طحنية

[أبوبكر عباس]

المشاركة الأصلية كتبت بواسطة فتح العليم الإمام

سلام وتقدير
والله ياعباس انت بالجد راجل ممتع الواحد اكون [/COLOR]

الراوي بكّة يا عليم، خُلق لتجميل هذا الفضاء
شكرا لمرورك وما تخلط بين الراوي وباكر عباس

[أبوبكر عباس]

المشاركة الأصلية كتبت بواسطة شبارقة

نعم .. ست علب وليس ستة علب

تحياتي ،،،

داير تقنعني إنك لو مشيت لكنتين ود عمرابي بالشبارقة طرف وداير الولد يودي ليك الطحنية (للسيارة) بتقول ليهو: عليك الله يا جنى شيل علب الطحنية الست وديهم العربية؟
وحات الله، الجنى يقعد يتلفت للست المعاك دي واقفة وين!
يا أخي بالله قوم كدا،
لاحظ للغة السرد وخطوط بناء القصة بعدين تعال إتكلم معاي

[مبر محمود]

عليك الله، يا بروف، تعال فهم الجماعة ديل

أمحُمّد ود فضل المولى، مرشح الوطني الإتحادي في إنتخابات الديمقراطية التانية في إحدى دوائر الجزيرة، الأهالي قالوا ليهو مالك يا حاج أمحمد في حملتك الإنتخابية دي ما بتنضم لينا نضمي ثقافة زي المرشحين التانيين؟ قال ليهم أنا نضمي الثقافة وحاتكم ما بغلبني، لكن الحاميني ليهو الطير الزيكم ما يفهموهو!

[أبوبكر عباس]

المشاركة الأصلية كتبت بواسطة طارق صديق كانديك

مازلت تصنع الصباحات الجميلة يادكتور، وكمان جابت ليها طحنية

أول ما جيت مدني، ومشيت المدرسة كانوا بدوني للفطور 3 قروش، بفطر بقرشين وبوفر قرش لطحنية نهاية الإسبوع
يوم الخميس بجيب (الستة) قروش الوفرتها وبديها لطلحة بتاع الدكان عشان يديني ربع كيلو وبكون شايل معاي ساسويا، أول ما طلحة يرجع للصفيحة عشان يتم الميزان بعلق الساسويا في هيكل الميزان في كفة ربع الكيلو، يعني بكون إشتريت ربع كيلو وساسويا.
تشيل الربع كيلو وتمشي تقعد بين الترعة وخط السكة حديد ومتعتي كانت أسف الطحنية وناس قطر سنار المسطحين بتفرجوا عليّ

[فتح العليم]

المشاركة الأصلية كتبت بواسطة بابكر عباس

الراوي بكّة يا عليم، خُلق لتجميل هذا الفضاء
شكرا لمرورك وما تخلط بين الراوي وباكر عباس

تمام لن نخلط بين الراوي وبابكر عباس .
شاكرين التوضيح

[ياسر ابراهيم]

المشاركة الأصلية كتبت بواسطة بابكر عباس

.
تشيل الربع كيلو وتمشي تقعد بين الترعة وخط السكة حديد ومتعتي كانت أسف الطحنية وناس قطر سنار المسطحين بتفرجوا عليّ

الحته دي بالذات يا بابكر لوحه قدر ما تضرب فيها فرشه الالوان ما تديك الا مزيدا من الحلاوه .. حلاوه كطعم الطحنيه
صراحه تخيلت نفسي قادما من سنار ومسطح علي ذات القطار واتاوق لي تلك اللوحه وانت بتسف..
ذلك مع المحبه ،،،

[مها عبدالمنعم]

المشاركة الأصلية كتبت بواسطة بابكر عباس

يا مها، يا أخي، انتي زولة أديبة وقاصّة، شنو البخليك تخلطي بين الراوي وبكّة الحقيقي زيك وزي القراء العنقالة ديل!
يا أخوانا، كاتب البوست هو الراوي بكّة وليس العضو بكّة
عليك الله، يا بروف، تعال فهم الجماعة ديل

