حنينة....حنينة

[بركات الشريف]

حنينة، كانت تحب اللون الازرق، والتفاتة غامضة نحو اليسار(يسار الصورة)، وتعليقات موجزة تنثرها هنا وهناك على العديد من المواضيع المطروحة للنقاش، تنثرها نثر الزبيب على الفتة، وحوار طويل معها في بوست (ضيق الهدوم في شوارع الخرطوم)، ولقطة فيديو لها وهي تقود سيارتها مسرعة مصطحبة اغنية للكاشف...كل هذا اصبح ذكريات..تبخرت حنينة
لن اتحدث في السياسة، لكنى اتحدث عن حنينة العضو
واقول لها صباح الخير او مساء الخير..وطمنينا عنك

[رأفت ميلاد]

المشاركة الأصلية كتبت بواسطة بركات الشريف

حنينة، كانت تحب اللون الازرق، والتفاتة غامضة نحو اليسار(يسار الصورة)، وتعليقات موجزة تنثرها هنا وهناك على العديد من المواضيع المطروحة للنقاش، تنثرها نثر الزبيب على الفتة، وحوار طويل معها في بوست (ضيق الهدوم في شوارع الخرطوم)، ولقطة فيديو لها وهي تقود سيارتها مسرعة مصطحبة اغنية للكاشف...كل هذا اصبح ذكريات..تبخرت حنينة
لن اتحدث في السياسة، لكنى اتحدث عن حنينة العضو
واقول لها صباح الخير او مساء الخير..وطمنينا عنك

تسلم يا بركات الشريف
والله فى شوق للأخت حنبنة على البورد وعلى الشخصى

إنقطعت أخبارها ودائمآ أراجع صفحتها http://sudaniyat.org
ولا أثر

أتمنى أن تننصب سودانياتنا لكى نعمرها ووجودها هى هو العمار كله

يجب أن نتعدى المرحلة الى آفاق أخرى ... ونزيل المرارة بالوئام

وأقول ليها صباح النور عليك يا بدور .. وطمنينا عليك

محبتى

[معتصم الطاهر]

المشاركة الأصلية كتبت بواسطة رأفت ميلاد

إنقطعت أخبارها ودائمآ أراجع صفحتها http://sudaniyat.org

ما زلت أنتظر ذلك الموقع ..
أو عودتها لهذا الموقع الذى هى عضو فيه
حتى نثبت أننا نختلف .. ونحترم الباقين و أنفسنا

ليتها و من معها يعودون ..

[omrashid]

الحنينه السكره

كلنا منتظرين طلتك البهيه وفي شوق عارم لك

[بابكر مخير]

المشاركة الأصلية كتبت بواسطة بركات الشريف

حنينة، كانت تحب اللون الازرق، والتفاتة غامضة نحو اليسار(يسار الصورة)، وتعليقات موجزة تنثرها هنا وهناك على العديد من المواضيع المطروحة للنقاش، تنثرها نثر الزبيب على الفتة، وحوار طويل معها في بوست (ضيق الهدوم في شوارع الخرطوم)، ولقطة فيديو لها وهي تقود سيارتها مسرعة مصطحبة اغنية للكاشف...كل هذا اصبح ذكريات..تبخرت حنينة
لن اتحدث في السياسة، لكنى اتحدث عن حنينة العضو
واقول لها صباح الخير او مساء الخير..وطمنينا عنك

بركات يا البركا يا المبروك
أريت بركتك تعم
ليك التحايا والحب كما تحبنا ناس سودانيات كلنا
آها يا الحبيب بقول ليك وللحبان:-

ما بيكون عقد وإلا حباتو مجتمعة
وما بيكون عقل وإلا خلاياهو متحابة
وما بتكون موية وإلا أوكسجينا مكمل هيدروجينا
وما بتكون نسمة وإلا دعشا شايلو الريح
وما بتكون سودانيات وإلا يجتمع شملا

حنو
جارسيا
عالم والله عالم كيف طُولّْت غيابو حارقانا، ما هو حتى في سودانيات دوت نت، كان مدينا الغياب وعشنا طويل أيامنا ساكين سراب. (مشتاقين ليك)
كل الحبان الطولنا منهم ومن دون فرز

لي حنو دي!! طعما في خشمي، حلاوة الماكينتوش.
وصوتا في سمعي، سيمفونيات باخ وبتهوفن.
وهي قدام شوفي، كهرمان مولع شمعدان.
وهي بي ذاتا ياها السودان بي ذاتو.

الحبان إن قدرتو تخلوها تبدى Sudaniyat.org تبقو فوزتو بي رضا ناس سودانيات كلهم وحب الله.
إن جيبتوها Sudanyat.org بتبقو ظفرتوا بي رضا الله وحب ناس سودانيات كلهم.

همسة
الزعل بيرفع الضغط وبي غُم الروح
والفرح بطيب النفس وبيشفي الجروح

[mamkouna]

الأخ الكريم بركات الشريف و كل زوار البوست..

حنينة لم تكن نصف مالكة لسودانيات فقط..
بل كانت قلب سودانيات النابض بالحياة....

نفتقد حنينة و آراءها المتمردة والحاااادة..
نفتقد حنينة و قدرتها على إثارة الحوارات بعقلانية و كثير ثقافة..
نفتقد حنينة و كمها الهائل من المعلومات...
نفتقد حنينة و مشاكساتها و مناكفاتها..
نفتقد حنينة و آراءها الحرة..الواضحة الصريحة..
نفتقد حنينة و شجاعتها و قوة شكيمتها و عزيمتها..
نفتقد حنينة بعمق ..
لكننا نحترم خياراتها..
أليست هي من علٌمتنا...أن...
........ life is all about choices !!!!!

[نبيل عبد الرحيم]

تسلم يا بركات
والله فى شوق للأخت حنبنة .
نفتقد حنينة و آراءها الحرة....

[iman mohamed hussien]

شعارنا سودانيات هي سودانيات

حنو علينا يا ناس حنينه

حنينه طول عمرك حنينه مسامحه المسامح كريم
وجودك معانا بيكمل علينا الكثير بدخل فينا الفرح من خلف
طلتك مداخلتك المليانه الم تحن الفرصه بعد في انتظارك زائره
ايمان

[فيصل سعد]

الاحباب جميعا :

تحية طيبة ، اسأل معكم عبر هذه النافذة الاخت حنينة حالها و احوالها ،و اقول لها كوني دائما بخير.