اقـتلـوا عـكـودآ أو اطرحـوه أرضـآ..أو سـيكـلـوجـيّـة الحســـد..(البغــر)

[imported_عبدالعزيز خطاب]

الحبيب الطيب الطيب

شووووووق وموده

أنا غايتو الحاسيبو تجاه عمو عكود ده ماني لاقيلو إسم كان حسد كان بغر كان شيتن لسه مالقولوا إسم..

الزول أب عمه دهـ عمو عكود عنده سحر عجيب .. تسمع عنه سااااي تحبه وكان كتبلك يأسرك أما كان لاقيتو وشوفتو الله قال بي قولك!! الحب يكنكش فى تلابيب قلبك قوي. ويجلس ملك علي عرش الفكرة وتصبح حشود المشاعر والوجدان والأحساسيس خدام لذلك العشق السلطان.

والعجيبة كمان.. كان دخلت بيته ولاقيت حبيبة عمو لذيذ والعبقري محمد وست الحسان لي حدهم أم محمد!! ده كمان كلام تاني بدور ليه فنجان جبنه خليني أطلبه من كرستينا (البرتغالية) وأتمخخ وبعد داك بجيكم صادي أحكي ليكم عن القراصة اللسه بوخها طالع من أصابعيني.

محبتي والأمنيات

عزيز

[imported_كيشو]

المشاركة الأصلية كتبت بواسطة رأفت ميلاد

كمال عكود كيفنك
بتين جيت بى جاى .. وبقينا نلخبط فى العكوداب .. بس نعل ما أسيوطى

مرحب بيك ..
شايف مداخلتك فتوة وكدة .. الليلى مافى فطور الخلوة

مرحب بيك تانى

يا أستاذ رأفت
الزوول الجاب ليكم حل الكوبي بيست في البوست دا أسيوطي أصيل، هل يكفي أم أنادي ليك بقية الأسايطة؟

[imported_نعمات حمود]

الاستاذ الطيب بشير
مرحبا بك ..
عكود جدير بالمحبة ...وربما اخرين ..
ان تحسده لا ...ولكن ان تبغر جميل (فالاولى هي ان تتمنى ان لا يحبه احد ...لا بنت ولا ولد ...اما الثانية فهي ان يحبك مثله الجميع بنات ورجال ..ودي مطلوبة وحسب اجتهاداتك ...لك ان تعمل ما يحبب الناس وخاصة بنات المنبر فيك ....واول شى الصورة وان بدت جميلة بهذه النجوم التي تتلالا عليها ولكنها تخيفني كثيرا وربما لان هناك بعيدا ما تحملة من ايحاءات خلفها ....والحب لا ينمو الا في الرخاء ....
لك محبتي ولعكود مثلها
نعمات حمود

[imported_الزوول]

..
اجترار للذكرى
...




الزوول مركب مكنة فيصل سعد وسمراء

...

[imported_wageeda]

غايتو هجمتوني وانا اصلي متهجمة
قلت الناس ديل فكوا أهل الدشكمان والكومااج واتلحوا الرجل الملاك
قد حدثني الخالدا عليه رحمة الله عنه مرارا وتكرارا قد قلت في سري ليته صمت
بغر كدا
وحسادة اهلي الشوايقه
حكي لي عن اشياء واشياء تقوم بها في الخفاءوتحمل معه سودانيات كتفا بكتف
واهلي الباقيين علشان ماتحسدوه ارفعوه عاليا فهو رجلا ديدنه العلو والرفعة (فخالدا اصطفاكم اجمعيين) حتي خلت بانني في المدينة الفاضله
وليت يستمر العطاء والجمال وننشد عوالم من التواصل والمحبة في دارنا العامرة

وقنبوا عافية

[imported_فيصل سعد]

المشاركة الأصلية كتبت بواسطة الزوول

..
اجترار للذكرى
...




الزوول مركب مكنة فيصل سعد وسمراء

...

حتي انت يا عوض آخوي !! و يا معلم انا الناس البحردوا
سريع ديل و نفسهم قصير ما تدرعني معاهم في قائمة
واحدة .. و نجدد الترحيب بالباذخ ابو بشير ..

و ارقدوا عافية ..

