حد يصحي الجيلي احمد(يوجد حوت)

[AMAL]

المشاركة الأصلية كتبت بواسطة ناصر يوسف

نبيل صاحبي الفاتح لي
الجيلي صديق السجم والرماد

قوموا لفوا لفاكم قطر ( قطر السكة حديد ما قطر الخليج ،، الدوحه)

أقول ليكم الإتنين قول ،،، دييييييييييشكم ظاتو ياخ


عموماً ،،، نرجع لموضوع البوست المتشعب ( لكن يا أمال الشيخ نان ما بالغتي ياخ ،،، أخخخخخخخخخخ)



عمر عبد الكريم
شهاب
ماريل
أكرم المهاجر

شكراً لصنيعكم وحصافة ورجاحة عقولكم ،،، فلق كفيتموني عناء الكتابة عبر هذا المفترع والله ،،، ولي تجربة في ذات الشأن مع الأخ الصديق والزميل محمود عبد العزيز ...
في يوم من أيام التذكر ،،، فكرت في الخروج به من هذا المستنقع الآثن ،، وتحدثنا معاً وأخبرته بنيتي أن أقوم بإخفاءه من الناس لفترة زمنٍ قد يطول أو يقصر ،، وأن أبتعد به من الشلة القميئة التي تُحيطُ به من حدبٍ وصوب ،، هؤلاء الذين يضربون حوله سياجاً من التحكمِ في حياته ،،،
تنهد يومها محمود بآهة من داخل فؤاده ،،، وقال لي : جداً يا صديقي جداً ،،، وكان ساهماً يُحدق في الأفق ،، ينظر إلي اللااااااا شئ ...
محمود ،، لا يحتاجُ إلي توبيخنا له ،،، بل يحتاجُ إلي فعلٍ حكيم يأتي موجباً للخروج به من هذا المستنقع الآثن ،،، محمود الآن أكادُ أراه عبارة عن ( جُثةٍ متحركة) ،، محمود يتسرب من بين يدينا ونحن ،،،
فقط ،،، نقف ونقوم بدور المتفرج الذي (يتونس) بقصص محمود عبد العزيز ( محمود فعل وسوي وترك) ...
محمود عبد العزيز ،،، ثروة قومية ورمز قومي توجب علينا جميعاً أن نُحافظ عليه ،،،
ولكن كيف ؟؟

الخميس الذي مضي ،،، هشم جمهور محمود عبد العزيز البنية التحتية للمسرح القومي بأمدرمان ،،، فقط لأنَّ محمود لم يحضر إلي الحفل الذي أعلن عنه وتم قطع التذاكر والناس وقد تدافعوا إلي باحة المسرح القومي ومحمود لم يأتي ،،، المسرح القومي الآن أضحت أبوابه مغلقة ...
ما هي الأسباب التي دعت محمود بأن لا يحضر للحفل إذن ؟؟؟
هي أسئلة لا تحتاج لأجوبة فقط ،،، بل ،،، تحتاج لوقفة جادة لكي نلحق بما بقي لنا من هذا الفنان الكبير ...



الجيلي ،،، دي قلبت فيها الهوبة ،،، وأنا مع خيتي نور برضو في قولها ،،، فَرمل بالله عليك ،،، فرمل شوييييييية كده ياخ

استلم عندك يااكرم
تقول لي الخاص والعام والشفقة
اهو دا رد عملي من الجميل ناصر
دا القصدتو بالاشفاق in a positive way not a negative one وبتلقي برضو تقاطع الخاص والعام هنا
ناصر قال ليك حوتة دا ثروة قومية
يعني ما من حقو يعمل في نفسو كدا
وبالمقابل نحن من حقنا نتدخل ونحاول حماية الثروة دي
بالمناسبة الكلام دا اتقال في اكتر من منبر
تحديدا بعد ظهورو في اغاني واغاني السنة الفاتت
القصة كدا مرقت من الايد خالص
والتطبيق هزم النظرية
ودا برضو بالمناسبة بدخل في الستيتمينت بتاعتك
انو المبدعين حالة خاصة
عارف محمود دا بذكرني لفنانة ايمي واينهاوس
واخشي عليه من نفس النهاية
بجيك للمقارنة بين مواقف وردي ومحمود










