إعتذار جماهيري

[شليل]

الأحبة بسودانيات:
مابحب ألجأ للتبريرات الكتيره؛ بإعتبار إنها بتنم عن ضعف الخطاب؛ بكل وضوح وبدون مواربه بأعلن إعتذاري لأي زول إتضرر من العنف اللفظي الأتبادلتو مع عباس؛ ولأي زول ماقدر يتداخل في البوستات الأحتليتا عنوه وسط الجو المشوب بالتنشنه؛ إعتذاري ده نابع عن حرصي على تقييم نفسي بأستمرار؛ وعلى إيماني التام بأنو العنف اللفظي بيكون خصم على الموضوعيه؛ ومابيضيف حاجه غير إنو ينمي مشاعر العداء جواي؛
عليه: قيمت موقفي ولقيت نفسي مخطئ في النقطتين الأشرت ليهم ووجب تقديم إعتذار علني؛
الموقف ده بيمثلني أنا الفاتح سعيد إلزول الماسوبر هيرو البيتعايش وسطكم البيلجأ للكوماج ومرات يحتكم للمنطق؛و البيعرف بتين يبقى المطر ويفهم بتين يصبح حريق؛
؛¥¥¥¥
ملحوظه: بكتب من الموبايل وقد تتعذر إمكانية الرد؛

[imported_فتحي مسعد حنفي]

المشاركة الأصلية كتبت بواسطة شليل

الأحبة بسودانيات:
مابحب ألجأ للتبريرات الكتيره؛ بإعتبار إنها بتنم عن ضعف الخطاب؛ بكل وضوح وبدون مواربه بأعلن إعتذاري لأي زول إتضرر من العنف اللفظي الأتبادلتو مع عباس؛ ولأي زول ماقدر يتداخل في البوستات الأحتليتا عنوه وسط الجو المشوب بالتنشنه؛ إعتذاري ده نابع عن حرصي على تقييم نفسي بأستمرار؛ وعلى إيماني التام بأنو العنف اللفظي بيكون خصم على الموضوعيه؛ ومابيضيف حاجه غير إنو ينمي مشاعر العداء جواي؛
عليه: قيمت موقفي ولقيت نفسي مخطئ في النقطتين الأشرت ليهم ووجب تقديم إعتذار علني؛
الموقف ده بيمثلني أنا الفاتح سعيد إلزول الماسوبر هيرو البيتعايش وسطكم البيلجأ للكوماج ومرات يحتكم للمنطق؛و البيعرف بتين يبقى المطر ويفهم بتين يصبح حريق؛
؛¥¥¥¥
ملحوظه: بكتب من الموبايل وقد تتعذر إمكانية الرد؛

يعني ياشليل هسة انت قايلنا ما عارفين جواك في شنوياخ باللاي روح كدا ولا كدا بلا اعتذار بلا بطيخ

[imported_سمراء]

المشاركة الأصلية كتبت بواسطة شليل

؛¥¥¥¥
ملحوظه: بكتب من الموبايل وقد تتعذر إمكانية الرد؛

احسن شى انك ماحاترد ....
انا طبعا برضو من الناس (الاتسلل )اليهم بعضا من رزار كلماتك ..
عليه مامسامحاك كلو كلو الا تقوم تنزل لى اعتزار براى كده ..ويكون فيهو رسمة بورتريه بالخمار ..اى النيو لوك الجديد لانو

[imported_جيجي]

الاعتذار ثقافة راقية تجب ما قبلها وهي ممحاة لكل سوء
شكرا لك

[imported_سارة]

المشاركة الأصلية كتبت بواسطة فتحي مسعد حنفي

يعني ياشليل هسة انت قايلنا ما عارفين جواك في شنوياخ باللاي روح كدا ولا كدا بلا اعتذار بلا بطيخ

لا يا عم فتحى لو سمحت

خلى شليل يعتذر لانه اخطأ فعلا ولو ما اعتذر ما بكون شليل الذى نحبه هذا واحد

وعلى فكرة كتار المفروض يعتذروا بس حنخليهم لحدى ما يراجعوا نفسهم




ابو الشوش احبك جدن وجدن وجدن

[imported_ابومشعل]

[align=justify]( الفاتح ) .... من سبتمبر 1969 م . ثورة ضباط احرار لمن كان بين الضباط ( احرار) .

