العقيدة وأرتباطها بالخرافة والوثتية .. والأخوان المسلمين

[ام التيمان]

المشاركة الأصلية كتبت بواسطة رشا

العزيزة امال , تحياتي واحترامي

أخشي ياامال أن تنقلب تلك الملاحقات المستمرة لام التيمان واستدراجها لتوضيح

موقفها من الدين ان تنقلب الي مزايدات باسم الدين , حسب متابعتي للحوارات التي

خاضها عدد من الأعضاء في هذا الموضوع فان رؤية ام التيمان واضحة وقد قالت

المرأة كل ماعندها , يصبح كل الذي علينا فعله هو ان ندع ام التيمان لخالقها يحاسبها

او يتركها

امر اخر يا امال لم يعجبني علي الا طلاق, هو انتقادك لقدرات ام التيمان الاملائية

والنحوية, دعينا نناقش البعد الاخر للموضوع , متي مارأيتي يا امال احداهن

تمارس ذلك الفعل الكتابي اعرفي ان تلك المرأة تحدت صمتها وأرادت أن تتكلم وان

من واجبك مساندتها , والدفع بها الي الامام غض النظر عن الأخطاء , هذا جزء

أصيل لا يتجزء أو ينفصل من قضايا المرأة التي نتبناها وندافع عنها , ليس

بالضرورة أن تكون المرأة , أي امرأة رائعة وعجيبة حتي تكتب فنصفق لها , أم

التيمان فرد صحيح لكن لا يمكن مناقشة الامر الا في اطاره العام, هي مثلها مثل كل

النساء تتحدي قيودها وتكتب بعد الاف السنوات من العزلة , قبل ان ننتقد اخظاءها

الاملائية والنحوية علينا بمساندتها انطلاقا من تبنينا ومساندتنا لقضايا المرأة فالقناعات

لا تتجزء ,وهل مشاكل المرأة هي فقط الختان والطلاق ..الخ قضية المرأة الجوهرية

هي أن تكون موجودة يا امال , عن نفسي فانا اعلن منذ الان عن مساندتي ودعمي

لكل النساء اللائي رمين بقلم الكحل جانبا و حملن قلم اخر حتي ولو كان فقط بغرض

الشخبطة,فهذا في ذاته خطوة ايجابية وعلينا كنساء بصفة خاصة مساندة بعضنا البعض


...
دمتي بخير

تعال يا حسين شوف اخر بوستيك ام التيمان الانسانة و حالة الكتابة
جاب لى نبز قدر شنو لانك انت لا تعرف ام التيمان
بعدين يا رشا امال دى كدى خليها
انتى شنو و انتى منو
و منو الاداك الحق انك تتكلمى عنى كدا
و منو القال ليك ام التيمان ختت قلم الكحل و شالت قلم الحبر
هل اعدائى فى المنتدى من النساء
انتى فاكرانى امية و لا شنو
يا ستى انا دخلت الجامعة
عندى دبلومة انجليزى
و اشغلت فى سفارة عربية
و كتبت فى صحف سودانية قبل ما اكتب فى النت
الان رئيسة الجمعية الخيرية لتنمية المرأة
و عضو فى اللجنة الشعبية
و عضو فى لجنة نادى الحى
ودا قليل من كثير
من النشاطات التى اقوم بها فى العمل الطوعى
تانى التجى واحدة حاقدة تقول زى العفن البتقولن فى دا

ارجو منك سحب المداخلة المجحفة فى حقى دى

[حسين عبدالجليل]

المشاركة الأصلية كتبت بواسطة رشا

..... وعلينا كنساء بصفة خاصة مساندة بعضنا البعض


...

دا أغرب منطق ! الشئ حرب رجالية و نسائية وأنا ماعارف! يعني كل واحدة تتلم علي من يليها من بنات جنسها !

[محمد علي الجراح]

اخيرا ...اصبح هذا البوست رائعا كما بدأ ....

[حسين عبدالجليل]

أخوي رأفت :
كلامك دا

المشاركة الأصلية كتبت بواسطة رأفت ميلاد

يعنى الكلام بتبنى كلو على بعضو .. كلام أم التيمان ما من خواء ولا كذب .. .. ..

بيناقض كلامك دا:

المشاركة الأصلية كتبت بواسطة رأفت ميلاد

.. ..

هنا أرد على أم التيمان .. من وصفتيهم أنصاف المسلمين بأنهم أخذوا ما يناسبهم .. ذلك يعنى أن ما أخذوه جيد ولا يضر بالبشرية .. فأقول لك ما أخذوه هو فعلاً كل العقيدة .. ..
..

