من أين جـــاءت لغة الشباب ..ياشبــاب

[somiaadam]

[align=center]
الكل شباب في المنتدي الا تلاته
انا واحده والاتنين كلكم عارفنهم
بما أنني من جيل عمو فتحي وعمو مخير فلي حق الفيتو في النقد عمو رأفت معانا ولا مع التانييييييين
تنتشر في الجامعه مفردات لاهي بالعاميه ولا هي بالعربيه
يتداولها الشباب ..ويغلب عليها الالفاظ السوقيه التي لا ترقي بمستوي الطالب الجامعي
وبدلا من ان يحصل العكس في التاثير .. للمجتمع تجدها اخذت تنتشروتدخل اذاننا دون أستئذان
مثلا كلمه شمار ..وتفتيحه.. ..وبدلا من قول ياعمو يقولون ياعمك وغيرها
وتجدها متداوله عند الكثير ..واصبح للأسف المثقف ..وغيره في حد السواء الا ما رحم ربي
أما عن شباب الجامعات فهؤلاء ..اصبحوا لا لامين في عربي فصيح ..ولا أنجليزيه
وشغالين علي كيفهم كما يقولون ..فيجمعون كلمات الانجليزيه بجمع المزكر وجمع المؤنث
ولا حرج ..
مثلا بينش ..بينشات
وبلوك ..بلوكات
والاحلي من ذلك كله ..قـــــــابات ..وغيرها
وربنا يرحمنا ويرحم لغتنا العربيه ..ويكون في العون
تخريمه
أنا براااااا[/align]

[أميرى]

[media]http://sudaniyat.net/up/uploading/Nice boy.mp3[/media]



ـــــــــ
سومة يااا مشتاقين

وربنا يرحمنا ويرحم لغتنا العربيه ..ويكون في العون

دة بالنسبة ليك

[somiaadam]

المشاركة الأصلية كتبت بواسطة أميرى

[media]http://sudaniyat.net/up/uploading/Nice boy.mp3[/media]



ـــــــــ
سومة يااا مشتاقين



دة بالنسبة ليك

أميري يااامير
بالاكتر يااا...
الله يرحمنا كلنا بي لغتنا لا تحجر واسعا
دمت بخير

[جعفر بدرى]

العزيزة / سميه
نهاراتك

بالله .. أنا بكرة غايب
( تندسى ) لى معاك .. شكرا .


و على المحبة نلتقى .

[somiaadam]

المشاركة الأصلية كتبت بواسطة جعفر بدرى

العزيزة / سميه
نهاراتك

بالله .. أنا بكرة غايب
( تندسى ) لى معاك .. شكرا .


و على المحبة نلتقى .

عمو جعفر ..مشتاقيين
كيفك ..وكيف صحتك
تعرف ياعمو تندسي لي ..دي بقت عادي لما بقينا نحسبا عربي
شوف الاجابه كيف مافي ((اي بروبلم )) ..طلتك زينه البوست
دمت بخير

[somiaadam]

اتنين في المواصلات بصوت مسموع
واحد قال للتاني تعرف فلان داك عندهم قريبهم اتلحس نمشي ليهو نشيل معهو عبد الفتاح

غايتو فكفكت الشفرات حتي فهمت
((كلام الطير في الباقير ..دي ذاتها جات من وين ))

[yassir musa]

