مقترح لائحة سودانيات الجديدة : أسئلة و أجوبة .

[ماجد تاج]

ـ


يا عم حسين كيف أحوالك ..

أنا ما قدمت مقترحات جديدة ولا وعدت بتقديمها ..

أشرت فقط الى أنه ثمة أمور أكبر من مجرد السرقة الادبية كان الاولى حال اتجهت النوايا الوجهة دي تضمن برضو ..

كلامي كان للتدليل فقط على أن ايراد مسألة السرقة الادبية لم يكن من قبيل الحرص على العام كما يحاولون الايحاء به ..

كان مجرد تصفية لخلافات قديمة ..



ـ

[أمير الأمين]

1-مع قفل الخاصية التعديل بعد 24 ساعة
2-بخصوص بند السرقة الادبية ارى ان يحذف
3-كذلك يعدل بند الاستئناف ليصبح مرة واحدة من غير تحديد
سقف زمنى (من حق المتضرر ان يرفع مظلمته فى اى دورة شاء
اذا احس انه لن يجد العدالة فى الدورة المعنية)

[النور يوسف محمد]

المشاركة الأصلية كتبت بواسطة حسين عبدالجليل

تحياتي أح النور :

لو فهمتك صح فأنت تقصد أن يستمر الوضع كما هو الآن (حيث أنه الآن تقفل خاصية التعديل بعد مرور 24 ساعة). هل هذا الفهم صحيح ؟

بسم الله الرحمن الرحيم


نعم هو كما فهمته ،ربما لم تكن عبارتى واضحة ،
من المؤيدين جداً لقفل خاصية التعديل بعد مرور 24 ساعة
يمكن ان يكون التعديل بمداخلة منفصلة فى البوستات الحوارية ،
لا مانع لدى من فتح التعديل فى المنتديات المتخصصة مثل نوافذ ،،،،،

أؤيد فتح التعديل فى حالة أن يكون مسموحاً للعضو العادى برؤية التعديل ،
( خاصية رؤية التعديل غير متاحة للأعضاء لأنها ـ تقنياّ متعذرة وتتقاطع مع خاصية الدخول عند الإداريين )

تحياتى

[معتصم الطاهر]

المشاركة الأصلية كتبت بواسطة ماجد تاج

ـ

1 ) مسألة سريان القرار بالعقوبة قبل فصل المجلس فيه ..



2 ) طريقة الفصل في الشكاوي الحالية فيها خلل كبير جداً ..



3 ) شكل المذكرة البيقدمها الامين العام والمتضمنة قراره بشأن الشكوى محتاجة تعديل ..
ا[/COLOR] ..

طالما أن الحق حالياً مكفول دون قيد زمني فدا بيمشي الحال ..

ما شايف حاجة للتعديل ولا مبرر ليه لأنه بيشكل مزيداً من التضييق ..

كل المطلوب يا خال قدر اكبر من الحيادية والاخلاق فيمن يقوم بأمر المكان .. لا غير

عموماً : بقاء الحق في الاستئناف حتى انقضاء الدورة باقي لي أجدى وأكثر عمليةً ..

.


ـ

هذه مواد هامة و يجب أن تتضمن فى التعديلات لذا اقترح هذه التعديلات .

شكاوي و الجزاءات

7- عند التقدم بشكوى من عضو او وجود مخالفة للوائح يكتب الأمين العام للعضو المشنتكي ضد فحوى الشكوى تتضمن صاحب الشكوى. و على العضو الرد خلال (48) ساعة. بعدها يق للأمانة العامة البت فى الشكوى. إلا فى حالات المخالفات للدستور فإنها تنظر و يتخذ فيها القرار فورا أو فى حالات تكرار المخالفة بعد إخطار الأمينالعام للعضو المخالف.

2- اقترح إضافة التالي حقوق المالك

ك - للمالك أو من يمثله حق إلغاء العقوبة و رفعها دون إلغاء الإدانة.

3- مهام المجلس
و - تطوير المنتدى مع المالك و الاشراف الفنى تقنيا و استكتاب عضوية فاعلة و مؤثرة.

