اقتباس:
المشاركة الأصلية كتبت بواسطة azzam_farah
[ياخ أنت زول إنفصالى ساكت]
ودي عيبا شنو؟!
الجنوبيين الأوغاد عاشو بينا وفي بيوتنا معززين مُكرمين، وأول ما شمو ريحه البنزين قالو نحنا مضطهدنهم وبنسمعُمْ يا "عبيد" قايلين البنزين بسوي ليهو وطن، وإنفصلو -يفصِل ضُلوعُم بِبركة جَدي سيد القُبة- وبعد شهر واحد مِن إنفِصالُم المبروك هجمو على هجليج وحرقو آخر بير بترول لينا وخربو الفِجه وقتلو ناس آمنين، وبعد شهرين أبادوا قبيلة المورلي إبادة مُسجلة في أضابير الأمم المُتحدة، ثُم قاموا بتسليح ورعاية أوغاد حركات غرب السودان (عقار-الحلو/د. خليل/مني/عبدالواحد محمد نور + إنشقاقاتهم الأميبِية) لإستنزاف موارِد السودان الشحيحة، وتعنتوا في ملف أبيي وهي أرض ذات مِساحة لا تُذكر (16 كم مربع) قِياسًا بمِساحة جنوب السودان (600.000 كم) الذي إنتقل إليهم بسلاسه وأريحِية ومُشاركة في إحتفالاتهم، وتحمُل كافة الديون الخارجِية، ثُم أصرت دولة جنوب السودان على تهديد السودان بِمُواصلة إسم الحركة الحاكمة فيهم من ممارسة الإرهاب بدءً مِن مُسماها "الحركة الشعبية لتحرير السودان" ثُم غرزوا في خاصِرة السودان "قِطاع الشِمال"
هل كتبت أعلاه شئ غير حقيقي؟
|
أكيد ما صحيحة ولا شافت الصحة بعينا. كلامك الفوق ده زى مكنة الرونيو تدور والورق يطلع فت فت ما هاميها شولة ناقصة ولا فاعل ولا مفعول يعنى تسميع بس.
الأحداث دى ما حصلت من فراغ وكل حدث ليهو مسبباتو والحفر من الجانبين يعنى مشار ده مدعوم من وين.
بعدين قبال ده كلو الهدنة حصلت بعد نيفاشا والأتفاق تم بإقتسام السلطة هل ده حصل؟!!
بدايتا تم تصفية قرنق وبعدين كان بسموهم بالشريك فى السلطة وين حسيت أنت بالشراكة. همشوهم وما كان عندهم مكتسبات لا فى الجنوب ولا الشمال. تم تحضيرم للأنفصال وأعلنوا التصويت لتحديد المصير. أكيد يختاروا الإنفصال وهم قاعدين صورة ومحتاجين كينونة حقيقية حتى المجموعة التى كانت ضد الإنفصال صوتت للإنفصال.
فصل الجنوب قرار إنقاذى حاولوا إخضاع الجنوب بالحرب وأبتدعوا حرب الجهاد وفشلوا تماماً وخسروا فى الحرب الوراهم والقدامم. لجأوا للهدنة فأملى قرنق عليهم شروطه لكنهم لا يستحملون شريك فحدث ما حدث.