الرائعة دوما سمية اسمحي لي بالدخول من باب ما وراء الملاحظة موضوع لغة الشباب كما اسميتها والراندوق والرندقة كما يسميها مستخدميها ...مما لا شك فيه أن اللغة أي لغة تعتبر أداة التواصل الأولى بين مستخدميها وهي بالتالي تعبر عن أفكارهم ومشاعرهم تلك الافكار والمشاعر التي تمثلها الثقافة بكل تركيبتها وبناءتها من قيم وعادات وتقاليد وغناء وشعر ولبس ومصنوعات ..الخ اذن اللغة هي الناقل للمفهوم بكل ما يحمله من كثافة المعنى فكلمة مريسة مثلا تحمل كل مدلولها الثقافي مما يجعل الكلمة تحمل صفة السمة الثقافية ..أما بالنسبة للغة الشباب او الراندوق فهي قد اعتبرها علماء اللغويات والاجتماع لغة الهامش او اللهجة الفرعية وهي ليست قاصرة على مجتمع بعينه بل عرفتها كل المجتمعات وقد اقترنت في بداية السبعينات بجماعات الهيبز او ما يعرف بجماعات الرفض والتي عبرت عن رفضها لما هو سائد في المجتمع بطريقة لبس مغايرة ولهجة اكثر ترميزا يفهمها من يشترك مع الجماعة في المنطلقات والاهداف ..بهذا عزيزتي سمية تكون لهجة الشباب هي حالة اجتماعية ذات بعد نفسي قديمة قدم ادوات الضبط والقمع فهي محاولة للخروج والرفض لما هو متبع وخلق ادوات تعبير خاصة بهم وقد ارتبطت في مجتمع المدينة السودانية بظاهرة أطفال الشارع أو ما يعرف بالشماسة وذلك من دوافع الحماية وخلق الساتر اللغوي الذي يحمي الاحتياجات البسيطة وينبه عن الخطر المتمثل في البوليس والذي يذخر قاموس الرندوق بالرمز له مثل الطارة وكندوره والشوال والكشة واللوبيس وكتمت ...الخ هذه المفردات ظلت في حالة تحور وتطور لتواكب التغيرات السريعة حولهم كذلك نجد المفردات التي تتعلق بالمال مثل الكنجالات والشرتيت والقنذب والضحاكات والزبالة التفتوفة ايضا مفردات حماية الغرائز الجنسية هذا القاموس الذاخر لاتنتجه عقلية خاملة بل قدرات ابداعية تسعى للتحدي ومناكفة الحياة مما يستوجب اعادة النظر ...أما اذاما واصلت في بريك وتحملتيني تجدين انه مامن شلة أو فئة عمرية او مهنية إلا ولها لهجتها الفرعية ورموزها التي تعبر بها عن مشكلاتها المحددة واحتياجاتها المشتركة فالطلاب الجامعين لهم مفرداتهم كما تفضلتي وجعفر بدري وتتخصص المفردة تبعا للتخصص فطلاب الطب لهم قاموسهم والاداب والقانون ..الخ كذلك المثقفين في الحتة دي وكده وزي الواحد ابوه اتوفى وكده معليش سمية عارف كرهتك لغة الشباب لكن هذه مقدمة ضرورية لنتوسع قريبا شكرا

[جعفر بدرى]

عزيزتى / سمية

بناء على ما تفضل به .. العزيز / ياسر ... سأحكى حكاية
و لكن قبلها أود أن أعترف ... بأنى شديد الإعجاب ... ببعض الكلمات التى اختلقها الشماسة
و بعض أصحاب المهن ... الهامشية ... إن جاز التعبير .

كلمة ... شتات ... تعجبنى كثيرا .. ربما لأنها مشتقة من الفصحى ... و كذلك كلمة ...
عنكبة ... و فى السلك ... و هذه تقريبا ... لعة ابتدعها كماسرة الحافلات .

نأتى للحكاية
فى أواخر التسعينات ... كنت أعمل بإحدى الجامعات ... و كان من زملائى فى هيأة التدريس
خواجة إيرلندى إسمه ( مايكل ) و فتاة أمريكية جميلة إسمها ( إيملى ) لبست لها معرفة باللغة العربية .... بينما كان ... مايكل ... يفهمها نوعا ما و يتخاطب بها .

فى جلسة ونسة ضمتنا الثلاثة ... فاجأتنى إيملى بالسؤال ... عن معنى كلمة ... فى السلك ..
سألتها ... أين تعلمتها ؟؟

أجابت بالإنجليزية طبعا ... أنها تعلمتها من موقف الحافلات ... التى تنقلها أحيانا للخرطوم ..
و قالت إن كثيرين ... حينما يمرون بها ... يقولون لها ( فى السلك ) و قد اعتبرتها نوعا
من الإساءة ... قلت لها على العكس تماما ... إنما أرادوا أن يقولوا ... إنك فتاة جميلة ...
فتبسمت بعد أن أعجبتها الكلمة .

هنا تدخل صديقى الإيرلندى ... الذى كان متابعا و فاهما للحديث ... و قال ... إنهم عندما
يرون شيئا فاخرا ... أو مبهجا ... يقولون عنه

( On the wire )

و هكذا يشاركنا الإيرلنديون ... نفس التعبير ( فى السلك ) !!!!
و هى أيضا كما أشار ... كلمة سوقية .