مامكن الإثنين يكونوا صاح , لو كلام الكاتبة ماكذب فهو إذن صحيح وصحة كلامها بيهدم كلامك دا - فإختار منهم واحد , زي ماأنا إخترت - من الخيارين أوطاهو- أن أكون مسلم متطرف بدل مسلم مجهجه منافق . حيث لا توجد منطقة وسطي !

لقيتني كيف ؟

[رشا]

المشاركة الأصلية كتبت بواسطة ام التيمان

تعال يا حسين شوف اخر بوستيك ام التيمان الانسانة و حالة الكتابة
جاب لى نبز قدر شنو لانك انت لا تعرف ام التيمان
بعدين يا رشا امال دى كدى خليها
انتى شنو و انتى منو
و منو الاداك الحق انك تتكلمى عنى كدا
و منو القال ليك ام التيمان ختت قلم الكحل و شالت قلم الحبر
هل اعدائى فى المنتدى من النساء
انتى فاكرانى امية و لا شنو
يا ستى انا دخلت الجامعة
عندى دبلومة انجليزى
و اشغلت فى سفارة عربية
و كتبت فى صحف سودانية قبل ما اكتب فى النت
الان رئيسة الجمعية الخيرية لتنمية المرأة
و عضو فى اللجنة الشعبية
و عضو فى لجنة نادى الحى
ودا قليل من كثير
من النشاطات التى اقوم بها فى العمل الطوعى
تانى التجى واحدة حاقدة تقول زى العفن البتقولن فى دا

ارجو منك سحب المداخلة المجحفة فى حقى دى

لاحولا ياام التيمان والله لمن رجفت , انا خفت امال تفهمني غلط, اشيل واقول ليها

عزيزتي امال , ودمتي بخير , انتي تجي تفهميني غلط؟

ماقصدي الوصلك خالص ياستي , انا ما أمنت علي الكلام القالتو امال عنك , يعني

ماأبديت رأي خير, شر في الانتي بتطرحيهو , انا قلت حتي لو ام التيمان اخطأت ,

حتي لو , يعني بافتراض انها أخطأت مفروض نساندها , انا اتكلمت عن الموضوع

بشكل عام , انتي كنتي مجرد نموزج يا ام التيمان , بالنسبة لبوست حسين الاتكلمت

عنو والله ماحصل شفتو , بعدين انا ماممكن اتهمك بالأمية وانت قعد تكتبي دايما ضد

ماهو معتاد وتتجاوزي المناطق الخطرة

ياخ انا بعتذر بشدة لسؤ الفهم الوصلك , بس مابقدر أحذف المداخلة زي ماطلبتي شان

انا ماوجهت فيها أي اساءة ليك وناقشت فيها الموضوع بشكل عام

انت برضو دومي بخير

[مبر محمود]

متي مارأيتي يا امال احداهن تمارس ذلك الفعل الكتابي اعرفي ان تلك المرأة تحدت صمتها وأرادت أن تتكلم وان من واجبك مساندتها

تحيّاتي يا رشا،
وفقاً لمنطقك هذا فأنا أدعو آمال أن تساند أميرة الفاضل وهي تخرمج في وزارة الشئون الإجتماعية، وأن تساند روضة الحاج وهي تحث المجاهدين الإسلاميين على القتال في حرب الجنوب، وأن تساند وداد بابكر، وإحسان الغبشاوي، وأخريات الله وحده يعلم بهن.

إن التضامن الحقيقي مع المرأة لا يتم بمساندتها بمثلما ذكرتي، وإنما يتم بإدارة الحوار الجاد والمناقشات المسئولة معها بعيداً عن الشفقة والتضامنات "العنصرية" الكذوبة، إن ما تحتاجه المرأة فعلاً هو التعامل بنديّة وليس التعامل بشفقة.

تحيّاتي يا أم التيمان،
يبدو إنك فهمتي حديث رشا بخلاف ما تقصد، فقد بدأ لي من حديثها إنها ارادت مناصرتك به وليس شتمك، أتمنى أن تعيدي قرأة حديثها مرّة أخرى بنفس هادي.

