اقتباس:
المشاركة الأصلية كتبت بواسطة مها عبدالمنعم
الليليه بايره انا
وانا اعمل ليك شنو
عليك الرسول خليني الندخل
يابت هوي مافي دخول ليك
الله يوصلك بالسلامه بايرين الليله نحن
رفعت راسي اشوف البت البتقول بايره دي بعد ملاوه واخد ورد وخسامه السواق قال لهاا دخلي سريع ..وجات داخله البص تحمل الترمس بيد واليد الاخري علبة السجار
يتبع
|
بايرة وكمان تبيع ترمس .
ناس حلمنتيش قبل فترة عملوا ليهم قصيدة تناقش مشكلة من فاتهن قطار الزواج واكيد القصيدة مرت عليك وهي :
لي إيـدينا بنــرفع والعازب كلو بيســمع
شعارنا عريس متواضع ياحي ياقادر أجمع
لو واحد قام وأتقــدم في لحظة نلبي ونسمع
بلاش عربيـة خصوصي مالو الكداري دا هسـع
بلاش من شبكة وشيلة بي أبسـط حاجة بنقنع
البيت ماشــرط عمارة دي مظاهر ساكت تخدع
ما شــرط تجيب تلاجة كفاية الزيـــر البنقع
ما دايرين كبدة وشـية بي ويكة تقيلة بنشــبع
ما أصلو شـبابنا الودع ما ممكن تانــي بيرجـع
أحلامنا الكانت بـدري ما عادت تانــي بتنفــع
دايرين الشاب الأغبش حتى لو فقــران ومقطع
لانو الفيهو الفايــدة ليهـــو دوام نتطلـع
حياة الســترة أملنا إن شاء الله ربنــا يجمـع
يحن الله عليـــنا ونشــيل أيدينا ونرفــع
للرب شــكوانا بنرفع والبايـر كله بيســـمع
في دربك يامـا جرينا والعين الســاهرة بتدمع
كم مرة ايدينا اتمـدت والرد الجــارح اقنـــع
الله استر على بناتنا من عدم الزواج
