لعب العيال الثوري ! - الصفحة 4

imported_فتحي مسعد حنفي · 06-02-2011, 08:24 AM

اقتباس:

المشاركة الأصلية كتبت بواسطة سلمى الناير

شوف يا مسعد حنفي
كلامك دا فيهو اساءة وعدم احترام لخصوصيتي ياخ انا من ما جيت هنا كل الناس حذرتني منك وفهمت منهم انك انسان سخيف او حشري وتتدخل فيما لا يعنيك فقررت ما احتك بيك دا اولا ..
تانيا ايه علاقة البكتبو هنا بسكني واسرتي انت زول ما عندك شغلة ولا شنو ؟ وهل خلاص مشاكل السودان دي كلها وقفت على اني شخصية وهمية ولا حقيقية ..
هنا في ناس بكتبوا باسماء ما معروفة زي همسة شوق وسمراء وما شاكل مع الاعتذار ليهم وكان ممكن اسجل باسم (قنبلة) او (فاطنة رشدي) او ممكن انتحل شحصية رجل ا او الخ ..
انت حدك معاي تناقشني في البكتبو هنا تتفق معاهو او تختلف على كيفك لكن تقول لي بيتكم وين وجاي اشرب معاك شاي واشرب لي حجر شيشة مع زوجك ما مسموح ليك ولا مرحب بيك فاهم ولا ما فاهم ؟
ومع ذلك ومين قال ليك الناير من الاسر المعروفة في بحري حامد الناير التقلاوي كان معلم ونقابي ومن المغضوب عليهم كل سنتين في بلد لحدي ما نزل المعاش ومتزوج من بحري ولو ملاحظ انا قلت والدتي هي المن بحري وعلى العموم انا مولودة في حلة حمد نفسها وفي بيت المرحوم علي مرسي وعلى يد الداية زكية ..
واسكن حاليا حلة الدناقلة في منزل مملوك لزوجي ... اكتر من كدا ما من حقك تعرف ولا مفروض تعرف .. اما حكاية ايامي بقت معدودة في المنبر دا دي انا برفعها للادارة ونشوف رايهم شنو فيها اذا لم يتخذوا ضدك اجراء مناسب انا التي ساغادر ..
وتاني ما تجيني تعتذر لاني ما حارد عليك لأنك لا تحترم الاخرين وخصوصياتهم وما بتعرف حدودك وين ..
والسلام

أنا حأسيب الكلام الأولاني الكتبتيهو عشان مافي داعي أرد عليهو مادام أنا زول سخيف وحشري وعموما دي حاجة بيحددوها الأعضاء ما انتي ولا الناس النصحوك..
هسة في ذمتك شرحك الشرحتيهو في الآخر دا مش كنتي كتبتيهو من الأول وكنت شلتك فوق راسي علي الأقل اكراما لي المرحوم علي مرسي وولدو الحاج وأختو زكية الداية بدل ما أضطر أستفذك عشان تقوليهو..
لعلمك أنا من البداية كنت شاكي في شخصيتك وصلتك بي حلة حمد ودا الخلاني أجرجرك في الكلام لغاية ما تقوليهو ومادام انتي اتولدتي في بيت علي مرسي يبقي بتعرفي أهلي كويس وانتتي اتولدتي في بيت كريم والحاج في أي حظة بيسمع بي جيت السودان بيجيني البيت يسلم علي وأنا حضرت وفاة زوجتو رحمة الله عليها في آخر اجازة لي في السودان....
عموما ياستي ولا يهمك أنا حأريحك من سخافتي وحشريتي وتاني ما حأتداخل معاك ..

ملحق:
حكاية أيامك معدود دي حسب صحة الشكوك الكانت في راسي وما معناها انو الادارة حتوقفك لكن كنت حأكرهك في المنتدي لغاية ما تخليهو براك وبرضو دا بيعتمد علي صحة ظنوني..

imported_بدر الدين اسحاق احمد · 06-02-2011, 09:05 AM

اقتباس:

المشاركة الأصلية كتبت بواسطة فتحي مسعد حنفي

الغريبة أنا أعرف معظم عوائل الخرطوم بحري واسم الناير دا ما صادفني .

