الشايقية..ماضيهم المشرق،،حاضرهم الأخضر ومستقبلهم الواعد

[imported_نزار حسن علي]

الأخ الصديق/ دو الحسين

كل سنه وانت طيب والشوق ماسورة محلوجه

بلادي انا تكرم الضيف وحتي الطير من يجيها جعان ومن اطرافها تقيها شبع


مع مودتي

[imported_عبدالله الشقليني]

[foq]حبيبنا ود الحسين

أنا ما شايقي لكن بَحِب الشايقية :

عندما تغنى النِعام على إيقاع الدليب :

حور في سُور
سيدو مُعَلي سُورو
الجيران ما قادرين يزورو
لئام غُفرا
الزول ما بيَدُورو

ستعرف كيف كان الوصف البليغ
وكيف هو اللحن الجاذب .

شكراً لك ود الحسين [/foq]

[أبو الحسين]

المشاركة الأصلية كتبت بواسطة ملكة سبأ

لا فض فوك ...

تحياتنا ابو الحسين ..
وماك مشحود ياجميل ..

واصل آزول ولاقينا على القائمة ((ب))

يجازي محنك يا ملكة بنات جيلها...

والله القائمة ((ب)) دي مافي طريقة تحلني منها تَبْ... قااااااااعد وجابِد عنيقريبي الهَبَّابي من تمانية صباحاً ليييييييييييي سبعة مساء... ما يحلني منها إلا نهاية الدوام والنوم... وبيني وبينك في لَمَّة كدي بالليل حقت ناس أُوروبا قاعدة تفوتني عندي نية إنترنت في البيت لكن خااااااااااايف علي العوينات لا يلحقن الصِح ...

بس أنا عاتب عليك... ليش حوش أهلك في الأون لاين دوت كوم ماكي قاعدي تتاوقي عليهو... لايمنك شديييييييييد خلاااااااااااس...

وبالنسبة لإقتباسك الفوق دا... يَعَلم الله يا الملكي ويا الحِبَّان عموم... غير نشر تُراثنا وأشعارنا والتواصل مع الناس بالكلمة الجميلة المموسقة والموزونة... ما عندنا شئ في قلوبنا... وشعارنا الرافعِنُّو اللمة الحلوي والبسمة الرايقي والذوق الشايقي والنَّفْسْ الطيبي غير دي أصلاً ما عندنا أي شئ... ربنا يصفي النفوس ويطهر الضمائر...

كميات مودتي...


أبو الحســـــــــــــين...

[imported_على حسن على]

ابو الحسين اخوى والله محل ما تمشى يانا وراك (عضو جديد النافعابى)

[أبو الحسين]

المشاركة الأصلية كتبت بواسطة نزار حسن علي

الأخ الصديق/ دو الحسين

كل سنه وانت طيب والشوق ماسورة محلوجه

بلادي انا تكرم الضيف وحتي الطير من يجيها جعان ومن اطرافها تقيها شبع


مع مودتي

الحِبيِّب نزار...

تسلم يا الغالي...

وشوقنا نحن جدوَل ضَكَر فاتح في إنقايي مرااااااااااقَدة مسطرة بس... ساقيها سَدُرْ...

شرفت ديار أهلك وأحبابك يا اخوي...

وبلادي أمان وبلادي سلام...

أبقى متوهِّط لا داخُل ويا ولد الضبيحة لي خالك نزار...


قواسيب مودتي...


أبو الحســـــــــــــين...

[أبو الحسين]

المشاركة الأصلية كتبت بواسطة عبدالله الشقليني

[foq]حبيبنا ود الحسين

أنا ما شايقي لكن بَحِب الشايقية :

عندما تغنى النِعام على إيقاع الدليب :

حور في سُور
سيدو مُعَلي سُورو
الجيران ما قادرين يزورو
لئام غُفرا
الزول ما بيَدُورو

ستعرف كيف كان الوصف البليغ
وكيف هو اللحن الجاذب .

شكراً لك ود الحسين [/foq]

الحِبيِّب وصديقي الشقليني...

إنت عارف يا الغالي... النعام دا مدرسة متفردة الللللللله أعلم تتكرر تاني... لكن بيني وبينك.. ود النصري في حفلته الأخيرة في الشرقية عندنا قد رائعة الأُستاذ/ محمد سعيد دفع الله الزول الوسيم في طبعو دايماً هادي... أداها بطريقة النعام وطلعاتو ونزلاتو ذااااااااااتة...

وأنا بطلتك الجميلة دي أهديك والجميع... النعام آدم في أُغنية القلب الجريح...

[media]http://www.anwarking.com/music/aln3am%20adam/algleb%20aljriii7.wma[/media]

ولك كميات مودتي...


أبو الحســــــــــــــين...