[ناصر يوسف]

انا بشوف اللآتي يا شباب ،،،

1- كيف نعالج مسالة تعديل المداخلات بعد 24 ساعة .

ودي في رأيي المتواضع جداً ،، تبقي كما هي عليه لأسباب كتيره ،،،
كدي إتخيلوا معاي بإنو في موضوع إتكتب وانا تداخلت فيه والموضوع مشي للصفحة التالته أو الرابعه ،،

وجيت تاني أتداخل فيه وباني إضافتي الجديده علي ما تم نشره في الصفحه التانيه مثلاً ،،،

وفجأةً كده لقيت إنو الأنا باني عليه مداخلتي تمَّ تعديلو ...

أها يبقي شنو يعني ؟؟ يعني لاااااااازم أجي وأرجع أقرأ البوست تااااااني منأولو عشان أضيف ليه ولا شنو ؟؟

هو ذاتو وينو الوقت يا شباب ؟؟


2- الادانة في السرقة الادبية

دي بقه مهمه للغايه ،، وهو ذاتو عليكم دينكم وإيمانكم زول حرامي نسوي بيه شنو هِنِي ياخ ،،، زول ما عندو التكتحو دي فيشان يكتب يجي ويجيب لينا منتوج زول تاني ومن غير أي خجله ما يقول لينا الكلام ده كلام فلان بن علان ود فلانه الفلانيه ،،،

الإدانة فالإدااااااااااااانه مهمه ياخ



3- تحديد المدد الزمنية للأستئناف .

أول شئ مسألة الإستئناف دي عاوزه ليها شوية تفكير

طيب قول كده إنو أنا ناصر يوسف ده وقفوني 15 يوم مثلاً مثلاً ،،، وأنا شايف إني مظلووووووووووووووووووم يا بيه ،،،

أهاااااااااا المفروض إني أستئنأف للمجلس الوقفني ده ولا شنو ؟؟

طيب أستئنأف متين بالضبط ؟؟؟

أنا شايف 48 ساعه كافيه لفترة الإستئناف لأنو ممكن أكون إتوقفت لفترة تلاته أيام ولا أسبوع ،،،

واللجنة يجب إنها تراعي سرعة الإجتماع العااااااجل عشان تنظر في إستئنافي ده وتبت فيه بسرعة ياخ

ولا شنو ؟؟؟

لما نخليها مطلوقة ساكِت في السَهَلَه كدي ما بينفع ياخ ،،، ولا شنو بالله

ربنا يبارك ليكم كلكم ويبارك في أعضاء اللجنة القبلو التحدي والتكليف شكراً ليكم يا شباب

[حسين عبدالجليل]

المشاركة الأصلية كتبت بواسطة نبيل عبد الرحيم

[COLOR=#ff0000]

الأخ ماجد
سلام
....... لنا جعفر ......لكرهك للحزب الشيوعى ........والإدارة رفضت تثبيت بوست للحزب الشيوعى........... المؤتمر الوطنى , الكيزان وكارهى الحزب...........................................

............ بكيزان وعملاء أمن و منهم من قام بتعذيب شيوعين ............
ولنا جعفر................ ........./COLOR] أما معتقداتها ................. .
لك الود

المشاركة الأصلية كتبت بواسطة ماجد تاج

ـ

الحزب الشيوعي .. ..
..................................
الشيوعيين ،
أضيق بكهنوتية الشيوعيين...............

.......... أي شيوعي بوست عن الحزب الشيوعي وبرامجه ؟

أ......ف الشيوعي......... بحذر الشيوعي الزائد

أمامك مداخلات لنا




.................................................. .........
لنا جعفر
.................................................. ...........
تقديري



ـ

الأخوين نبيل وماجد :

أرحمونا !

[عكــود]

المشاركة الأصلية كتبت بواسطة ود الخير

أؤيد هذه الثلاثاء نقاط .

