الصلعة

أبوبكر عباس · 10-08-2013, 10:23 PM

المصريين عندهم مثل حقار حقارة شديد بقولوا فيهو: " أقرع ونزهي".
جمال حسن سعيد قال:
تكون واقف في صف الدخول للإستاد تسمع واحد من الناس الفي آخر الصف يكورك ليك: إتّا يا أبصلعة دا، صلح الصف وتكون إتّا ما عندك علاقة بعوج الصف غير انو الزول داك، ما عاجباهو صلعتك!
تجي تشتري ليك خروف، سيد الخروف يقول ليك: والله يا أبشنب، دا، خروف ما فيهو كلام... أها تمشي منو من غير ما تشتري، تسمعو يقول ليك: والله يا أبصلعة، فوتّا ليك خروف ما بنفات.
صاحبي لاقيتو بعد فراق 20 سنة، بعد المُطايبة، عاينت للصلعة وإبتسمت، بسرعة قال لي: تعرف السبب كريم جابوهو لي من القضارف
زدت عرض إبتسامتي وقلت ليهو: شوف صلعة الكريمات ديك غير، الصلعة المواسية وفق مجاري في الراس معروفة، دي، صلعة الله والرسول وغالبا جاياك من جهة أُمك.
لكن وحات الله، يا جبارة، صلعتك خطيرة الوجاهة وبعدين أكسبتك بُعد رابع.

أبوبكر عباس · 10-08-2013, 10:35 PM

صلعة الله والرسول دي، أول ما تبدأ، سيدها بتعب تعب شديد وتلقاهو مجنن المرايا جن، وأول حاجة تلقاهو بتفقدها من الصباح عدد الشعيرات الملتصقات بالمخدة ولو كان قاعد في الخليج تلقاهو لعن ليك خاش أبو الموية المالحة واليوم الخلاهو يفارق موية النيل.

الرشيد اسماعيل محمود · 10-08-2013, 11:05 PM

فوائد الصلعة: منقول بتصرُّف من قوقل

اقتباس:

- الأصلع إذا أصيب في رأسه لن يحتاج للحلاقة لأجل الخياطة.
- الأصلع شخص يسهل تمييزه مهما كان المكان مزدحماً.
- تتحرر ميزانيته من مصروفات الحلاقة والشامبو والكريمات والمشط وغيرها.
- إذا تورّط في جريمة فمن الصعب أن يترك (شعرة) في مكان الحادث تسهل وصول الشرطة إليه.
- يبدو مغرياً وجذاباً للأطفال ويصادقهم بسهولة.
- لن تستطيع العواصف ولا الرياح الهائجة أن تفسد تسريحة شعره!
- تثق فيه زوجته أو حبيبته أكثر، من منطلق أنه لا توجد امرأة تسرق رجلاً أصلع من امرأة أخري، مع العلم أن دراسة أثبتت بأن 80% من النساء تعجب بالشاب الأصلع.
- إذا تورّط في مشاجرة فلن يجذبه أحدٌ من شعره.
- لن يصاب بالثعلبة أو قشرة الرأس.
- لو كان ممثلا فسيحصل علي أدوار مهمة مثل وزير، رجل أعمال، مجرم دولي، رئيس مجلس إدارة شركة.
وأخيرا يوجد نسر أصلع، ولكنك لن تجد حماراً أصلع أبداً.

سلامات يا بكّة وإيدو امبارا

الرشيد اسماعيل محمود · 11-08-2013, 12:07 AM

اقتباس:

المشاركة الأصلية كتبت بواسطة بابكر عباس

صلعة الله والرسول دي، أول ما تبدأ، سيدها بتعب تعب شديد وتلقاهو مجنن المرايا جن، وأول حاجة تلقاهو بتفقدها من الصباح عدد الشعيرات الملتصقات بالمخدة ولو كان قاعد في الخليج تلقاهو لعن ليك خاش أبو الموية المالحة واليوم الخلاهو يفارق موية النيل.

