راكوبة المجادعات.. النمة والدوباي

[فيصل سعد]

المشاركة الأصلية كتبت بواسطة طارق صديق كانديك

وعليكم السلام والرحمة ...

فيصل ود سعد كيفك يا جميل ... !!

الحنضل صعب فرتق حشاي أتصدع
من ولهي العلي جرعتو من المنبع
الشال منامي وعين الحاسدين تتهجع
ضقتا الويل ضقتا الكي فوق اللصبع

سلام يا ود عمك ، و عن اذنك ممكن
نوزن ليك شغلك دا، اصلوا اخوك الايام
دي اخصائي اوزان و جس و توزيع
لحم و خبيز و الذي منو مقايس و مكاييل
و خبير تقديرات مواقف و كدا


الحنضل صعب فرتق حشاي أتصدع
من ولهي العلي اتجرعتو من المنبع
الشال منامي وعين الحسود تتهجع
ضقتا الويل و ضقتا الكية فوق اللصبع

اعد القراءة و ادينا راييك
و ادينا معاك الفاتحة

[طارق صديق كانديك]

المشاركة الأصلية كتبت بواسطة فيصل سعد

سلام يا ود عمك ، و عن اذنك ممكن
نوزن ليك شغلك دا، اصلوا اخوك الايام
دي اخصائي اوزان و جس و توزيع
لحم و خبيز و الذي منو مقايس و مكاييل
و خبير تقديرات مواقف و كدا


الحنضل صعب فرتق حشاي أتصدع
من ولهي العلي اتجرعتو من المنبع
الشال منامي وعين الحسود تتهجع
ضقتا الويل و ضقتا الكية فوق اللصبع

اعد القراءة و ادينا راييك
و ادينا معاك الفاتحة

ههههه (( دي للأحمر )) ...

مع تقديري الشديد للجرس الفني عندك ..
(( جرعتو )) بفعلي أنا مما يضفى قوة على المعني (( اتجرعتو )) دخول ( الألف والتاء ) تفيد بشئ من التراخي وربما تمت بفعل آخرين .. !!

الحاسد كان بقى واحد أنا ما بشكيهو .. هههههه لكنهم الكثرة التي غلبت الشجاعة ... !!

بس بيني وبينك أجمل عين الحسود فعلا .. من ناحية الوزن .. شكراً كتير

( الكي ) يفيد الكثرة غير أن ( الكية ) تفيد المفرد ... وأخوك راسو ناشف كية واحدة ماااا بتسوي ليهو شئ ...

سعيد بقرأتك جداً

مودتي

[elle]

بسمة ووردتين لي ناس كتير سروني
بي القول السمح حالي الكلام وروني
يا ريت من زمان لي حرفهم قروني
بي يد من جمال لي دربهم جروني






إحترامي

[تحفة حوا]

يا ناس راكوبتكم وريفة ضليلة
ونميكم دايرلو مني تهليلة
عاجبني من أول يوم وليلة
وسلام للناس النبيلة وأصيلة

[طارق صديق كانديك]

المشاركة الأصلية كتبت بواسطة elle

بسمة ووردتين لي ناس كتير سروني
بي القول السمح حالي الكلام وروني
يا ريت من زمان لي حرفهم قروني
بي يد من جمال لي دربهم جروني


إحترامي

مرحبتين حباب ست الحروف ومعاني
بسمة ووردتين شايلات غنا وأماني
انضمي عقدك اللولو وأقيفي ثواني
سارة تجيك ومي قاااعدة وناساً تاني


تحياتي

[طارق صديق كانديك]

المشاركة الأصلية كتبت بواسطة تحفة حوا

يا ناس راكوبتكم وريفة ضليلة
ونميكم دايرلو مني تهليلة
عاجبني من أول يوم وليلة
وسلام للناس النبيلة وأصيلة

تحفة حوا جات تقدل سمح تعليلا
بت ناسا عزاز سندو البيرزح ميلا
ست قولا عفيف حاشاها ماها(سغيلا)
ضيف الهجعة بتسندو وتزيد في كيلا