المشاركة الأصلية كتبت بواسطة لنا جعفر

مساء الخير للأحبة
1/فيما يختص بالتعديل فأنا أؤيد استثناؤه في الأعمال الأدبية بمختلف انواعها
وأُعارضه فيما عدا ذلك مع الإستمرار في وضع عبارة تم التعديل بواسطة فلان
2/أُؤيد الإبقاء على فقرة السرقة الأدبية فلا مسوغ لحذفها ولامبرر لجعلها فعلاً
مباحاً لأنها لاتروق للبعض وهي فعل مُجرم وقبيح ولا يستوي ان يكون مرتكبها مرشحاً لشغل أي منصب إداري او تنفيذي
3/ أؤيد تحديد فترة للأستئناف فلايمكن اطلاق فترته وذلك انحيازأً لمبدأ
حجية الأحكام اللائحية الصادرة وتركها يناقض المعمول به والمقبول عقلاً ومنطقاً
وهذا خطاً ضخم

المشاركة الأصلية كتبت بواسطة أمير الأمين

1-مع قفل الخاصية التعديل بعد 24 ساعة
2-بخصوص بند السرقة الادبية ارى ان يحذف
3-كذلك يعدل بند الاستئناف ليصبح مرة واحدة من غير تحديد
سقف زمنى (من حق المتضرر ان يرفع مظلمته فى اى دورة شاء
اذا احس انه لن يجد العدالة فى الدورة المعنية)

المشاركة الأصلية كتبت بواسطة النور يوسف محمد

بسم الله الرحمن الرحيم


نعم هو كما فهمته ،ربما لم تكن عبارتى واضحة ،
من المؤيدين جداً لقفل خاصية التعديل بعد مرور 24 ساعة
يمكن ان يكون التعديل بمداخلة منفصلة فى البوستات الحوارية ،
لا مانع لدى من فتح التعديل فى المنتديات المتخصصة مثل نوافذ ،،،،،

أؤيد فتح التعديل فى حالة أن يكون مسموحاً للعضو العادى برؤية التعديل ،
( خاصية رؤية التعديل غير متاحة للأعضاء لأنها ـ تقنياّ متعذرة وتتقاطع مع خاصية الدخول عند الإداريين )

تحياتى

المشاركة الأصلية كتبت بواسطة ناصر يوسف

انا بشوف اللآتي يا شباب ،،،

1- كيف نعالج مسالة تعديل المداخلات بعد 24 ساعة .

ودي في رأيي المتواضع جداً ،، تبقي كما هي عليه لأسباب كتيره ،،،
كدي إتخيلوا معاي بإنو في موضوع إتكتب وانا تداخلت فيه والموضوع مشي للصفحة التالته أو الرابعه ،،

وجيت تاني أتداخل فيه وباني إضافتي الجديده علي ما تم نشره في الصفحه التانيه مثلاً ،،،

وفجأةً كده لقيت إنو الأنا باني عليه مداخلتي تمَّ تعديلو ...

أها يبقي شنو يعني ؟؟ يعني لاااااااازم أجي وأرجع أقرأ البوست تااااااني منأولو عشان أضيف ليه ولا شنو ؟؟

هو ذاتو وينو الوقت يا شباب ؟؟


2- الادانة في السرقة الادبية

دي بقه مهمه للغايه ،، وهو ذاتو عليكم دينكم وإيمانكم زول حرامي نسوي بيه شنو هِنِي ياخ ،،، زول ما عندو التكتحو دي فيشان يكتب يجي ويجيب لينا منتوج زول تاني ومن غير أي خجله ما يقول لينا الكلام ده كلام فلان بن علان ود فلانه الفلانيه ،،،

الإدانة فالإدااااااااااااانه مهمه ياخ



3- تحديد المدد الزمنية للأستئناف .

