العمدة يرحل ..

[معتصم الطاهر]

المشاركة الأصلية كتبت بواسطة عكــود

قبل شهر رحلت من بيت لبيت


والله حقو تفتحوا لي بوست تضامن

.

الله يرحمك يا خالد الحاج ..

زمان لو عكود داير يرحّل كرسى من المجلس لغرفة المعيشة بنكون فى الصورة

العمدة يرحل من بيتو السمح الفيه كل الذكريات الجميلة .. ولا خبر و لا اتر ..

أها ..

النور يا زول الرويس دى تمشى براك ..!!

أنا ماشي الدمام ..

[معتصم الطاهر]

الفوق دا عتاب و ملام لى أنا

تقصير مننا ..

زمان لو قصرنا .. خالد بلحق الناقصة ..

غايتو كل يوم نتلوم مع زول لحدى وصلنا العمدة ..

[عكــود]

العمدة يرحل ..

أسووووق خطواتي من بيتاً رعى الإلفة!

تعرف يا باش،
إرهاصات الرحيل كانت من قبل أكتر من 5 سنوات،
وأنا إتزاوغ . . .
الليمونات،
الشتلة،
شجرة المنقة،
التوت، و
أحواض الزهور،
الأهم من ده،
الذكريات.

أذكر بعد سكني في البيت، بفترة بسيطة، زرعت شجرتين الليمون،
وأوّل موسم نوّار ليهن، كان بوست "شال النوّار".
عندها كتبت عن مدى إرتباطنا بما نزرع،
متابعتنا اليوميّة للنمو،
مضارفتنا على النبتة،
فرحتنا بالنوّار وتحوّره لثمر وهو يا دوووب مبغِّز،
ترقّبنا للتغييرات وأعشاش الطيور بين الأغصان،
صداقتنا للطيور الساكنة،
فرحتنا بفقس بيضها،
مراقبتنا لمحاولة طيران الزرارير أوّل مرّة،
و إدراكنا لصبر المزارع وسر إرتباطه بالأرض.

هل تعلم، ما زال مفتاح البيت القديم معي،
وما زلت أمشي بإنتظام لسقي الزراعة هناك،
(لم يسكن فيه أحد حتّى الآن)
فما زال الليمون شايل تقيل،
والشتلة فادعة العراجين.

أمّا الذكريات يا باش،
فكانت العقبة الأكبر التّي أجّلت الرحول 5 أعوام!
كم من أحباب عبروا وسكنوا القلب قبل البيت،
كم من ضحكات فجّروها فينا،
وكم من سرور أدخلوه.

رحم الله الخالد . .
رحم الله الخالد.
لا يخلو ركن في البيت إلاّ وله فيه ذكرى وعطر.
ربّما أكتب يوماً، إن طاوعني القلم، عن شئ ممّا عشناه هناك،
وأنت معنا وقوت القلوب،
وهو معنا وضحكاته،
والعوض.
جلسات الحديقة،
غلاطه مع العوض والحسوس الكُبار،
دخوله ودخولكم قلب رُبى وجُرستها عند الوداع،
وجرسة القوت وبكاء الخالد.

كوم من الذكريات يا باش،
كووووووم،



ومافي لوم.

[imported_Sana Mursi]

ان شاء الله البيت الجديد بخيت وسعيد و تعمروه بالخير ان شاء الله

و دائما سباق في الخير يا باش

مودتي

[imported_طارق صديق كانديك]

آمنت بالله .

حنين عجيب

شكرا ياباش فقد هبشت عند العمدة منطقة الغنا الاتسدا أو كما قال ود شوراني.

شكرا ياعمدة على التداعي الحنين.

لكما محبتي

[imported_واحة]

عمدتنا والعزيز معتصم

كلنا ارتبطنا بالبيت دا وما ناسينا الصور الجميلة

وكل ما ذكرت ، ومدى الضحك الفيها

الببيوت وارتباط الناس بيها حتى اللحظة لما اجى

بشارع بيتنا القديم تصبنى القشعريرة وطيف زكريات

لا تنسى ولا يمكن ان تعاد .