-- --------
ياجيجي
الشاب دا اتوهط وعمل علاقات وطلع ليه اقارب كمان
شكرا نبيل وفتحي واسمر

[الجيلى أحمد]

تلغرافات:

-عدت من سفر وفى طريقى الى سفر آخر , ولاأتوفر على وقت للكتابة


[OVERLINE]نوري . السوق .. ست الدار بت أحمد جابر
المحجوب في قطر اليوم
عفش الزين

النوباوية[/OVERLINE]




نبيل:
روح ياشيخ ودرت على وكتى , والله ماندمان على شئ الا على العربى الصرفتو معاك فى الصفحات الفاتت, أول مرة منذ أن عرفت هذه المؤسسة أسمع عضوآ فيها يقول (فلان قاعد يتفلسف على)..مالك انت صغير , مابتعرف للفلسفة؟ , ولاَ قاعد جوا الحزب دا بتقرا فى ميكى ماوس ورجل المستحيل ..
ماعندى ليك حاجة أقولا تانى يازول ..

ثم آخر قولى
سلامآ





نور
كثير تحايا ,

الجيلي تحياتي, لم اتدخل اطلاقا في تقييمك الشخصي, وماكتبته انا لابرئ نفسي من كوني قرأت وصمت علي ما اراه انا بتقييمي الشخصي غير صحيح

تقييمك الشخصى يجد عندى كامل الاحترام والتقدير , ولكننى لست ملزم به , كما أنت غير ملزمة بتقييمى الشخصى ..
Cc
ناصر يوسف






[OVERLINE]الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر[/OVERLINE]

عمنا الجميل فتحى:
المعلومات التى أوردتها عنى تفتقد للدقة ,
ألم تطالع حديثى فى هذا البوست بأننى لااتبرع بمعلومة عن نفسى بتلك الطريقة ,
انت ياعمك كورتك فكت وبقيت تجليها واقفة





آمال جيجى
أكرم , أسمر ..
تحياتى

لو قنعتو من موضوع البوست ,يمكن برضو تقلبوهو ربة وترحيب,
أصلو المسألة دى فى أكثر وجوهها جدية, تحتمل أيضآ شيئآ من الاحتفاء والفرح بالآخرين .





[OVERLINE] نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية[/OVERLINE]

تحياتى للجميع :
فيما يختص بموضوع البوست الذى افترعته العزيزة آمال باسمى فى بادرة تشكر عليها ..تجدون مطالعتى لما حدث فى متنه , وأتمنى أن تكون قد قدمت ولو بصيص اضافة , وأثمرت ولو قليلآ فى توسيع ماعون الحوار, وأبعاد النظر للقضية محل الخلاف ..
تحياتى لكم جميعآ

والى لقاء قريب , اذا مد ربنا فى الآجال





[OVERLINE]
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد[/OVERLINE]

[عبدالمنعم الطيب حسن]

هو محمود دا شنو كمان ...
على اي مستوي لا يعبر عني ولا اسمعه
وذلك لان صوته يزعجني
دا بِصَرِخْ عديل كدة !!!
عطفا على اغانيه التي اراها مبتذلة في كلماتها
لا تضيف اي قيمة انسانية للمستمع ولا تفتح اي افاق للتحليق وللسمؤ
كل هذا مصحوبا بمواقف ضعيفة من الحياة بمختلف ضروبها وتحدياتها ...
لم تكسب الحكومة على اعلى مستوياتها من وجود محمود في هذا الامر
الحكومة راجفة وتفتش في خشم البقرة
وتفتقد لاي استراتيجية على اي مستوى ...
محمود
و
الحكومة
كلاهما بائسان

