العمدة يرحل .. - الصفحة 2

imported_بله محمد الفاضل · 12-06-2012, 12:35 PM

البيت اللول
الحب اللول
وعييييييييييييك

غايتو بس نشيلو صبر ساكت...

ربنا يجعل ليكم في المنزل الجديد
استقرار وسعادة
فتنبت فيه إذن
ذكريات مملوءة بالمحبة والإلفة والجمال...

تحياتي ومحبتي الأكيدة

imported_حجة امنة · 12-06-2012, 02:34 PM

اقتباس:

المشاركة الأصلية كتبت بواسطة وهاد ابراهيم محمد

وهذا أجمل من الجمال والله..!

ويا سلام عليكم الباش والعمدة.
قولوا تاني وتالت و... والقلب مفتوح.

_______________

ويا عكودنا.. مُش حُميد قال ليك:
(كان سويت (سماحك) في عود, كان خدّر ملا الواطة
وكان فوّح عبير و ورود)..

فشنو.. سوي سواتك ساي, وياها المخدّرة,

(والله ما باقي لي ما أخت الوشوش دي

هنا)

http://www.youtube.com/watch?v=2JfZ37D5DnA

وكان فوّح عبير و ورود

imported_طارق صديق كانديك · 12-06-2012, 08:39 PM

اقتباس:

المشاركة الأصلية كتبت بواسطة عكــود

الظاهر البوست حيجر (أو هكذا أظن

)[/COLOR]

ظن ظنك ساي كمثراية ما تعتر ليك .

--

جميل والله جمّل الله أيامكم

معتصم الطاهر · 12-06-2012, 10:29 PM

اقتباس:

المشاركة الأصلية كتبت بواسطة عكــود

[CENTER

[/CENTER]

لغاية ما أجيكم راجع،
واحد واحدة

الظاهر البوست حيجر (أو هكذا أظن

)

لحدى ما نجر حبل الصبر

نقول

عكود يعرف حبى للفواكه
خاصة الصغيرة منها ..
فكان أن وجدت البيت حديقة فواكه فى الخلف و فى المطبخ ..

و فى القلب ..

معتصم الطاهر · 12-06-2012, 10:40 PM

اقتباس:

المشاركة الأصلية كتبت بواسطة عكــود

)[/COLOR]

العمدة محب للمطبخ ..
ز هو انيق فيه

يجيد القراصة .. و ملحقاتها

يحب السلطات ..

كما أحب الفواكه ..

حضرت هذه الزيارة لأنه كان لوحده ( عذابي)

و لم نأكل فى سوق او من سوق ..

حتى سكين العمدة حنينة ..

عكــود · 13-06-2012, 04:51 AM

الأحباب،
سناء
طارق
واحة
بكري

ليكم الشكر على الأمنيات والدعوات بأن يكون بيتاً بخيت وسعيد،
وماني طالبكم "كسيق*"

.

ما دام البوست في الخاص، فسيكون تداخلي غير ملتزم بتسلسل أحداث محدّد.
سأتداخل حسب ما وقر في القلب وخلّفه الحنين.

*كسيق: مشاركة يقدّمها أهل الحلّة (غالباً الحريم) لمن رحلت في بيت جديد؛ رطُل سكّر وتُمنة شاي مثلاً.

عكــود · 13-06-2012, 05:09 AM

الأحباب،
عبدالرحيم
وهاد*
بله
حجة آمنة
سلام يغشاكم ويعمّكم . .

تعالوا أحدّثكم عن زيارة معتصم الثانية (بعدين بنجي للأولى)، تشبه لقاء الخالد في إسطنبول، من حيث سرعة القرار والتنفيذ.
الوليدات وأمّهم سافروا إجازة قبلي، كعادتهم (المهبّبة) كل سنة. عادة أستغل فترة غيابهم في عمل رجيم وممارسة رياضة وبعض القراءات وتكثيف النشاط في سودانيّات.

وكالعادة، محادثاتي مع الأحباب لا تنقطع؛ ففي ونسة مع الباش، ذكرت ليه حال الوَحَدة، والتناسب الطردي بين حجم البيت وبين ما يخلّفه في النفس من وحشة، إن كنت تعيش لوحدك، وكان اليوم على ما أذكر أثنين.
بعد إنتهاء المحادثة بنصف ساعة، إتّصل الباش تاني، اللهم اجعله خير.
خير في خير، ومن تالا الباش ما بيجي إلاّ الخير. الباش جاب بشارة إنّو حجز وجاييني يوم الأربعاء بالليل، وبيرجع يوم السبت الصباح!

