كروم

[أبوبكر عباس]

جاتني رسالة في الخاص من ود عثمان قال لي فيها: "بكور، يا أخي، أنا مشغول شوية الأيام دي، وما بقدر أتواجد بالمنتدى؛ دحين تولى مؤقتاً الوعي الفني، فأنا (أي ود عثمان) أخاف عليكم إن فارقتم الموسيقى والفن؛ أن تسودّ قلوبكم وتزداد غلظة"
قلت له: ليس لي بالفن معرفة وذوق
قال لي:"ما لها إلا أنت يا بكور"

أها وأنا بتصفح في سودانيز لقيت لي زول جميل اسمو عبد المنعم سيد أحمد كاتب ليهو بوست عن بت تشبه الشربوت رابع يوم في عيد الضحية، وبعد سمعت الأغنية الأولى لها؛ حسيت انو أنا داير أبلعتها جب
بسم الله نبدأ الإستنارة الفنية:
الجميلة مكارم بشير الشهيرة عندي بكرومة أو كروم أو ك رومية
الأغنية الأولي لفيصل سعد:

YouTube

[أبوبكر عباس]

الغريبة قبل كدا سمعتها كانت عادية، لكن المرّة دي؛ كسرتني تح تح تح

[أبوبكر عباس]

بعد نجاح تجربتي الفنية مع زمراوي بدبي؛ في إحتمال كبير أبدأ تعاون فني مع مكارم بشير وفاطمة عمر.

[أمير الأمين]

المشاركة الأصلية كتبت بواسطة أبوبكر عباس

وفاطمة عمر.

لعلها عربون/ثمرة الصداقة...!

[خالد غالي]

وبعد سمعت الأغنية الأولى لها؛ حسيت انو أنا داير أبلعها جب

انا كان قالو لي ابلع، ببلع اللابسة التوب ديك

[أبوبكر عباس]

المشاركة الأصلية كتبت بواسطة أبوبكر عباس

الأغنية الأولي لفيصل سعد

عليك الله، يا فيصل، ركز في المقطع دا: "قلبك رغم الطيبة الفوقو أنا بستغرب كيف يتبدل"

[أبوبكر عباس]

المشاركة الأصلية كتبت بواسطة أمير الأمين

لعلها عربون/ثمرة الصداقة...!

أو الحب بدون عربون

[أبوبكر عباس]

المشاركة الأصلية كتبت بواسطة خالد غالي

انا كان قالو لي ابلع، ببلع اللابسة التوب ديك

مشكلتك يا غالي، داير تبلع بخشمك ونحن بنبلع بأحاسيسنا الدفاقة
عشان تعرف ليش الجكس مكسر فوقي يا ما رقيق

[الرشيد اسماعيل محمود]

المشاركة الأصلية كتبت بواسطة أبوبكر عباس

بعد نجاح تجربتي الفنية مع زمراوي بدبي؛ في إحتمال كبير أبدأ تعاون فني مع مكارم بشير وفاطمة عمر.

الفنان زمراوي في ضيافة المستنير أبو بكر عباس

[الرشيد اسماعيل محمود]

المشاركة الأصلية كتبت بواسطة أبوبكر عباس

جاتني رسالة في الخاص من ود عثمان قال لي فيها: "بكور، يا أخي، أنا مشغول شوية الأيام دي، وما بقدر أتواجد بالمنتدى؛ دحين تولى مؤقتاً الوعي الفني، فأنا (أي ود عثمان) أخاف عليكم إن فارقتم الموسيقى والفن؛ أن تسودّ قلوبكم وتزداد غلظة"
قلت له: ليس لي بالفن معرفة وذوق
قال لي:"ما لها إلا أنت يا بكور"

يا مستنير،،
إنت ود عثمان دا رسّل ليك رسالة ولّ زارك في المنام؟

[فيصل سعد]