أول شئ مسألة الإستئناف دي عاوزه ليها شوية تفكير

طيب قول كده إنو أنا ناصر يوسف ده وقفوني 15 يوم مثلاً مثلاً ،،، وأنا شايف إني مظلووووووووووووووووووم يا بيه ،،،

أهاااااااااا المفروض إني أستئنأف للمجلس الوقفني ده ولا شنو ؟؟

طيب أستئنأف متين بالضبط ؟؟؟

أنا شايف 48 ساعه كافيه لفترة الإستئناف لأنو ممكن أكون إتوقفت لفترة تلاته أيام ولا أسبوع ،،،

واللجنة يجب إنها تراعي سرعة الإجتماع العااااااجل عشان تنظر في إستئنافي ده وتبت فيه بسرعة ياخ

ولا شنو ؟؟؟

لما نخليها مطلوقة ساكِت في السَهَلَه كدي ما بينفع ياخ ،،، ولا شنو بالله

ربنا يبارك ليكم كلكم ويبارك في أعضاء اللجنة القبلو التحدي والتكليف شكراً ليكم يا شباب

الأفاضل،

ود الخير، لنا، أمير، النور، ناصر

شكراً ليكم.

[عكــود]

المشاركة الأصلية كتبت بواسطة معتصم الطاهر

هذه مواد هامة و يجب أن تتضمن فى التعديلات لذا اقترح هذه التعديلات .

شكاوي و الجزاءات

7- عند التقدم بشكوى من عضو او وجود مخالفة للوائح يكتب الأمين العام للعضو المشنتكي ضد فحوى الشكوى تتضمن صاحب الشكوى. و على العضو الرد خلال (48) ساعة. بعدها يق للأمانة العامة البت فى الشكوى. إلا فى حالات المخالفات للدستور فإنها تنظر و يتخذ فيها القرار فورا أو فى حالات تكرار المخالفة بعد إخطار الأمينالعام للعضو المخالف.

2- اقترح إضافة التالي حقوق المالك

ك - للمالك أو من يمثله حق إلغاء العقوبة و رفعها دون إلغاء الإدانة.

3- مهام المجلس
و - تطوير المنتدى مع المالك و الاشراف الفنى تقنيا و استكتاب عضوية فاعلة و مؤثرة.

سلام يا معتصم،

ديل إضافات لتلاتة مقترحات جديدة، وإذا دققنا أكتر برضو ممكن نلقى مقترحات إضافات غيرها للتفصيل أكثر وأكثر؛ وده بيغرقنا في مناقشة تفاصيل عدّة بيتفرّع فيها النقاش ويمتد إلى وقت طويل. شخصيّاً عندي تعليق على كل من التلاتة مقترحات الإتفضلت بيها، لكني لا أتمنى أن نفتح باب نقاش جديد.

يبدو لي، الأجدى إنو الناس تقول رأيها في النقاط الخلافية التلاتة الأخدت حظّها من النقاش، عشان الإدارة تتلمس الرأي العام للعضوية، وعلى ضوئه تتم المراجعة.

ما لا يُدرك كلّه، لا يُترك جلّه.

تحياتي.

[عكــود]

المشاركة الأصلية كتبت بواسطة أمير الأمين

1- كيف نعالج مسالة تعديل المداخلات بعد 24 ساعة .
قبل الاجابة يبقى السؤال
هل ستتم الارشفة ام لا ؟
وماهو اطارها الزمنى ؟
2-بخصوص بند السرقة الادبية ارى ان يحذف
3-كذلك يعدل بند الاستئناف ليصبح مرة واحدة من غير تحديد
سقف زمنى (من حق المتضرر ان يرفع مظلمته فى اى دورة شاء
اذا احس انه لن يجد العدالة فى الدورة المعنية)

سلام يا أمير،

الأرشفة لم توضع لها خطة حتى الآن، وأعتقد أنه قد حان أوان التفكير فيها، لكن ليس هناك -على الأقل في الوقت الحالي- إطار زمني لها.

على ضوء هذه المعلومة يمكنك قول رأيك في خاصية التعديل.

مع تحياتي.

[أمير الأمين]

المشاركة الأصلية كتبت بواسطة عكــود

سلام يا أمير،

الأرشفة لم توضع لها خطة حتى الآن، وأعتقد أنه قد حان أوان التفكير فيها، لكن ليس هناك -على الأقل في الوقت الحالي- إطار زمني لها.