توقّفوا هنا، وتأمّلوا معنى "التواصل والمحبّة" . . يا سلام ويا سلام!
زول تحكيلو، من ضِمن الكلام، إنّك متوحّد شوية، يقفل منّك الخط ويحجز يجيك بعد 48 ساعة، فقط عشان يونّسك ويفرّحك، ومسار رحلتو، المطار - بيتك - المطار. مافي غشوة جاي ولّ جاي، رغم محبّة الباش للغشوات والتِخِفّس، وبعض البلقعة

.

رحم الله الدوش، فقد كِبرت كُراعي من الفرح.

*صراحة مافي أي داعي، يا وهاد، للوشوش مختلفة التعابير الذيّلتيبا مداخلتك، رغم إنّها في التمانيات

!

جاييكم . . .

بابكر مخير · 13-06-2012, 09:59 AM

رحول ما جابوه حدانا
كانه لا رحل ولا حل
بيكون ليهو معنى لو كان
جابهو عندنا
يابا
تعال العاصمة
سيبك من العتمور والعاصفة

ناصر يوسف · 13-06-2012, 01:53 PM

اقتباس:

المشاركة الأصلية كتبت بواسطة بابكر مخير

رحول ما جابوه حدانا
كانه لا رحل ولا حل
بيكون ليهو معنى لو كان
جابهو عندنا
يابا
تعال العاصمة
سيبك من العتمور والعاصفة

مع حزف العين يكمن سر محبته لتك الديار

عمنا بابكر مخير تحية وشوق

بيت عامر بالمحبة والحُب يا عكود

عكــود · 13-06-2012, 07:00 PM

بابكر حبيبو
ناصر الكلس

تسلموا.

يوم 21 ديسمبر سنة 2005، وصل الباش وقوت القلوب، وبعدها بيومين وصال الخال.
قبل التواريخ دي كان في تنسيق ما أخد وقت كتير؛ فقد كان كل منّا متشوّق للقاء؛ فهو الأوّل.

يوم وصول القوت والباش، كنت في أبوظبي ومواعيد وصول الطيارة الساعة 8 مساء. وصلت المطار قبل المواعيد بأكتر من ساعة، وفضلت وااااقف منتظر.
الطيارة وصلت والركّاب طلعوا، وتأخر طلوع الجوز مما زاد في المشاباة والملاهاة ؛ وهناك في الرويس، على بعد 250 كلم، كانت ستّة أعين وثلاثة قلوب تتنظر، فلم يكف التلفون عن الرنين "أها ... وصلوا؟".
ظهر الباش يمشي بكل ثقة، والقوت تمس الأرض بكل هيبة وحنان. تقالدنا ما شاء لنا ولم نكتفي.
رغم معرفتي الجيدة بالطريق، لكنّي تجاوزت كوبري يؤدّي إلى طريق الرويس فانتهى بي الأمر إلى داخل أبوظبي، ممّا أخّر زمن الوصول نصف الساعة تقريباً؛ ومع الرفقة كانت مكسب.

قابلنا محمد (أخوي الحتالة) في الطريق ليرافق الركب الجميل، وليقضي باقي الخميس والجمعة مع الرفقة الفارهة، فهو يعمل في مدينة بين أبوظبي والرويس. إنضمّ لمركبة تحمل في داخلها كل معاني التواصل الجميل، واستمتع بأنس يخرج من القلب، ليستقر بين الضلوع. لم يمنحه الباش فرصة إستكشاف محدثيه؛ أمطره بحديث من يعرفه منذ زمن، خاصّة وهما يتشاركان المهنة. أمّا قوت القلوب، فقد كانت تحدّثه حديث أخته الكُبرى.
محمّد ليس من النوع سريع "الإنبهال" مع من يعرفهم حديثاً، مثل حالاتي. يلجأ إلى الصمت والإستماع أكثر من الحديث؛ لكن ما أن وصلنا الرويس، حتّى "كُست الطريقة التسكّتو من النضمي والقرقراب (بالمناسبة، حسّو كبير خالص وضحكتو مزعجة جدّاً)".

هذان هما الباش وقوت القلوب!
ضجّة وهدوء
حيويّة ورزانة
مَرْتويّة وحنيّة
قهقهة وإبتسامة

يعرفان كيف يسرقانك من ذاتك.

وبرضو جاييكم ...

imported_سمراء · 17-06-2012, 07:58 AM

اقتباس:

يعرفان كيف يسرقانك من ذاتك.