اهـا يا بوليــس الاسافير طوالى جيت تهنضب الاستاذة ..
بيت فى حلة الدناقلة بيفتح غرب على حلة خوجلــى بعد شارع خور نصر الدين
فيه دكان تصليح ماكينات الطباعة عندهم ولدهم لعب معانـا كورة اسمو ( شرف )
البيت الشمال بيتهم طوالــى بيت ناس ابوهم ولا جدهم اسمو النائــر ..
خرفت وبقيت تفلق بالحجار ...

imported_بدر الدين اسحاق احمد · 06-02-2011, 09:09 AM

اقتباس:

المشاركة الأصلية كتبت بواسطة فتحي مسعد حنفي

أ

لعلمك أنا من البداية كنت شاكي في شخصيتك وصلتك بي حلة حمد ودا الخلاني أجرجرك في الكلام لغاية ما تقوليهو .....
..[/COLOR][/SIZE]

imported_فتحي مسعد حنفي · 06-02-2011, 09:21 AM

اقتباس:

المشاركة الأصلية كتبت بواسطة بدر الدين اسحاق احمد

اهـا يا بوليــس الاسافير طوالى جيت تهنضب الاستاذة ..
بيت فى حلة الدناقلة بيفتح غرب على حلة خوجلــى بعد شارع خور نصر الدين
فيه دكان تصليح ماكينات الطباعة عندهم ولدهم لعب معانـا كورة اسمو ( شرف )
البيت الشمال بيتهم طوالــى بيت ناس ابوهم ولا جدهم اسمو النائــر ..
خرفت وبقيت تفلق بالحجار ...

أها جيت يا سليمان حجر

لعلمك انا عارف انو في زول اسمو الناير في حلة حمد وبيت علي مرسي دا أنا كنت اليوم كلو فيهو بس يابدر الدين انتو مفروض يدوكم دروس في استخراج وتأكيد المعلومات..

imported_الجيلى أحمد · 06-02-2011, 09:24 AM

تحياتى ياسلمى
وطاب يومك

دا عنوانك

اقتباس:

لعب العيال الثوري

يعنى ياسلمى الناس المرقت دى وعبرت عن رايها بسلمية وشجاعة
شوية عيال و
وكمان بيلعبوا؟

هسه دا ماكلام حسنى مبارك ذاتو!!
وكلام السلطة وحديث صبيتها المنتشرين فى النت كما السرطان, لايمكنك أن تمسكهم بمنطق , ولا أن تجادلهم باحسان, لايقوون على المجالدة ومبدعين فى فنون التهريج والاسفاف والسطحية..
لدى مطالعة لك من زاوية تقول بانك لاتشبهين ذلك,

ولكن عنوانك يترك عدة أسئلة,
أتمنى ان تستطيعى شرحه

تحياتى

imported_الجيلى أحمد · 06-02-2011, 09:41 AM

شوفى لعب العيال يبعمل شنو ياسلمى
بيهز الطاغوت ويغض مضجعه
ويزلزل جبروته

http://www.youtube.com/watch?v=SpVyh...layer_embedded

imported_بدر الدين اسحاق احمد · 06-02-2011, 10:46 AM

اقتباس:

المشاركة الأصلية كتبت بواسطة فتحي مسعد حنفي

تعرف يامنعم انت قلت كلام منطقي ومحسوب بدقة حسب المعطيات الأدتنا ليها سلمي.
تعرف أنا في النهاية وصلت لي انو سلمي الناير دا اسم وهمي وربما كان برضو محمد فرح بمكنة جديدة..

الغريبة أنا أعرف معظم عوائل الخرطوم بحري واسم الناير دا ما صادفني

.

و

+ كـــااااااااااااااااااااااااااااااااك ( معليش جلت يا خواجــه )

imported_فتحي مسعد حنفي · 06-02-2011, 11:04 AM

اقتباس:

المشاركة الأصلية كتبت بواسطة بدر الدين اسحاق احمد

و

+ كـــااااااااااااااااااااااااااااااااك ( معليش جلت يا خواجــه )

أنا ما قلت ليك انتو محتاجين لي دروس في تقصي الحقائق..أنا من الأول عارفا مجلية لكن التجلية دي كان عندي منها أهداف أخري فشوف ليك موضوع تاني..وسلمي دي بت ناس أنا بعرفم وكنت داير أتأكد من ظنوني وتاني كان شفتني غلطا عليها تف لي في وشي..

imported_بدر الدين اسحاق احمد · 06-02-2011, 11:13 AM

العم الكريم فتحى مسعد ...
ليك العتبـى وحاشانــى ان انظر اليك دون الادب وحدوده ..
فإنت برضـو كبير صديق كبار اصدقائنـا واخواننــا ...
قليل نفك بيهو قصة الماهيــة الما مغطيــة معانـا دا ..

