أدبخانه ... فهل من المنطق أن يذهب أحد إلى القول بأنك أسأت إليه وقلت له يا (غائط) بناءً على ما يوجد في الأدبخانة.. بدلا من أن يفهم بأنك تقصد أو تهدف إلى ترقية ما يكتب ... مالك كيف تحكم ...

وبعد هذه المعاتبة الخفيفة أرجو أن تعلم بأنني أحترم فيك الفن وأهله ... وأقدر كم التضحيات التي تبذلونها لتوعية المجتمع عبر مقاربات هي والله مباشرة أكثر ألف مرة من مقاربتي في مفترع (مصطفى سعيد) الذي خربتموه علي غفر الله لك .. فمن بين أكثر من أربعة ألف قارئ للبوست تصديت لي أنت والبعيد فقط ...

ولم تلتفتوا إلى مناشدات النور يوسف وقرقاش بترك البوست يسير إلى أهدافه التوعوية .. علماً بأنني كنت أنقل من نسخة ورقية وهي عملية مجهدة.

ختاماً أرجو صادقاً كما أحترم فيك الفنان الذي ينير حياتنا ... أن تحترم فيني الداعية الذي يسعى لمستقبل أفضل لأبنائكم ... مستقبل خالي من الفكر الفاسد والطغيان المهلك للزرع والضرع.. الداعية الوفي لكتاب الله الذي تم تغييب تعاليمه أربعة عشر قرناً ونيف من الزمان.

وهذه آخر مداخلة لي في هذا المفترع فقد أوصلت ما أردت قوله.. مع احترامي وودي.
وأرقد عافية .

الحبوب ابو جعفر

تحية واحترام

أول شئ يا سيدي ،،، ليس من يناقشك ،،، يحاورك مهما اختلف معك في وجهات النظر ،،،
فهو بذلك لا يحترمك ،،،
الإحترام واجب يا سيدي حتي العدو وجب علي الإنسان أن يحترم أعداءه
فما بالك وقد جمعنا هذا المكان في تواصل ومحبة

ويا سيدي بذات قولك ،،، إنو لما العضو ناصر يوسف كتب بوست وعنوانه شيييييين ــ الأدبخانة ـــ

هو كان بيقصد شنو والناس قهمت شنو

بنفس الفهم يا اخوي ،،،

لما كتبت إنتَ أبناء السفله وربطت قولك بالحزب الشيوعي السوداني

هل بالضرورة إنو الناس تفهم من سياق قولك ده بإنك ما قاصد الإساءة لأعضاء الحزب الشيوعي ولأهلهم الولدوهم ؟؟

يا حبوب كيفي لا احكم ولا كيفك انت لا تحكم

من خلال قرائتي ليك بعمق يا ابو جعفر
شايفك بتناغض نفسك براك والله

ثُم ياخي حبابك تب كداعية يقودنا إلي النور ويدينا فرقة إننا نقود أطفالنا إلي النور برضو وده شئ بيفرح والله

لكن ،،، خليك منطقي شوية في طرحك ،،، في نقدك ،،، في تقبلك لنقد الآخرين

مش لأنو الناس ما أتفقت معاك خلاص إنتَ الصاح وهم الغلط ،،،لأنو دي بتتقاس بياتو معيارية ، مسألة أنا صاح وهم غلط أو العكس ؟؟

ثُم ليه تغادر البوست ده من أساسه يا ابو جعفر

البوست ده ما فيه مقولتك دي

خلاص قلت العاوز أقولو ومشيت

ما تمشي ياخ ابقي تعال وخلينا نتحاور بكامل الهدوء والإحترام محفوظ والله

بعدين بوست مصطفي سعيد وأبناء السفله شايفك قلت

خربتموه علي ،،،

الله يغفر لي غايتو لو ساهمت في خراب البوست زي ما بتقول انت

البوست داك بالنسبة لي كانت فيه مغالطات كتيرة وأسئلة حائرة محتاجه لأجوبه

سألتك هناك وما رديت ردود مقنعة بالنسبة لي ،،، طواااالي عملتني من المساهمين في خراب سوبا ؟؟ أقصد خراب البوست ؟؟

يا أخوي ربنا يعدل طريقك وطريقي وطريق كل العباد بما فيهم الشيوعين العاملين ليك حسكنه ديل ياخ


أبقي راجع لأننا يا دوبنا ابتدينا

[صديق عيدروس]

المشاركة الأصلية كتبت بواسطة أبو جعفر

ختاماً أرجو صادقاً أن تحترم فيني الداعية الذي يسعى لمستقبل أفضل لأبنائكم ... مستقبل خالي من الفكر الفاسد والطغيان المهلك للزرع والضرع.. الداعية الوفي لكتاب الله الذي تم تغييب تعاليمه أربعة عشر قرناً ونيف من الزمان.

ياسلام ،، الداعية الوفي لكتاب الله ،، والذي يسعى لمستقبل افضل لابنائنا


(اللهم رب الناس اذهب الباس واشف انت الشافي ، لاشفاء إلاّ شفائك ، شفاء لايغادر سقما )،،،، امين

[أمير الأمين]

كعادة الحوارات هنا تنتهى دوما الى الشخصى والخاص
وبعدها الاساءات .. فهى دائرية تنتهى الى لا شئ..
لا اكثر من دليل على مسمى هذا البوست والى اين يتجه..!!