[طارق صديق كانديك]

السجمان أخوي غيبتك أكيد واجعاني
ودالزين ينم لي الشكرة جابلو معاني
ينضم في الفخر وفي الريدة شيتا تاني
ناقصنك عدييييل أمرق تعال ما تواني

[سارة]

المشاركة الأصلية كتبت بواسطة طارق صديق كانديك

السجمان أخوي غيبتك أكيد واجعاني
ودالزين ينم لي الشكرة جابلو معاني
ينضم في الفخر وفي الريدة شيتا تاني
ناقصنك عدييييل أمرق تعال ما تواني

طارق يا الكلس ان شاء الله ما تستوجع

ود الزين ما هو هين زى الفهد بيتضرع

ومى هاشم يمين... فارسة لابسة المقنع

متين يا الله هوى سجمان يرد اويرجع

[احمد زين]

المشاركة الأصلية كتبت بواسطة سارة

طارق يا الكلس ان شاء الله ما تستوجع

ود الزين ما هو هين زى الفهد بيتضرع

ومى هاشم يمين... فارسة لابسة المنع

متين يا الله هوى سجمان يرد اويرجع

انت رجعتي .... باكر برجع السجمان
محل ما يكون جمال روحك بيكون هو كمان
افقدو الزول ده وين غاتس في ياتو مكان
شاحد الله الكريم ما يكون طلع زعلان

[مي هاشم]

ما تنسينا من دعواتك بعدين ... [/QUOTE]

بدعيلك في جوف الليل بطن الدّجى..
لاحّه على الكريم انا في رجا..


أبت تتم هسي..برجع ليها تاني..ولا اقول ليك؟؟تمها انت وادعي لي معاك.

[سارة]

المشاركة الأصلية كتبت بواسطة أحمد محمد زين حسين

انت رجعتي .... باكر برجع السجمان
محل ما يكون جمال روحك بيكون هو كمان
افقدو الزول ده وين غاتس في ياتو مكان
شاحد الله الكريم ما يكون طلع زعلان

أحمد يا عشاى زعل الحبيب مغفور

يمين لو جانا راجع ..نمشى البنية نزور

طارق نّمو حالى... بيحنن العصفور

انا ببدا الغنى.. وأت حّرر الطمبور

[مي هاشم]

المشاركة الأصلية كتبت بواسطة طارق صديق كانديك

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر)
ممشوق القوام يسلم خديدو النائر

القسّم منامي ومسّخ علي الرّقده..
والروح شحتفا قصاني حيلي اتهدّ..
غالبني الصبر وراهو بابو انسدّ..
يسلم من دبي لامن يزور ناس جدّه..

[سارة]

المشاركة الأصلية كتبت بواسطة طارق صديق كانديك

الليلة البريق زحزح فؤادي الهادي
يشلع يرمي في ساعتو انبهل حدادي
غرّق .. والبهم جقلب هناك بي غادي
زي فرح الوليدات يومن يشيل عبادي

يوم شال البريق ونّور هناك فى القبلى

طرانى الحبيب وايام هناى ووصلى

يا ناسى الوعود ريقك شفاى ومصلى

ارحم زول بريدك ونار قلبو يوت مشتعلى

[مي هاشم]

محاحاة الدوباي والمسادير مع السهر غلبتني عديييييييييييييل وراسي كابس الليلة وزول يكاويني ويدورني مافي!!!
لا باكر بحول الله..

[مي هاشم]

المشاركة الأصلية كتبت بواسطة سارة

يوم شال البريق ونّور هناك فى القبلى

طرانى الحبيب وايام هناى ووصلى

يا ناسى الوعود ريقك شفاى ومصلى

ارحم زول بريدك ونار قلبو يوت مشتعلى

الله عليك يا سارة..جميل..رقيق وراقي وجوة الجوة عدييييييييل
بس الراس كااااااااااااااابس