( اعتذار جماهيري ) ...........من الجماهيرية الاشتراكية العظمي التى تحملها دواخلنا ( للفاتح ) من الجزيرة ارض المحنه .

( وسعيد/ين) بيك يا..... احزان وفرحانين بالاعتذار فرح النار بلوح الزان .

وكان غلطان ياك ( الفاتح ) وكان زعلان برضو ( كمان ) واصلوا كتالك يا هو كتالك .

محبتى لك ودمت كما انت نقي متسامح .
[/align]

[معتصم الطاهر]

المشاركة الأصلية كتبت بواسطة شليل

الأحبة بسودانيات:
مابحب ألجأ للتبريرات الكتيره؛ بإعتبار إنها بتنم عن ضعف الخطاب؛ بكل وضوح وبدون مواربه بأعلن إعتذاري لأي زول إتضرر من العنف اللفظي الأتبادلتو مع عباس؛ ولأي زول ماقدر يتداخل في البوستات الأحتليتا عنوه وسط الجو المشوب بالتنشنه؛ إعتذاري ده نابع عن حرصي على تقييم نفسي بأستمرار؛ وعلى إيماني التام بأنو العنف اللفظي بيكون خصم على الموضوعيه؛ ومابيضيف حاجه غير إنو ينمي مشاعر العداء جواي؛
عليه: قيمت موقفي ولقيت نفسي مخطئ في النقطتين الأشرت ليهم ووجب تقديم إعتذار علني؛
الموقف ده بيمثلني أنا الفاتح سعيد إلزول الماسوبر هيرو البيتعايش وسطكم البيلجأ للكوماج ومرات يحتكم للمنطق؛و البيعرف بتين يبقى المطر ويفهم بتين يصبح حريق؛
؛¥¥¥¥
ملحوظه: بكتب من الموبايل وقد تتعذر إمكانية الرد؛

اعتذار .. و مراجععة ..

فقط ينقصنا ( كأعضاء) اعتذار الأمين العام أو نائبه ..عن حق عباس فى سحب بوستاتو .. ورجوعها ..يعنى عن اتهامو ..

..

#

[imported_فتحي مسعد حنفي]

المشاركة الأصلية كتبت بواسطة سارة

لا يا عم فتحى لو سمحت

خلى شليل يعتذر لانه اخطأ فعلا ولو ما اعتذر ما بكون شليل الذى نحبه هذا واحد

وعلى فكرة كتار المفروض يعتذروا بس حنخليهم لحدى ما يراجعوا نفسهم




ابو الشوش احبك جدن وجدن وجدن

البت دي من ما تبتدي لي بي عم فتحي بخاف عديييييل..ولما تبتدي بي حبي وتوحة بنشكح لامن أم أحمد تقول لي مالك نفسك اتضايق ولا في شنو
يا سارة شليل أنا عارفو زي ما انتي عارفاهو وأنا متأكد انو بيعتذر وبي جوا بيتقطع وحبيت أخفف عنو عشان الراجل دا عشان خاطر عين أكرم مدينة ..فهمتي ياحجة سارة

[imported_الجيلى أحمد]

المشاركة الأصلية كتبت بواسطة شليل

؛¥¥¥

[imported_سارة]

فهمى الساعة دى مش مهم المهم كتار المفروض يعتذروا

بتمنى انهم يفهموا ويعتذروا

انت مثلا يا عم فتحى من مداخلاتك انا سارة دى حسيت انك اخطات فى حق الادارة

وظنيت فيهم سوء يا ربى اعتذرت للادارة ؟؟؟؟الاخ الحبيب ابو عاقلة قد اتفق معه

فى بعض مواقفه لكنه ايضا من خلال فهمى القاصر اعتبره مخطىء يجب ان يعتذر

اما الادارة فدى مشكلتهم وخطاهم نناقشه بعد ما الجو يروق ويحلا عشان كلامنا

يصب فى مصلحة الصرح الذى يجب ان نحافظ عليه

ام الاخ عباس فرغم انه اعتذر انا شخصيا لا اره مخطىء بقدر ما لم يعجبنى اسلوبه

ولم تروقنى دخلته تووش لكن يبقى زى ما قال العزيز حاتم على انه المنتدى سوق

كل زول بيعرض بضاعته وبين البايع والقارىء يفتح الله

[imported_فتحي مسعد حنفي]