انا لو في محل بروف أمين ولّ اسامة معاوية، بكلم أحمد طه يباصر لي فتوي للحجّاج بن يوسف (علي لسان امرأة من ذلك الزمان) تطنب في ذكر مآثر الصلعة، والله ناس خالد غالي ووجدي (الدُقشم) ديل إلا يعدموا الأمواس من السوق.!

الرشيد اسماعيل محمود · 11-08-2013, 12:12 AM

معليش يا بكّة، ما انتظرتك تقول كلامك الداير تقولو كلُّو، لكن نسوّي شنو؟!، صلعتك* وقعت لي في جرح!

* قصدي البوست

أبوبكر عباس · 11-08-2013, 05:38 AM

اقتباس:

المشاركة الأصلية كتبت بواسطة الرشيد اسماعيل محمود

سلامات يا بكّة وإيدو امبارا

ألينا أليكم، كل سنة تيبين تيبين
إيد مٌبارك خيرات مُبارك
بجا ماما كلش زين؟
الحمد لله

أمين محمد سليمان · 11-08-2013, 07:34 AM

اقتباس:

المشاركة الأصلية كتبت بواسطة الرشيد اسماعيل محمود

انا لو في محل بروف أمين ولّ اسامة معاوية، بكلم أحمد طه يباصر لي فتوي للحجّاج بن يوسف (علي لسان امرأة من ذلك الزمان) تطنب في ذكر مآثر الصلعة،

ما يحتاج يا رشيد ... ما يحتاج !!
نحن الذين طمس الله خلايانا المنبته لشعر الراس، مآثرنا لا تحتاج لاطناب :
وجاهتنا و ضيائنا بجوه و بره ...عميقين ... رائعين ... باذخين ... و صلعاتنا دي نباهي بيها الشمس ... و زول كده شايفنو أحسن ولا أوجه مننا مافي !!

أبوبكر عباس · 11-08-2013, 01:56 PM

الصلعة ولعبة الوراثة:
ينتقل مرض الصلع الوراثي للرجال من أٌمهاتهم المصلعات أو الحاملات لجين الصلع
الرجال المصابون بالصلع لا ينقلونه لأبنائهم الذكور ولكنهم ينقلونه للإناث
الأنثى لا تصاب بمرض الصلع الوراثي إلا إذا كان أبوها أصلع وأمها إما حاملة للجين المسؤول عن الصلع أو مصابة به.

أها يا سيد بابكر عباس، داير تقول شنو من اللفة الطويلة دي؟

أبوبكر عباس · 11-08-2013, 02:06 PM

- لو عندك صلعة إياك ثم إياك أن تخاطر وتتزوج بنت خالتك حتى لو كانت كما وصفها الحجاج.
- لو عندك صلعة وداير تتزوج من خارج أُسرتك؛ لازم تلاقي قبل الخطوبة كل أخوال خطيبتك ولو لقيت واحد فيهم عندو صلعة؛ تكب الزوقة.

أبوبكر عباس · 11-08-2013, 02:07 PM

نسيت ما شرحت ليكم لعبة الوراثة مع الصلع برسوم توضيحية

زول الله · 11-08-2013, 02:20 PM

يجازي مـِحَنك يابابكرعباس

اها أمين و جاك
تاني مشرك ل منو؟

اقول قولي هذا واستغفر الله لي...................

أبوبكر عباس · 11-08-2013, 02:31 PM

مرض الصلع الوراثى Androgenic alopecia (المعروف أيضا باسم androgenetic alopecia أو alopecia androgenetica) وهو مرض شائع لفقد الشعر في كلا من ذكور واناث البشر والشامبانزى والقردة.
في البشر وبخاصة الذكور، هذه الحالة تُعرف أيضا باسم male pattern baldness يتم فقدان الشعر في مناطق واضحة المعالم، بداية من مقدمة الشعر أعلى الصدغين. الشعر يخفف أيضا في وسط الرأس. غالبا يبقى الشعر حول الجانبين ومؤخرة الرأس، أو قد تتطور الحالة إلى الصلع الكلى.
فقدان الشعر في النساء يختلف عن صلع الرجال. ففي المرأة يصبح الشعر أرق في جميع أنحاء الرأس. ومرض الصلع الوراثى في النساء نادرا ما يؤدي إلى صلع كلى.

