منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار مواقف متفرقة من الواقع .. اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 2 1 2 > أدوات الموضوع انواع عرض الموضوع 25-04-2007, 05:55 PM #[1] Garcia :: كــاتب نشــط:: مواقف متفرقة من الواقع .. بمناسبة الغتاتة شوفوا الموقف دة : واحد ساكن فى منطقتنا هنا إسمو ( بيبو ) شخصية محبوبة من قبل كل من يصادفه وهو من اصول يونانية وايطالية خلطة كدة عجيبة , كان مقيم مدة طويلة بالسودان بتكلم لهجة سودانية بطلاقة إضافة لإجادته ل( اليونانية , الايطالية , الإنجليزية , الهولندية ) المهم سكن مع اثنين شباب سودانيين وصلوا البلد هنا بعده بفترة , وهم فاكرنو ما بتكلم عربى من شكلو طبعا ومشى معاهم الحال على كدة لمدة ستة شهوروعجبواالدور دة . وهو عامل ليهم ما ناقش ابوالنوم والكلام كلو شاقى أضانو بس قام يوم زهج من الدور دة وفى اثناء هم جالسين بالصالون عاين ليهم مسافة كدة وضحك .. هم إستغربوا قالوا الزول دة مالو الليلة ..وفجاءة خاطبهم : - يا شباب لو قلت ليكم بتكلم عربى بتصدقونى ؟؟؟؟ .. الشباب أصابهم الذهول والدهشة والصمت التام .... تخيلوا فى تلك اللحظة إنه الزول دة عندو شيطان خاطبهم ... عملو شنو ؟؟؟ قاموا جارين سابو ليهو البيت ذاتو ... وأصبح موقف طريف نذكره كلما جاءت مناسبة .. ملحوظة بسيطة : ( بيبو ) توفى إثر حادث حركة مشؤم فى أثينا عند اواخر عام 2005 .. التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 25-04-2007, 06:22 PM #[2] omrashid :: كــاتب نشــط:: قارسيا سلامات لكن القتاته ما عندكم omrashid مشاهدة ملفه الشخصي إرسال رسالة خاصة إلى omrashid البحث عن المشاركات التي كتبها omrashid 25-04-2007, 10:26 PM #[3] Garcia :: كــاتب نشــط:: العزيزة ام راشد سلامات .. قتاتة صاااح لكن مش كدة تسلمى لمرورك من هنا .. التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 25-04-2007, 10:34 PM #[4] Garcia :: كــاتب نشــط:: موقف من المرحلة الإبتدائية : كنت أكره حفظ القصائد والتسميع الإجبارى , لا احفظ إلا القصيدة التى تعجبنى ولا اهتم بما لا يعجبنى ابدا , ليس نوع من الكسل فقط بل من باب التمرد .. فى الصف السادس من حسن حظى كان ناظر المدرسة ( كسلان اكثر منى ) هو أستاذ اللغة العربية وكان عنده طريقة عجيبة بيسمع للفصل كله مرة واحدة , وكان يمر على الطلبة كنبة تلو أخرى وينظر فى الافواه للتأكد من الحفظ من مخارج الحروف ... كنت اكلف نفسى عناء حفظ البيتين الاوائل فقط والباقى اردد مع الفصل ومرات اضع كتاب المحفوظات تحت الشنطة لاى طارئ , الامور مشت تمام لفترة طويلة لكن مرة لسؤ حظى كانت قصيدة عصماء و الناظر ركز معى لمدة وقال لى اقراء براك طبعا كنت فى حالة لا يحسد عليها إختصرت له الطريق وقلت ليهو ما حافظ , كان يعانى من مرض القلب واوكل غفير المدرسة بجلدى دون رحمة ,وطلب منى ان احضر تانى يوم حافظ القصيدة ( طبعا حفظت القصيدة وسمعتها .