منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار هل لا يزال موقع سودانيات هو (البيت الكبير ) اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 2 1 2 > أدوات الموضوع انواع عرض الموضوع 24-09-2017, 06:57 AM #[1] ناصر يوسف :: كــاتب نشــط:: هل لا يزال موقع سودانيات هو (البيت الكبير ) بسم الله الرحمن الرحيم الأهل والأحباب أهل البيت الكبير سودانيات السلام عليكم ورحمة الله وبركاته أوووووووول هام ويا ريييييييييييت يا ريت مفردة ( حردَة وحردان ) دي الواحد ما يقراها تاني هنا المسألة ما حَرَدَان ولا زهج ولا قرف ولكن ،،،، حقيقي الحال في سودانيات ما بيسُر مطلقاً ،، الكل بكي خالد الحاج وحلف بأغلظ الإيمان بإنو سودانيات حتبقي في الصوووون وهي أماااااانة علي الأعناق وشنو شنو شنو وكلام كتييييييييييييييير إنسكب هنا لأجل الحفاظ علي سودانيات ولكن .... شنو الحصل بعد داك ،،، تخاااااااااااازُل من الغالبية العُظمي من الناس القالوا حيحافظوا علي الأمانة قدر ما الناس حاولت إنو الناس تجي وتشيل الشيلة مع الهم أصلاً شايلنها هنا أمثالكم إنتوا يا المتواجدين هنا علي الدوام ،،، مافي حد عَبَّر البيت الكبير سودانيات ده بأدني إلتفاته بـــس كل المنتديات في سودانيات بقت صفحاتها جاااااااامدة بلا حِراك إلا من بعض مشاركات الجميلين هنا وما عاوز أقول النور يوسف ولا جيجي ولا عكود ولا أي إسم عشان ما يبقي ذكر بعض الأسماء خصم علي فاعلية الأسماء التانية الفاعلة موجباً تجاه سودانيات كنا في زمن لما تكتب بوست ،، بيلقي حظه من النقاش المفيد ليك إنتَ ده صاحب البوست في المقام الأول قبل ما يكون النقاش مفيد للآخرين وللبوست نفسه وتجري جري عشان تلحق البوست ما يكون مشي للصفحة التانية ولا التالتة من كثرة البوستات الكتيرة الجييييدة والمفيدة والممتعة حقاً الآن حدث ولا حرج ،،، ممكن الصفحة الأولي تكون قاعدة في مكانها كما هي ولفترة طويلة جداً ، إلا من بعض التداخلات الطفيفة ولفترة ممكن تكون أسبوع ،، أسبوعين تلاتة شنو الأسباب ،،، طبعاً في أسباب كتيرة متنوعة ومختلفة في شكلها ومضمونها ،، في ناس بيقولوا ليك ،، بعد رحيل خالد الحاج الحوش ده بقي لينا مسييييييخ وما بنقدر ندخل عليه ( طيب وينو وفاءكم لحبيبكم خالد الحاج ) ؟؟ في مسألة أخري مسألة خلافية و سياسية ،، برضو من المفترض إنو الناس تناقش المسألة دي بشفافية بعض من الغائبين بيحملوا عكود مسئولية الركود الحاصل في سودانيات ده ،،، ياخي حرام عليكم والله ، وما دفاع عن العمدة عكود لأنه صاحبي ،،، ثُمَ إنو منو القال ليكم إنو عكود صاحبي أنا ؟؟ بالعكس ،،، عكود صاحبكم كلللللللكم أكتر مني أها شنو ليكم بعض من أهل سودانيات أسباب غيابهم إختلافات شخصية بيناتهم ،، و غيابهم ده أنا بسميه ( ضعف وهروب ) ،، ياخي تعال قارع الحجة بالحجة والبرهان ،،، أقعد ناقش نقاشك ودافع عن وجهة نظرك بقوة وشراسة ، ما تهرب بمفهوم أنا مالي ومال وجع الدماغ سودانيات سميتوا البكان ده ( البيت الكبير ) ،، طيب طالما هو البيت الكبير ،، كل زول فيكم بيطلع منو ويشيل معاه قشة ويمرق ؟؟ يتشلع قشة قشة وبأيادي أبناءه ؟؟ سودانيات والهم العام ،، في مشاريع كتيرة الناس بدتها بقوة وساهموا أهل سودانيات في مشارع مهمة بتهم الناس كهم عام ( أطفال السرطان ، إفطار طالب ،،، إلخ ) وين نحن من الهم العام ؟؟ وين المشاريع ذات العلاقة بالتكافل الإنساني المرتبطة بسودانيات ؟؟ أنا ما بعفي نفسي طبعاً من الحاصل للبيت الكبير سودانيات المنبر المحترم ، مطلقاً ما بعفي نفسي ، لكن ،،، حقيقي الألم داخل الزول بقي كبير كبير جدددداً ،،، ألم ( هروب ) أهل البيت الكبير من جدرانه وقدر ما تحاول إنو الناس ترجع ،، يغلبك ،، غير الرسائل الخاصة ، الإتصال عبر الهاتف ،،، بل كونك تصل الناس في بكانهم وتشيل وتحنِس فيهم بالعودة لسودانيات ،، بعضهم يوعدك وعد تَحِس بيه وعد صااااادق بالرجوع وبعضهم يمشيك تمشية عشان تغير موضوع سودانيات ،،، والمحصلة ما بقول صفر ولكن ممكن أقول 1% فقط هم الرجعوا للبيت الكبير سودانيات المسألة مسألة وجع جوَه الزول يا شباب ،، وجع من ناس وعدوا خالد الحاج بإنهم حيشيلوا أمانته ويصونوها ولم يوفوا بوعودهم و بــــــــــــــــــــس التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 24-09-2017, 09:59 AM #[2] imported_أبو جعفر :: كــاتب نشــط:: اقتباس: المشاركة الأصلية كتبت بواسطة ناصر يوسف بسم الله الرحمن الرحيم بعض من أهل سودانيات أسباب غيابهم إختلافات شخصية بيناتهم ،، و غيابهم ده أنا بسميه ( ضعف وهروب ) ،، ياخي تعال قارع الحجة بالحجة والبرهان ،،، أقعد ناقش نقاشك ودافع عن وجهة نظرك بقوة وشراسة ، ما تهرب بمفهوم أنا مالي ومال وجع الدماغ. تحياتي ناصر والكلام ده ما صحيح ... الواحد يجيكم بمشروعه الفكري تمسكو ليه عكاز وسوط والبعض يفلع بالحجار وتجازيك الإدارة بالإيقاف. وحبة غلطة تصبح قبة وإلا فأين ماريل. ود. بيان. وماجد تاج ... وعادل عسوم ووووو ولو ناسي هاك ما خطه يمينك http://www.sudanyat.org/vb/showthread.php?t=31626 وهاك هذه الشهادة من داخل البوست من رأفت ميلاد: http://www.sudanyat.org/vb/showpost....8&postcount=37 التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 24-09-2017, 11:52 AM #[3] ناصر يوسف :: كــاتب نشــط:: اقتباس: المشاركة الأصلية كتبت بواسطة أبو جعفر تحياتي ناصر والكلام ده ما صحيح ... الواحد يجيكم بمشروعه الفكري تمسكو ليه عكاز وسوط والبعض يفلع بالحجار وتجازيك الإدارة بالإيقاف. وحبة غلطة تصبح قبة وإلا فأين ماريل. ود. بيان. وماجد تاج ... وعادل عسوم ووووو ولو ناسي هاك ما خطه يمينك http://www.sudanyat.org/vb/showthread.php?t=31626 وهاك هذه الشهادة من داخل البوست من رأفت ميلاد: http://www.sudanyat.org/vb/showpost....8&postcount=37 الحبيب أبو جغفر تحية وإحترام طيب ما خطه يميني ويساري ( علي الكي بورد طبعاً أنا بكتب بالإتنين ) ما كان تجيب كل كلامي وردودي هناك ياخ ،، طيب هاك أقرأ المداخلة دي : ـــــــــــــــــــــــــــــــــــــ ابو جعفر يا عزيزي تحية واحترام انا البوست ده ما فتحتو طبعاً لأني زول بتاع مشاكل ولا عاوز لي مشاكل مع أي زول لكن حقيقي في إندهاش كده حاصل لي ثُمَ إنو ربنا رب العزَّ بيغفر لعباده التائبين نحن ليه ما عاوزين نتجاوز ونعفي ياخ الخلاف في الحوار يجب أن يتحلي بأدب الخلاف ،، صاح ؟؟؟ انت عملت مفترع ما وقلت فيه قولك وموضوعه ماهو هين والله ،،، إتصدوا ليك ناس كتااااااار هنا وقالوا ليك ،،، Stop يا زول هوي ،، كلامك ده ما في بكانو وفيهو مغالطات عن نفسي أنا بقر وبعترف هنا بإني ما ضليع في أمور الدين الحنيف فبالتالي ما بقدر أكضب علي نفسي وعليكم وأفتي في أمور ديننا الحنيف ،، معاذ الله حاشي وكلا لن أفعل لكن كمان انا كزول مسلم ،،، بيهمني أعرف الصاح وين لما ألقي لي ناس مختلفين في مسألة التفسير ،،، القول ،،، آراء نظر مختلفه في أمر الدين الإسلامي بقعد أقرأ عشان أعرف الصاح وين أقبِل عليه في شان يضيف لي لكن لما ألقي المسألة مرقت من أدب الحوار إلي ــــ أقرب ما يكون للـــ ( عُوار ) والعُوار دي لما بوصلة الحوار تفك وتبقي في السهَلَة ياخ وألقي سِباب ولعن وشتم وإستخفاف وشنو شنو داك فووووووووو بفك البيرق وبمرق من متن الحوار لأني ببساطة ما حألقي لي أي فائدة ممكن تقودني لا قدام في شان أعرف عن أمر ديني وكده الجيلي احمد ،،، غلطان في حميته وانفعالاته ،،، وأبداً ما ببقي تبرير لما أقول ـــ أبو جعفر هو البادئ في لعن الشيوعيين ولعن أبو أهل أبوهم ذاتو ،،، تعرف إلصاقك لجملة ( أبناء السَفَلَه ) ديك في البوست الزماااانك داك ،،، ياهي اللخبطت بوصلة الحوار وكل بني آدم بيفهم الأشياء بوعيه الخاص ،،، صاح ولا أنا غلطان الشئ التاني ،،، حواركم المشترك الخاص بمعاوية وخروجه من المِلَّه وشنو شنو داك إييييييييييييه ،،، ياخي والله أظنو الكي بوردات البتكتبو بيها ذاتها قالت واااااااااااااااي نعم لكل إنسان وجهة نظره في الأشياء وليه مطلق الحرية في الدفاع عن وجهة نظره لدرجة الإستماته لكن بالنسبة لزول قارئ مِتِل حالتي دي بالله ،،، يقعد يباري فيكم يمين شمال يمين شمال يمين شمال بس بقت علي زي مسألة دخلت نملة وأخدت حبَه ومرقت دخلت نملة وأخدت حبَه ومرقت دخلت نملة وأخدت حبَه ومرقت دخلت نملة وأخدت حبَه ومرقت دخلت نملة وأخدت حبَه ومرقت دخلت نملة وأخدت حبَه ومرقت تعرف يا ابو جعفر ،،، والله بقيت خايف أفتح الماسورة بدل صوت الموية ،،، أسمعها تقول لي أبو جعفر الأمانه العامه عبد المنعم الحضيري صديق عيدروس يحي عثمان عيسي أحيييييييييييييييا انا منكم كلكم ياخ يا حبيبنا ابو جعفر ،،، زمااااانك كده كان عندك مفترع جميل وبديع والله ،،، نسيت إسم البوست داك والله ،،، فيه لغة عالية رفيعة وتصاوير جد بديعة إسمو شنو يا ربي إسمو شنوووووووو لو إتذكرتوهو ونكتوهو و جبتوهو لي في الصفحة الأولي أكون مُمتن والله نعم للحوار نعم للإختلاف في وجهات النظر وده شئ طبيعي جداً بالطبع لكن والله وعلي قول الخليجيين لقد ذبحتوووووووووونا ياخ وبرضو أقرأ دي: ــــــــــــــــــــــــــــــــــــــــــــ أها ،،، جاك كلامي يا أبو جعفر ياخ نحن بقت زي الما فارقه معانا نطلق الألفاظ والإتهامات علي الناس سااااااكِت كدي بلا أيتُها سند نستند عليه لأ كمان شنو ،، الإستهتار والإستخفاف ببعض تعرف يا ابو جعفر أنا لو رجعوا لي الزمن ده لا وراء شوييية كده ما كنت القلتو قبل كدي في حق زملاء هنا والله العلي العظيم دي فرصة سانحة وسمحة وكويسة جداً بإني أعتذر للصديق عادل عسوم وللزميلة أم التيمان ولكل أعضاء سودانيات لأني في يوم من الأيام قلت لعادل عسوم ،،، إنتَ زول شنو كده ما عارف وقلت لأم التيمان برضو ،،، إنتي شنو كده ما عارف وقلت عن المنبر