و نتذكر الآن .. قول الشاعر الفخيم ... صلاح عبد الصبور .. وهو يقول

( و أعرف بعضهم
يضنيه أن يغشى زحام السوق
لكن هم من السوقة )


كل الأمنيات
و على المحبة نلتقى .

[الرشيد اسماعيل محمود]

العزيزة سمية
بوست في غاية التشويق.
استوقفنتي مداخلة ياسر وهو من اصحاب الشأن
اعجبني سرده الممتع لك التحية ياسر وفي انتظار المزيد.
علي ذكر لغة المثقفاتية :
قالو في اتنين مثقفاتية اتلاقو ودار الحوار التالي:
• ازيك ياشفيف..
• اهلا ياكائن..
• ياخي وين انتصار لي منها زمن..
• اللللللله ياخ الزولة دي اتوفت..
• ياسلاااام ياخ..تخيل الفكرة دي مابتشبها.
ثم..
بعد ده احسن الواحد يتفكفك.

[somiaadam]

اخونا الانسان الرائع دوما ياسر موسي
تحايا ..وتحايا اخريات ..

شكرا لهذه الاضــافة القيمه والثره ....دوما عندما اكتب ياعزيز آخذ اكثر مما أعطي
ويســــــــــــرني ذلك كثيرا ..ومنونه للجميع مما أنهله من علم ومعلومات مفيده فالله دركم
مازلت ..أحبو في طلب العلم .فساعدوني ..ولا تبخلو علي من باب ((التحسس))
فالعلم انما يؤخذ بالتداول ..واجمل ما يؤخذ بالحوار البناء ..
بالله عليك واصــــــــــل ..وسأواصــــــــــل الامتاع والاستمتاع ..مع خالص شكري وتقديري
وأمتناني .
دمت بخير ..ياااكل الخير

[somiaadam]

المشاركة الأصلية كتبت بواسطة جعفر بدرى

عزيزتى / سمية

بناء على ما تفضل به .. العزيز / ياسر ... سأحكى حكاية
و لكن قبلها أود أن أعترف ... بأنى شديد الإعجاب ... ببعض الكلمات التى اختلقها الشماسة
و بعض أصحاب المهن ... الهامشية ... إن جاز التعبير .

كلمة ... شتات ... تعجبنى كثيرا .. ربما لأنها مشتقة من الفصحى ... و كذلك كلمة ...
عنكبة ... و فى السلك ... و هذه تقريبا ... لعة ابتدعها كماسرة الحافلات .

نأتى للحكاية
فى أواخر التسعينات ... كنت أعمل بإحدى الجامعات ... و كان من زملائى فى هيأة التدريس
خواجة إيرلندى إسمه ( مايكل ) و فتاة أمريكية جميلة إسمها ( إيملى ) لبست لها معرفة باللغة العربية .... بينما كان ... مايكل ... يفهمها نوعا ما و يتخاطب بها .


فى جلسة ونسة ضمتنا الثلاثة ... فاجأتنى إيملى بالسؤال ... عن معنى كلمة ... فى السلك ..
سألتها ... أين تعلمتها ؟؟

أجابت بالإنجليزية طبعا ... أنها تعلمتها من موقف الحافلات ... التى تنقلها أحيانا للخرطوم ..
و قالت إن كثيرين ... حينما يمرون بها ... يقولون لها ( فى السلك ) و قد اعتبرتها نوعا
من الإساءة ... قلت لها على العكس تماما ... إنما أرادوا أن يقولوا ... إنك فتاة جميلة ...
فتبسمت بعد أن أعجبتها الكلمة .

هنا تدخل صديقى الإيرلندى ... الذى كان متابعا و فاهما للحديث ... و قال ... إنهم عندما
يرون شيئا فاخرا ... أو مبهجا ... يقولون عنه

( On the wire )

و هكذا يشاركنا الإيرلنديون ... نفس التعبير ( فى السلك ) !!!!
و هى أيضا كما أشار ... كلمة سوقية .

و نتذكر الآن .. قول الشاعر الفخيم ... صلاح عبد الصبور .. وهو يقول

( و أعرف بعضهم
يضنيه أن يغشى زحام السوق
لكن هم من السوقة )


كل الأمنيات
و على المحبة نلتقى .