[نبيل عبد الرحيم]

نبيل صاحبي الفاتح لي
الجيلي صديق السجم والرماد

قوموا لفوا لفاكم قطر ( قطر السكة حديد ما قطر الخليج ،، الدوحه)

أقول ليكم الإتنين قول ،،، دييييييييييشكم ظاتو ياخ


عموماً ،،، نرجع لموضوع البوست المتشعب ( لكن يا أمال الشيخ نان ما بالغتي ياخ ،،، أخخخخخخخخخخ)

ناصر ياصديقى كيف افتح لك وأنت الصديق الذى يرحب بى دائما ويحرص على أن نتقابل عندما أزور السودان .
لك مودتى وإحترامى

[أسعد]

المشاركة الأصلية كتبت بواسطة عبدالمنعم الطيب حسن

هو محمود دا شنو كمان ...
على اي مستوي لا يعبر عني ولا اسمعه
وذلك لان صوته يزعجني
دا بِصَرِخْ عديل كدة !!!
عطفا على اغانيه التي اراها مبتذلة في كلماتها
لا تضيف اي قيمة انسانية للمستمع ولا تفتح اي افاق للتحليق وللسمؤ
كل هذا مصحوبا بمواقف ضعيفة من الحياة بمختلف ضروبها وتحدياتها ...
لم تكسب الحكومة على اعلى مستوياتها من وجود محمود في هذا الامر
الحكومة راجفة وتفتش في خشم البقرة
وتفتقد لاي استراتيجية على اي مستوى ...
محمود
و
الحكومة
كلاهما بائسان

http://www.youtube.com/watch?v=g-GeGM59T64

[أسعد]

محمود دا يا منعم
فعل ما لم تفعله الاحزاب السودانية على بكرة ابيها
في وقت تخلت فيه الاحزاب عن محمد احمد وابنائه
وتركتهم وحدهم في غياهب الانقاذ الضالة المضلة منذ بادية التسعينات وانت ماشي
وحينها كانت الانقاذ تعمل باداء منقطع النظير في جعل السودان نسخة مبكرة لافغانستان
وكان الدفاع الشعبي والخطابات الدينية والجهاد والاستشهاد وزاد المجاهد
وكن بنات الحور حضورا في السودان اكتر من بنات السودان في بت ام روحو
كان الشباب على باب مغسلة دماغ Full Atoumatic
وكان حينها لا يوجد أفق , فقط يا أم جنة عبر الجهاد أو نار بالاضافة لنار عيشة السودان
كان كل شيء يحض ويحرض لعملية الجهاد والاستشهاد
لدرجة انو كل نجوم الفن السوداني أفلت وراحت في غيهب سحيق
وفي تلك الليلة الليلاء برز (قمر) محمود وكان الفنان الوحيد في تلك الحقبة
فاعاد الشباب الى جادة الطريق وارشدهم إلي ان على هذه الارض ما يستحق الحياة
وانو في الدنيا دي في حاجة اسمها قلب وحب ومحبة وسلام
وانه ليس بالسلاح وحده يعيش الانسان
بل بالمحبة
غنا وصدح محمود في ذلك الزمان واطرب الشباب واعادهم الى عصر الحقيبة
فلولا محمود لما خبر شباب اليوم باغاني الحقيبة
وارشدهم الى الفنان العبقري محمد احمد عوض
والى براعة اغاني الهادي الجبل
كان محمود محمودا في تناوله للاشياء
فحبب الحياة للشباب وانقذهم من ضياع الانقاذ

بلاهي عليك يا منعم هل اخبرتني
اين كان ياسر عرمان في التسعينات؟
واين كان الحزب الشيوعي؟
واين كانت المثقفين
بل واين كان الفنانين الذين يطربونك؟