على ضوء هذه المعلومة يمكنك قول رأيك في خاصية التعديل.

مع تحياتي.

سلام يا عمدة
بعد وضوح الامر قطعا مع قفل الخاصية التعديل بعد 24 ساعة



تحياتى

[عكــود]

شكراً أمير.

لو تسمح قوم بعكس رأيك في مداخلتك القبل دي، عشان يكون رايك في التلاتة نقاط في مداخلة واحدة.
ومن ناحيتي حأعدّل الإقتباس بعد تعديلك.

تحياتي.

[أمين محمد سليمان]

سلام يا حلوين و لعلكم طيبين ....
الواحد بصفتو مفكر و صحفي و أديب ناشط في حقوق الانسان و داعية للديمقراطية و التبادل السلمي للسلطة :mosking: ما ممكن يفوت نقاشات عميقة زي دي ... فادونا معاكم فرقة بالله :

- كيف نعالج مسالة تعديل المداخلات بعد 24 ساعة .
رأيي إنو ما يكون في سقف زمني للتعديل طالما زمن و تاريخ التعديل مكتوب ...يعني لو نزلت مداخلة و بعد دقيقة عايز أعدل ممكن ...بعد تلاتة سنين ممكن ...طالما بيظهر في المداخلة متى إتعدلت ... و بكدة بنكون وفينا بحق الزول بتعديل كلامو متى رأى ذلك ..و حق باقي الناس انهم يعرفو إنو فلان ده عدل يوم كده الساعة كده .
و مسألة التعديل البعد زمن طويل دي ذاتها بتتحل بالارشفة لانو من ضمن منافع الارشفة إنها بتمنع إغراق المنتدى ببوستات قديمة !!

2- الادانة في السرقة الادبية هل تحرم المدان من الترشح لمجلس الادارة ( بما فيه الأمين العام).
مش الادانة في السرقة الادبية و بس مفروض تحرم المدان من الترشح لمجلس الادارة... أي عمل إسفيري - ما عندنا شغلة ببرة المنتدى - لا أخلاقي مفروض تحرم المدان من الترشح لمجلس الادارة ... زي التنافي مثلا !!
ما عارف كيف زول يؤتمن على إدارة المنتدى و ما فيه من أسرار و هو لم يتورع عن سرقة مجهود شخص آخر ...أو يكتب باكثر من إسم !!

3- تحديد المدد الزمنية للأستئناف .
رأيي إنو ما تحدد مدة زمنية للأستئناف !!

4- سب عقيدة عضو آخر أو التعرض بالسب أو الاساءة أو الكتابة السالبة للذات الإلهيّة و الرُسُل والأنبياء والمقدّسَات أو التعرّض بصورة سلبية للتنوع الديني والعرقي والاثني والثقافي. أو جلب أو نقل مادة تشير لكل ذلك دون نقده.
أولا مفروض نفرق بين وجهة نظر - مهما كانت قاسية - في دين أو معتقد أحد ..و بين الشتيمة لهذا الدين أو المعتقد ... يعني مافي مانع يجي زول ملحد يجيب أدلة على عدم وجود الله أو على إنو الرسول صلى الله عليه و سلم ما رسول ... لكن ما يجي يسب الله أو رسوله أو أي دين ...إن شاء الله الديانة الهندوسية ...
وجود البند ده في اللائحة مهم ...لانو مقدسات الناس مهمة... و لو الزول براهو من نفسو ما عايز يحترم مقدسات الناس ...لازم يكون في بند بمنع الاساءة دي !!
و كان تابعتو بكة في قصة الاديان دي المنتدى ببقى زي منتدى الملحدين العرب !! :tease:


------------
غايتو الزول الغير الوشوش و الالوان و باقي الحاجات ما عافي ليه !!

[عكــود]

شكراً أمين ومرحب بطلّتك.

[وهاد ابراهيم محمد]

1- كيف نعالج مسالة تعديل المداخلات بعد 24 ساعة:
السماح بالتعديل بدون تحديد سقف زمني, طالما بالإمكان إظهار ما يشير لحدوث تعديل وتحديد زمنه ومعدّله.


