طحنية

[أسعد]

المشاركة الأصلية كتبت بواسطة بابكر عباس

وبقيت بقراها لمان تعتّر لي بس

اصلن الحياة دي عبارة عن عتّرة
حبوباتنا عترنن لي اجدادنا
قاموا اجدادنا عتروا لي حبوباتنا
فقامن حبوباتنا عترن اباءنا وامهاتنا
فقامن امهاتنا عترن لي اباهتنا
وقاموا ابهاتنا عتروا امهاتنا
فقامن امهاتنا عترننا نحن







أنا اسي شايل هم الرشيد
خايف ام اسماعيل ما تعتر ليهو
فيقوم يعتر لي روحو ويجيب اسماعيل براهو gap

[تماضر حمزة]

غايتو الطحنية دي كان سوّتك زي دا.. باكر نلقاك معلق في البانر

http://www.youtube.com/watch?v=BUQ41Ta0tQs

[الرشيد اسماعيل محمود]

المشاركة الأصلية كتبت بواسطة أسعد

أنا اسي شايل هم الرشيد
خايف ام اسماعيل ما تعتر ليهو
فيقوم يعتر لي روحو ويجيب اسماعيل براهو gap

فكرة العرس المعشعشة في راسك دي يا وجدي، إن تحمل عليها تلهث، وإن تتركها برضو تلهث، فياخي طالما الموضوع أصلاً سيك معلّق في اللهاث، إتوكّل وأحمل عليها ساي، خلينا نرتاح من طحنية بكّة دا.

[أمين محمد سليمان]

المشاركة الأصلية كتبت بواسطة بابكر عباس

بعد سحبت مداخلتي الأخيرة ببوست زهرة الغرق ومقاطعتي غير المعلنة لبوست حاج ماجد المستعدي فيهو (الزملاء) وبوست شليل الدفاعي بجنس الإستعداء؛ نطيت من الكمبيوتر وجري على أقرب بقالة، وبالصدفة لقيت البقالة التحتنا إسمها سمسمة، طوالي توشك على رفوف الطحنية ونزلت ليك من كل الأنواع علبة وإشتريت كرتونتين بيبسي وجري على الكاشير.
في البيت رصيت علب الطحنية الستة ومعاهم علبتين بيبسي في التربيزة وفتحت التلفزيون على قناة MBC2 وطفيت الانوار وجبت الريموت بتاع الرسيفر الإتش دي والتلفزيون الإل إي دي؛ عشان لمان تجي دعايات مرقة ماجي، أحول القناة لMBC
Max
قلت يا ود، يا أبكر، كدي تعال نتفاهم:
- إتّا قبل أربعين سنة وانت راكب القطر من شندي وماشي مدني، حلمك الكبير كان شنو؟
- رديت، الكضب خيبة، حلمي كان: طحنية وشعيرية وباسطة بالكنافة
- طيب ربنا دا، قصر معاك في أحلامك دي، عشان تجي تحاجج في عبادو المتصلين بيهو والمنفصلين منو والبين بين؟
- سؤالك فهمت نصو! بالنسبة لي، أبداً ما قصّر معاي تب وكل ما أحلم بشئ يديني منو ستة علب.

والله يا بكة نحن ذاتنا الله ادانا ستة علب بوجودك معانا هنا !!
المؤسف إنو الناس دي ما عارفه قيمتك !!

[لنا جعفر]

المشاركة الأصلية كتبت بواسطة بابكر عباس

أول ما جيت مدني، ومشيت المدرسة كانوا بدوني للفطور 3 قروش، بفطر بقرشين وبوفر قرش لطحنية نهاية الإسبوع
يوم الخميس بجيب (الستة) قروش الوفرتها وبديها لطلحة بتاع الدكان عشان يديني ربع كيلو وبكون شايل معاي ساسويا، أول ما طلحة يرجع للصفيحة عشان يتم الميزان بعلق الساسويا في هيكل الميزان في كفة ربع الكيلو، يعني بكون إشتريت ربع كيلو وساسويا.
تشيل الربع كيلو وتمشي تقعد بين الترعة وخط السكة حديد ومتعتي كانت أسف الطحنية وناس قطر سنار المسطحين بتفرجوا عليّ

