أنا غلطان بعتزر

[imported_عباس الشريف]

استميحوني عزرا بان احي الجميع بصيغة الجمع اذ المتابعين للاحداث كثر من قبيلة سودانيات فلهم جميعا الشكر لا اود ان تكون مداخلتي نصف صفحه سلام وشكرا ولاكن اكتفي بان ناس سودانيات فعلا رائعين وذلك من خلال من كان وقفا معي بداية الخلاف ومن اختلف معي ورد معقبا بعد شرحي ان هنالك كان سؤ فهم وفعلا رائعون يتعاملون مع العضو الجديد والقديم بمفهوم لا يحق الا الحق..........
كنا عذابة في مدينة زالنجي ما اجمل الغرب وجبل مره والصداقات التي اكتسبناها مع اهلنا الفور ان كانت مع عبدالواحد محمد نور او مع صديقنا العزيز ابن خالته بشير وبطبيعة المنطقة تلقي العذابة مجموعه مميزين في ميز واحد البياطرة والاطباء والزراعيين وهلم جرا بتاعت الصادق المهدي كان عندنا واحد ماسك الميز من الزراعيين راجل تخين بتمتم زول اتجاه واحد الميز ده ما بفكوا لي اي واحد كان قصه رقبتوا كع ... الله اقول بي قولك كان قلته الليلة الاكل ده فيهو ملح كثير اول حاجة بقيف لمبة واتحمبك .... مرة انا بهظر معاهوا كنت شايل لي علبة سجاير هو زول ساعوط يا الامين عندك كبريت قال لي لا ليه تسألني تقول لي عندك كبريت شايفني بسجر قلته ليهو حقوا انت طوالي اكون معاك علبة كبريت امكن يوم تفكر تنتحر ..... زولنا والله تمتم لمن قطع أأأأأأأأأأنننننا اننننننننننننننننننننننتحر ... كان ما مسكوهوا من الجماعة كان لحقني امات طه ...... مشينا زيارة لي واحد صديقنا جاهو ايرقان وعندوا سكري راكب معانا في اللاندروفر انا قلته والله يا جماعه اليرقان مع السكر خطر بجيب التوج دخلتنا كفرنا للزول قال ليهوا الله استرك من اليرقان مع السكري انشاءالله تقوم منها ما تروح فيها الناس انتدهشت وفتحت خشوما قال ليهم قلته انا ما دا عباس القال كده ومن الحاجات الطريفه نازل اجازة قال خلي السكر بشد السين بمعني تاب من الشراب جاء من الاجازه راسو كلوا مفلق يا الامين شنو الحكايه الضربك منوا قال والله ابو خطيبتي حصل خلاف هي ماشه الحفلة كانت لابسه قصير انا رجعتها البيت حلفت عليها ما تمشي بعد فترة مشيت بيتم اشوف الجو كيف لقيت ابوها قاعد .... والد الخطيبه خال الامين.... عايز احكي ليهوا الخلاف قام علي حيلوا دنقر تحت العنقريب شال العكاز وقع فيني ضرب .... طيب يا الامين وقت شوفتوا دنقر للعكاز الوقفك شنو ... قال والله انا كنت قايلوا عايز اشيل الابريق حسب النعنشه الفي راسي .... انت ماقلته خليت الشراب .... قال اي والله خليتوا بس في جماعه عزموني ملح ..... والله يا جماعه في ناس بتعرف الهظار وفي ناس ما بتعرف الهظار للجميع اسفنا ... والظاهر كتابة الملح دي بتخلي الزول ادوهوا في راسو مع انو انا كنت مفتكر بداية الخلاف شيل ابريق لاكن حصل خير ..... ولنتواصل بالمنتدي نتونس ولابد ان نختلف مره اخري ما دام في ميز كلمة بجمعنا يوم الملح مقصر يوم الشطه كثيره وعشان اعرف اي واحد عندو شك انا ممكن في اليوم اكتب عشرة بوستات بس ما نقل حسي ده الثاني ..... المواقف هي التي تخلق الطرفه

[معتصم الطاهر]

يعنى صاحبنا دا لامن دنقر كنت قايلو داير يشيل شنو ..؟؟

هنا ود عثمان ذاتو مرات بدنقر ما بجيب أغنية ..

[imported_عباس الشريف]

المشاركة الأصلية كتبت بواسطة معتصم الطاهر

يعنى صاحبنا دا لامن دنقر كنت قايلو داير يشيل شنو ..؟؟

هنا ود عثمان ذاتو مرات بدنقر ما بجيب أغنية ..