انت يا خواجــة نسيت انـو انا وكتك المناضل فى اوربا نحن
إحتلينــا بيت ابوك وهاك يا ( شئ حلقة تلاوة / شئ ندوة تجنيدية / شئ كوب شاي / شئ درس / شئ عمل جريدة المسجد / ....)
حلتكم دا فى يوم مـا كنــت مسئولاً عنهـا ( ما تسألنى فى شنو )

_________
سلمــى الناير .. عمك فتحــى دا كبر وبقـى جنو ( سعالات ) بتاعت الناس الكبار .. اعفــي ليهو حســى بيكون تعبان شديد وبيفتش فى تلفون اهلك عشان يقول ليهم بتكم دا انا ما عرفتها معليش امسحوها لي فى وشــي ...

imported_سمراء · 06-02-2011, 11:21 AM

اقتباس:

المشاركة الأصلية كتبت بواسطة بدر الدين اسحاق احمد

اعفــي ليهو حســى بيكون تعبان شديد وبيفتش فى تلفون اهلك عشان يقول ليهم بتكم دا انا ما عرفتها معليش امسحوها لي فى وشــي ...

imported_فتحي مسعد حنفي · 06-02-2011, 01:20 PM

اقتباس:

المشاركة الأصلية كتبت بواسطة بدر الدين اسحاق احمد

العم الكريم فتحى مسعد ...
ليك العتبـى وحاشانــى ان انظر اليك دون الادب وحدوده ..
فإنت برضـو كبير صديق كبار اصدقائنـا واخواننــا ...
قليل نفك بيهو قصة الماهيــة الما مغطيــة معانـا دا ..

انت يا خواجــة نسيت انـو انا وكتك المناضل فى اوربا نحن
إحتلينــا بيت ابوك وهاك يا ( شئ حلقة تلاوة / شئ ندوة تجنيدية / شئ كوب شاي / شئ درس / شئ عمل جريدة المسجد / ....)
حلتكم دا فى يوم مـا كنــت مسئولاً عنهـا ( ما تسألنى فى شنو )

_________
سلمــى الناير .. عمك فتحــى دا كبر وبقـى جنو ( سعالات ) بتاعت الناس الكبار .. اعفــي ليهو حســى بيكون تعبان شديد وبيفتش فى تلفون اهلك عشان يقول ليهم بتكم دا انا ما عرفتها معليش امسحوها لي فى وشــي ...

حاشا يابدر الدين اني أنظر ليك نظرة دونية فأنا علي أسوأ الاحتمالات ممكن أنظر ليك كأنسان تم خداعه واستغلال التزامه في باطل وعموما أنا متأكد من انك حيجي يوم تكتشف فيه انك كنت مغيب وحيكون عندك الشجاعة للرجوع الي الحق..
أما موضوع سلمي فأنا أقحمته في مداخلتي عشان وعدتها اني ما أتداخل معاها تاني فببساطة عملتك كوبري لتوصيل كلامي ليها بدون ما أخاطبا مباشرة..
طب نفسا يابدر الدين فأنا لم أفقد الأمل في رجوعك الي الحق..

imported_بدر الدين اسحاق احمد · 07-02-2011, 01:30 PM

اقتباس:

المشاركة الأصلية كتبت بواسطة فتحي مسعد حنفي

حاشا يابدر الدين اني أنظر ليك نظرة دونية فأنا علي أسوأ الاحتمالات ممكن أنظر ليك كأنسان تم خداعه واستغلال التزامه في باطل وعموما أنا متأكد من انك حيجي يوم تكتشف فيه انك كنت مغيب وحيكون عندك الشجاعة للرجوع الي الحق..
أما موضوع سلمي فأنا أقحمته في مداخلتي عشان وعدتها اني ما أتداخل معاها تاني فببساطة عملتك كوبري لتوصيل كلامي ليها بدون ما أخاطبا مباشرة..
طب نفسا يابدر الدين فأنا لم أفقد الأمل في رجوعك الي الحق..

تعملنــي انا كبرى يا Man ...

بستناك فى الضلمــة

ترمــة .. لعلم الاعضاء والمشاهدين منزل المرحوم مسعد حنفى كان اكبر معقل
من معاقـل الاسلاميين فى حلة حمد وهو مجاور لمسجد حلة حمد مباشرة ..
بعدين البيت اليوم دائرة مقفولـة ( كلو كيزان وجككــه )

imported_فتحي مسعد حنفي · 07-02-2011, 02:07 PM

اقتباس:

المشاركة الأصلية كتبت بواسطة بدر الدين اسحاق احمد

تعملنــي انا كبرى يا Man ...