بابكر مساك زاهي...
ورغم انك ما ح تعبر زاهي دي اي تعبير كونك مارومانتييييك
فح اعمل العلي وادلف لي مرادي توووشك
دون انتظار رد التحية بي اجمل منها
انا ماعارفة ساسوبا بالياء ولا بالبون لكن عجبتني غايتو
فوريني ليها ينوبك ثواب
كما انه وضحت لي
خفة يد الراوي.....
والطفولة المشردة لي شفع العرب الفتارى على قول حميد
ومبارات القواطر...

* القواطر دي الجمع بتاع بابا جدو للقطارات عليم الله
يقول ليك ...
إهنا ولاد رمسيس الساني ياهودنا أبود بالقواتر ؟؟؟
داهية تِهرب بيت أبود وبلا بلا بلا بلا
وبلا بلا بلا دي فيها لازمات من لوازم الحلفاويين بتوقعني تحت طائلة اللائحة ان قلتها
المهم بوست زريف وتعيش طحنية الراوي ...تعيش تعيش تعيش

[أبوبكر عباس]

المشاركة الأصلية كتبت بواسطة لنا جعفر

بابكر مساك زاهي...
ورغم انك ما ح تعبر زاهي دي اي تعبير كونك مارومانتييييك
فح اعمل العلي وادلف لي مرادي توووشك
دون انتظار رد التحية بي اجمل منها
انا ماعارفة ساسوبا بالياء ولا بالبون لكن عجبتني غايتو
فوريني ليها ينوبك ثواب
كما انه وضحت لي
خفة يد الراوي.....
والطفولة المشردة لي شفع العرب الفتارى على قول حميد
ومبارات القواطر...

* القواطر دي الجمع بتاع بابا جدو للقطارات عليم الله
يقول ليك ...
إهنا ولاد رمسيس الساني ياهودنا أبود بالقواتر ؟؟؟
داهية تِهرب بيت أبود وبلا بلا بلا بلا
وبلا بلا بلا دي فيها لازمات من لوازم الحلفاويين بتوقعني تحت طائلة اللائحة ان قلتها
المهم بوست زريف وتعيش طحنية الراوي ...تعيش تعيش تعيش

مساك فل، مساك إشطة، مساك الخير يا أمر
الساسويا أو الساسوية في أدبنا المكتوب لاقتني في قصيدة القدال: مسدار أبو السرة
"كانت نايمة بين حجرين وضُل ساسوية
وعُمّال الطّمِي الصّحونا لّمُو حصى البحر"

نحن في مدني بنطلقها على الحصى بتاع الخرطانة والمدور منه كنا بنلعب بيهو البلي

[عكــود]

سلام بابكر،

بوست ممتع والمداخلات ممتعة خالص.

الساسوية بنقولها لقطعة من القزاز المكسّر؛ أما الجبت صورتو ده، بنسميه الحصحاص، وقديماً، الحطنقال.

[كيشو]

المشاركة الأصلية كتبت بواسطة لنا جعفر

بابكر مساك زاهي...
ورغم انك ما ح تعبر زاهي دي اي تعبير كونك مارومانتييييك
فح اعمل العلي وادلف لي مرادي توووشك
دون انتظار رد التحية بي اجمل منها
انا ماعارفة ساسوبا بالياء ولا بالبون لكن عجبتني غايتو
فوريني ليها ينوبك ثواب
كما انه وضحت لي
خفة يد الراوي.....
والطفولة المشردة لي شفع العرب الفتارى على قول حميد
ومبارات القواطر...

* القواطر دي الجمع بتاع بابا جدو للقطارات عليم الله
يقول ليك ...
إهنا ولاد رمسيس الساني ياهودنا أبود بالقواتر ؟؟؟
داهية تِهرب بيت أبود وبلا بلا بلا بلا
وبلا بلا بلا دي فيها لازمات من لوازم الحلفاويين بتوقعني تحت طائلة اللائحة ان قلتها
المهم بوست زريف وتعيش طحنية الراوي ...تعيش تعيش تعيش

سلام يا لنا
بطلنا عندو لحم نبت من سحت، وهو لحم بوزن ساسوبا أسبوعيا واحسبي الشهور والسنين
الحمد لله طحنية الزمن دا بتجي موزونة
ممكن نشوف نقد ذاتي في الحتة دي

[أبوبكر عباس]

المشاركة الأصلية كتبت بواسطة عكــود

سلام بابكر،

بوست ممتع والمداخلات ممتعة خالص.

