الفرق بين الثوره والانقلاب ..

[قرقاش]

المشاركة الأصلية كتبت بواسطة Hassan Farah

----------------------------------------------------------
بامانه ..انا قرقاش ...بداءت انحاز للانقاذ ...
يا خوى من زمان كاشفنك ومنتظرين .....اهو المديدة حرقتك....... او لامر فى نفس يعقوب نطقت بها براك....ريحتنا ياخ

يابروف الف تحيه وسلام ..
بالله انته صاحب انته ..؟ وانا اقول نديدي وود خلوتى ...وانته كاتم فى نفسك .. ياخى حرام عليك ..
ياعمك عبر ولايهمك ...حبك واحترامنا ليك اكبر ..
الا فى زمتك اخر مره شفته الخرطوم ( السودان ) متين وسنه كم ..
عشان التغير الذى اتحدث عنه ويكون كلامى واقع ليك

[قرقاش]

المشاركة الأصلية كتبت بواسطة زول الله

لمن الحركة الشعبية او الجبهة الثورية او الشيوعي او البعث او الأمة او الاتحادي او من لف لفهم يحمل السلاح ويركب الدبابات ويحتل القصر والاذاعة ويمسك بزمام الأمور..
دي تبقى ثورة شعبية بازخة يتم التهنئة بها على اوسع نطاق.
----
اي زول تاني غير ديل يعمل نفس الفوق دا
يبقى اكيييد و قطع شك إنقلاب راسو عديييل يازول
ندين ونشجب ونستنكر ونكتب في الاسافير ونملأ الدنيا ضجيج زاتو
بس









اقول قولي هذا واستغفرالله لي..........................

زول الله خلاص اتصالحنا ..ولا لسه ..؟ لو اتصالحنا ما بتسلم مالك ..؟

[قرقاش]

المشاركة الأصلية كتبت بواسطة آخـر المواني

طيب يا عمنا نمشي في موجك دا ونسأل أنت بتقيس الأفضل دا بي شنو ؟؟

يعني لو فرضنا انو قلنا انو اتغير للافضل او الاحسن؛ مقارنة بي شنو !

هل بالحالة قبل الانقاذ ؟ يعني الناس كانت كيف وهسة بقت كيف ؟؟

او بالحالة اللي من المفترض نكون عليها مقارنة بالناس الحوالينا وظروفهم مشابهة لينا؛ زي الدول من حولنا اللي كانو قريب مننا قبل الانقاذ ؟

اها ادينا اجابة عشان نديك رأي

اخر الموانى ..سلام يارجل ...
الاجابه نعم لكل ما لونته لك بالاحمر

[قرقاش]

المشاركة الأصلية كتبت بواسطة آخـر المواني

غايتو بعد مشاركتك بتاعة العمارات اللي في ناصر و روضتها وأطفالها صدقني عفيتك من الإجابة وأنا زاتي زهدت من أنو اواصل معاك هنا!

تعرف ليه؟

لأني اقتنعت انك معتبر الخرطوم دي هي السودان وانو الانقاذ دي بس جات لي ناس الخرطوم ..

اخر الموانى ...ياخى ماتخلى نفسك حار ..
براحه كده لو انا غلطان رجعنى للطريق الصحيح وورينى الانا ماشايفه ووحاه الله عمرى ماكابرته ...برجع ...وفورا وبالعاجل كمان وعندى ... الف نطه ولا واحد بعبوص ..
روق المنقه ياحبيبو ..
الخرطوم ما كل السودان ...
لكن طبيخ الباميه والخضره والمراره والقراصه والعصيده ...وووووووووووووووواحد فى كل السودان
و اغلب مايتم فى الخرطوم من اشكال الافراح والاتراح يتم فى باقى المدن حتى وان كان بنسب قليله
ومثلا هل الافراح التى تتم فى الصالات فى تلك المدن تختلف عما يتم فى الخرطوم ..؟ وهل هناك اساسا صالات ..ولناخد بورتسودان كمثال ..
اهم شئ براحه على عمك ..

[قرقاش]

المشاركة الأصلية كتبت بواسطة أبو جعفر

مرحبا حسن
وقرقاش ده حبيب الشعب ولو بقى الترابي ذات نفسه ما حنزعل منه..

زمان أيام النميري والأمن بيقبض في الشيوعيين ويعدم رؤسهم .. تلاسن الهادي الضلالي مع البوليس فقال له الضابط لو بقيت لينين يالهادي ما برتكب الكومر ده.. طبعاً الضابط عارف انو الهادي حزب أمة ... كمان نحن عارفين أنو قرقاش ديمقراطي أصيل.