[أسعد]

http://www.youtube.com/watch?v=pFqHD...eature=related

يا منعم كدي اسمع كلام الفنان بشير عباس
وانت مستصحب اداء محمود لاغنية وردي (بعد أيه)

[أسعد]

وباي ذا واي
كلامي عن محمود وتصديه لتدجين الشباب وتجيشهم
موش انو محمود فعل ما فعل عن قصد
يمكن محمود فعل ما فعل بلا وعي منو
لكن العبرة في النتائج
وانو محمود نجح في انقاذ حياة الاف الشباب وبل ممكن نقول ملايين عديل كدة دا اذا ما قلنا مليارات الارواح

[نبيل عبد الرحيم]

نبيل:
روح ياشيخ ودرت على وكتى , والله ماندمان على شئ الا على العربى الصرفتو معاك فى الصفحات الفاتت, أول مرة منذ أن عرفت هذه المؤسسة أسمع عضوآ فيها يقول (فلان قاعد يتفلسف على)..مالك انت صغير , مابتعرف للفلسفة؟ , ولاَ قاعد جوا الحزب دا بتقرا فى ميكى ماوس ورجل المستحيل ..
ماعندى ليك حاجة أقولا تانى يازول ..

ثم آخر قولى
سلامآ

وأنت أصلا فاكر نفسك منوا ! أنزل شوية من برجك العاجى وعربى شنو الذى صرفته تقصد الإساءة لو كان عندك شجاعة أدبية كنت أعتذرت على كلامك الغير مهذب لكن الإساءة عندما تأتى من ناقص لا تضر.
وأنا بقرأ جو الحزب أشياء لا تعرفها أنت ومن على شاكلتك على سبيل المثال
إحترام زميل الحزب لو كان هناك إختلاف فى وجهات النظر تناقش داخل أروقة الحزب وليس على صفحات الأسافير.
إحترام المؤسسة وأسرارها ولا أعمل طرزان وأهاجم الحزب والزمالاء على صفحات الأسافير لأن ذلك يعتبر شغل تخريبى يفيد أعداء الحزب فقط.
تعلمنا وقرأنا داخل الحزب حاجة لا تعرفها إسمها النقد والنقد الذاتى .
لكن نوعية أمثالك لا يحتاجهم الحزب لأنهم يعتقدون إنهم وصلوا لمرحلة أعلى من المؤسسة الحزبية أقعد نظر وأضع نظريات وعيش دور القديس أحسن لك
أخر كلامى فنانك إنتهازى غنى لنظام وليس لبلد وتراقص البشير على أنغامه .
وقال لك عادل عاسوم صاحبك أصبح كوز وغير أنت كمان لكن أنت ركزت معاى و حرقك كلامى أنا فقط.
سلام والمره القادمة ماتصرف عربى كثيرمرعاة لوقتك الثمين

[نبيل عبد الرحيم]

ل

اهي عليك يا منعم هل اخبرتني
اين كان ياسر عرمان في التسعينات؟
واين كان الحزب الشيوعي؟
واين كانت المثقفين
بل واين كان الفنانين الذين يطربونك؟

الأخ أسعد
أعضاء الحزب الشيوعى كانوا فى بيوت الأشباح فى التسيعينات منهم من قتل مثل دعلى فضل وغيرهم من فقد أعضائه نتيجة التعذيب الوحشى وسكرتير الحزب نقد رحمه الله كان مطارد ولو كان وقع فى أيد الإنقاذ كان سيقتل.

غنا وصدح محمود في ذلك الزمان واطرب الشباب واعادهم الى عصر الحقيبة
فلولا محمود لما خبر شباب اليوم باغاني الحقيبة
وارشدهم الى الفنان العبقري محمد احمد عوض
والى براعة اغاني الهادي الجبل
كان محمود محمودا في تناوله للاشياء
فحبب الحياة للشباب وانقذهم من ضياع الانقاذ

أتفق معك أن محمود فى بدايتة أطرب الشباب وأعادهم لعصر الحقيبة عشاقة ووأعاد الشباب لأغانى الحقيبة ,انقذهم من ضياع الأنقاذ
ولكنه فى النهاية إنزلق ووقع فى حضن الإنقاذ .