بإنو قاعد يسوي في شنووووو كده برضو ما عارف و ( برضو ما عارف دي ) ،،، قلتها بس عشان ما أكرر الغلط مرة تانية هنا بالرغم من إني وإنتوا والقراء عارفين انا كان قلت شنو هنا كردة فعل وبإنفعال ذائد ،،، ديت ( طرشت ) كلامي الأعمي داك هنا فأعتذر ليكم ولعادل عسوم ولأم التيمان والله إعتذار بصدق شديد ومن القلب كمان والله العلي العظيم يا شباب ،،، يمكن لي فترة كده برااااااااي قاعد أقول لنفسي ،،، هوي هه ،،، ديمقراطية شنو وعوارة شنو البتنفع مع أهلك السودانيين ديل ،،، ديكتاتوريييييييييييييه 100 الــ 100 ،،، أخير من عُوار الديمقراطية وكلمة عُوار دي ما بقصد بيها زول هوي هه عشان ما يجيني زول يقول لي بتناقض فوق روحك براك مالك بعني بيها الفعل الديمقراطي العام الممارس هنا في سودانيات وفي غير سودانيات في حياتنا العامة أسأل الله ليه ولكم الهداية قولوا آمين ياخ علييييييكم الله قولوا آميييييييييييييييييييييييييييين ،،، التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 24-09-2017, 12:22 PM #[4] ناصر يوسف :: كــاتب نشــط:: ثُمَ إنو مشتاقين ليكم كلكم ياخ بأمزجتكم المختلفة الهادي منها والعكران التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 24-09-2017, 03:01 PM #[5] عبد المنعم حضيري Guest الحبيب ناصر تحايا واشواق عبد المنعم حضيري 24-09-2017, 04:30 PM #[6] فتح العليم الإمام :: كــاتب نشــط:: تحياتى ناصر وعودا حميدا إلى دارك. احترمنا انقطاعك وانت من مؤسسي هذا البيت ويعرف أسراره . الهروب عن مواجهة الواقع يعتبر هزيمة وفى يقينى انت ليس من الهاربين ولكنك قصدت وهمست للبعض راجعوا أنفسكم حتى يرجع لهذا البيت عافيته ولكن هذا لم يحدث . فقط الحنين لخالد الحاج وبكاءك المر عليه هو سبب عودتك وربما يوجد فى نفسك شىء من الألم على العودة بعد انتهاء بوست عودتك والمداخلات الأخرى وربما شعرت بمرارة وقلت لماذا انا رجعت ثانية ؟ وانا الذى سجل خروج نهاى من هذا البيت . دعنا تكون أكثر وضحوحا ونتساءل بصوت عالي * هل غياب ناصر يوسف أثر على سودانيات؟ *هل عودة ناصر يوسف سوف تكون عصا سحرية لعودة أعضاء سودانيات؟ * هل تم علاج الأسباب التى أدت إلى هجر ناصر يوسف للموقع؟ دعنا نقارن بين موقع سودانيز اون لاين وسودانيات التى كانت يوما منافسة لسودانيز اون لاين. رغم كثرة الأعضاء واختلاف التوجهات والملاسنات لكنها مستمرة بقوة . ما سر بقاءها . هل السر يرجع إلى أن المؤسس بكرى أبوبكر على قيد الحياة ؟أمد الله فى عمره هل كل كياناتنا مرتبطة بوجود المؤسسس أو شخص ما اليوم انهيار فى الحزب الشيوعي وحزب المؤتمر الشعبى بعد وفاة كلا من نقد والترابى. هذا حالنا فى السودان الارتباط الروحى بشخص أكثر من أيديولوجية. فشلت كل المحاولات لعودة الروح إلى سودانيات وصار الموقع لا حياة له. اتكلم الان وحتى لا أظلم أحد ينقصنى المعرفة ببعض الاموار. وعلى من يتولى الإدارة مراجعة النفس لأسباب الفشل وأن يكون النظر بعين الاعتبار فى تلك المراجعة امر ان *خالد الحاج وما تربطكم به من علاقة رحمه الله * المصلحة العامة. اقترح التالي عقد مؤتمر لأعضاء الداخل فى السودان وان تتولى أنت يا ناصر الأعداد له بعد التفاكر مع الإدارة. ان يكون الاجتماع فى منزل الفقيد