[imported_بله محمد الفاضل]

الحسود في عينو عود
(الرجاء عدم الرقابة على الكلام أعلاه أو التحسس من تالاه، وأقصد بالرقابة محسن خالد متتبع الأمثال الشهير، والتحسس أقصد بها سيدنا الكمندان الطيب بشير)
المهم
خرجت من كل هذه الكتابة
بأنه لا يوجد
لا حسد
ولا بغر
ولا هم يحزنون
وإنما هو كيل ليس باليسير
من المحبة
ومن أي ملاحة روح في أقصى منحٍ لها يمكنها أن تكونه
والمهم
أنا برضك حاسد
فيها حاجة دي
ما تعاينو لي يا اخي
بس ما حاسد غير رقبتي دي
شان قابلت العكودابي دا في رقبتو واستمتعتا لي بي كم ساعة خارج حساب الوقت
في نجيلة جدة الواحدة دي
أي
كيفن ما بحسد رقبتي بالله
بعد العمر دا كلو الواحد ربنا يكتب ليهو في أُخرياتو
يقابل ناس محسودين
فشنو
عيني باردة علي وعلي حظي البدأ يهبب لي في الزمن بدل الضائع

[ناصر يوسف]

المشاركة الأصلية كتبت بواسطة ملكة سبأ

وجوه الجوف

عواصف الريد

تسوى الوور

اها
والواضح ماااافاضح

عشان ماتقولو طفشنا تاني

وعشان الطيب ما يفرح بتحقيقه لأي أجندة خفية

وعشان عكود زاتو يستاهل والله .. وما بنوت البورد وحدن البيريدنو ..

رجاله زاتو (مكسرين) وامسكو الطيب بشير دا أول واحد ...

ولا شنو يارئيس تجمع العكوداب ؟!

ليتك تعودي أيتها الملكة ،، ليتك تعودي
فههو العكودابي الأصيل يحملُ الأمانة بكامل الإخلاص والتفاني
وحريُ بود بشير أن يكتب عن هذا الرجل بكيفيته اللطيفةُ تلك
حريٌ بنا أن نحتفي بعكود وبكي وبالطيب بشير وبكل أهل سودانيات الذين أحبو هذا البكان ،،،
فهلا عادت أقلامكم هنا مرةً أخري بذات البهاء والنقاء والصدق ؟؟
ليتكم تعودون من جديد

[imported_عبدالرحيم ابراهيم العبيد]

الاخ العزيز/ الطيب البشير
والاعـزاء أهلي وعشيرتي بسودانيات
التحايا والاشواق
والله العظيم ليكم شوق ومحبه
وبنريدكم زي وهاج العين
العمده عكود
زرت قبة أبونا الشيخ ودالارباب بالعيلفون
وما تخاف جبت ليك معاي حجاب وبخرات
ودمتم والجميع بالف خير وعافيه

[imported_azzam_farah]

أزعم أن الحسد والبغر ياهن واحد أنا أخوك.. علا الزول لامن يبغر من أخوهو بكون أثناء بغرو شايلو محبه، ولو إنعدم ها الحب بكون حاسدو.. يعني الفيصل بين الحسد والبغر، هو الحب/االكره البنتابك حين تبغر/تحسد.. والعجيبة في ها الشأن، شعاع الحاسد/البغران، الزول تام بحسو، ولو كيبوردو يقطع حسو، الزول ما يموت ألحق جسو، قول البتقولو أسرح بثو، بلحق جني المارق مسو

[ناصر يوسف]

المشاركة الأصلية كتبت بواسطة azzam_farah

أزعم أن الحسد والبغر ياهن واحد أنا أخوك.. علا الزول لامن يبغر من أخوهو بكون أثناء بغرو شايلو محبه، ولو إنعدم ها الحب بكون حاسدو.. يعني الفيصل بين الحسد والبغر، هو الحب/االكره البنتابك حين تبغر/تحسد.. والعجيبة في ها الشأن، شعاع الحاسد/البغران، الزول تام بحسو، ولو كيبوردو يقطع حسو، الزول ما يموت ألحق جسو، قول البتقولو أسرح بثو، بلحق جني المارق مسو

يااااا عزام يا فرح
بفرح شديد والله لما أقرا إسمك ملون صفحات سودانيات ،،،
وبحسدك وماني بغران علي لغتك اللطيفة دي ياخ

وأمَّا إذا جاز سُعالكم عن ذلكم التركين الذي ( لهطناهُ) ليلتئِذٍ ،،، علي بالإيمان لا حتحسدنا ولا حتبقر علينا ،،، عِلا تدعي علينا بأن يلخبط لنا ( كُروشنا ) ،،، هههههههه

عزام ليك الأشواق يا حبوب