بستناك فى الضلمــة

ترمــة .. لعلم الاعضاء والمشاهدين منزل المرحوم مسعد حنفى كان اكبر معقل
من معاقـل الاسلاميين فى حلة حمد وهو مجاور لمسجد حلة حمد مباشرة ..
بعدين البيت اليوم دائرة مقفولـة ( كلو كيزان وجككــه )

دا شنو دا ياعبد الحميد صيام..
منزل مسعد حنفي عمرو ما كان معقل لي كيزان ولا حيكون, الا انه منزل مسلمين ملتزمين بما فيهم أنا وأظنك ملخبط بين بيت مسعد حنفي وبيت خالي عبد المنعم اي بيت عادل عبد المنعم ربيب الترابي..
أما منزل مسعد حنفي فالساكن فيهو سمير أخوي ومدور سمسمية وسوائل من صباحة الله لي مواعيد النوم ودي معلومة أنا أضطريت أقولا وكلي أسف لافشائها..
مسعد حنفي فعلا كان بصللي الخمسة أوقات هو وأولاد بيتنا في الجامع لكن ما كان فيهم ولا كوز واحد وبالعكس جواهم كراهية للكيزان ولو بيتنا بقي زي ما بتقول معقل للكيزان حرم أمشي أكب فيهو جالون بنزين وأولع فيهو..

توضيح:
عبد الحميد صيام راجل زميلنا في تشيكوسلوفاكيا ومن حلة الشلالية وهو أخو علي صيام لاعب الكوكب الشهير..عبد الحميد لامن نكون قاعدين نتونس في براغ يبتدي يحكي حكاية ويقول مرة كنا أنا وفتحي في عرس في حلة الدناقلة وفي واحد اتحرش بي فتحي والحلبي ما كضب أداهو بونية رمتو..لغاية هنا الأمور تمام وأنا ما بتكلم مع اني عمري ما مشيت معاهو بيت عرس..المهم حميد بديني البونية الأولي كرشوة عشان أسكت لكن بعد داك بدق بيت العرس كلو براهو..

imported_رأفت ميلاد · 07-02-2011, 06:06 PM

سلامات يا سلمى

ياخ عملتى إستعراض معلومات جيد جداً .. قطع شك إستفاد منها الكثير منا .. ولكن حتى الآن لم تبررى (العنوان) ..

المعطيات واضحة:

حكومة تقوم بفرض وجودها ببطش الأمن ومصادرة الحريات .. تضيق الخناق الإقتصادى على الشعب .. وتبسطه فقط لمن يوالوها .. تفقر معارضيها .. وتفصلهم من أعمالهم .. ولا تتورع من تصفيتهم جسدياً ..
معارضة الأنترنت وسيلة عالمية متاحة لبث الأفكار والثقافات .. ومهمة تعبئة الثورة عمل ضخم .. مفعلوه أقل فى السودان نسبة للفقر والجهل .. وليس فى متناول اليد كما فى كل العالم .. ولكن إذا ذهب فقط (أبنك) .. الله يديه العافية .. الى ميدان عقرب .. تكون الرسالة فى طريقها الى الوصول .. وسيكون المد ..
المعارضة الضعيفة لا تعنى يجب أن يقبل الشعب الذل والهوان .. ويترع الفقر ويقبل ضياع الوطن .. عانينا الأمرّين حتى خلعنا نميرى .. جاء الصادق ومارس عبثه وضيع البلاد مرة أخرى .. ذلك لا يعنى أن جهدنا راح هباء وصال (لعب عيال) ..
معارضة المنافى التى ببخسها الأعلام والكيزان أذناهم ويحاولون التقليل منها .. تخيف الجلاد وترتعد أوصاله .. عندما يجد نفسه عارياً أمام شعبه .. فسلاحه الحقيقى هو التعتيم والتضليل .. ومن يتخلف عن واجبه عن هكذا معارضة خان شعبه ومكن الجلاد من من غيه ..
عنوان (لعب عيال) إهانة لى ولك .. ولكل الشرفاء الذين فقدوا أحبابهم .. ولكل الذين ماتو وتعذبوا فى السجون .. ولكل إنسان يحمل غيرة وحب لهذا الوطن ..