وعلى قول خالد الواحد فى الاجازات دى بجى يدفاء بالناس

بوست دافى بعد رحيل .....


ياعكود ان شاء الله البيت الجديد نملاه وتملاه زكريات واحداث

اسعد واجمل

ويظل الحنين


ربنا يرحمك يا خالد ربنا يرحمك




واحة

[imported_ابوبكر حسن]

بيت بطعم الشجن والليمون
شتلات ذكرياته مُحاطه بأحواض الزهور
والتوت , خلاك تبوح بوح زى المنقه


جعل الله منزلك منزلا مباركا ياعمده
بيت بخيت وسعيد عليك يارب

[معتصم الطاهر]

البيت القديم ..

عندما ابديت اعجابي بالبيت عند دخولى اول مرة ..
بادرني العمدة بأنه ينوى الرحيل
بيت .. أليف .. جعل منه أهله منزلا و سكنا ..
يخبرك بالمودة و الرحمة ..
و بأن أهله كرماء ..
غرفة ضيوف .. و مديوان رجال و مجلس نساء و سفرة كبيرة .. و مطبخ مفتوح على الشفرة
و كل هذه تفتح بشبابيك زجاجية من الارض حتى السقف على الحديقة ..

غايتو انا كنت بقعد هناك ..
بين السفرة و الحديقة ..

تابعت شال اللنوار و أزهر و حتى أننا قمنا سافرنا عشان نقطف أول ليمون ..

ياخ دا بيت ..

و البيت ناس ..

و نحن لسه ما تمينا باقى الزيارة ..

[معتصم الطاهر]

اقتباس:
المشاركة الأصلية كتبت بواسطة عكــود

فرحتنا بالنوّار وتحوّره لثمر وهو يا دوووب مبغِّز،

يا إدارة ممكن ننزل صورة موازية دون الخروج على اللائحة ..

مبغز دى لو ما دخلت فى جملة ..لحدى سمراء بسطحوا ..

[عكــود]

لغاية ما أجيكم راجع،
واحد واحدة

الظاهر البوست حيجر (أو هكذا أظن )

[معتصم الطاهر]

الجانب الايمن من مدخل البيت ..القديم يفتح عليه المطبخ ..
شتيلات و زهور وورود ..
و مكان حبوب ..

أحلى ما فى الامر انك تنتظر ربا هنا و بابتسامتها الفرحة عندما تراك
تستأذنك فى إدخال الحقيبة بعد أن تقالدك
تضع الحقيبة فى غرفة الخال ( عادة لا تضع الحقيبة إلا فى غرفتها فى الطابق الأعلى )
ترجع و تبتسم ابتسامتها الودودة و تجلس بيننا ..

دا وصف جانب المدخل..
من داخل المطبخ ينده صوت أم محمد .. ( أبا ذر .. قهوة ولاّ شاى) ..

مع إننا كييفين قهوة نقول ( شاى ) ..
لسببين ..
الاول سماحة الشاى
التاني ( الشريق المنزلي ) ( البسكوت يا ناس هناية ) ..

[معتصم الطاهر]

زول سمح

و بيت سمح ..

و يوم سمح ..

بمشى و أجيكم


سمح !!!

[imported_عبدالرحيم ابراهيم العبيد]

الذكريات صادقه وجميله
جعل الله منزلك منزلا مباركا ياعمده

[imported_وهاد ابراهيم محمد]

وهذا أجمل من الجمال والله..!

ويا سلام عليكم الباش والعمدة.
قولوا تاني وتالت و... والقلب مفتوح.


_______________

ويا عكودنا.. مُش حُميد قال ليك:
(كان سويت (سماحك) في عود, كان خدّر ملا الواطة
وكان فوّح عبير و ورود)..

فشنو.. سوي سواتك ساي, وياها المخدّرة,

(والله ما باقي لي ما أخت الوشوش دي هنا)

[imported_وهاد ابراهيم محمد]

ياخ بيتاً مليان بركة ان شالله..
قول آمين.