لكن يا ناس سودانيات......ما كان العشم

هيثم علي الشفيع · 06-04-2011, 07:57 AM

بداية السلام عليكم ورحمة الله وبركاته

غبت عن المشاركة في سودانيات لفترة ليست بالقصيرة ، لأسباب متفاوتة ، وآخرها غياب كامل-حتى عن الدخول بدون مشاركة-استمر قرابة الثلاثة أسابيع.....

تخيلت أنني -حين أعود- سأجد أكثر من شخص قد سألوا عن غيابي
تخيلت - بل تمنيت- أن يرن هاتفي بمجموعة مكالمات تسأل عن " لماذا اختفيت"، أو أخرى ممن يعلمون الإجابة تسأل "هل عدت"...
وتخيلت - ويبدو أن بعض الخيال إثم- إنني صرت عضواً مؤثراً في سودانيات بالصورة التي يصنع غيابي عنها فراغاً يلاحظه الأقربون-على الأقل- وكنت أظنهم كُثر

عموماً

هاأنا ذا أعود اليوم......بعد أن عرفت من أكون في بيتي...........سودانيات

سمراء · 06-04-2011, 08:01 AM

كدى صلح تلفونك وتعال انضم !!
ماطالبنى حليفة اتصلته عدة مرات ومقفوووووول عديل كدة !!

المهم حمدلله على السلامة يازول

وتانيا المعروف انو ناس سودانيات ديل عندهم " نفيسة" قاعدة تقوم عليهم
فمبنخليهم براحتهم لحد ماترحل وبجو
العرجا قالو لى مراحة ياهيثمكو

__________

عموما متلومين شديد وعليك الله امسحه فى وش سارة

محمد زين الشفيع · 06-04-2011, 08:03 AM

حمدًا لله يا هيثم على عودتك من جديد ، غايتو أنا كرت كرتونة ، متلّب هنا لي يومين ههههه ، وبرضو أهلا بيك من جديد .
تحيّاتي .

سارة · 06-04-2011, 08:09 AM

هيثم يا جميل
لوم العدو والله وعليك امان الله خوتنا خوة جريوات
انا راضية تمسحها فى وشى الشين دا

بس انت تلفونك قافلوا وما بتخش المنتدى؟؟؟؟؟؟؟؟

نسال عنك وين يا حبيب

سمراء والله الخرتوم دى الا تشردى منها

سمراء · 06-04-2011, 08:20 AM

اقتباس:

المشاركة الأصلية كتبت بواسطة سارة

سمراء والله الخرتوم دى الا تشردى منها

يابت ده بقى تهديد موش اسفيرى وبس
ده ارهاب راسو عدييييييييييييييييييييييييييييييييييييييييييل

بله محمد الفاضل · 06-04-2011, 08:44 AM

عل المانع خيراً

في الروح أنت أيها الجميل

وصدقاً
كثيراً ما تساءلت عن أسباب الغياب
ونفسي اللوامة
دائماً ما تعزي ذلك إليها
فأقول
غداً ينسى
ويأتي

فأتمنى من الله أن لا يخيب عشمك بي
مرة أخرى

وحقك علي
بس برضك أمسحا في وش سارة

مع أكيد محبتي واحترامي

هيثم علي الشفيع · 06-04-2011, 08:44 AM

اقتباس:

المشاركة الأصلية كتبت بواسطة سمراء

العرجا قالو لى مراحة ياهيثمكو

حباب السمراء

مش في جماعة كُبار كدة من أهلك بيلاقوك بعد زمن طويييييييل ويقولوا ليك(عرفتيني) تقولي ليهو آآآي ..يقول ليك (أها... أنا منو؟؟؟)

تعرفي ردي على قصة التليفون المقفول دي حتخت أختنا نبراس -براااااااااااااها- في وش المدفع........لأنها عارفاهو مقفول ليه وعارفاني وين!!!
أها
قوووووووووووول تلفوني مقفول ، في حاجة إسمها تفتحوا بوست تفتشوني بيهو ، خليهو البوست الصعب داك ، في حاجة إسمها رسايل خاصة

ياخ أنا لايوق لياقة...

ولأنو العرجا لي مراحا..........أنا جيتكم راجع يا بتي ................واللوم عشم(وبررررررررررررضو أسالي منها نبراس)

هيثم علي الشفيع · 06-04-2011, 08:47 AM

اقتباس:

المشاركة الأصلية كتبت بواسطة محمد زين الشفيع

حمدًا لله يا هيثم على عودتك من جديد ، غايتو أنا كرت كرتونة ، متلّب هنا لي يومين ههههه ، وبرضو أهلا بيك من جديد .
تحيّاتي .