06-02-2011, 09:41 AM	#[51]
imported_الجيلى أحمد :: كــاتب نشــط::	شوفى لعب العيال يبعمل شنو ياسلمى بيهز الطاغوت ويغض مضجعه ويزلزل جبروته http://www.youtube.com/watch?v=SpVyh...layer_embedded
imported_الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs

06-02-2011, 11:13 AM	#[54]
imported_بدر الدين اسحاق احمد :: كــاتب نشــط::	العم الكريم فتحى مسعد ... ليك العتبـى وحاشانــى ان انظر اليك دون الادب وحدوده .. فإنت برضـو كبير صديق كبار اصدقائنـا واخواننــا ... قليل نفك بيهو قصة الماهيــة الما مغطيــة معانـا دا .. انت يا خواجــة نسيت انـو انا وكتك المناضل فى اوربا نحن إحتلينــا بيت ابوك وهاك يا ( شئ حلقة تلاوة / شئ ندوة تجنيدية / شئ كوب شاي / شئ درس / شئ عمل جريدة المسجد / ....) حلتكم دا فى يوم مـا كنــت مسئولاً عنهـا ( ما تسألنى فى شنو ) _________ سلمــى الناير .. عمك فتحــى دا كبر وبقـى جنو ( سعالات ) بتاعت الناس الكبار .. اعفــي ليهو حســى بيكون تعبان شديد وبيفتش فى تلفون اهلك عشان يقول ليهم بتكم دا انا ما عرفتها معليش امسحوها لي فى وشــي ...
imported_بدر الدين اسحاق احمد :: كــاتب نشــط::	التوقيع: [align=center]ان الانسان الذى ليس شاهداً على عصره ..شاهداً على صراع الحق والباطل ..لا يهمنا ان كان واقفاً فى المحراب يصلــى او جالساً فى الخمارة الشهيد ..على شريعتى [/align] [align=center] ويبقــى المستمسكون بفطرتهــم هم الاكثــر ثباتــا على طريق الجنــة ... هانــى فحــص ..[/align]

07-02-2011, 06:06 PM	#[59]
imported_رأفت ميلاد :: كــاتب نشــط::	سلامات يا سلمى ياخ عملتى إستعراض معلومات جيد جداً .. قطع شك إستفاد منها الكثير منا .. ولكن حتى الآن لم تبررى (العنوان) .. المعطيات واضحة: حكومة تقوم بفرض وجودها ببطش الأمن ومصادرة الحريات .. تضيق الخناق الإقتصادى على الشعب .. وتبسطه فقط لمن يوالوها .. تفقر معارضيها .. وتفصلهم من أعمالهم .. ولا تتورع من تصفيتهم جسدياً .. معارضة الأنترنت وسيلة عالمية متاحة لبث الأفكار والثقافات .. ومهمة تعبئة الثورة عمل ضخم .. مفعلوه أقل فى السودان نسبة للفقر والجهل .. وليس فى متناول اليد كما فى كل العالم .. ولكن إذا ذهب فقط (أبنك) .. الله يديه العافية .. الى ميدان عقرب .. تكون الرسالة فى طريقها الى الوصول .. وسيكون المد .. المعارضة الضعيفة لا تعنى يجب أن يقبل الشعب الذل والهوان .. ويترع الفقر ويقبل ضياع الوطن .. عانينا الأمرّين حتى خلعنا نميرى .. جاء الصادق ومارس عبثه وضيع البلاد مرة أخرى .. ذلك لا يعنى أن جهدنا راح هباء وصال (لعب عيال) .. معارضة المنافى التى ببخسها الأعلام والكيزان أذناهم ويحاولون التقليل منها .. تخيف الجلاد وترتعد أوصاله .. عندما يجد نفسه عارياً أمام شعبه .. فسلاحه الحقيقى هو التعتيم والتضليل .. ومن يتخلف عن واجبه عن هكذا معارضة خان شعبه ومكن الجلاد من من غيه .. عنوان (لعب عيال) إهانة لى ولك .. ولكل الشرفاء الذين فقدوا أحبابهم .. ولكل الذين ماتو وتعذبوا فى السجون .. ولكل إنسان يحمل غيرة وحب لهذا الوطن ..
imported_رأفت ميلاد :: كــاتب نشــط::	التوقيع: رأفت ميلاد [align=center] [frame="7 80"]سـنمضى فى هذا الدرب مهما كان الثمن الشـهيد سـليمان ميلاد[/frame][/align]