خالد الحاج. تنصيب أحد أبناء الفقيد دور روحى اومعنوى فى الموقع ربما يسهم هذا الأمر فى عودة الاعضاء. نتائج الاجتماع تعلن فى الموقع. امنيتى ان يحقق لنا أستاذنا شوقى بدرى ما طلبناه منه. عزيزى عودتك مهمة ولا تشعر بحرج العودة . ولكن اذا لم تحقق العودة هدفها . ارجع إلى الغابة وانا معك. دومت والجميع بخير وعافية فتح العليم الإمام مشاهدة ملفه الشخصي إرسال رسالة خاصة إلى فتح العليم الإمام البحث عن المشاركات التي كتبها فتح العليم الإمام 24-09-2017, 06:14 PM #[7] imported_wageeda :: كــاتب نشــط:: حباب ناصر في البيت الكبير اخبارك ثم انوا انت دا ناصر يوسف جنك حرد ابدا بنفسك وقنب عافيه التوقيع: هلاّ ابتكَرْتَ لنا كدأبِك عند بأْسِ اليأْسِ،معجزةً تطهّرُنا بها، وبها تُخَلِّصُ أرضَنا من رجْسِها،حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس) (نسأل الله لك فراديس الخلود) imported_wageeda مشاهدة ملفه الشخصي إرسال رسالة خاصة إلى imported_wageeda البحث عن المشاركات التي كتبها imported_wageeda 24-09-2017, 06:20 PM #[8] عكــود Administrator تحياتي يا ناصر وحجا مبرور إن شاء الله. ألف مرحب بعودتك التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو. عكــود مشاهدة ملفه الشخصي إرسال رسالة خاصة إلى عكــود البحث عن المشاركات التي كتبها عكــود 24-09-2017, 10:42 PM #[9] اشرف السر :: كــاتب نشــط:: سلام ناصر يوسف وكل المتداخلين سلام................. رغم اني ما قريت كل المداخلات,, بس بقدر أقول التالي................... الايقو المضخم... انتفاخ الذات,,,, ثانياً الانتماءات الايدولوجية,,, هي السبب في الحرد والبعد عن سودانيات.... البعض يحلفون أن سودانيات هي تبع الاتجاه الفلاني..................... والبعض... يحلفون بأغلظ الأيمان... انه عكس ذلك... وبين هذا وذلك.... ضعنا نحن -الفلوترز- لا لامين في دا ولا داك.... هذا كل تفاصيل ما قد حدث.. إن تغاضينا عن زعم الشلليات................... التوقيع: اشرف السر مشاهدة ملفه الشخصي إرسال رسالة خاصة إلى اشرف السر البحث عن المشاركات التي كتبها اشرف السر 24-09-2017, 10:51 PM #[10] اشرف السر :: كــاتب نشــط:: ثم................ أنا أشرف السر دا... مع سودانيات.. وروحها ومحبتها.................. وخلوني احكي شوية... الجابني هنا هو الأخ حافظ حسين............. كنا اعضاء في منتدى اقدم من سودانيات زمنا....... اعتقد انو في 2010 تعرفت على حافط حسين اسفيريا............. وتعرضنا هنالك لتحيز عنصري صريح................ وقفت انا وحافظ حسين ف خندق ووقف بقية الآخرين في جهة أخرى........... لما قنعنا من خيرا في المنتدى داك... دعاني حافظ لمنتدى ديموقراطي....... كل الناس سواسية... وإخوة.............. وكان انتمائي لسودانيات... انضميت لسودانيات كان فيه خالد الحاج على فراش الموت,,,, لم اتداخل معه ولم اعرفه الا من خلال مشاركاته هنا ....... او في سودانيز اونلاين,,,,,,,,,,, وما زلت مؤمناً ببقاء سودانيات,,,,,,,,,,,,, ومقاومتها لكل الظروف والاحداث الصغيرة............... والتكبر.. والانانية............... وحب الذات.................. والحزب.. والايدلوجيا.... سودانيات.............. تواصل