المشاركة الأصلية كتبت بواسطة أبوبكر عباس

عليك الله، يا فيصل، ركز في المقطع دا: "قلبك رغم الطيبة الفوقو أنا بستغرب كيف يتبدل"

ايوة خليك كدا بلا رسالة
تالتة بلا جن احمر

عارف قلبك وافي و مخلص
و انك تقسى دي حاجة بعيدة
ه
يا سلام عليك يا بابكر ياخي، هذه إحدى درر الشاعر الرقيق "محمد علي أبو قطاطي " شاعر المرسال و شن بتقولوا و الاماني العذبة و درب المحبة،، خلد زكي عبد الكريم هذه الاغنية في خارطة الغناء العاطفي.. الفنانة مكارم أدت الأغنية بتطريب جميل و حضور مميز و أضافت لها رونقا و القا ببسماتها الساحرة، و زي ما شايف كل الحضور معها في الاستوديو "نجوم كوميديا " مكسرين و دايرين يبلعوا زي خالد كدا شكرا للاهداء و نهديك برضو فنانة لها صوت رخيم و حضور جميل.. سنساهم معك في هذا البوست الذى نزل عليك وحيا و الهاما من صديقنا العزيز ود عثمان و هو قطع شك سيأتي و يعود للديار و سنكسب تحدي معتصم الطاهر و نفوز عليه و نتفوق في المحبة..

هدية للشفيف بابكر عباس و هو يحاول ترجمة و تحقيق
شعار العودة للبيت الكبير واقعا يمشي علي الارض :

هــاجر كبــاشي
"قول كلام تاني"


http://youtu.be/WHQ43D70Cng

لاحظ يا بكور عمك ابجلابية في فيديو الفنانة مكارم،
قاعد مستمع شديد في هذه الاغنية برضو، يا زول الفن
و الطرب بسحر الالباب و بخلي الزول في قمة النشوة زيو
زي الراح تماما و الدليل :

"نشوانة من خمر الفنون السامية ما خمر السكر"


http://youtu.be/bgIR8o4nYco

[فيصل سعد]

المشاركة الأصلية كتبت بواسطة أبوبكر عباس

بعد نجاح تجربتي الفنية
مع زمراوي بدبي؛

و الله يا نديدي يا شفيف نجاح تجربتك الفنية
الدقست تطلع تصديق حفلتها ديك، اخير منو
ترجمة عادل عسوم لكلمة اندرستميشن و كدا

و لو بتقصد نجاح تجربتك الفنية معاو في مجال آخر
مستتر غامتنو و نايمين بيو براكم انت و زمراوي عليك
الرسول تعفى لينا و ما تزعل و تسحب اللقب

[فيصل سعد]

المشاركة الأصلية كتبت بواسطة خالد غالي

انا كان قالو لي ابلع، ببلع اللابسة التوب ديك

الشفيف قال أبلعتها يا خالد أبلعتها ما أبلعها
فخليك دقيق و كدا و ما تنسي تدوا
الرشيد معاكم بلعة بلعتين عشان يبطل رقرقة
العيون و التلفت و الاندهاش

[ياسر ابراهيم]

بكور يا حبيبنا .... صدق ودعثمان (مالها الا انت يا بكور )
طبعا ذوقك وروعه اختياراتك لينا ما دايره كلام
البت غناااااايه وتطريبا عالي بس انا البزعلني في الناس البغنو اغاني الناس وما يكونو حافظين كويس
بلاهي شوف الحته بتاعه ( مهما يزيد المي وحرماني برضي سعادتك بتمناها)
جاطتا كيف ؟؟
ولكني اخشي عليك من سماع كروم دي في (نحنا ما ناسك) بتاعه ابوامنه وصالح الضي

[يحي عثمان عيسي]

المشاركة الأصلية كتبت بواسطة الرشيد اسماعيل محمود

يا مستنير،،
إنت ود عثمان دا رسّل ليك رسالة ولّ زارك في المنام؟

ما قلنا ليك يا الرشيد عشان عين تكرم مية عين