العمدة الحنين
مع انى ماعارفة "سبب الرحول" ، وقسوتو
بس دائماً قاع يولد لينا فتافيت بنستطعمة ذى حتراب الحلو مر ..
الحكى الطاعم ، والقلب المفتوح بدون كنترول ده ياهو البخفف لينا قساوة الفعل
احكى عليك الله
وياهو الباشا البعرف يدور تروسك

يلا واصل ترانا متفنين فى حديقة بيت القديم
ومقهيين نعاين فى الليمونة البتغالب فى النسيم خايفة على جناها يقع

عكــود · 17-06-2012, 11:11 AM

اقتباس:

المشاركة الأصلية كتبت بواسطة سمراء

بس دائماً قاع يولد لينا فتافيت بنستطعمة ذى حتراب الحلو مر ..

سلام يااااا سمراء،
"حتراب الحلومر" ده وصف طاعم بالحيل والشاهد الله!

طبعاً يا سمراء حكاية زيارة القوت والباش والخالد، بكون حكيتها قبال كدي زي سبعتاشر مره كده، وما مسخت لي الكتابة عنّها، وعاد إنتو مخيّرين.

المره دي، حأكتب عن التفاصيل الصغيرة الضاعت في زخم الحكي الفات، يعني حأتمطّق حُتراب الحلومر.

سبب الرحول، قاموا بنوا ليهم بنايات جديدة وعاجباهم وعاجبا الناس، وبرّوني بشقّة منّهِن، وعشان يزيد إقتناعي، أدّوني أم غرفاً كُتار فيهٍن. أها، ما بين الولِف وطول المكوث في البيت القديم، وبين لوبي الحيكومة وست أبوها، ما قدرت أقاوم الضغوط والإغراءات؛ فلقّطت عزلي و "نص في الأرض، نص في النعال".

سأواصل إن الله هوّن.

imported_عزو الحاج · 17-06-2012, 06:50 PM

اقتباس:
المشاركة الأصلية كتبت بواسطة معتصم الطاهر

زول سمح

و بيت سمح ..

و يوم سمح ..

بمشى و أجيكم

سمح !!!

ما اجمل هذه الشخصيات الله يرحمك يا خالو خالد
ويديكم الصحة والسعادة يا عكود ومعتصم
انشاء الله يا عمدة البيت الجديد يكون سعيد وبخيت وربنا يوسع عليك دنيا واخرة

12-06-2012, 12:35 PM	#[16]
imported_بله محمد الفاضل :: كــاتب نشــط::	البيت اللول الحب اللول وعييييييييييييك غايتو بس نشيلو صبر ساكت... ربنا يجعل ليكم في المنزل الجديد استقرار وسعادة فتنبت فيه إذن ذكريات مملوءة بالمحبة والإلفة والجمال... تحياتي ومحبتي الأكيدة
imported_بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

13-06-2012, 04:51 AM	#[21]
عكــود Administrator	الأحباب، سناء طارق واحة بكري ليكم الشكر على الأمنيات والدعوات بأن يكون بيتاً بخيت وسعيد، وماني طالبكم "كسيق". ما دام البوست في الخاص، فسيكون تداخلي غير ملتزم بتسلسل أحداث محدّد. سأتداخل حسب ما وقر في القلب وخلّفه الحنين. كسيق: مشاركة يقدّمها أهل الحلّة (غالباً الحريم) لمن رحلت في بيت جديد؛ رطُل سكّر وتُمنة شاي مثلاً.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-06-2012, 05:09 AM	#[22]
عكــود Administrator	الأحباب، عبدالرحيم وهاد* بله حجة آمنة سلام يغشاكم ويعمّكم . . تعالوا أحدّثكم عن زيارة معتصم الثانية (بعدين بنجي للأولى)، تشبه لقاء الخالد في إسطنبول، من حيث سرعة القرار والتنفيذ. الوليدات وأمّهم سافروا إجازة قبلي، كعادتهم (المهبّبة) كل سنة. عادة أستغل فترة غيابهم في عمل رجيم وممارسة رياضة وبعض القراءات وتكثيف النشاط في سودانيّات. وكالعادة، محادثاتي مع الأحباب لا تنقطع؛ ففي ونسة مع الباش، ذكرت ليه حال الوَحَدة، والتناسب الطردي بين حجم البيت وبين ما يخلّفه في النفس من وحشة، إن كنت تعيش لوحدك، وكان اليوم على ما أذكر أثنين. بعد إنتهاء المحادثة بنصف ساعة، إتّصل الباش تاني، اللهم اجعله خير. خير في خير، ومن تالا الباش ما بيجي إلاّ الخير. الباش جاب بشارة إنّو حجز وجاييني يوم الأربعاء بالليل، وبيرجع يوم السبت الصباح! توقّفوا هنا، وتأمّلوا معنى "التواصل والمحبّة" . . يا سلام ويا سلام! زول تحكيلو، من ضِمن الكلام، إنّك متوحّد شوية، يقفل منّك الخط ويحجز يجيك بعد 48 ساعة، فقط عشان يونّسك ويفرّحك، ومسار رحلتو، المطار - بيتك - المطار. مافي غشوة جاي ولّ جاي، رغم محبّة الباش للغشوات والتِخِفّس، وبعض البلقعة . رحم الله الدوش، فقد كِبرت كُراعي من الفرح. *صراحة مافي أي داعي، يا وهاد، للوشوش مختلفة التعابير الذيّلتيبا مداخلتك، رغم إنّها في التمانيات ! جاييكم . . .
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-06-2012, 09:59 AM	#[23]
بابكر مخير :: كــاتب نشــط::	رحول ما جابوه حدانا كانه لا رحل ولا حل بيكون ليهو معنى لو كان جابهو عندنا يابا تعال العاصمة سيبك من العتمور والعاصفة
بابكر مخير :: كــاتب نشــط::	التوقيع:

13-06-2012, 07:00 PM	#[25]
عكــود Administrator	بابكر حبيبو ناصر الكلس تسلموا. يوم 21 ديسمبر سنة 2005، وصل الباش وقوت القلوب، وبعدها بيومين وصال الخال. قبل التواريخ دي كان في تنسيق ما أخد وقت كتير؛ فقد كان كل منّا متشوّق للقاء؛ فهو الأوّل. يوم وصول القوت والباش، كنت في أبوظبي ومواعيد وصول الطيارة الساعة 8 مساء. وصلت المطار قبل المواعيد بأكتر من ساعة، وفضلت وااااقف منتظر. الطيارة وصلت والركّاب طلعوا، وتأخر طلوع الجوز مما زاد في المشاباة والملاهاة ؛ وهناك في الرويس، على بعد 250 كلم، كانت ستّة أعين وثلاثة قلوب تتنظر، فلم يكف التلفون عن الرنين "أها ... وصلوا؟". ظهر الباش يمشي بكل ثقة، والقوت تمس الأرض بكل هيبة وحنان. تقالدنا ما شاء لنا ولم نكتفي. رغم معرفتي الجيدة بالطريق، لكنّي تجاوزت كوبري يؤدّي إلى طريق الرويس فانتهى بي الأمر إلى داخل أبوظبي، ممّا أخّر زمن الوصول نصف الساعة تقريباً؛ ومع الرفقة كانت مكسب. قابلنا محمد (أخوي الحتالة) في الطريق ليرافق الركب الجميل، وليقضي باقي الخميس والجمعة مع الرفقة الفارهة، فهو يعمل في مدينة بين أبوظبي والرويس. إنضمّ لمركبة تحمل في داخلها كل معاني التواصل الجميل، واستمتع بأنس يخرج من القلب، ليستقر بين الضلوع. لم يمنحه الباش فرصة إستكشاف محدثيه؛ أمطره بحديث من يعرفه منذ زمن، خاصّة وهما يتشاركان المهنة. أمّا قوت القلوب، فقد كانت تحدّثه حديث أخته الكُبرى. محمّد ليس من النوع سريع "الإنبهال" مع من يعرفهم حديثاً، مثل حالاتي. يلجأ إلى الصمت والإستماع أكثر من الحديث؛ لكن ما أن وصلنا الرويس، حتّى "كُست الطريقة التسكّتو من النضمي والقرقراب (بالمناسبة، حسّو كبير خالص وضحكتو مزعجة جدّاً)". هذان هما الباش وقوت القلوب! ضجّة وهدوء حيويّة ورزانة مَرْتويّة وحنيّة قهقهة وإبتسامة يعرفان كيف يسرقانك من ذاتك. وبرضو جاييكم ...
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

17-06-2012, 06:50 PM	#[28]
imported_عزو الحاج :: كــاتب نشــط::	اقتباس: المشاركة الأصلية كتبت بواسطة معتصم الطاهر زول سمح و بيت سمح .. و يوم سمح .. بمشى و أجيكم سمح !!! ما اجمل هذه الشخصيات الله يرحمك يا خالو خالد ويديكم الصحة والسعادة يا عكود ومعتصم انشاء الله يا عمدة البيت الجديد يكون سعيد وبخيت وربنا يوسع عليك دنيا واخرة
imported_عزو الحاج :: كــاتب نشــط::