الساسوية بنقولها لقطعة من القزاز المكسّر؛ أما الجبت صورتو ده، بنسميه الحصحاص، وقديماً، الحطنقال.

سلام العمدة
قول وافقت أندرج تحت لواء ثقافة الشايقية
أقول شنو لأميرنا القدال القال:
بين حجرين وضل ساسوية كانت نائمة؟؟

[أبوبكر عباس]

المشاركة الأصلية كتبت بواسطة كيشو

سلام يا لنا
بطلنا عندو لحم نبت من سحت، وهو لحم بوزن ساسوبا أسبوعيا واحسبي الشهور والسنين
الحمد لله طحنية الزمن دا بتجي موزونة
ممكن نشوف نقد ذاتي في الحتة دي

يا كيشو، السُحت بحسبوهو بعد البلوغ، اللهم إلا تكون داير تقول انو نحن دخلونا المدرسة بالغين
دي، إسمها طفولة
طفولة

عليك الله، شوف المكان الكنا بنخت فوقوالساسوية عشان نزيد الوزن (لاحظ السهم الأسود)

[لنا جعفر]

المشاركة الأصلية كتبت بواسطة كيشو

سلام يا لنا
بطلنا عندو لحم نبت من سحت، وهو لحم بوزن ساسوبا أسبوعيا واحسبي الشهور والسنين
الحمد لله طحنية الزمن دا بتجي موزونة
ممكن نشوف نقد ذاتي في الحتة دي

كيشونوفا...مساك نور ياغالي
ياشيخنا انت ماعارف انه رُفع القلم عن ثلاث؟؟؟
معقول ياخ جاي تتهم قوى اليسار والدين متصرف معاهم ومخارجم؟؟
الراوي كان صبي والحكم بتاع الحديث قال ليك رُفع القلم عن ثلاث
.......و..........و الصبي حتى يحتلم
فدحين البطل كان صبي
وإنقاذ القوى الديمقراطية لبعضها فرض عيييييييين ياشيخنا
فما تجربنا في الفتاوي والتخاريج .
ولو عدمنا بنشتغل ليك بي حديث استفتِ قلبك وان افتوك وان افتوك وان افتوك
اصلو المخارجة ما بتغلبنا....ويارب يكون ده درس ليكم
عشان ما تملكو الحلفاويين مفاتيح الشغل وتفقهوهم وتنعنشوهم .
اها عاين لوحة الرواية انت كويس الرسما بكة ,,,,قال ليك ..شفع العرب الفتارى
البفنو الشايلا ايدم ويجرو كايسين القُطارا
لاسراب الصحرا موية....ولا حجار سلوم موايد
تأمل !!
بعدين ياخ سحت ميييييين ياعم؟؟؟
الراوي مسكين منطبق عليهو قول
عمك الشريف محجوب شريف

حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية

فخلينا من الساسوبايا دي وصبا الراوي او كلمنا عن السحت الجد جد
واحكي عن الولايات المتحدة الأجرامية
بقت على ساسوبة الراوي الصغير وجاهل ؟؟
----

*الولايات المتحدة القصدا عمو محجوب في نصو ...
مايمشي بالك بعيد وتعتبرنا رعاة
مناهضة للأمبريالية كفى الله الشر
كيشو ياخ يضحك مساك النور

[عكــود]

المشاركة الأصلية كتبت بواسطة بابكر عباس

سلام العمدة
قول وافقت أندرج تحت لواء ثقافة الشايقية
أقول شنو لأميرنا القدال القال:
بين حجرين وضل ساسوية كانت نائمة؟؟

سلام يا بابكر،

والقال ليك منو انو القدال قاصد المعنى بتاعك؛
ليه ما يكون قاصد المعنى بتاعي.

