سلام بتاعكم..
آثرت أكتب بوست إعتذار هنا في الحوار ، علشان اكبر قدر من الناس ياخدوا فكره عن الموضوع ..
http://sudanyat.org/vb/showthread.php?t=27601
في اللينك أعلاه ، تم الإعلان عن مسابقة بتأريخ مايو 2013 ، وقبليها بشهر عملنا ورشه عمل شاركوا فيها عدد من الإخوه والأخوات الأجلاء ، أجمعنا فيها على نقاط محدده حول شروط المسابقه ، من بين الشروط دي تكليف أساتذه من خارج سودانيات.
وحقيقة منذ لحظه أنطلاق المسابقه ، كنت على إتصال دائم مع الأساتذه الأجلاء ، وكانوا بيعتذروا للتأخير لظروف تتفاوت بين إجتماعيه ، وبين إلتزام في منشط ثقافي ، وبين زحمه شغل..
وبإعتبار إنو من لحظة إعلان ضربة البداية حول المسابقة كانت في مايو ، وهسي نحن في مشارف أبريل ومافي نتيجه ملموسه لحوالي العام ، فده أنا بعتبرو إخفاق ، أنا مسئول عنو مسئولية تامه..
برجو مشكورا قبول إعتذاري..
ومن ثم ، إذا بتقدروا تتقبلوا فكره إنو يتم إنتخاب لجنه من سودانيات ، تقيًم النصوص الأرسلت في المسابقة لأكونن من الشاكرين.
إلتزمت بقراركم طيلة الفترة الفاتت حول إنو اللجنه تكون من خارج سودانيات ، وهسي حألتزم بالحاجه الحتجمعوا عليها.
تحياتي