عمو جعفر مشتاقين وكيف احوالك انشاء الله بخير
نعم احيانا توجد مفردات لا نعرف اصلها يختلقها الناس حسب مهنيتهم
فيتداولها الناس ..فقط اخشي من ابناء الاجيال القادمه ان تكون لغتهم الرسميه
وتندثر ..لغتنا الدارجه القريبه من العربيه
تعرف بقولوا عنكبه ..شنكبه
نادت احدي الخالات علي بنيه صغيره يابت تعالي
ردت الصغيره يابت البته ؟؟ استنكرناها جميعا
فسألتها جبتي الكلام ده من وين ليه تقولي كده اجابت مدرستنا ست ... قاعده تقول لينا كده
فما كان من أمها الاستاذه والا ذهبت للمعلمه واخذتها جانبا وحدثتها بالطف
تفهمت الاستاذه الموقف مشكوره وعدلت وحاولت التغيير
شكرا لكم علي اثراء البوست
ودمت بخير

[somiaadam]

المشاركة الأصلية كتبت بواسطة الرشيد اسماعيل محمود

العزيزة سمية
بوست في غاية التشويق.
استوقفنتي مداخلة ياسر وهو من اصحاب الشأن
اعجبني سرده الممتع لك التحية ياسر وفي انتظار المزيد.
علي ذكر لغة المثقفاتية :
قالو في اتنين مثقفاتية اتلاقو ودار الحوار التالي:
• ازيك ياشفيف..
• اهلا ياكائن..
• ياخي وين انتصار لي منها زمن..
• اللللللله ياخ الزولة دي اتوفت..
• ياسلاااام ياخ..تخيل الفكرة دي مابتشبها.
ثم..
بعد ده احسن الواحد يتفكفك.

اخونا الرشيد تحياتي
ابهجني حضورك ..واخونا ياسر ممنونه له كثيرا سرد ممتع وقيم
تعرف حتي ناس الاساس بقوا مرات يتكلموا بي مفردات غريبه
وطوالي بضحك فيها ..واحيانا قد تكون مواكبه للحاضر
ويتحدثون بالغه أسبيس تون

((ما تتفكفك يسعدنا بقاؤك
دمت بخير

[عادل عسوم]

المشاركة الأصلية كتبت بواسطة somiaadam

[align=center]
الكل شباب في المنتدي الا تلاته
انا واحده والاتنين كلكم عارفنهم
بما أنني من جيل عمو فتحي وعمو مخير فلي حق الفيتو في النقد عمو رأفت معانا ولا مع التانييييييين
تنتشر في الجامعه مفردات لاهي بالعاميه ولا هي بالعربيه
يتداولها الشباب ..ويغلب عليها الالفاظ السوقيه التي لا ترقي بمستوي الطالب الجامعي
وبدلا من ان يحصل العكس في التاثير .. للمجتمع تجدها اخذت تنتشروتدخل اذاننا دون أستئذان
مثلا كلمه شمار ..وتفتيحه.. ..وبدلا من قول ياعمو يقولون ياعمك وغيرها
وتجدها متداوله عند الكثير ..واصبح للأسف المثقف ..وغيره في حد السواء الا ما رحم ربي
أما عن شباب الجامعات فهؤلاء ..اصبحوا لا لامين في عربي فصيح ..ولا أنجليزيه
وشغالين علي كيفهم كما يقولون ..فيجمعون كلمات الانجليزيه بجمع المزكر وجمع المؤنث
ولا حرج ..
مثلا بينش ..بينشات
وبلوك ..بلوكات
والاحلي من ذلك كله ..قـــــــابات ..وغيرها
وربنا يرحمنا ويرحم لغتنا العربيه ..ويكون في العون
تخريمه
أنا براااااا[/align]

سمية
يابنت عشرين والايام مقبلة
ناس عمك مخير وفتحي ورأفت ديل اللغة البعرفوها هي لغة النكتة بتاعت (سنة ياأنا) دييييك
كان تقولي جيل تاني يكون (خاتف لونين) زي ناس بابكر التاني داك وأميري وعبدالعزيز ومن لف لفهم على قول القائل
...
بالفعل ياسمية لقد اعتاد الشباب على (لغة) غريبة وبها من السوء الكثير...
تخيلي معي بأن يصف أحدهم أباه بال(جُلُك)!
أما لغة الراندوق التي تنتشر بين الطلبة في الجامعات فقد أثرت بالسلب كثيرا علي فصحاهم فأصبح الطالب فيهم لايكاد يبين عندما يُجرى معه لقاء اذاعي داخل الحرم الجامعي!
قبل أشهر انتقلت كاميرا النيل الأزرق الى حرم احدى جامعاتنا وشرع المقدم في سؤال العديد من الطلبة والطالبات عن رأيهم في الزواج المبكر...
بصدق لم أجد بينهم من يستطيع الحديث بلغة عربية -مقبولة-لأكثر من عشر كلمات!
يعني طالعين لاعربي ولا انقليزي
الله يكون في العون
...
بوست في السلك