[لنا جعفر]

المشاركة الأصلية كتبت بواسطة بابكر عباس

يا كيشو، السُحت بحسبوهو بعد البلوغ، اللهم إلا تكون داير تقول انو نحن دخلونا المدرسة بالغين
دي، إسمها طفولة
طفولة

عليك الله، شوف المكان الكنا بنخت فوقوالساسوية عشان نزيد الوزن (لاحظ السهم الأسود)

مساء النور والهنا والسرور يادكترة
ده توارد مداخلات يابكة.....لكن بيني وبينك ماخسارة في كيشو
هسا الساسوبا وين هنا ؟؟
اول قايلاها الميزان وراسي ضرب
غايتو الليلة انت وشبارقة باااالغتو معاي

[كيشو]

المشاركة الأصلية كتبت بواسطة بابكر عباس

يا كيشو، السُحت بحسبوهو بعد البلوغ، اللهم إلا تكون داير تقول انو نحن دخلونا المدرسة بالغين
دي، إسمها طفولة
طفولة

عليك الله، شوف المكان الكنا بنخت فوقوالساسوية عشان نزيد الوزن (لاحظ السهم الأسود)

تسرق وتكاوي المسافرين وبرضو ما بالغ، امشي يا زول احسب ساسويات الطحنية تلقاهن طنين تلاتة
بالغت ياخ

[كيشو]

المشاركة الأصلية كتبت بواسطة لنا جعفر

كيشونوفا...مساك نور ياغالي
ياشيخنا انت ماعارف انه رُفع القلم عن ثلاث؟؟؟
معقول ياخ جاي تتهم قوى اليسار والدين متصرف معاهم ومخارجم؟؟
الراوي كان صبي والحكم بتاع الحديث قال ليك رُفع القلم عن ثلاث
.......و..........و الصبي حتى يحتلم
فدحين البطل كان صبي
وإنقاذ القوى الديمقراطية لبعضها فرض عيييييييين ياشيخنا
فما تجربنا في الفتاوي والتخاريج .
ولو عدمنا بنشتغل ليك بي حديث استفتِ قلبك وان افتوك وان افتوك وان افتوك
اصلو المخارجة ما بتغلبنا....ويارب يكون ده درس ليكم
عشان ما تملكو الحلفاويين مفاتيح الشغل وتفقهوهم وتنعنشوهم .
اها عاين لوحة الرواية انت كويس الرسما بكة ,,,,قال ليك ..شفع العرب الفتارى
البفنو الشايلا ايدم ويجرو كايسين القُطارا
لاسراب الصحرا موية....ولا حجار سلوم موايد
تأمل !!
بعدين ياخ سحت ميييييين ياعم؟؟؟
الراوي مسكين منطبق عليهو قول
عمك الشريف محجوب شريف

حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية

فخلينا من الساسوبايا دي وصبا الراوي او كلمنا عن السحت الجد جد
واحكي عن الولايات المتحدة الأجرامية
بقت على ساسوبة الراوي الصغير وجاهل ؟؟
----

*الولايات المتحدة القصدا عمو محجوب في نصو ...
مايمشي بالك بعيد وتعتبرنا رعاة
مناهضة للأمبريالية كفى الله الشر
كيشو ياخ يضحك مساك النور

شوفي يا قريبتنا
الزول دا ما يغشك؛ دا بلوغو غير قابل لاثبات العكس
بالطريقة بتاعتك دي حأغير رأيي وما بشاركك في مكتب المحاماة الكنت ناوي أفتحو
هسي كان جاك عمك سيد الدكان حتكتبي كلامك الكتير دا ؟ وناس السحت يطلعو عشان انتي ديمقراطية وبتكرهي الحكومة
كبري دماغك يا أستاذة؛ وما تخافي من الفقر، كان بكة دا ربننا هداهو بجيني أنا؛ وكان انطمس وقال أنا ما كنت بالغ وقرر يوفر لحم السحت للنار حيجيك إنتي ونحنا الكسبانين، فبالله ما تخلينا نختلف قدام الناس ديل