ابوجعفر ..لك كل التحايا الطيبات والدعوات الصادقات بان يرزقك الله راحه البال ..والصحه والعافيه ..
الحكايه ماكدى ..الحكايه ..الكومر كان طالع من امظاهره للشيوعيين وكان مليان ... جكس ..وواحد شماشى مصر على الركوب فى الكومر وقعد يهتف هتافات الشيوعيه عشان يركبوهوا الكومر ..مع الجكس ...اها عمك الشاويش قال ليه الحكمه اعلاه ..
لك تحياتى ...و خلينا نهتف ...عاشت الشورى مع الديمقراطيه ..
اوعى اكون عكيت ..؟

[قرقاش]

المشاركة الأصلية كتبت بواسطة نزار حسن علي

قرقاش
تحياتنا
والله دي بالغته فيها عديل اهم شئ تكون نفسيا مرتاح لتفسيرك انو الانقاذ ثوره وانشاء الله تقيف علي ثوره وبس وجاتنا الاحلام بالحبيب المصطفي صلي الله عليه وسلم وكل زول بحلم بطريقتو ويقول الحبيب قال لي وقال لي شفته نحنا مدحرجين السودان لحفرة كبيرة لو وقفت عند تعريفك ده يكون اخف واهون ما عايز اضيف اي شئ عشان كان اضفته اي شئ زي ما بقول الفنان محمد الامين اه واتوجع

والله يانزار ياخوى من الهرشتين الشفتهم اعلاه ديل ...
قطعوا قلبى عديل .....وبقيت محتاج لى شجاعه عمر ...
بتاعت ثكلته امه من يلا قينى خلف هذا الجبل ..
ودى والله عمك ماعندو ..
لكين يانزار ياخوى اوولدى ..كدى براحه نراجع الثوره شنو....؟ ونتائجه شنو ..؟ والحفره البتقول عليها دى اكبر من حفره سوريا والعراق وليبيا واليمن ومصر اللى جنبنا ..ولا كم فى كم ..تحياتى

[قرقاش]

المشاركة الأصلية كتبت بواسطة آخـر المواني

اخر الموانى ياحبيب
نعم وحتى الخرطوم فيها ماهو اقبح من هذه الصور
وهولاء اذا لم يستيقظوا ويكتشفوا انهم عرايا وفقراء فلن ينعدل حالهم ..والله وحتى لو جاءت الف انتحابات ومليون ثوره ..
على العموم قد يكون ربع قرن يساوى من الزمن الكثير ..ولكنه لا شئ فى عمر الشعوب ...
اوتدرى كيف كان حال الاوربيين فى العام الذى حملتهم فيه الباخره ماى فلور الى الارض الجديده ...هولاء الذين فى الصوره احسن حالا منهم ..
على الاقل هم احرار
(( كفيلهم )) الله وانفسهم

[Hassan Farah]

المشاركة الأصلية كتبت بواسطة آخـر المواني

----------------------------------------------------------
اوفيت وكفيت اخونا آخر الموانئ....لكن منو البيقدر يقنع الكيزان المقرشين ديل....

[فيصل سعد]

سلامات و مراحب أستاذنا قرقاش
و نهديك هذه الأبيات للراحل حميد:

جرح الوطن ختالنا خط
ختالنا قول ما منه نط
و الليلي يا موت يا حياة
و خاتي البيختار الوسط

فعلى ذكر انك بقيت تنحاز للإنقاذ، فقالوا البتبلبل يعوم، فدحين انت انحزت لعصابة لصوص و حرامية و قتلة و طفيليين و مرتشين و سماسرة، فاعمل حساب انه انحيازك دا ما يجرجرك معاهم للمسائلة و كدا.

و ارقد عافية..

[زول الله]

عمنا قرقاش اولن بالتبادي ازييك وعساك فاين في هذه الفانية المافاينة وسامحنا على السهو

اها نجي لـ تانياً:
أأكد ليك بمالايدع مجالاً للشك وقطع شك عديييل
إنك وبهذا البوست الدسم قد دخلت التاريخ السودانوياتي من أوسع ابوابه كـ كــوز ومقرش* كمان
ولو مااخاف الكضب كوز بي كرش محترم
ف من هذا المنطلق اجدني متحمساً لأقول لك: مبروك التنصنيف الجديد ياعمك







*مقرش دي يعني عندك قروش النار ماتاكلا

اقول قولي هذا واستغفرالله لي.......................