[ناصر يوسف]

المشاركة الأصلية كتبت بواسطة أمير الأمين

كعادة الحوارات هنا تنتهى دوما الى الشخصى والخاص
وبعدها الاساءات .. فهى دائرية تنتهى الى لا شئ..
لا اكثر من دليل على مسمى هذا البوست والى اين يتجه..!!

يا امير الامين يا زول يا امير
كيفنك اخوي نعلك وعيالك طيبين

اهو يا حبوب البوست عاوز الناس تبعد عن الشخصنه وتحاور بمعني الحوار
وللحوار ادب
وللاختلاف برضو ادب
ولا شنو بالله

من حق اي انسان يدخل هنا ويقول العاوز يقولو بالطبع ومافي زول بيحجر علي زول
ابو جعفر دخل نفسو في حتة ضيقة
الجيلي بإنفعالو
عبد المنعم الحضيري بإتهاماته لابو جعفر
صديق عيدروس بإندهاشاته

وأهو ياخ

اتمني من الجميع .. بقول ... اتمني
اتمني اننا نخرج للناس بما يفيدهم
وما بعتقد انو ( صراخنا ) في وش بعض حيفيد حواراتنا ولا حيفيد اي زول بيدخل يقرانا هنا

[أسعد]

تحياتي يا ناصر
غايتو أكبر ماسورة صنعت في التاريخ هو تعريف الحوار على اساس انه تحاور الأفكار!!
الفكرة عبارة عن فقاعة صابون شايلها الهواء... لكن الانسان يتلقفها لكي يسقط فيها حاجاتو... عشان كدة لو تأملت افكار كل انسان في جوهرها ح تلقاها فعليا ليست فكرة بل هي عبارة عن بقجة مليانة من حاجات لاشعور الانسان الفكاها...
لذلك الحوار فعليا هو تلاقح نفسيات البشر فكريا وأخلاقيا وعاطفيا والخ الخ الخ
عشان كدة يا حبوب لا تضيّق واسع... خلي الناس تتحاور على حسب حاجاتها الجواها
الجيلي يتحاور بانفعالته
ابوجعفر يحاور بمعتقداته
ناصر يحاور بعاطفته
أنا أحاور لكي أتجمل


من نعم الله أن سخر لنا هذا السايبر لكي نخرج ما بداخلنا ...

[ناصر يوسف]

المشاركة الأصلية كتبت بواسطة أسعد

تحياتي يا ناصر
غايتو أكبر ماسورة صنعت في التاريخ هو تعريف الحوار على اساس انه تحاور الأفكار!!
الفكرة عبارة عن فقاعة صابون شايلها الهواء... لكن الانسان يتلقفها لكي يسقط فيها حاجاتو... عشان كدة لو تأملت افكار كل انسان في جوهرها ح تلقاها فعليا ليست فكرة بل هي عبارة عن بقجة مليانة من حاجات لاشعور الانسان الفكاها...
لذلك الحوار فعليا هو تلاقح نفسيات البشر فكريا وأخلاقيا وعاطفيا والخ الخ الخ
عشان كدة يا حبوب لا تضيّق واسع... خلي الناس تتحاور على حسب حاجاتها الجواها
الجيلي يتحاور بانفعالته
ابوجعفر يحاور بمعتقداته
ناصر يحاور بعاطفته
أنا أحاور لكي أتجمل


من نعم الله أن سخر لنا هذا السايبر لكي نخرج ما بداخلنا ...

أخخخخخخخخخخخرج ،، أخرجي ،،

ياخي الإخراج ده ذاتو خشم بيوت ومدارس

[أسعد]

المشاركة الأصلية كتبت بواسطة ناصر يوسف

أخخخخخخخخخخخرج ،، أخرجي ،،

ياخي الإخراج ده ذاتو خشم بيوت ومدارس

الاخراج لا يعتمد على مدارس ولا خشم بيوت
الاخراج يعتمد فقط على بنية الجسد التي من خلالها يمكن تحديد كيفية الجلوس المريح ونوع وكمية الأكل ... لذلك وان تساوت الفتحات ولكن يظل الاخراج مختلفا

واختلاف الاخراج لا يفسد للود قضية

[الجيلى أحمد]

الأخ الكريم الذى كتب بأن الناس تجاوزت نحو الخاص، أرجو منه أن يشرح لنا منطقة التجاوز نحو الخاص والشخصى الذى تحدث عنه!

كلو فى العام، ولو مرقنا من دربو طوالى نبطل المسءلة دى ونوقفا هنا..

لذلك كلام معمم كهذا لاينفع، يعنى لازم يحصل تحديد..
فلان تجاوز نحو الشخصى والخاص، فى هذا الموضع أو ذاك وقال كذا وكذا.

[ناصر يوسف]

أبو السعود
كيفنك أخوي

عليك الله أمسح أو أكنس مداخلتك الأخيرة دي دي الله يرضي عليك

آآآآآي ياخ ينوبك ثواب وعليك ديييييينك أمسحها وإنشاء الله مكانها تنبزني أنا راضي