[imported_خالد عبدالرحمن الحردلو]

الف شكر ليك ياجمال .وإن جاءت متاخرة .
[B] ولكن العتبا علي مشاغل الدنيا
ولي مقطع ظريف عن قراصة الشايقية
عندما رفض عبدالله ودست النفر الفطور بحجة ان القراصة كرهته حياته
قالو ابه علي ود مديني
ياعبدالله ودست النفر ليش تابا القراصة
حبايت الويكي قدر عين الدباسة
لك شكري / خالد الحردلو

[أبو الحسين]

المشاركة الأصلية كتبت بواسطة على حسن على

ابو الحسين اخوى والله محل ما تمشى يانا وراك (عضو جديد النافعابى)

آلاااااااااااااااف مراحب بيك يا خالي الغالي...

وأنا وين لاقيكم يا آل النافعاب...

تشرفونا في أي محل... وتسعدنا زيارتكم يا أخوالنا...

كميات مودتي...


أبو الحســـــــــــــين...

[imported_عبدالرحيم ابراهيم العبيد]

الاخ العزيز أبو الحسين الراجل الزين وأهل الدار أستاذنكم في الدخول والمشاركة
شكرا علي هذا التوثيق الجميل 0000000000 لكن يا جماعه
الشوايقه حتي في نضميهم حلوين
يا أبو قصي كلما أقرأ كلامك أقول الزول ده عمره فوق السبعين
ربي يحفظكم 000 اليومين دهـ بسمعه بدندن لصديق أحمد 0000 ربي يجيب العواقب سليمة
لكن المجنني أنتو الكلام الحلو ده بتجيبوهـ من وين
أمكن من طبقات ود ضيف الله
وبعدين معاكم000 مش000 لازم تكون في ترجمه علي الشريط
لان الشوايقه أغلبهم أتبندروا وبقوا حناكيش
وفي أنتظار مزيد من الابداع
ودمتم[B]

[أبو الحسين]

المشاركة الأصلية كتبت بواسطة خالد عبدالرحمن الحردلو

الف شكر ليك ياجمال .وإن جاءت متاخرة .
[B] ولكن العتبا علي مشاغل الدنيا
ولي مقطع ظريف عن قراصة الشايقية
عندما رفض عبدالله ودست النفر الفطور بحجة ان القراصة كرهته حياته

قالو ابه علي ود مديني
ياعبدالله ودست النفر ليش تابا القراصة
حبايت الويكي قدر عين الدباسة

لك شكري / خالد الحردلو

الجميل خالد الحردلو...

الله يديك العافية يا اخوي وإنت ياكا زولي تَبْ...

بس وصف حبة الويكي كأنه عين الدباسة "المبلِّجي" فدي مبااااااااااالغة...

لك قواسيب مودتي وأبقى واصل يا اخوي...


أبو الحُسين...

[imported_عادل عسوم]

أبو الحسين
أنشاالله دايما أيدك وقلبك ملانين وتوزع للناس من جم
أمااااااني ماعجبني كلامك اللاّ فوق داك للملكي
جينا على عنقريبك الهبابي دة أن كان ناخدلنا تكية كدي ونقوم على واطاتا لينا لاتحت
تحياتي ياحبيب

[imported_كرار]

صديقي الجميل جدا ابو الحسين

اول مرة اشوف البوست و عايزلو يومين عشان الواحد يتصفحو مع تكية في عنقريبك الهبابي يا عملات عادل عسوم .
بس عليك الله تنزل لينا القصيدة القلتها لينا في ديوان ابو زهير ديك اللت الراجل العرسلو بنية من بنات امدرمان ماني طاريها سمح مع اسباب القريض

خالص مودتي

[أبو الحسين]

المشاركة الأصلية كتبت بواسطة عبدالرحيم ابراهيم العبيد

الاخ العزيز أبو الحسين الراجل الزين وأهل الدار أستاذنكم في الدخول والمشاركة
شكرا علي هذا التوثيق الجميل 0000000000 لكن يا جماعه
الشوايقه حتي في نضميهم حلوين
[B]

[B]الجميل عبد الرحيم العبيد...

أشكرك لك كريم زيارتك لحوش الشايقية...

ونتمنى لك إقامة طيبة... مع هذا الجمال...


من كاميرا الصديق ود كروم "حفظه الله"...

المشاركة الأصلية كتبت بواسطة عبدالرحيم ابراهيم العبيد

يا أبو قصي كلما أقرأ كلامك أقول الزول ده عمره فوق السبعين
ربي يحفظكم 000 اليومين دهـ بسمعه بدندن لصديق أحمد 0000 ربي يجيب العواقب سليمة

وبعدين معاكم000 مش000 لازم تكون في ترجمه علي الشريط
لان الشوايقه أغلبهم أتبندروا وبقوا حناكيش
وفي أنتظار مزيد من الابداع
ودمتم

تسلم أخي العبيد وحقيقي بنتساءل عن هذا الجميل أبو قصي فقد طال غيابه من هنا وهناك...

لك وله وللجميع قواسيب مودتي...

والترجمة جاااااااااااااهزة يا عزيزي بس ما عليك إلا تستفسر ونحن ماب نقصر معاك!


أبو الحُسين...