عمي ود الزين(عمي دي عشان الشفيع ما عشان حاجة تانية)

حبابك إنت ياخ ومنور سودانيات وناسا الحلوين (لكن كان لحقت غبت مافي زولاً بيهببو ليك)

وتاااااااااااني حبابك

هيثم علي الشفيع · 06-04-2011, 08:51 AM

اقتباس:

المشاركة الأصلية كتبت بواسطة سارة

هيثم يا جميل
لوم العدو والله وعليك امان الله خوتنا خوة جريوات
انا راضية تمسحها فى وشى الشين دا

السُرة يا ستّهن

إن شالله قاعدة في الخرتوم لحد بعد 16 ابريل عشان بالجد أتمنى أقابلك؟؟؟؟حالياً أنا رجعت الخلا...

والعفو يا ستي وسيبك من سمراء العاوزة تصفي خلافاتا معاك عبري أنا...

عموماً
أنا زي ما قلت
جيتكم راجع لكن والله أكون كضاب لو قلت ما حرقتني

Nour · 06-04-2011, 08:52 AM

والله لوم شديد ياهيثم لكن معليش اصلوا اللوم بجي بالغفلات

هيثم علي الشفيع · 06-04-2011, 08:54 AM

اقتباس:

المشاركة الأصلية كتبت بواسطة بله محمد الفاضل

عل المانع خيراً

بلبل يااااااا الماشي كداري فوق الغمام

الحمدلله المانع خير وعوجة تب مافي

لكن عليك الله كان حصلت ليك إنت ما بتجي تعمل زي عمليتي دي؟؟؟

**ياخ رسل لي ميلك في الخاص عشان في حاجات عاوز أرسلا ليك

محبتي

هيثم علي الشفيع · 06-04-2011, 08:56 AM

اقتباس:

المشاركة الأصلية كتبت بواسطة Nour

والله لوم شديد ياهيثم لكن معليش اصلوا اللوم بجي بالغفلات

يانور النوار

أهلنا بيقولوا ( الما دارك..........ما لامك)

ولأني -بالجد- بدور ناس سودانيات ديل بي صِحّي.....قلت النلوِّمن

يلللا...

الله يهون القواسي

ميسون مطر · 06-04-2011, 09:05 AM

اقتباس:

المشاركة الأصلية كتبت بواسطة هيثم علي الشفيع

حباب السمراء

مش في جماعة كُبار كدة من أهلك بيلاقوك بعد زمن طويييييييل ويقولوا ليك(عرفتيني) تقولي ليهو آآآي ..يقول ليك (أها... أنا منو؟؟؟)

تعرفي ردي على قصة التليفون المقفول دي حتخت أختنا نبراس -براااااااااااااها- في وش المدفع........لأنها عارفاهو مقفول ليه وعارفاني وين!!!
أها
قوووووووووووول تلفوني مقفول ، في حاجة إسمها تفتحوا بوست تفتشوني بيهو ، خليهو البوست الصعب داك ، في حاجة إسمها رسايل خاصة

ياخ أنا لايوق لياقة...

ولأنو العرجا لي مراحا..........أنا جيتكم راجع يا بتي ................واللوم عشم(وبررررررررررررضو أسالي منها نبراس)

أها....لقيتك لوّام جنس لوووووم

هسه ما تحته خط أعلاه ده بثير خيال أصحاب الخيال الواسع!! (زيي ديل)

أنا قلته يا ربى في السجن؟؟.....وأكان صحى حمدلله على السلامة
يا ربى رحلة علاج؟....وأكان صحى ، بركة الشفناك طيب وجيتنا شايل لوم

عموما ...نستنى نبراس تجى ...فعند نبراس الخبر اليقين

--
بعدين ياخ قصة يفقدوك ..ويفتحوا ليك بوست دى..أنا رجيتها لمن فترته..أمش وأجى أتاوق وزوووول قال "الحلبية الفصيحة شيخة الكتابة في سودانيات" دى وينها ماف

بله محمد الفاضل · 06-04-2011, 09:11 AM

اقتباس:

المشاركة الأصلية كتبت بواسطة هيثم علي الشفيع

بلبل يااااااا الماشي كداري فوق الغمام

الحمدلله المانع خير وعوجة تب مافي

لكن عليك الله كان حصلت ليك إنت ما بتجي تعمل زي عمليتي دي؟؟؟

**ياخ رسل لي ميلك في الخاص عشان في حاجات عاوز أرسلا ليك

محبتي

لا ما بسويها تب
يا اخوي تبقى علينا التنين
بكى كتابة
وبكى جد
خلينا في البكى الأول
سمح زاتو وبريح

بس بصراحة عملية بايخة منهم

وهاك عنواني في محلك دا
[email protected]
يمكن تجيني بسببك جوابات غرامية يا اخي شنو الخاص وما الخاص

الأكيد بعيداً عن الهترشات الفوق دي
سأسعد جداً لا محالة أن أتنفس هواك العطر

هيثم علي الشفيع · 06-04-2011, 09:19 AM

اقتباس:

المشاركة الأصلية كتبت بواسطة ميسون مطر

أها....لقيتك لوّام جنس لوووووم

عموما ...نستنى نبراس تجى ...فعند نبراس الخبر اليقين

--
بعدين ياخ قصة يفقدوك ..ويفتحوا ليك بوست دى..أنا رجيتها لمن فترته..أمش وأجى أتاوق وزوووول قال "الحلبية الفصيحة شيخة الكتابة في سودانيات" دى وينها ماف

ميسون إزيّك ياخي

وكت جابت ليها سجن ،
أنا كنت في كورس في الإمارات وكنت عشمان ألاقيك -وآخرين من بورداب الإمارات-هناك ، لكن لميت في تلفون عكود فقط ، ولاقيتو -للأسف بالتلفون بس-

ما لوّام بس............لوّام ولايوق كمان

أخيراً :
ما أنا عشان إكتشافك بتاع إنهم ما بفقدوك دي ، إحترمت نفسي وجيت راجع براااااااااي ، ومافي زولاً حنّسني...

إحترامي

** أها......إنت قاعدة شوية؟؟؟ ولاّ راجعة؟؟؟ولاّ رجعتي؟؟؟

06-04-2011, 07:57 AM	#[1]
هيثم علي الشفيع :: كــاتب نشــط::	لكن يا ناس سودانيات......ما كان العشم بداية السلام عليكم ورحمة الله وبركاته غبت عن المشاركة في سودانيات لفترة ليست بالقصيرة ، لأسباب متفاوتة ، وآخرها غياب كامل-حتى عن الدخول بدون مشاركة-استمر قرابة الثلاثة أسابيع..... تخيلت أنني -حين أعود- سأجد أكثر من شخص قد سألوا عن غيابي تخيلت - بل تمنيت- أن يرن هاتفي بمجموعة مكالمات تسأل عن " لماذا اختفيت"، أو أخرى ممن يعلمون الإجابة تسأل "هل عدت"... وتخيلت - ويبدو أن بعض الخيال إثم- إنني صرت عضواً مؤثراً في سودانيات بالصورة التي يصنع غيابي عنها فراغاً يلاحظه الأقربون-على الأقل- وكنت أظنهم كُثر عموماً هاأنا ذا أعود اليوم......بعد أن عرفت من أكون في بيتي...........سودانيات
هيثم علي الشفيع :: كــاتب نشــط::	التوقيع: ضُلَعاً ممنوعة من الفرحة.. من حقّها تبكي بحرية. (حمــــيّـد)

06-04-2011, 08:01 AM	#[2]
سمراء :: كــاتب نشــط::	كدى صلح تلفونك وتعال انضم !! ماطالبنى حليفة اتصلته عدة مرات ومقفوووووول عديل كدة !! المهم حمدلله على السلامة يازول وتانيا المعروف انو ناس سودانيات ديل عندهم " نفيسة" قاعدة تقوم عليهم فمبنخليهم براحتهم لحد ماترحل وبجو العرجا قالو لى مراحة ياهيثمكو __________ عموما متلومين شديد وعليك الله امسحه فى وش سارة
سمراء :: كــاتب نشــط::	التوقيع:

06-04-2011, 08:03 AM	#[3]
محمد زين الشفيع :: كــاتب جديـــد ::	حمدًا لله يا هيثم على عودتك من جديد ، غايتو أنا كرت كرتونة ، متلّب هنا لي يومين ههههه ، وبرضو أهلا بيك من جديد . تحيّاتي .
محمد زين الشفيع :: كــاتب جديـــد ::

06-04-2011, 08:09 AM	#[4]
سارة :: كــاتب نشــط::	هيثم يا جميل لوم العدو والله وعليك امان الله خوتنا خوة جريوات انا راضية تمسحها فى وشى الشين دا بس انت تلفونك قافلوا وما بتخش المنتدى؟؟؟؟؟؟؟؟ نسال عنك وين يا حبيب سمراء والله الخرتوم دى الا تشردى منها
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

06-04-2011, 08:44 AM	#[6]
بله محمد الفاضل :: كــاتب نشــط::	عل المانع خيراً في الروح أنت أيها الجميل وصدقاً كثيراً ما تساءلت عن أسباب الغياب ونفسي اللوامة دائماً ما تعزي ذلك إليها فأقول غداً ينسى ويأتي فأتمنى من الله أن لا يخيب عشمك بي مرة أخرى وحقك علي بس برضك أمسحا في وش سارة مع أكيد محبتي واحترامي
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

06-04-2011, 08:52 AM	#[10]
Nour :: كــاتب نشــط::	والله لوم شديد ياهيثم لكن معليش اصلوا اللوم بجي بالغفلات
Nour :: كــاتب نشــط::