ود الطاهر صاحبك البدنقر للابريق ابو البت ولا صاحبك الماسك الميز

[imported_عثمان]

عباس الشريف مرحب بيك والله
أبقى داااخل يا أخوي والدنيا جميلة بس الناس مصعباها على روحا براها ، خد دي يا عباس مرة في واحد صحابنا قااااعد والناس نااقة الاقتصادي العالمي والأزمة المالية وعووووك قال ليهم يا جماعة أنا وولداتي ديل كان طلعنا من الصباح ما بنجيب كوم بامية قالوا بالحيل قال ليهم ما بنجيب ربطة رجلة قالوا بتجيبا قال ليهم طيب الأزمة المالية والجوطة في شنو؟ قال ليهم يا جماعة الدنيا جميلة وبسيطة ما تصعيبهوها على روحكم ساي.

[imported_عباس الشريف]

المشاركة الأصلية كتبت بواسطة عثمان

عباس الشريف مرحب بيك والله
أبقى داااخل يا أخوي والدنيا جميلة بس الناس مصعباها على روحا براها ، خد دي يا عباس مرة في واحد صحابنا قااااعد والناس نااقة الاقتصادي العالمي والأزمة المالية وعووووك قال ليهم يا جماعة أنا وولداتي ديل كان طلعنا من الصباح ما بنجيب كوم بامية قالوا بالحيل قال ليهم ما بنجيب ربطة رجلة قالوا بتجيبا قال ليهم طيب الأزمة المالية والجوطة في شنو؟ قال ليهم يا جماعة الدنيا جميلة وبسيطة ما تصعيبهوها على روحكم ساي.

حبيبنا عثمان سلامات والله المسألة ما بتستاهل ده كلوا الحكاية باميه ورجله بسيطه جدا وانا اتخيل لي الناس كان اتلمت احسن تضحك شويه من كبت الحياة والمسئوليات الشلناها واحنا صغار كان قعدته في الغربه وب وكان رجعته السودان وبين طيب هاك دي:
واحد صاحب لينا اتخرج من الجامعه ما لقي شغل اساهر في السينما دور تاني ونوم لي الظهر الشمس داخله عليهوا وصاحبنا اجرجر في العنقريب للضل ابوهوا الحال ما عاجبو من الناس البسطاء بتاعين مشروع الجزيره كل مره اقوم عليهو بي شكله الموضوع الشغل صاحبنا الشكله لما تسخن امشي يبيت مع عموا ياخذ يويمن وجي راجع اها يوم ابوهوا قفلت معاهوا من الصباح صحاهوا من النوم قال ليهوا قوم امشي شوف ليك شغل كان ما لقيت شغل ما تجي هنا كان جيت هنا النار وكان مشيت بيت عمك النار الكبري ........... اها حسي عليك الله مع تقفل الابواب دي المسألة عايزه ليها لوائح واعتزار وقانون انضباط عام كفانا هناك السودان الهربنا منوا تاني يا كوباني دي بجيك ليها مره اخري حسب طلبكم ان رغبتم ........ الف شكر علي مرورك الكريم يا الحبيب

[بابكر مخير]

الحبيب ركس
يعني إتا حتقعد تعتذر كتير كدي
كل يوم بوستين
(ما تمشي تسرح بعيد، يعني 2 بوست بالعدد)

[imported_عباس الشريف]

المشاركة الأصلية كتبت بواسطة بابكر مخير

الحبيب ركس
يعني إتا حتقعد تعتذر كتير كدي
كل يوم بوستين
(ما تمشي تسرح بعيد، يعني 2 بوست بالعدد)

الحبيب بابكر اها نعمل شنو كل ما اخش لي بوست من بوستات المشكله القي ليك لازم تعتزر برضو تعتزر ... لازم تعتزر قلنا نكثر المحلبيه شويه عشان المنقه تروق وكم يوم كده ندور بوستات اعتزار احسن من سيرة الحناكيش والزريبه بجيب الضرب في الراس لك ودي وتقديري

[بابكر عباس]

المشاركة الأصلية كتبت بواسطة بابكر مخير

كل يوم بوستين

"مخير الله"
غايتو يفككم الفكّ بله!
أقترح عمل بوست زي البوست بتاع: "خريجو جامعة أسيوط لمزيد من التواصل"
و نخليهو لركس يجي كل يوم يردح فيهو و ما بحتاج يربط بين المواضيع...
محل ما يلقى البوست واقف يتلب و لا يحتاج يشوف الصفحة القبلها فيها شنو!

مخير الله!