لكن لوسألنى بعد يومين فلن اتمكن من تذكرها لأنه حفظ مبنى على القهر فقط ) . فى إمتحان الشهادة الإبتدائية دخلت الإمتحان وانا حافظ قصيدة واحدة وكان لى حدس انها ستكون فى الإمتحان ولم يخب ظنى على الإطلاق فقد وجدتها مثلما توقعت تماما تحت سؤال ( أكمل بقية الأبيات ) ... التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 26-04-2007, 07:14 AM #[5] أبوجهينة :: كــاتب نشــط:: قارسيا العزيز سلام و مودة اقتباس: واوكل غفير المدرسة بجلدى دون رحمة هذا ما كنا نعيبه على بعض المعلمين و النظار .. فهذا التصرف يشعر الطالب و كأنه في معسكر إعتقال أو سجن ... لأن المعلم إذا عاقب بأي شكل من الأشكال و بنفسه بتكون النتيجة نفسياً ذات أثر على الطالب. عشان كدة زمان آباءنا كانوا بيقولوا للمعلم : ليكم اللحم و لينا العضم. و لكن العقاب بالوكالة يتجه بالنتيجة إلى مناحٍ أخرى. ربنا يسامحو المدير دة. قصة زولنا ( متعدد اللغات داك ) ... فعلاً منتهى الغتاتة. غايتو أنا اللغة ال بعرفا لو ما إتكلمت بيها حتى لو كلمة كلمتين ( خشمي بيتعوج ) .. فالزول دة إستحمل المدة دي كلها كيف؟ دمتم واصل التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح .. أو كإرجاع العسل إلى بطن النحلة .. معادلة مربكة .. متشابكة العناصر .. جلال الدين داود ( أبوجهينة)[/align] [align=center]مقالات أخري ل : أبوجهينة[/align] أبوجهينة مشاهدة ملفه الشخصي إرسال رسالة خاصة إلى أبوجهينة البحث عن المشاركات التي كتبها أبوجهينة 26-04-2007, 07:30 AM #[6] Garcia :: كــاتب نشــط:: العزيز أبوجهينة تحايا طيبة لشخصك العزيز .. تعرف الحاجة الظريفة كمان غفيرنا كان زول طيبان وما عندوا كتير , فى حكاية الجلد دى وجلدنى اول مرة بلطف شديد .. قام المدير كورك فيهو مش كدة يا سليمان ووراهو عينة بيان بالعمل اما صاحبنا بتاع اللغات بيبو الله إرحمة دة حكايتو حكاية عندو طولة بال بصورة عجيبة ومقلب الشباب احلى مقلب , وكانوا أكثر الناس حزنا لخبر وفاته بتلك الحادثة الأليمة ... التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 26-04-2007, 08:03 AM #[7] Garcia :: كــاتب نشــط:: دة موقف من المرحلة الإبتدائية ( كتبته مرة فى بوست للأخ الطيب بشير ) : فى سادسة ابتدائى كان معنا طالب فى فصلنا بسف تمباك والحصة شغالة .. وصاحبنا إتعود على كدة ليهو فترة ... مرة لى حظو الكعب عندنا استاذ تاريخ اسمه حسن الاشول الظاهر شامى ريحة التمباك فى الفصل من فترة .. مرة وقف الحصة وقام اعاين للطلبة وإشمشم فى الفصل زى الكلب البوليسى وفجاءة مرق صاحبنا ذااتو قال ليهو انت بتسف قال ليهو لا .. قام الطالب دساها فى راسو قبل ما إساله الأستاذ , المهم الاستاذ باغتوا وضربو كف.. تصوروا الحصل شنو ؟؟؟؟ السفة جات واقعة من راسو فى الكنبة , وعينكم ما تشوف الا النور جلد وكفوف وإنزار وجيب ابوك وجيب عمك التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 26-04-2007, 04:40 PM #[8] أمير عمر :: كــاتب جديـــد :: اقتباس: المشاركة الأصلية كتبت بواسطة Garcia مرة لى حظو الكعب عندنا استاذ تاريخ اسمه حسن الاشول الظاهر شامى ريحة التمباك فى الفصل من فترة .. مرة وقف الحصة وقام اعاين للطلبة وإشمشم فى الفصل زى الكلب البوليسى مساءاتك ندية يا غارسيا صاحبك البسف من سادسة إبتدائي دا وين هسي؟؟ يا حليل زمن الأساتذة البشموا زي الكلاب البوليسية ويا حليل سنة سادسة ذاتهااااااا ويا حليل زمن الكوليرا التوقيع: لا يبلغ العاقل من خصمه ما يبلغ الجاهل من نفسه أمير عمر مشاهدة ملفه الشخصي إرسال رسالة خاصة إلى أمير عمر البحث عن المشاركات التي كتبها أمير عمر 26-04-2007, 04:54 PM #[9] Garcia :: كــاتب نشــط:: اقتباس: المشاركة الأصلية كتبت بواسطة أمير عمر مساءاتك ندية يا غارسيا صاحبك البسف من سادسة إبتدائي دا وين هسي؟؟ يا حليل زمن الأساتذة البشموا زي الكلاب البوليسية ويا حليل سنة سادسة ذاتهااااااا ويا حليل زمن الكوليرا العزيز أمير .. مساء النور لسان حالنا يقول كما تغنوا عقد الجلاد : يا حليل زمان وسنين زمان تعرف صاحبنا بتاع السفة إكون زهج منو لحدى أسى وسابوا قبل أن اغادر البلد خليتوا هناك , والغريبة بعد الجلدة والزرة ديك يا أمير كان مواصل فى السف بإستثناء حصة التاريخ طبعا التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 26-04-2007, 07:54 PM #[10] Garcia :: كــاتب نشــط:: هذا الموقف ايام كنا برالمة فى جامعة القاهرة و فى اول محاضرة لينا بكلية القانون المحاضرة كانت شريعة إسلامية مع أستاذ مصرى معروف ( د. عفيفى عجلان ) رحمه الله ... ومادته دى كانت عاملة عقدة للكثيرين من الطلبة فى تلك الفترة .. المهم إستخدم لأكثر من مرة مصطلحات الإستاتيكية والديناميكية بلغة فرنسية رصينة.. قاعد جمبى صاحبى ساخر جدا قال لى : - يااااخ نحن ما نكون دخلنا مدرج بالغلط ؟؟.. دى محاضرة عن الشريعة الإسلامية ولا ميكانيكا ... التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 27-04-2007, 09:42 AM #[11] عبد الوهاب هنداوى :: كــاتب نشــط:: قارسيا يا قتاتة عندنا خالنا بنخاف منو خوف الموت مرة اتفقنا شلة نمقلبوا نفك حمارو عشان يهرب وهو يمشى السوق كدارى ونحنا نلقى راحتنا نمشى نعوم فى النيل لانه متعود يمشى يشترى الخضار ويغشى اسقى حمارة من النيل وامشى البيت ,نحنا الليلة مقلبناهو وفكينا الحمار و ما ح يمشى النيل , والشباب نزلوا يعوموا ونلعب وماخدين راحتنا تماما وفى غفلة نسمع والله الليلة واحد فيكم يجرى كدة ولا كدة السوط ده يقطع لحموا وبهت الذى كفر والجماعة تجهموا ,الخال لملم الهديمات والسفنجات وقال تعالوا قدامى( القتاتة وين يا قارسيا) لمن الخال قال شفتو الدرب ده امشوا فيهوا ونحنا حفيانين والضريسة ما ضريسة وناشفة واقل واحدة فيها تلاتة شوكات وبعد داك كان فيها تفتيش للحمار وجرى وراهوا عليك امان الله طيرنى من العوم فى النيل وحرمنى من السباحة فى حيضان السباحة الدافية وبعد داك الليل كلو فاطمة بت محمود تتطلع فى الضريسة والدموع جارية .................قتاتة وبهدلة جد..... .....................................هنداوى التوقيع: كم من جروح بتروح ألا التى فى الروح خلى القلب شباك نحو الأمل مفتوح سرج الأمانى حنون مهر الليالى جموح ...........................محجوب شريف عبد الوهاب هنداوى مشاهدة ملفه الشخصي إرسال رسالة خاصة إلى عبد الوهاب هنداوى البحث عن المشاركات التي كتبها عبد الوهاب هنداوى 27-04-2007, 03:45 PM #[12] Garcia :: كــاتب نشــط:: اقتباس: لمن الخال قال شفتو الدرب ده امشوا فيهوا ونحنا حفيانين والضريسة ما ضريسة وناشفة واقل واحدة فيها تلاتة شوكات وبعد داك كان فيها تفتيش للحمار وجرى وراهوا عليك امان الله طيرنى من العوم فى النيل وحرمنى من السباحة فى حيضان السباحة الدافية وبعد داك الليل كلو فاطمة بت محمود تتطلع فى الضريسة والدموع جارية .................