يمكن محمود فعل ما فعل بلا وعي منو

أتفق معك
لك المودة والإحترام

[أسعد]

يا نبيل والجيلي
غايتو واحد من اتنين
يا بيناتكم عداوة محبة
يا بيناتكم محبة عداوة





يا نبيل ياخ انا لمن سالت منعم
لان منعم طعننا في محمودنا
فبالتالي انا قمت طعنتو في شيوعيتو
بعدين افرض انو اعضاءه كانت في السجون
اها يعني دا مبرر كافي عشان يخبو وميض الحزب
يا معلم الحزب لو كان شغال بنشاط
ما كان بهموا اعتقال اعضاءه
لانو ساعتها حيكون وراء كل عضو معتقل يظهر عشرين عضو جديد

[نبيل عبد الرحيم]

المشاركة الأصلية كتبت بواسطة وجدي الأسعد الأسعد

يا نبيل والجيلي
غايتو واحد من اتنين
يا بيناتكم عداوة محبة
يا بيناتكم محبة عداوة





يا نبيل ياخ انا لمن سالت منعم
لان منعم طعننا في محمودنا
فبالتالي انا قمت طعنتو في شيوعيتو
بعدين افرض انو اعضاءه كانت في السجون
اها يعني دا مبرر كافي عشان يخبو وميض الحزب
يا معلم الحزب لو كان شغال بنشاط
ما كان بهموا اعتقال اعضاءه
ز
لانو ساعتها حيكون وراء كل عضو معتقل يظهر عشرين عضو جديد

الأخ العزيز أسعد الأسعد
والله أنت زول جميل
وما بينى وبين الجيلى من ناحية لا توجد عداوة
محمود فنان لا يختلف عليه لكن أنا إنتقدت موقفه الأخير وإعتبرته سقوط لأن هذا النظام يده ملوثة حتى ولو أدخلنا فى حرب جهادية سيقى الإنقاذ بتاريخه القذر
ونظام الإنقاذ يهوى الحروب لأنه يعلم إنها تطيل عمره المتهالك .
لك المودة والإحترام

[عبدالمنعم الطيب حسن]

المشاركة الأصلية كتبت بواسطة وجدي الأسعد الأسعد

محمود دا يا منعم
فعل ما لم تفعله الاحزاب السودانية على بكرة ابيها
في وقت تخلت فيه الاحزاب عن محمد احمد وابنائه
وتركتهم وحدهم في غياهب الانقاذ الضالة المضلة منذ بادية التسعينات وانت ماشي
وحينها كانت الانقاذ تعمل باداء منقطع النظير في جعل السودان نسخة مبكرة لافغانستان
وكان الدفاع الشعبي والخطابات الدينية والجهاد والاستشهاد وزاد المجاهد
وكن بنات الحور حضورا في السودان اكتر من بنات السودان في بت ام روحو
كان الشباب على باب مغسلة دماغ Full Atoumatic
وكان حينها لا يوجد أفق , فقط يا أم جنة عبر الجهاد أو نار بالاضافة لنار عيشة السودان
كان كل شيء يحض ويحرض لعملية الجهاد والاستشهاد
لدرجة انو كل نجوم الفن السوداني أفلت وراحت في غيهب سحيق
وفي تلك الليلة الليلاء برز (قمر) محمود وكان الفنان الوحيد في تلك الحقبة
فاعاد الشباب الى جادة الطريق وارشدهم إلي ان على هذه الارض ما يستحق الحياة
وانو في الدنيا دي في حاجة اسمها قلب وحب ومحبة وسلام
وانه ليس بالسلاح وحده يعيش الانسان
بل بالمحبة
غنا وصدح محمود في ذلك الزمان واطرب الشباب واعادهم الى عصر الحقيبة
فلولا محمود لما خبر شباب اليوم باغاني الحقيبة
وارشدهم الى الفنان العبقري محمد احمد عوض
والى براعة اغاني الهادي الجبل
كان محمود محمودا في تناوله للاشياء
فحبب الحياة للشباب وانقذهم من ضياع الانقاذ