2- الادانة في السرقة الادبية تحرم المدان من الترشح لمجلس الادارة والأمانة العامة:
الإبقاء عليها.

3- تحديد المدة الزمنية للأستئناف .
يُسمح بالإستئناف بدون قيد زمني.

[نبيل عبد الرحيم]

=حسين عبدالجليل;569751]الأخوين نبيل وماجد :

أرحمونا !

الأخ حسين
أتحفظ على كلمة إرحمونا ؟؟؟؟؟؟؟؟؟؟؟؟؟ّ!!!!!!!!!!!
أرحمك من شنو ؟ الله هو الذى يرحم .
الأمانة الأدبية كانت تحتم عليك خاصة وأنت تتقلد المسئولية نشر مداخلتى كاملة وكونك إقتطعت وبترت أجزاء من مداخلتى حتى تخرج من صياغها ومحتواها وتظهرنى كأنى فى جدال مع تاج عن الحزب الشيوعى فى بوست يخصك ويخص اللائحة !!.

ياأخى كلامى لم يكن خارج البوست بل فى صلبه لأنى حاولت أقول لماجد أنه لا يجب أن تحاسب المرشحين على حسب إنتماءتهم السياسية والمعيار هو أدائهم فى الإدارة وضربت له مثال أن سودانيات مجتمع مصغر من الوطن يجمعنا بعملاء أمن وكيزان لكن مضطرين نتعايش مع الأمر .
وهو يتهم الإدارة إنها شيوعية مع أنه أسلوب من أساليب الضغط لكن ضربت له مثال إن الأمين العام والمجلس وممثل المالك رفضوا تثبت بوست للحزب الشيوعى مع أن الدعوة كانت عامة وتخص إحتفال قومى إذا إتهامه غير صحيح ويبغى من وراءه الإبتزاز والضغط وراجع لخلافه مع لنا جعفر وليس راجع لقصور فى أداء لنا جعفر أو الأمين العام ويجب أن تترفع عن الصغائر لأن المقياس فى حكمنا هو على أداءهم رغم أحيانا نختلف فى الرأي ووجهات النظر لكن لا نبني أراءنا على ميولهم السياسية .
رجاء ياحسين أرحمنا أنت وخليك منصف وأنا لا أشخصن الخلاف فى الرأي .
ولا أعرف لماذا توقفت عند مداخلتى أنا فقط فى ردى لماجد رغم إنها كانت خالية الدسم وبيعيدة عن التشاحن ارغم أن كثيرين قاموا بالرد عليه ودخلوا فى جدال لكن لأنى كلامى لم يعجبك ويسبب لك ولغيرك حساسية توقفت عنده فقط ,إحتمال عشان ماعندنا ظهر وشللية . وعارف أن كثيرين لا يرغبون فى وجودى وكلامى ثقيل على قلبهم وكما دفعونى من قبل للتوقف عن نشر أى توثيق وفعاليات يردون منى التوقف رغم أنى من أقدم الأعضاء إلا إذا أرتم إقاف حسابى وهذا ماتتمنوه .
العدل أساس الملك والله ياحسين كنت أكن لك إحترام لكن خذلتنى وتمنيت سعة صدرك وأنا لا أخاف لومة لائم فى قول الحق .
تركنا لك البوست يا حسين مدام مداخلتى كانت ثقيلة على قلبك وعلى قلوب أخريين يعنى مانصوت وماندلوا برأينا كمان ؟
يبقى أذا سلم لى على الديمقراطية قال ديمقراطية قال
والمعذرة إذا كانت مداخلتى أزعجت لهذا الحد لتقول أرحمونا !!
الأخ ماجد
سوف ارد على مداخلتك فى مكان أخر غير هنا .
على العموم حتى لا نبخبث مجهود اللجنة الموقرين أشكرهم مره أخرى على لمجهود .
وأسمح لى أكرر وجهة نظرى لأعضاء اللجنة أنه يجب ترك خاصية التعديل مفتوحة .
لكم الود