[Hassan Farah]

[QUOTE=زول الله;629334][COLOR="Blue"]عمنا قرقاش اولن بالتبادي ازييك وعساك فاين في هذه الفانية المافاينة وسامحنا على السهو

اها نجي لـ تانياً:
أأكد ليك بمالايدع مجالاً للشك وقطع شك عديييل
إنك وبهذا البوست الدسم قد دخلت التاريخ السودانوياتي من أوسع ابوابه كـ كــوز ومقرش* كمان
ولو مااخاف الكضب كوز بي كرش محترم
ف من هذا المنطلق اجدني متحمساً لأقول لك: مبروك التنصنيف الجديد ياعمك







*مقرش دي يعني عندك قروش النار ماتاكلا
---------------------------------------------------------
هو اكان ماهو كوز ومقرش كمان كان بيجيب لينا صور وليدات المصارين البيض من حى المنشية.....تلقى هسع حفيده وسطهم ...نقول الله يحفظهم وانت يا ود اختى اقع الثورات او امبدة......

[أبو جعفر]

المشاركة الأصلية كتبت بواسطة قرقاش

ابوجعفر ..لك كل التحايا الطيبات والدعوات الصادقات بان يرزقك الله راحه البال ..والصحه والعافيه ..
الحكايه ماكدى ..الحكايه ..الكومر كان طالع من امظاهره للشيوعيين وكان مليان ... جكس ..وواحد شماشى مصر على الركوب فى الكومر وقعد يهتف هتافات الشيوعيه عشان يركبوهوا الكومر ..مع الجكس ...اها عمك الشاويش قال ليه الحكمه اعلاه ..
لك تحياتى ...و خلينا نهتف ...عاشت الشورى مع الديمقراطيه ..
اوعى اكون عكيت ..؟

أنت يا قرقاش تعك زي ما عايز طالما نفسك هادي وبتناقش القدامك وما بتفرض رأيك عليه .. وهو المطلوب عشان الدنيا تتعدل.. وتتعدل دي هي سبب إرسال الأله العادل للرسل والرسالات ... يعني الدين لإقامة العدل وليس فرض الظلم لإقامة الدين ... حتى لا تبقى على الناس حكاية الخزين "الإعلام الشعبي".

فقد وجد الخزين - حسب ما حكى مصطفى البطل - نفسه أمام تظاهرة للشيوعيين المؤيدين للرائد هاشم العطا وانقلابه فتصدرها بمايكروفونه النقّال وهو يهتف: (الخزين الخزين في طريق لينين.. سايرين سايرين في طريق لينين). وعند اندحار الانقلاب في اليوم التالي أرسل جهاز الأمن في طلب الرجل، فخرج من منزله والمايكرفون في يده وهو يهتف للرئيس نميري! وعند السؤال عن هتافه للينين في اليوم السابق أجاب: (والله يا جماعة كنت قايل لينين ده فريق جديد في الليق)!. يعني الظلمة تتقاتل والخزين كان حيروح في الرجلين.

[Hassan Farah]

المشاركة الأصلية كتبت بواسطة أبو جعفر

أنت يا قرقاش تعك زي ما عايز طالما نفسك هادي وبتناقش القدامك وما بتفرض رأيك عليه .. وهو المطلوب عشان الدنيا تتعدل.. وتتعدل دي هي سبب إرسال الأله العادل للرسل والرسالات ... يعني الدين لإقامة العدل وليس فرض الظلم لإقامة الدين ... حتى لا تبقى على الناس حكاية الخزين "الإعلام الشعبي".

فقد وجد الخزين - حسب ما حكى مصطفى البطل - نفسه أمام تظاهرة للشيوعيين المؤيدين للرائد هاشم العطا وانقلابه فتصدرها بمايكروفونه النقّال وهو يهتف: (الخزين الخزين في طريق لينين.. سايرين سايرين في طريق لينين). وعند اندحار الانقلاب في اليوم التالي أرسل جهاز الأمن في طلب الرجل، فخرج من منزله والمايكرفون في يده وهو يهتف للرئيس نميري! وعند السؤال عن هتافه للينين في اليوم السابق أجاب: (والله يا جماعة كنت قايل لينين ده فريق جديد في الليق)!. يعني الظلمة تتقاتل والخزين كان حيروح في الرجلين.