قتاتة وبهدلة جد..... loooooooooool@ عبد الوهاب هنداوى دايرين تمغلبوا الخال قام إسداها فيكم بمغلب دولى إتخيلت شكلكم وسط أشواك الضريسة والبحث عن الحمار تسلم ياهنداوى للمرور والإضافة وشكلوا جرابك مليان حكاوى .. التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 27-04-2007, 04:41 PM #[13] Garcia :: كــاتب نشــط:: موقف بمناسبة الخوف والخلعة التى تحدث للإنسان فجاءة ودون سابق إنذار , كتبت هذا الموقف مرة فى بوست للعزيزة قمر الزمان .. ايام الامتحانات بالجامعة كنت بذاكر مع واحد صاحبى فى حلتنا المهم الزمن سرقنى فى المذاكرة والساعة طلعت اربعة صباحا قلت ليهو انا ماشى البيت وفعلا خرجت الشارع ظلام حالك لدرجة إنعدام الرؤية ومع دخلتى على شارع بيتنا نط ليك حرامى شايل ليهو بقجة هدوم كبيرة على بعد خطوتين منى كأنه نازل من السماء صوت عالى هز الأرض بقوة شديدة, لقد تفاجاء وأصيب برهبة أكثر منى .. صاحبنا ماشى وانا ماشى وتفصل بيننا خطوات قليلة وبعد مسافة قام جارى بأقصى سرعة وجدع الهدوم فى الأرض .. ما اتخلعت ولا خفت ؟ لانى منذ خروجى من بيت صاحبى كنت متوقع حدوث ذلك الامر ورسمت عدة سيناريوهات فى خيالى لأى موقف وظللت افكر فيهم بذهنى حتى حدث امامى فعلا لكن لو لم افكر فيه كانت الخلعة لحدى يوم الليلة ما مرقت منى ... التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام ) Garcia مشاهدة ملفه الشخصي إرسال رسالة خاصة إلى Garcia البحث عن المشاركات التي كتبها Garcia 28-04-2007, 05:06 AM #[14] قمر الزمان :: كــاتب نشــط:: قارسيــــــا .. سلامــــات .. بدخل أقرأ وابتسم وأطلع .. لكن ماااااا شاء الله عليييييك .. كيف متذكر الحاجات دي إلى الآن .. و من الابتدائي كمان.. يعني الواحد بيحصل ليه موقف معين .. وبيكون متذكره فترة و ينساه .. الكلام دة لي أنا طبعاً .. عشان بحاول أتذكر لي حاجة معينة وما لاقية في راسي حاجة .. معقولة ماحصل لي أي موقف قبل كدة maybe By the way العنوان الجديد أحلى من الأولاني عشان.. مواقف .. مواقف .. مواقف شكلك كان زي واقف بتبيع ليك في parking واصـــــــــــل ومتابعين معاك .. تحياتـــــــــــــــــي .. التوقيع: قمر الزمان مشاهدة ملفه الشخصي إرسال رسالة خاصة إلى قمر الزمان البحث عن المشاركات التي كتبها قمر الزمان 28-04-2007, 08:45 AM #[15] أبو العز الجنوبي :: كــاتب نشــط:: العزيز قارسيا تحياتي الطيبة لك ... الغتاتة عندكم.... مرة وانا في الابتدائي حصلت لي مشكلة مع واحد من اولاد الحلة قدامنا بسنة، وحلفت الا اضع يدي في يده، على الرغم من ان الشلة واحدة واللعب في مكان واحد.. استمريت في موقفي لأكثر من ثلاث سنوات.... والله هو ندم على شكلتو معاي وندم على اليوم العرفني فيهو... المهم بعد كل تلك السنوات افلح تدخل العقلاء مننا في المصالحة بيننا لكن كل الشلة أخدت درس.... موقف آخر: في المدرسة الثانوية كنا بناخد في حصة جغرافية، وكانت حغرافية حوض النيل، الاستاذ متمكن تماما من المادة، وكنا في الجنوب المدرسة الثانوية مختلطة .. يعني بنين وبنات... وحتى الجلوس في الفصل مختلط اي زول يقعد في المحل البعجبو... المهم الاستاذ واصل في الحصة وتحدث عن ارتفاع نسبة الخصوبة في المرأة المصرية.. استفاض في شرحه عن الفلاحين في مصر ما بيكون عندهم اماكن للترفيه ويبقي الترفيه الوحيد ليهو هو مع مرتو.. وعشان كده بنلقى الولادة عندهم كتيرة ... واستفاض كذلك في شرح العلاقة الزوجية... قامت واحدة من الطالبات قالت ليهو يا استاذ هس دي حصة جغرافية ولّ حصة علوم؟؟؟ قال ليها : دي جغرافية بشرية... .. واستمر في شرحه أبو العز الجنوبي مشاهدة ملفه الشخصي إرسال رسالة خاصة إلى أبو العز الجنوبي البحث عن المشاركات التي كتبها أبو العز الجنوبي صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 12:13 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