الموسوعة الحرة

أحمد طه · 11-08-2013, 03:33 PM

اقتباس:

المشاركة الأصلية كتبت بواسطة بابكر عباس

صلعة الله والرسول دي، أول ما تبدأ، سيدها بتعب تعب شديد وتلقاهو مجنن المرايا جن، وأول حاجة تلقاهو بتفقدها من الصباح عدد الشعيرات الملتصقات بالمخدة ولو كان قاعد في الخليج تلقاهو لعن ليك خاش أبو الموية المالحة واليوم الخلاهو يفارق موية النيل.

بتونس يومتا مع واحد صاحبي و بيحكي لي باستياء شديد عن أخوهو البقى أنصار سنة و كيف إنو أنصار السنة ديل متشددين ، قال : الناس ديل أنا ماعارف دينم دا جايبنو من وين ، الزول إن قال يا سيدي الحسن يقولولو مشرك إن شال السبحة يقولو دي بدعة ، ياخي ديل كاس الله و الرسول دا كفرونا فيهو !

غايتو إنت حقتك شوية مبلوعة ،

سؤال يا بابكر : ماهي السن التي ببلوغها يكون الرجل قد نجا من إمكانية حدوث الصلع ؟

عكــود · 11-08-2013, 06:53 PM

سلام بابكر،

واحد صاحبنا من ذوي الصلعات اللامعة، يقول:
الكويّس في الصلعة إنو الزول بيوالفها شوية شوية وما بتجي فجأة. لكن لو الزول بيقوم من الصباح يعاين للمراية ويلقى راسو بقى صلعة، كان مستشفيات المجانين اتملت!

والفناها ووالفتنا، نحمد الله.

أبوبكر عباس · 12-08-2013, 05:28 PM

اقتباس:

المشاركة الأصلية كتبت بواسطة زول الله

تاني مشرك ل منو؟

مبارك العيد
جاتنا واحد بلدياتنا قالت شعرها بدأ يتساقط وماشة للهاشمي بالبريمي يديها خلطات، لأنو سبب صلعتا دي كريم إشترتو من أم بدّة، طبعا أخوك بعرف أبوها وخيلانها وصلع عايلتها كلهم وأصغر صلعة عندهم زي بتاعة البروف دي.
نسيت
السؤال كان شنو؟

10-08-2013, 10:23 PM	#[1]
أبوبكر عباس :: كــاتب نشــط::	الصلعة المصريين عندهم مثل حقار حقارة شديد بقولوا فيهو: " أقرع ونزهي". جمال حسن سعيد قال: تكون واقف في صف الدخول للإستاد تسمع واحد من الناس الفي آخر الصف يكورك ليك: إتّا يا أبصلعة دا، صلح الصف وتكون إتّا ما عندك علاقة بعوج الصف غير انو الزول داك، ما عاجباهو صلعتك! تجي تشتري ليك خروف، سيد الخروف يقول ليك: والله يا أبشنب، دا، خروف ما فيهو كلام... أها تمشي منو من غير ما تشتري، تسمعو يقول ليك: والله يا أبصلعة، فوتّا ليك خروف ما بنفات. صاحبي لاقيتو بعد فراق 20 سنة، بعد المُطايبة، عاينت للصلعة وإبتسمت، بسرعة قال لي: تعرف السبب كريم جابوهو لي من القضارف زدت عرض إبتسامتي وقلت ليهو: شوف صلعة الكريمات ديك غير، الصلعة المواسية وفق مجاري في الراس معروفة، دي، صلعة الله والرسول وغالبا جاياك من جهة أُمك. لكن وحات الله، يا جبارة، صلعتك خطيرة الوجاهة وبعدين أكسبتك بُعد رابع. التعديل الأخير تم بواسطة أبوبكر عباس ; 10-08-2013 الساعة 10:28 PM.
أبوبكر عباس :: كــاتب نشــط::