---------------------------------------------------------
طاب مساؤك ابوجعفر
قد تكون لمصطفى البطل روايته فهو كاتب ذو خيال واسع لكنى اؤكد لك كشاهد عيان ان هذا الموكب الذى علت حناجره بالهتاف سايرين سايرين فى طريق لينين انطلق من جامعة الخرطوم عصر 25 مايو 1971 مارا بشارع الجامعة و امام القصر الجمهورى فى طريقه الى استاد الخرطوم حيث امتلأ الاستاد بالجماهير احتفالا بالعيد الثانى لثورة مايو بحضور جمال عبدالناصر والقذافى
طبعا فى الشهور الاخيرة التى سبقت هذا الحدث كان نميرى قد تخلص من هاشم العطا وبابكر النور وفاروق عثمان حمد الله وكان الحزب قد انقسم وعبدالخالق كان معتقلا فى الشجرة
الهتاف معنون لجماعة معاوية واحمد سليمان الذان قسما الحزب وتخلا عن الخط اللينينى كما كان يرى منظمو الموكب

[أبو جعفر]

المشاركة الأصلية كتبت بواسطة Hassan Farah

---------------------------------------------------------
طاب مساؤك ابوجعفر
قد تكون لمصطفى البطل روايته فهو كاتب ذو خيال واسع لكنى اؤكد لك كشاهد عيان ان هذا الموكب الذى علت حناجره بالهتاف سايرين سايرين فى طريق لينين انطلق من جامعة الخرطوم عصر 25 مايو 1971 مارا بشارع الجامعة و امام القصر الجمهورى فى طريقه الى استاد الخرطوم حيث امتلأ الاستاد بالجماهير احتفالا بالعيد الثانى لثورة مايو بحضور جمال عبدالناصر والقذافى
طبعا فى الشهور الاخيرة التى سبقت هذا الحدث كان نميرى قد تخلص من هاشم العطا وبابكر النور وفاروق عثمان حمد الله وكان الحزب قد انقسم وعبدالخالق كان معتقلا فى الشجرة
الهتاف معنون لجماعة معاوية واحمد سليمان الذان قسما الحزب وتخلا عن الخط اللينينى كما كان يرى منظمو الموكب

مرحبا حسن
بحسب ما ذكرت فالهتاف استمر حتى 21 يوليو في نفس العام - 1971م - حين استولى هاشم العطا على البلاد في 19 منه وسارت مواكب الرفاق تهتف بهتاف الخزين الذي يعد بالمجازر وقتل الكولاك.. إلا أن الله رد كيدهم إلى نحرهم في 22 يوليو فقتلوا هم بدلاً.

ملحوظة:
جمال والقذافي حضروا العيد الأول أي في 1970م حيث مات جمال عبد الناصر في 28 سبتمبر 70 ...

[Hassan Farah]

المشاركة الأصلية كتبت بواسطة أبو جعفر

مرحبا حسن
بحسب ما ذكرت فالهتاف استمر حتى 21 يوليو في نفس العام - 1971م - حين استولى هاشم العطا على البلاد في 19 منه وسارت مواكب الرفاق تهتف بهتاف الخزين الذي يعد بالمجازر وقتل الكولاك.. إلا أن الله رد كيدهم إلى نحرهم في 22 يوليو فقتلوا هم بدلاً.

ملحوظة:
جمال والقذافي حضروا العيد الأول أي في 1970م حيث مات جمال عبد الناصر في 28 سبتمبر 70 ...

---------------------------------------------------------
صباحاتك بالخير ابو جعفر
فيما يخص السنة فعلا انت على حق لكن ما اوردته انا عن الحدث صحيح تماما ...انا كنت عايش فى قلب الخرطوم ومتابع لكل ما يجرى ...تفاصيل انقلاب هاشم العطا كلها اوردتها فى بوستات عديدة هنا فى سودانيات....هتاف سايرين سايرين فى طريق لينين لم اسمعه يتردد الا فى تلك المرة... يوم 22 يوليو 1971 كنا نراقب ما يحدث امام القصر من عند عمارة قرنفلى...جماعة الانقلاب كانوا محبطين لورود اخبار بان ليبيا قد القت القبض على بابكر النور وفاروق عثمان حمدالله...لهذا لم يكن هناك مجال لترديد هتافات سايرين كما ذكرت انت...بالعكس جماعة نميرى هم الذين اكسبهم خبر اعتقال بابكر وفاروق بعض الحماس فارتفعت معنوياتهم فتجمعوا فى شارع القصر خلف عمارة قرنفلى وصاروا يهتفون: عائد عائد يا نميرى