[imported_عباس الشريف]

المشاركة الأصلية كتبت بواسطة بابكر عباس

"مخير الله" غايتو يفككم الفكّ بله!
أقترح عمل بوست زي البوست بتاع: "خريجو جامعة أسيوط لمزيد من التواصل"
و نخليهو لركس يجي كل يوم يردح فيهو و ما بحتاج يربط بين المواضيع...
محل ما يلقى البوست واقف يتلب و لا يحتاج يشوف الصفحة القبلها فيها شنو!

مخير الله!

بابكر البفرقك من سعادتوا ...مخير .......الله ده بنحبوا كلنا ....علاقة البوستين بالحب عباس وهو القاسم المشترك بينا ... اها كل يوم من الصباح تاخذ ليك بوستين صباحيه دي كيف معاك تكون زي حلاوه مولد ..... انت شفته حاجة دي المناظر تعرف كنا ساكنين في حي بمدني اسموا الدباغه جيرانا اهلنا الفلاته بنقرأ معاهم في الخلوة خلقت بيناتنا صداقات يوم واحد من الفلاته اسموا حياة عزمني غذاء اقاشي ودافوري (( كرة الشراب)) بعد الغذاء مشينا نلعب الدافوري تمت القسمه هو في فريق وانا في فريق حسب قوانيين المنتدي اسف الدافوري تجدع الكوره فوق وتبدأ اللعبه نطيت اشيل الكوره الراجل العزمني ضربني من رجلي تحت وقعت علي راسي في الواطه غبته عن الوعي كم ثانيه كده شفتا فيها النجوم اضني صنن فتحته لقيت صاحبي حياة الضربني قلته ليهوا بي حنيه ده شنو يا حياة قال لي انت شوفتتتتتا حاجه يا أباس ده مناظر الفلم لسع .... ارجي الراجيك يا بابكر عباس الفلم ما بدأ يومي بوستين!!!!!!!!!!!

[بابكر عباس]

المشاركة الأصلية كتبت بواسطة عباس الشريف

... اها كل يوم من الصباح تاخذ ليك بوستين صباحيه دي كيف معاك تكون زي حلاوه مولد .....

......بابكر عباس الفلم ما بدأ يومي بوستين!!!!!!!!!!!

الحمد لله بوستين دي ما عملت ليها أقواس،
لانو لو قوستها أنا كنت حا أتحسس!!

[imported_عباس الشريف]

المشاركة الأصلية كتبت بواسطة بابكر عباس

الحمد لله بوستين دي ما عملت ليها أقواس،
لانو لو قوستها أنا كنت حا أتحسس!!

الحبيب بابكر انت زول حبوب كان اتحسست بنرضيك الكلام مقص الرقيب يا مفتح انت

[بابكر مخير]

إتا يابا
ما بتتوب
حسي خلاص شبكتا في البوسترين وبدون قوسين أو آدنى..
في هنانا ناس بتصنف متل ما بين القوسين "قزح" دآ بالأقوال الموحشة..
بعدين بالمناسبة بيجوك حسي ناس لجنة النصوص والقواعد والإملاء لأنه "عزر" خطاء وهي بين قوثين "عذر" وحا يطالبوا بتسكير القِبلة (مش في غنية إسمها القبلة السكرى، مع عدم الشبه) دي مش كل مقصود يوصف بأنه قِبلة، يعني القطار المرآ، قِبلته عطبرآ وناس بابكير وبابكر قِبلتهم وبيقصدوا هنا..
وكدآ يعني

[imported_جانيت]

جبابك عباس
بيتك ومطرحك
الله بيقبل التوبه ويغفر
اعتذارك شي ما هين وعلي العين والراس
وده من الاصل الطيب
يمكن ما حدث بدر عن حسن نيه منك
وسؤ فهم للاخرين عن نواياك
انما الاعمال بالنيات ولكل امرئ ما نوى
بعد الاعتذار ناخذ بالظاهر وشليل قلب ابيض يسع سودانيات وما حولها
رب محبه من بعد عداوة
ولم يصل الحال الى العداوة
وربنا يصلح الحال
وو ابوعاقله ده اختاه النكلمك
انا جيت سودانيات دي لي 4شهور جديده لنج كلامه ما بعرف بيجيبه من وين
بس والله زول ثمح ثماحه خلقه واخلاق
ولا انا مغشوشه بصورة الدرويش ديك
دي تخريمات بس الخلا عادته قلت سعادته لازمن نخرمج

[imported_أميرى]

أنا غلطان بعتزر

وسفيت التراب؟؟؟
ولا لسة؟


يا مان جميعنا مطالبين بالاعتزار

ما عليك ياحبيب...