دكتورة/بيان
كل سنة وانت طيبة...
هل نحنا حقيقى نلنا استقلالنا؟؟؟قد اكون من ابان عيونا خدر،لكن تركوا لينا ارث مشكلاتى لا يمكن الفكاك منو طالما البلد فيها عديمى الضمير والانسانية،مش كدا وبس كمان فى متابعة للخوازيق الركبوها فينا ان تأتى اكلها ودا الشىء الحاصل،يعنى يا دكتورة الناس تتلما فى مصلحة البلد دا مستحيل طالما الساسه الفارضيين نفسهم على الشعب والمطبلاتية بتاعنهم على انفاسنا،وبرضو عفا الله عما سلف ،اسرقوا وانهبوا واغتصبوا واغتالوا واقتلوا وامتهنوا وزى ما حصل شىء ،وتدور مطحنة الشعب السودانى ،وتانى من الاول ما بنصادق الا الصادق...ويلا بلا لمة بلا زحمة اتحاد نجيب الرحمة ...هى لله هى لله لا للسلطة ولا للجاه...ويا محمد احمد همتك صوتك امانة فى ذمتك ما تخلى سادن قمتك ...وهاك يا تعويضات ...
وانا مافى زول انتخبنى عشان اعمل ليهو شىء انا انتخبتنى شنطتى دى...واحدين مولودين ومنعمين وعايشين بعرق الشعب السودانى ...نوعية لاتساوى شىء فى حياة الشعب ولا زالوا هكذا واخدوها بليل وتطاولت وكبرت سواقطهم ...علماء وعقول وخيرة ابناء الشعب قالوا احسن دول المهجر بحجة الوضع الداخلى للبلد وبرضو محمد امحمد براهو المكتوى باستبداد الحكام ويصنع فى الثورات بدمو ومالو ...والله يا دكتورة كان حكومة ولا معارضة وباقى الوان الطيف يعنى من مجاميعوا ما فيهم خير للشعب السودانى
والصبح قادم وبنقعد نتفن فى واطاتنا وناكل ويكتنا وبلحنا ودامرقتنا وبفرتنا ونشرب موية النيل ونطايب ونواسى ونسلم ونعلم ونحى ونحاكم بعض فى سودان العزه والكرامه والداير منهم اقعد معانا القصاص بطولو ويا دكتورة انشاء الله اذكرك (حمل اسمو محمد امحمد بين ضباع مدعى الساسة فى وطنى)
دمتى دكتورة...
|