بلاهي عليك يا منعم هل اخبرتني
اين كان ياسر عرمان في التسعينات؟
واين كان الحزب الشيوعي؟
واين كانت المثقفين
بل واين كان الفنانين الذين يطربونك؟

يا وجدي يا اخوي كمان انت ما تكبر اللفة شديد كدة حاسب شوية ....
لا حولتننننننننننننننننننننن ياقول ناصر
معقول محمود عمل دا كله ونحن ماعارفين ...
يازول التسعينات القريبة دا كنا كلنا حضورا وشهودا وفي نص المعمعة
ولم يكن محمود بيننا
محمود شنو كمان ...
كان هناك مصطفى وهو المعادل الموضوعي للترابي وتطرف الجبهة الاسلامية في تلكم الايام ...
كان هنالك حميد ...والقدال ...وعاطف خيري ...
والموصلي ووردي
وعركي
محمود شنو كمان العمل وعمل ...
كنا وقتها في مراحل الطلب مازلنا هل لك ان تصدق ان اجتماعات اللجان السياسية
للطلاب المعارضيين تستمر 24 ساعة متتالية
وما ان تنتهي حتى تعود وتنعقد مرة اخرى
وقد كان هنالك حوالي 25 الف طالب سوداني في الجامعات المصرية فتامل
كنا نعمل طوال الساعات لانجاز العمل السياسي اليومي
ولم يكن محمود بيننا ....
انا لا اذكر ذلك من باب الامتنان على الشعب ولا على روح النضال
ولكن احقاقا للحق كان هنالك مئات الطلاب من الطلائع تتقدم الصفوف لفضح زيف الكيزان وجبروت دولتهم
ولم يكن بيننا للاسف لامحمود ولا ظله ...
ولم ننهار كما الشعب
وصمد جل الطلاب
وواصل بعضهم النضال ومنهم من استشهد في سبيل الوطن
وما زال جلهم يناضل هنا وهناك
وبرضك محمود ليس بيننا ...
محمود شنو كمان البسويلو راس وقعر قدر دا ...
قال محمود قال ...
اما اين ياسر عرمان والبقية
كانوا
ومازالوا
في مقدمة الصفوف لنيل الحقوق كلها للشعب من ياسر
حتى خضر
ومن عركي حتى خيري

طبت يا جميل

[أسعد]

يا نبيل ياخ نهديك
http://www.youtube.com/watch?v=WBRbp...feature=relmfu
بعد ما الشباب كانت بتردد (في جواي لغم)
بعد ما جاء محمود اتغير الشعار الى (اتاري في جواي نغم)

ثم انه لا اخفيك سرا انا عندي كلام كتيييير عن هذا المحمود
واهم ميزة في مسيرة محمود هي كسرتو للتابلو المجتمع السوداني في Copy Cut
محمود دا مرق كدة براااااهو واشتغل في حتة تحقيق ذاته بصرف النظر عن القيل والقال (متلازمة المجتمع السوداني)
كان يتسطل كيفما يشاء
ويفعل ما يشاء
ويترك ما يشاء
لا يهمه ود مقنعة على هذه الارض الا نفسه
شغال بشعار (مع نفسك)
يسجنوهو ويجلدوهو , ينبذوهو ويجدعوهو
ولا هماهو شيء عايش مع نفسو
قصة محمود دا بالظبط كدة زي اغنية (MY WAY) بتاعة فرانك سيناترا
ودي اهم ميزة لمحمود البتخليهو يتميز عن بقية نجوم الغناء السوداني
محمود دا لو عايز اشرح ليك فكرتو اكتر
قصة محمود بتشبه لحد كبير قصة الفنان العالمي (مارلون براندو)
الاتنين كسر الاعتقاد القديم في انو الناس تطلع شبه بعض
وحققوا مقولة انو اي زول مخلوق في الدينا دي عشان يحقق ذاتو وما عليك بالآخرين
محمود دا نموذج حي او تطبيق حقيقي للفسلفة الوجودية في السودان