[AMAL]

والله تستاهلي يارشا
خدي شوف
ي امهم كفتني الرد عليك
واعتبرت انك بتشتميها بانها وضعت الكحل واخدت القلم
عشان تمنوا بس

[AMAL]

ياخوانا اعذروها
ياهدوا فهما
ويارشا ياعزيزة
والله العظيم انا مابزايد
ولايمكن ولاينبغي لي
يعني لو كنت متاكدة انها بتقول الكلام دا عن فهم وقناعة
كنت اول زول يحترم قناعتا دي
اهي ورتك بيان بالعمل
شوفي فهم الزولة البترمي في استيتمينت قدر الهجمة
والله انا رجفت مش انت
بعدين ياخي انا مش اعتذرت ليها
ليه لا انتي ولا رافت ماقدرتو دا

[AMAL]

و منو القال ليك ام التيمان ختت قلم الكحل و شالت قلم الحبر
------------
لاحولله
لاحولله
لاحولله


ياخوانا هوي غلطان المرحوم والله

[ام التيمان]

المشاركة الأصلية كتبت بواسطة AMAL

ياخوانا اعذروها
ياهدوا فهما
ويارشا ياعزيزة
والله العظيم انا مابزايد
ولايمكن ولاينبغي لي
يعني لو كنت متاكدة انها بتقول الكلام دا عن فهم وقناعة
كنت اول زول يحترم قناعتا دي
اهي ورتك بيان بالعمل
شوفي فهم الزولة البترمي في استيتمينت قدر الهجمة
والله انا رجفت مش انت
بعدين ياخي انا مش اعتذرت ليها
ليه لا انتي ولا رافت ماقدرتو دا

مهما عملتى
برضو حتفضلى امال الشيوعية

[AMAL]

لسة يارشا علي رأيك اني مفروض اساند ام التيمان
بس لمجرد انها أمراة ورمت قلم الكحل ومسكت القلم
عشان تكتب كلام مابتقدر تدافع عنه
كلام مستفز واستيريوتايب واستيقماتيز
بوصف المسلمين بانهم مغيبين العقل وارهابين وجهلة
وغير متسامحين
اقيف مع دا كيف يارشا
بس لانها امراة
دا منطق شنو دا

[AMAL]

المشاركة الأصلية كتبت بواسطة ام التيمان

مهما عملتى
برضو حتفضلى امال الشيوعية

تهمة لا انفيها شرف لا ادعيه

[حسين عبدالجليل]

رأفت :
بوستك دا تبيعوا ؟ ( من "البيع" عشان فكرك مايمشي بعيد )
لأني مفكر أدمجوا مع بوست "التنوير الفني" .

[رشا]

المشاركة الأصلية كتبت بواسطة مبر محمود

تحيّاتي يا رشا،
وفقاً لمنطقك هذا فأنا أدعو آمال أن تساند أميرة الفاضل وهي تخرمج في وزارة الشئون الإجتماعية، وأن تساند روضة الحاج وهي تحث المجاهدين الإسلاميين على القتال في حرب الجنوب، وأن تساند وداد بابكر، وإحسان الغبشاوي، وأخريات الله وحده يعلم بهن.

إن التضامن الحقيقي مع المرأة لا يتم بمساندتها بمثلما ذكرتي، وإنما يتم بإدارة الحوار الجاد والمناقشات المسئولة معها بعيداً عن الشفقة والتضامنات "العنصرية" الكذوبة، إن ما تحتاجه المرأة فعلاً هو التعامل بنديّة وليس التعامل بشفقة.

تحيّاتي يا أم التيمان،
يبدو إنك فهمتي حديث رشا بخلاف ما تقصد، فقد بدأ لي من حديثها إنها ارادت مناصرتك به وليس شتمك، أتمنى أن تعيدي قرأة حديثها مرّة أخرى بنفس هادي.

تحياتي يامبر

الحوار هو بالفعل واحد من أدوات المساندة الممكن نقدمها ودة لازم يكون وفقا

لشروط الحوار الصحيحة , مبدأ المساندة لا يعني التشجيع من طرف يامبر المرأة

مازالت حالة خاصة يجب أن نأخذ بيدها خطوة خطوة حتي تصير بالفعل ندا للرجل

[AMAL]

يارشا خليك منصفة
وزي ماجيتي وقلتي كلامك
تعالي وريني ليه بتفتكري انا بزايد
لما اتصدي لاستفزاز ام التيمان واهانتا للاسلام والمسلمين
وليه انتي ورأفت اتجاوزتو اعتذاري ليها
وهي مصرة في الاهانة والتحقير والمخاطبة بي يامرة انتي
وهل لسة بتعتقدي اني مفروض اقيف مع ام التيمان
بس لكونها امرأة
حكاية الكحل والقلم خليناها لانها جابت ليك نبذ راسو عديل


بهمني رأيك جدا يارشا
احترامي