المشاركة الأصلية كتبت بواسطة سارة

فهمى الساعة دى مش مهم المهم كتار المفروض يعتذروا

بتمنى انهم يفهموا ويعتذروا

انت مثلا يا عم فتحى من مداخلاتك انا سارة دى حسيت انك اخطات فى حق الادارة

وظنيت فيهم سوء يا ربى اعتذرت للادارة ؟؟؟؟الاخ الحبيب ابو عاقلة قد اتفق معه

فى بعض مواقفه لكنه ايضا من خلال فهمى القاصر اعتبره مخطىء يجب ان يعتذر

اما الادارة فدى مشكلتهم وخطاهم نناقشه بعد ما الجو يروق ويحلا عشان كلامنا

يصب فى مصلحة الصرح الذى يجب ان نحافظ عليه

ام الاخ عباس فرغم انه اعتذر انا شخصيا لا اره مخطىء بقدر ما لم يعجبنى اسلوبه

ولم تروقنى دخلته تووش لكن يبقى زى ما قال العزيز حاتم على انه المنتدى سوق

كل زول بيعرض بضاعته وبين البايع والقارىء يفتح الله

أولا ياسارة أنا عملت بوست شكرت فيهو الادارة ودا اعتذار واضح ..ثانيا أنا كنت في اتصال أمس مع الأمين العام والراجل فاهم كويس جدا اني ما اتهمت الادارة بأي شيئ ولكن قلت سحب البوستات غلط ووضحت الأسباب وأفتكر الادارة فهمت وجهة نظري..

[imported_أميرى]

الموقف ده بيمثلني أنا الفاتح سعيد إلزول الماسوبر هيرو البيتعايش وسطكم البيلجأ للكوماج ومرات يحتكم للمنطق؛و البيعرف بتين يبقى المطر ويفهم بتين يصبح حريق؛

اخ كريم لا يتمادى فى ظلم ولا تأخذه العزة بالاثم...

فهمى الساعة دى مش مهم المهم كتار المفروض يعتذروا

حتى السكتوا؟؟
دة المهم

نفسى ما تسود بيناتنا اذا سرق فيهم الشريف...

[imported_مبر محمود]

انا طبعاً اعتذار شليل دا ماعندي فيهو غرض، لكن حا أنتهز الفرصة لابرأ زمتي انا ايضاً من اعتذار انا مدين به للاخ محمد ابوعاقله، اتمنى منه قبولة وان جاء متاخراً .
ففي مداخلاتي الاولى في هذا المنتدي كنت قد حملتُ عليه دون وجه حق وذلك لالتباس أصابني في بعض الاشياء، ورغم ثقتي في قدرته وقدرة المتابعين انذاك في تفهم مبرراتي وسلامة نيتي الا انني واسوةً بشليل اتقدم باعتذاري صراحةً.


وكل المحبة كل الاحترام

[imported_سارة]

المشاركة الأصلية كتبت بواسطة أميرى

اخ كريم لا يتمادى فى ظلم ولا تأخذه العزة بالاثم...



حتى السكتوا؟؟
دة المهم

نفسى ما تسود بيناتنا اذا سرق فيهم الشريف...

السكتوا ديل يا اميرى

اما يكونوا عملا ب(ان لم تقل خيرا فاصمت)

او كلامهم وقتها ممكن يزيد الطين بلة

بس السكات زاتو خشوم بيوت يعنى انت ممكن تسكت رسميا

وتتحدث من خلف الكواليس

وكلو يصب فى محبتهم

[imported_نزار حسن علي]

الحبيب كالعهد بك دايمآ