المجد لمحمود
حيا وميتا
معارضا وكوزا
واعيا ومسطولا

[أسعد]

المشاركة الأصلية كتبت بواسطة عبدالمنعم الطيب حسن

يا وجدي يا اخوي كمان انت ما تكبر اللفة شديد كدة حاسب شوية ....
لا حولتننننننننننننننننننننن ياقول ناصر
معقول محمود عمل دا كله ونحن ماعارفين ...
يازول التسعينات القريبة دا كنا كلنا حضورا وشهودا وفي نص المعمعة
ولم يكن محمود بيننا
محمود شنو كمان ...
كان هناك مصطفى وهو المعادل الموضوعي للترابي وتطرف الجبهة الاسلامية في تلكم الايام ...
كان هنالك حميد ...والقدال ...وعاطف خيري ...
والموصلي ووردي
وعركي
محمود شنو كمان العمل وعمل ...
كنا وقتها في مراحل الطلب مازلنا هل لك ان تصدق ان اجتماعات اللجان السياسية
للطلاب المعارضيين تستمر 24 ساعة متتالية
وما ان تنتهي حتى تعود وتنعقد مرة اخرى
وقد كان هنالك حوالي 25 الف طالب سوداني في الجامعات المصرية فتامل
كنا نعمل طوال الساعات لانجاز العمل السياسي اليومي
ولم يكن محمود بيننا ....
انا لا اذكر ذلك من باب الامتنان على الشعب ولا على روح النضال
ولكن احقاقا للحق كان هنالك مئات الطلاب من الطلائع تتقدم الصفوف لفضح زيف الكيزان وجبروت دولتهم
ولم يكن بيننا للاسف لامحمود ولا ظله ...
ولم ننهار كما الشعب
وصمد جل الطلاب
وواصل بعضهم النضال ومنهم من استشهد في سبيل الوطن
وما زال جلهم يناضل هنا وهناك
وبرضك محمود ليس بيننا ...
محمود شنو كمان البسويلو راس وقعر قدر دا ...
قال محمود قال ...
اما اين ياسر عرمان والبقية
كانوا
ومازالوا
في مقدمة الصفوف لنيل الحقوق كلها للشعب من ياسر
حتى خضر
ومن عركي حتى خيري

طبت يا جميل

تعرف يا منعم
كلامك دا بختصر سيرة المثقف السوداني تماما
المثقف السوادني البشوف الحياة مقياسا لحياته
ودي الفجوة الاتخلقت بينو وبين محمد احمد
وخلتو يمشي للكيزان
لانو الكيزان على النقيض تماما اشتغلوا بفكرة تسويق ما يطلبه المستمعون
وكانوا بخاطبوا عواطف محمد احمد ويداعبو رغباتو
عشان كدة قدرو يكسبوهو
بينما المثقف السوداني كان في غيه وضلاله القديم
ينظر لمحمد احمد بنفس نظارته الكان بقرأ بيها لماركس وديستوفسكي وغيرهم من العلماء والأدباء الاجانب
ما جايبين خبر عن رغبات محمد احمد اللهم الا انه زول مفلس ومفروض يكون عندو قروش

اهو يا منعم كلامك بدلل علي كلامي اعلاه
يا اخوي محمود ما كان بخاطبكم انتو
محمود دا كان بخاطبنا نحن (التالف التربوي) والناس البسطاء
لاننا كنا لا نفقه لمصطفى قولا
فكان محمود هو منارتنا