10-08-2013, 10:35 PM	#[2]
أبوبكر عباس :: كــاتب نشــط::	صلعة الله والرسول دي، أول ما تبدأ، سيدها بتعب تعب شديد وتلقاهو مجنن المرايا جن، وأول حاجة تلقاهو بتفقدها من الصباح عدد الشعيرات الملتصقات بالمخدة ولو كان قاعد في الخليج تلقاهو لعن ليك خاش أبو الموية المالحة واليوم الخلاهو يفارق موية النيل.
أبوبكر عباس :: كــاتب نشــط::

11-08-2013, 12:12 AM	#[5]
الرشيد اسماعيل محمود :: كــاتب نشــط::	معليش يا بكّة، ما انتظرتك تقول كلامك الداير تقولو كلُّو، لكن نسوّي شنو؟!، صلعتك* وقعت لي في جرح! * قصدي البوست
الرشيد اسماعيل محمود :: كــاتب نشــط::

11-08-2013, 01:56 PM	#[8]
أبوبكر عباس :: كــاتب نشــط::	الصلعة ولعبة الوراثة: ينتقل مرض الصلع الوراثي للرجال من أٌمهاتهم المصلعات أو الحاملات لجين الصلع الرجال المصابون بالصلع لا ينقلونه لأبنائهم الذكور ولكنهم ينقلونه للإناث الأنثى لا تصاب بمرض الصلع الوراثي إلا إذا كان أبوها أصلع وأمها إما حاملة للجين المسؤول عن الصلع أو مصابة به. أها يا سيد بابكر عباس، داير تقول شنو من اللفة الطويلة دي؟
أبوبكر عباس :: كــاتب نشــط::

11-08-2013, 02:06 PM	#[9]
أبوبكر عباس :: كــاتب نشــط::	- لو عندك صلعة إياك ثم إياك أن تخاطر وتتزوج بنت خالتك حتى لو كانت كما وصفها الحجاج. - لو عندك صلعة وداير تتزوج من خارج أُسرتك؛ لازم تلاقي قبل الخطوبة كل أخوال خطيبتك ولو لقيت واحد فيهم عندو صلعة؛ تكب الزوقة.
أبوبكر عباس :: كــاتب نشــط::

11-08-2013, 02:07 PM	#[10]
أبوبكر عباس :: كــاتب نشــط::	نسيت ما شرحت ليكم لعبة الوراثة مع الصلع برسوم توضيحية
أبوبكر عباس :: كــاتب نشــط::

11-08-2013, 02:20 PM	#[11]
زول الله :: كــاتب نشــط::	يجازي مـِحَنك يابابكرعباس اها أمين و جاك تاني مشرك ل منو؟ اقول قولي هذا واستغفر الله لي...................
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

11-08-2013, 02:31 PM	#[12]
أبوبكر عباس :: كــاتب نشــط::	مرض الصلع الوراثى Androgenic alopecia (المعروف أيضا باسم androgenetic alopecia أو alopecia androgenetica) وهو مرض شائع لفقد الشعر في كلا من ذكور واناث البشر والشامبانزى والقردة. في البشر وبخاصة الذكور، هذه الحالة تُعرف أيضا باسم male pattern baldness يتم فقدان الشعر في مناطق واضحة المعالم، بداية من مقدمة الشعر أعلى الصدغين. الشعر يخفف أيضا في وسط الرأس. غالبا يبقى الشعر حول الجانبين ومؤخرة الرأس، أو قد تتطور الحالة إلى الصلع الكلى. فقدان الشعر في النساء يختلف عن صلع الرجال. ففي المرأة يصبح الشعر أرق في جميع أنحاء الرأس. ومرض الصلع الوراثى في النساء نادرا ما يؤدي إلى صلع كلى. الموسوعة الحرة التعديل الأخير تم بواسطة أبوبكر عباس ; 11-08-2013 الساعة 08:43 PM.
أبوبكر عباس :: كــاتب نشــط::

11-08-2013, 06:53 PM	#[14]
عكــود Administrator	سلام بابكر، واحد صاحبنا من ذوي الصلعات اللامعة، يقول: الكويّس في الصلعة إنو الزول بيوالفها شوية شوية وما بتجي فجأة. لكن لو الزول بيقوم من الصباح يعاين للمراية ويلقى راسو بقى صلعة، كان مستشفيات المجانين اتملت! والفناها ووالفتنا، نحمد الله.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.