[أبوبكر عباس]

المشاركة الأصلية كتبت بواسطة ياسر ابراهيم

الحته دي بالذات يا بابكر لوحه قدر ما تضرب فيها فرشه الالوان ما تديك الا مزيدا من الحلاوه .. حلاوه كطعم الطحنيه
صراحه تخيلت نفسي قادما من سنار ومسطح علي ذات القطار واتاوق لي تلك اللوحه وانت بتسف..
ذلك مع المحبه ،،،

عليك الله، يا ياسر، وريهم
يا اخي نحن الأدباء ديل أصبح لدينا مؤخراً مشكلة في وجود قارئ جميل زيك كدا، يُسقط كل إحباطاته قبل الولوج من بوابة المنتدى.
صدق أمحُمّد ود فضل المولى، نحن عندنا ثقافة كتيرة، لكن السوق ضعيف!

[مها عبدالمنعم]

المشاركة الأصلية كتبت بواسطة بابكر عباس

عليك الله، يا ياسر، وريهم
يا اخي نحن الأدباء ديل أصبح لدينا مؤخراً مشكلة في وجود قارئ جميل زيك كدا، يُسقط كل إحباطاته قبل الولوج من بوابة المنتدى.
صدق أمحُمّد ود فضل المولى، نحن عندنا ثقافة كتيرة، لكن السوق ضعيف!

هههههههههههههه غايتو اعفي لي جدا اشان ضحكي الب الاساس انت سببه

[عبدالله علي موسى]

سلامات يا بابكر،

كانت العائلة و معارفهم يتندرون لفترة طويلة انني في أول حجة لي- أعتقد كنت الخامسة لكن حاجي رسمي و رجمت إبليس زي المافي أي حاجة.

وقفت في تلك الساعة البهية في جبل عرفات رفعت يدي للسماء قلت بأعلى صوت يا رب "ا عطيني حمامة"، الموضوع سبب ضجة وسط بعض الحجاج و منهم من تكفل بأن يشتري لي قفص حمام حين إنتهاء الشعائر "ربما كان لسان حالة بعضهم "علينا الحمامة دي! بس عليك الله ما تعمل لينا زحمة هنا" لا حوجه للقول أن الأمنية تحققت بدون تدخل هؤلاء المبادرين، إنكربتة جبته حمامي براي بعون الله.

استطيع أن ادعي إنو أمنيتي كانت أنبل بقليل من مسألة الطحنية والشعرية.

تحياتي

[أسعد]

غايتو يا بكور
كل ما اقرأ ليك
بقوم اخد راحتي اكتر واكتر في الهبالة
عشان انافسك في تفوقك المتفرد دا











بيد اني عجزت
الان انا اعترف انك اهبل مني يا بكور ^_^

[أبوبكر عباس]

المشاركة الأصلية كتبت بواسطة أسعد

المتفرد دا











بيد اني عجزت

المسافة الخالية القاعدين اتا وقيقراوي تعملوها في مداخلاتكم سرها شنو؟

[أسعد]

المشاركة الأصلية كتبت بواسطة بابكر عباس

المسافة الخالية القاعدين اتا وقيقراوي تعملوها في مداخلاتكم سرها شنو؟

واللاي ما عارف
يمكن سرها دينا خالد gap
















شوفت طرشقت ليك تلميحك كيف؟!gap

[أبوبكر عباس]

المشاركة الأصلية كتبت بواسطة عبدالله علي موسى

استطيع أن ادعي إنو أمنيتي كانت أنبل بقليل من مسألة الطحنية والشعرية.

تحياتي

الطحنية يا عبد الله ترمز لكل الحاجات الحلوة بما فيها الحمام

[أبوبكر عباس]

المشاركة الأصلية كتبت بواسطة أسعد

شوفت طرشقت ليك تلميحك كيف؟!gap

غايتو يا أسعد، أنا ما قاعد أشوف مداخلاتك هبلة!
قاعدة تكون صعبة الفهم
وبقيت بقراها لمان تعتّر لي بس