ومحبة............... وبس التوقيع: اشرف السر مشاهدة ملفه الشخصي إرسال رسالة خاصة إلى اشرف السر البحث عن المشاركات التي كتبها اشرف السر 24-09-2017, 11:54 PM #[11] imported_فيصل سعد :: كــاتب نشــط:: في الإجابة على سؤالك أخي ناصر: نعم، نعم، نعم التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame] imported_فيصل سعد مشاهدة ملفه الشخصي إرسال رسالة خاصة إلى imported_فيصل سعد زيارة موقع imported_فيصل سعد المفضل البحث عن المشاركات التي كتبها imported_فيصل سعد 25-09-2017, 08:10 AM #[12] ناصر يوسف :: كــاتب نشــط:: اقتباس: المشاركة الأصلية كتبت بواسطة عبد المنعم حضيري الحبيب ناصر تحايا واشواق حبيبنا الغالي عبد المنعم حضيري حقيقي أفتقد قلمك كثيراً لأنهل من بعضاً من الوعي من خلال كتاباتك الطاعمات كن بعافية ،، حينها أكن كذلك اقتباس: المشاركة الأصلية كتبت بواسطة فتح العليم الإمام تحياتى ناصر وعودا حميدا إلى دارك. احترمنا انقطاعك وانت من مؤسسي هذا البيت ويعرف أسراره . * هل غياب ناصر يوسف أثر على سودانيات؟ *هل عودة ناصر يوسف سوف تكون عصا سحرية لعودة أعضاء سودانيات؟ * هل تم علاج الأسباب التى أدت إلى هجر ناصر يوسف للموقع؟ اذا لم تحقق العودة هدفها . ارجع إلى الغابة وانا معك. دومت والجميع بخير وعافية أستاذنا الجميل فتح العليم تحية واحترام لشخصك ودأبك لأجل مصلحة سودانيات لا غياب العضو ناصر يوسف بيأثر علي سودانيات ولا حضوره أيضاً سيأثر ومك عبر الأمنيات بعودة جميع الأقلام إلي البيت الكبير سودانيات ،، وتصبح أمنيات اقتباس: المشاركة الأصلية كتبت بواسطة wageeda حباب ناصر في البيت الكبير اخبارك ثم انوا انت دا ناصر يوسف جنك حرد ابدا بنفسك وقنب عافيه حبابك بت العم اقتباس: المشاركة الأصلية كتبت بواسطة عكــود تحياتي يا ناصر وحجا مبرور إن شاء الله. ألف مرحب بعودتك الله يبارك فيك يا عُمدة وعقبال ما نلتقي سوياً هناك في الأراضي المقدسة وقريباً سأعلن لك عن الأخبار السعيدة كما وعدتك ،،، ربما اليوم أو يوم الغد اقتباس: المشاركة الأصلية كتبت بواسطة اشرف السر سلام ناصر يوسف وكل المتداخلين سلام................. رغم اني ما قريت كل المداخلات,, بس بقدر أقول التالي................... الايقو المضخم... انتفاخ الذات,,,, ثانياً الانتماءات الايدولوجية,,, هي السبب في الحرد والبعد عن سودانيات.... البعض يحلفون أن سودانيات هي تبع الاتجاه الفلاني..................... والبعض... يحلفون بأغلظ الأيمان... انه عكس ذلك... وبين هذا وذلك.... ضعنا نحن -الفلوترز- لا لامين في دا ولا داك.... هذا كل تفاصيل ما قد حدث.. إن تغاضينا عن زعم الشلليات................... كلنا فلوووووووترز يا صديقي ولذلك فلقد تآزينا من الصراعات السياسية نوعاً ما مع إحترامنا لإنتماءات الآخرين بالطبع اقتباس: المشاركة الأصلية كتبت بواسطة اشرف السر ثم................ أنا أشرف السر دا... مع سودانيات.. وروحها ومحبتها.................. وخلوني احكي شوية... انضميت لسودانيات كان فيه خالد الحاج على فراش الموت,,,, لم اتداخل معه ولم اعرفه الا من خلال مشاركاته هنا ....... او في سودانيز اونلاين,,,,,,,,,,, وما زلت مؤمناً ببقاء سودانيات,,,,,,,,,,,,, ومقاومتها لكل الظروف والاحداث الصغيرة............... والتكبر.. والانانية............... وحب الذات.................. والحزب.. والايدلوجيا.... سودانيات.............. تواصل ومحبة............... وبس اقتباس: المشاركة الأصلية كتبت بواسطة فيصل سعد في الإجابة على سؤالك أخي ناصر: نعم، نعم، نعم فيصل سعد ،،، سعدت بمقابلتك ( فيس 2 فيس ) لأوووول مرة برغم الظروف التي تقابلنا فيها ربنا يتقبل الست الوالدة ويرحمها ويغفر ليها التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 25-09-2017, 08:25 AM #[13] imported_زول الله :: كــاتب نشــط:: بركة الجيت يازول ياسمح اول حاجة الناس هنا على دين اصحابها وركز لي في اصحابها دي عشان تاني ماتنكروا انو في شلليات في سودانيات تقوم وتقعد مع بعض تاني حاجة التحيز الفكري موجود وبكثرة هنا وطافح زي الماسورة المكسورة وناسه مابقبلوا بي رأي من يخالفهم مهما كان وعندك ابوجعفر أوضح مثال حتى انه يستخدم الساتر "البلوك" تجاه مخالفيه ودا إفلاس واضح. تالت حاجة الانشغال بالحراك المسمى جدلاً "ديمقراطي" في إدارة المنبر وهو لايمت للديمقراطية سوى بالأدوار الأولية في "مسرحيتها" ثم صمت. رابع حاجة حمدالله على السلامة حجا مبرورا وذنبا مغفورا ياحاج اقول قولي هذا واستغفرالله لي...................... التوقيع: يلسعني نحل النشوة في الوجدان لا أعـرف كيف أحـُكـك يا وجـدان محظوظ جداً نحل عيونك .. صادف قلباً عريان "الكتيابي" إن يكن حسنك مجهول المدى فخيال الشعر يرتاد الثُريا رحمك الله الشاعر الفخم صديق مدثر imported_زول الله مشاهدة ملفه الشخصي إرسال رسالة خاصة إلى imported_زول الله البحث عن المشاركات التي كتبها imported_زول الله 25-09-2017, 08:46 AM #[14] ناصر يوسف :: كــاتب نشــط:: اقتباس: المشاركة الأصلية كتبت بواسطة زول الله بركة الجيت يازول ياسمح اول حاجة الناس هنا على دين اصحابها وركز لي في اصحابها دي عشان تاني ماتنكروا انو في شلليات في سودانيات تقوم وتقعد مع بعض تاني حاجة التحيز الفكري موجود وبكثرة هنا وطافح زي الماسورة المكسورة وناسه مابقبلوا بي رأي من يخالفهم مهما كان وعندك ابوجعفر أوضح مثال حتى انه يستخدم الساتر "البلوك" تجاه مخالفيه ودا إفلاس واضح. تالت حاجة الانشغال بالحراك المسمى جدلاً "ديمقراطي" في إدارة المنبر وهو لايمت للديمقراطية سوى بالأدوار الأولية في "مسرحيتها" ثم صمت. رابع حاجة حمدالله على السلامة حجا مبرورا وذنبا مغفورا ياحاج اقول قولي هذا واستغفرالله لي...................... حبابك ود الشيخ أشكرك يا فخيم التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 25-09-2017, 12:37 PM #[15] imported_أمير الأمين :: كــاتب نشــط:: اقتباس: المشاركة الأصلية كتبت بواسطة ناصر يوسف ثُمَ إنو مشتاقين ليكم كلكم ياخ بأمزجتكم المختلفة الهادي منها والعكران نحن ما مشتاقين ولا حاجة قال حاج قال .... imported_أمير الأمين مشاهدة ملفه الشخصي إرسال رسالة خاصة إلى imported_أمير الأمين البحث عن المشاركات التي كتبها imported_أمير الأمين صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 12:11 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
