حبيبنا قرقاش من ناحية سؤالك عن الفرق بين الثورة والانقلاب
الثورة والانقلاب هم وجهين لعملة واحدة وهي عملة السلطة
الفرق الوحيد هو :
الانقلاب يتم عبر جماعة ضد النظام الحاكم ويستخدموا العساكر لعمل الانقلاب
والثورة تتم عبر جماعة تستخدم الشعب ضد النظام الحاكم لعمل الانقلاب
وعشان نكون عمليين، كدي جيب لينا مثال للثورة ومثال للانقلاب
لو فتشت أي ثورة عالمية حدثت وبحثت في جوهرها، ستجدها انها عبارة انقلاب لصالح جماعة محددة...
الثورة الفرنسية... صنيعة جماعة محددة انقلبت على الاسرة المالك، وأسست لنظام ملكي جديد
الثورة البلشفية... صنيعة الحزب الشيوعي انقلب ضد النظام الملكي، وأسس نظام ملكي بثوب شيوعي
الثورة الكوبية... صنيعة فيدل كاسترو وجماعته ضد النظام الرأسمالي الموالي لامريكا، واسس نظام فردي موالي للاتحاد السوفيتي!!
الثورة الصينية... صينعة الحزب الشيوعي حيث اسقط الطاغية ونصب ماو طاغية بديل عنه
وهكذا تمشي بي شارع الثورة بالنص دا طوااااااااااالي وبعد ود الجخيص ح تلقى ثورة اكتوبر وثورة ابريل التي لم تختلف كثيرا عن انقلاب عبود وانقلاب نميري!!
عشان كدة يا حبيب، جميع الثورات هي وجه آخر للانقلابات... لأن الثورة الحقيقة هي ثورة الفرد ... ثورة الجماعة او الشعب هو فعل انتكالي يقوم به الشعب بتحطيم الطاغية السابق ويقعد يستريح شوية بعد تعب التكسير... واثناء فترة الراحة دي يكون تم تشييد تمثال طاغية جديد... وهكذا حال كل ثورة جماعية
عشان كدة الثورة الحقيقية هي ثورة الفرد... ومافي زول ينتكل ليهو على زول أو جماعة أو حزب أو أي كائن من يكون...