[somiaadam]

المشاركة الأصلية كتبت بواسطة عادل عسوم

سمية
يابنت عشرين والايام مقبلة
ناس عمك مخير وفتحي ورأفت ديل اللغة البعرفوها هي لغة النكتة بتاعت (سنة ياأنا) دييييك
كان تقولي جيل تاني يكون (خاتف لونين) زي ناس بابكر التاني داك وأميري وعبدالعزيز ومن لف لفهم على قول القائل
...
بالفعل ياسمية لقد اعتاد الشباب على (لغة) غريبة وبها من السوء الكثير...
تخيلي معي بأن يصف أحدهم أباه بال(جُلُك)!
أما لغة الراندوق التي تنتشر بين الطلبة في الجامعات فقد أثرت بالسلب كثيرا علي فصحاهم فأصبح الطالب فيهم لايكاد يبين عندما يُجرى معه لقاء اذاعي داخل الحرم الجامعي!
قبل أشهر انتقلت كاميرا النيل الأزرق الى حرم احدى جامعاتنا وشرع المقدم في سؤال العديد من الطلبة والطالبات عن رأيهم في الزواج المبكر...
بصدق لم أجد بينهم من يستطيع الحديث بلغة عربية -مقبولة-لأكثر من عشر كلمات!
يعني طالعين لاعربي ولا انقليزي
الله يكون في العون
...
بوست في السلك

سيد الذووووق ..سلام جيب أضانك اسألك
((عمر أحساس )) دي تبع ياتو لغه الراندوق ولا ...
عمو فتحي وعمو مخير معترفين لكن عمو رأفت قال الفروق (( نوع الصبغه))

اها ناس (( خاتف لونين )) ديل بكون مره ..سنه يا انا ومره ..يامنقه
ياا خساره والله بالجد تكون اساس التعامل لانو الاجيال الصغيره حتظلم
أما انا مازلت مع اعمامي ((انت تبع منو))

لما الواحد/ة يكون لا بس حلو بقولوا ليهو لبستك دي حلو/ة
ترد حلوة الشماعه
بس بوست في السلك يردو عليها كيف ..

دمت بخير

(( من ألارشيف))

[نبراس السيد الدمرداش]

سمسم القضارف
و الزول صغير ما عارف

كل يوم اقول ادخل اكتب ليك
اها الليله ربنا سهل

قبل 3 اسابيع كان في برنامج في قناة النيل الازرق بخصوص الموضوع دا
استضاف فيهو سعد الدين دكتور محمد عبدالرحمن الريح و استاذ أحمد دوله و استاذ محاضر لغه عربيه في جامعة الخرطوم نسيت اسمو (خالتك كبرت) و مجموعه من الشباب
كانت حلقه جميلة جدا ,, اختلفوا فيها على تسمية العبارات و الكلمات دي بلغه
منهم من يرى انها ما ذات اصل عشان تكون لغه
و منهم من يرى انها لغه لانها اصبحت اداة تخاطب بين اغلب الناس و خاصة فئات الشباب
الذ ما في الموضوع انو د.الريح اعترف انو هو من اطلق كلمة الحبكانا ,قال لقاى مقال عنوانو الحب كان فربط بين حروف الكلمتين لتصبح كلمة الحبكانا المجننانا

في اوساط عندها كلماتا الخاصه بيها
يعني فئة الميكانيك كلماتهم كلها من واقع عملهم (يا بلف,, قسمت معاي,,بتاع مكنات)
و ناس السوق(الضحاكات,, الشرتيت,, جوكي )
و هكذا
دي مصطلحات استشرت في المجتمع عامة
بس اغلب البتعاملو بيها الشباب عشان كدا بتنسب ليهم دايما

اسي يا سمسم لو زهجانه من زول اقول ليهو ثكلتك امك
ابسط و اسرع شي بقول ليهو حنكك دا ما قسم معاي فتلب من دفار حياتي

و احسن اتلب من البوست بس بجيك تاني